الموضوع: هل احد راح صيفية الي اورلاندو

شكرا اخوي لردك ..
ورايك اجل اشيلها من راسي...
ماادراك ...
استراليا في بالي ..بس شايلة هم البعد....
على كل شكرا مرة ثانية..

اورلاندو
خيااااااااااال ولااتوقع اشوف ديره بجمالها
لكن في الظروف الراهنه ...الله لايحدني اروح لهم...
اعوذ بالله
والله ولا انفعهم بريال

يازين ابها والخميس ومكه والمدينة............

أورلاندوا هي حلم

اللي ماراح أورلاندوا ماساسافر أبد

وخصوصاً الشباب والبنات والأطفال

مدينة كل الأجيال بصراحة

محد رد علي وقالي شلون اورلاندو ... شلون اجراءات الامن والمضايقات ؟؟؟؟؟؟؟؟

السراب كم اخذت فيزتك..
ورحلتك عمل والا استجمام

ياساتر 6 شهور
والله لو تجيني فيزا بعد هالمده كنسلت السفر وش دعوه وين بروح المريخ

سي يوو

مرحبا ... انا دايما اقرا بس ما اشارك لكن موضوع اورلاندو ماقدر اوقف عندة لان امريكا وللاسف ام الدنيا خاصة فلوريدا انا زرتها العام الماضي واللي قبلة مافي اي مضايقات اجراءات امنية عادية لاي بلد يحصلها اللي حصل لامريكا وانا وزوجي رحنا شهر ونص نيويورك -واشنطن دي سي -اورلاندو - ميامي رحلة الاحلام استخدمنا كذا مطار وكذا سيارة مافي اي شي والفيزا حقي اخذت يوم واحد وزوجي اسبوعين والسنة هذي رحت استراليا وتحسفت .. ابعد دولة بالعالم ومافي شي يسوى السوق مافي بضاعة والمحلات والملاهي تسكر الساعة خمس ونص العصر وكايبة حسافة الفلوس فيها انصح اي احد انة يروح امريكا ومايخاف طول ما انت في السليم محد يكلمك واتمني انك تزورين امريكا خاصة اورلاندو لانها حياة خاصة جدا المطاعم والمولات والرحلات غير ان الامان شي موطبيعي وكل الناس تبي تساعدك والحجاب شي عادي يحترمون المسلميين مثل اي ديانة ثانية ...روحي وتوكلي علي اللة واذا عزمتي علميني اسويلك دليل سياحي وحاضرين للطيبين

هذا بلا ابوك ياعقاب...
على فكرة انا قد رحت لها...
ويامال الثانكس على ردك الحلو..
قبولة

قبلة الخلق تبين معلومات ... جاهزين
دايتونا بيتش
تامبا
كيب كنافرال ( مكان اقلاع المكوك الفضائي )
شرش ستريت
مطعم الجوف ( يفتح خلال اشهر الصيف )
بس هل سبق لك السفر لأمريكا ... ؟ مهم إجابة هذا السؤال

للمعلومية ... الولايات اللي زرتها
بسم الله علي

ميتشيجان ............... ديترويت ................ جورجيا .............. اتلانتا ................. فلوريدا .......
أوريجن ..... كاليفورنيا ............... نيفادا ....................... اريزونا ................. نورث كارولاينا ........ ساوث كارولاينا ...........

انا سكنت في ارولاند سنتين من اروع المدن اللي سكنت فيها فيها كل شي ورخيصة والناس فيها محترمين بس الشرطة عيال ****ولكن لا تسرعون بالسيارة والله يرحم ايامك يا كايرو

بقلب جامدة اركبي الطيارة على اورلاندا ولا تنسون ميامي تراها اربع ساعات على السيارة

:surf

قبلة الخلق .... والله خمس دقايق ... وتصدقين أو ما تصدقين ... والله والسفارة خارج العمل الرسمي ...
بس كانت الواسطة من الداخل ...

اورلاندوووو حلووووووووووووووه لكن ؟؟؟؟؟؟؟؟؟؟

أورلاندو رائعه حتي ناسها طيبين بلد حي
من أجمل المدن الي زرتها

شوفوا يا ناس ( نجلاء البدر ) وش تقول ...
صحيح اللي ما يعرف للصقر يشويه ... آه ... آه ... يا قلبي وجعني ...
انا بالاكيد ... أجزم ... انك يا ( نجلاء البدر ) .... يا إما ... ما عندك عيال صغار ... يا إما انت رحتي هناك بدون أطفال ... يا إما ما تحبين الاطفال ... يا إما ( إسمحي لي بالكلمة ) ... إنك كبيرة في السن شوي ...

معقولة أورلاندو ... ذلك العالم الخيالي من العلم والمعرفة (( والله يا أخت )) أورلاندو ... أو عالم ديزني ... هو العلم بالترفيه حقيقة بكل معانيها ... عيال الواحد يفهمون كيف تصور الافلام الخطيرة ... يرجعون للبلد وهم يعرفون شيئ إسمه الخيال العلمي ... بدل ما كانوا يطبون من البلكونات ... ايام الفلم المعروف ( رجل الست ملاين ) ستيف اوستن البطل اللي الك لعارفينو ...

لا والله يا أخت ( نجلاء البدر ) ... لم تصيبي ... هل رحتي لقاعدة ( كيب كانفرال ) ... مكان إطلاق مكومات الفضاء ... وشوفتي العالم وصل فين واتطور وشلون ...
أو عالم البحار ذلك المكان الذي يمكنني تشبيهه بالجامعة المفتوحة ( لعب وتسلية وترفيه )
والله عيالنا كانوا يسمعون ((( عيالنا .... لا ... والله حنا من قبل عيالنا ))) كنا نسمع الدلفين ولا نعرف شكله ... حجمه ... لونه ... كنا نسمع عن الحوت ... والله يوم اشوفه بغى يغمى علي ... القرش شفناه على الطبيعة ... ولمسته بس من ورا القزاز ...
يا أخت أورلاندو ثقافة وتعليم ... وانا صرفت فيها في شهر واحد بالضبط (70 ) سبعين الف ريال ... ولم اندم على ريال واحد قط صرفته هناك ... الله يكافي اللي كان السبب وقطعنا عن الروحات لهناك ...
وخلى أخوكي راعي السيكل يصف دولارهم بــــ (( الدولار .... أمريكي )) ... كنت اصفه وصف شنيع ... لم يعجب البعض ونصحوني بعدم وصفه كذلك ...

سلام

على فكرة ريحى بالك اورلاندو مرة بايخخخخخخخخخة من جد وحر موت ورطوبة وبعدين انا ماحبيتها مع ان الديزنى لاند تبعتها اكبر من تبعة لوس انجلوس وكمان السى ورلد بس البلد احسة فاضية مسافات كبيرة فيها ولازم سيارة تكون تبعتك ماهى تكاسى وفيها الشارع البايخ التشيرتش ستريت ماادرى لية عاجبهم روحى لميامى اصرف لك مليون مرة وبعدين ايش الول مارت هذا هايبر ماركت والا الفلوريدا مول الراشد اكبر منة بصراحة اورلاندو سمعة على الفاضى الى يحب يروح امريكا فية ولايات احلى بكثير كالفورنيا شيكاجو هيوستن وبعدين دالعوا حالكم بنيو يورك من جد متعة مابعدها متعة فى الفيفث افنيو تحس حالك ستار وبالسنترال بارك ماهى حديقة هذى تحفة مروا على البلازا هوتيل بجد خطيير



7RAM 3LIK

ALMOSHJLH ENE MGDR AKTB BAL3rBI

YA GALEH ANA LE 14 SNH ARO7 LORLANDO

W MN RO3THA SHRET LE BIT

ARO3 MADYNH 3LA WJH ALARD

WA7LA MAFEHA ANHA MDENT KOOOL AL3AELH

SLAAAM

راعي السيكل انا قد رحتلها امريكا وكل شئ رحته في اورلاندو ..من جد روعة ...
ان شاءالله ارجعلها...
قبوولة

يا راعي السيكل ابي معلومات عن اوريجن؟؟؟؟؟؟؟

مقارنة بين أرلاندو و مدينة جولد كوست كسياحة

ياأختي أنا زرت جولد كوست في عام 2005 في شهر يوليو

الجو بارد جدا , لانه شتاء - كل المواقع الترفيهيا تقفل الساعة 4 مساء - السبب النهار جدا قصير
الموصلات نعتمد على الباصات السياحية وسعرها في ذلك العام معقول مقارنة بسعر صرف الدولار الأسترالي ( 1دولار = 3ريال)

التعامل مع الفنادق للإستئجار عن طريق مكتب لاواند والذي لا يوجد له فرع سوى في دبي
يعني الشخص في السعودية يتعامل مع أكثر من وسيط ( مثلاً : مكتب جده - ثم مكتب دبي -ثم مكتب لاواند جولد كوست )
وقد عانيت من هذا التشتيت في سفرتي
الآسعار شوي غاليه نوعاً ما وتعتمد على موقع الفندق .

استإجار للسيارة شوي غالي ونظام القيادة النظام الإنجليزي ( يمين)
قد يكون تنوع المطاعم قليل والجوده عاديه

طبعا الأن كل شيء زاد عندهم حيث أصبح سعر صرف الدولار الأسترالي ( 1دولار = 3.35ريال )
تحتاج لحجز الفنادق التعامل مع المواقع الحجز للحصول على السعر المعقول
صرامة عالية في عدد الأشخاص في الفنادق

للوصول الي هناك تكلفك التذكرة فيما لا يقل عن 4900 ريال وزياده
يمكن الحصول على سعر مخفض بالطريقة التالية :
1- حجز جده --كوالا لمبور -- جده يتراوح من 2800 الي 3000 ريال سعودي
2- حجز عن طريق الخطوط الأسيويه كولالمبور -- جولد كوست -- كولالمبور 1000 ريال سعودي عن طريق موقعهم
والشراء يتم عن طريق النت
بالنسبة للتسوق لا تعبي حالك بصراحة ماهندهم شي وغالي , والله في بلدنا ارخص

أما بالنسبة لزيارة أمريكا ( أرلاندو ):

1- القدرة على القيادة بيسر وسهولة , وإستإجار السيارات يعتبر أرخص
2-تنوع كبير في المطاعم ( يعني ما تعرف تاكل ايش ) بسبب التنوع الكبير والاسعار جدا مناسبه
3-توقيت أماكن الترفيه يمتد الي التاسعه أو العاشرة مساء
4-يمكن التعامل مع النت للحصول على أسعار خيالية سواء للفنادق أو أماكن الترفيه وبأسعار والله مجنونة
5- التسوق في أمريكا شي لا يحتاج الي تعليق (( مرررررررررررررره حماس ))
6-التنوع العالي في عدد أماكن الترفيه وكبر البلاد
7-الخيال العظيم في هذه البلد والتي تحترف في صناعة الطبيعة وتقديمها في صورة خيال لا يتوقعه أحد ومناسب لكل الأعمار

8-مرونة عالية في عدد الأشخاص في الغرف حيث يصل عمر الطفل الي 17 عام ( يشارك عائلته في الغرف)
طبعا الغرف كبيرة ومثلها السرر وأنواعها كثيرة جدا جدا وأسعارها في متناول الجميع
9- ما سوف يصرف في أمريكا سيكون أقل من استراليا بمعنى ما سيصرف في أسبوعين في أستراليا يصرف في 3 اسابيع في أمريكا وخصوصا أرلاندو , حيث الأسعار أرخص

10 - نسبة الإستمتاع في أرلاندو أكثر وأشبع من جولد كوست


الفرق الوحيد هو


أجراءات الفيز و التفتيش في المطارات ولا يويجد غير ذلك



وشكراً




سامي [/size]

http://www.arabtravelersforum.com/announcement174-112/

تمنع ادارة المنتدى وضع المواضيع العلاجية

وتكرار ذلك يعرض معرفكم للايقاف

------------------------------------

مشرف البوابة الامريكية

Impact