الموضوع: شو رايكم في هالبكج لالمانيا والنمسا

السلام عليكم ورحمه الله وبركاته

تاخرنا وايد في الحجز لسفره الصيف بسبب بعض الظروف

وكنا محتارين بين السفر لاوربا امريكا او جنوب شرق اسيا

اتصلت على مكاتب للحجوزات لامريكا ولقيت اسعار التذاكر وايد غاليه

واتصلت على مكتب في بوظبي وعطاني هذه الاسعار وهذه التفاصيل شو رايكم هل ترتيب الرحله اوكيه وهل الاماكن والفنادق المحجوزه زينه

وهل بلاقي صعوبه في التنقل وركوب الترين وخاصه ان ما فينا حد بيرفكت في الانجليزي يعني نمشي حلنا


وهل عدد الايام في كل مكان مناسب ولا اغير

اتمنى تفيدوني يا اخواني يزاكم الله خير اول مره اروح لاوربا بدون ما يكون معانا شخص كبير


وهل البكتريا اللي منتشره خطيره ولا الامور طيبه لان معانا طفله عمرها شهرين

TOTAL COST OF THE PACKAGE : AED 9080 x 04 Adults = AED 36320/-


04 Adult air tickets on Emirates Airlines ( Dubai – Vienna / Munich – Dubai ) / Economy class
03 Nights accommodation in Hilton Vienna ( 4 Star) in Two units of Double rooms
02 Nights accommodation at Crowne Plaza Salzburg ( 4 Star ) in Two units of Double rooms
04 Nights accommodation in Le Meridien Munich ( 4 Star) in Two units of Double rooms
Daily Buffet Breakfast included
Hotel Taxes included
Airport Taxes included

مواضيع عشوائيه ممكن تكون تعجبك اخترناها لك:

• رأيكم بطيران عمان الانتقال من رست الى زيورخ
• المسافة بين هوفر وزيلامسي
• اللي يعرف مدينة شتوتغرت في المانيا يساعدني
• أحوال الطقس في ميونخ وزيلامسي وبراغ وسالزبورغ وبادن في سبتمبر؟؟ ضروري الله يخليكم
• جو ألمانيا في مار س
• شقق في ميونخ
• رايكم بهذا الفندق ؟ في كابرون
• بخصوص مطار ميونخ الالماني
• انا غدا بكون في ميونخ
• هام جدا للي سافر لشراء سياره
• لماذا الحذف
• محتااااااااااااااااااااااار وابي فزعتكم يا خبراء المانيا
• ابي اعرف اذا فيه محلات تبيع فساتين سهره حلوه في ميونخ
• استفسار عن السكن في ميونخ
• مساعدة في مخطط شهر عسل لأوربا
• صراحة انصدمت من اعضاء المنتدى
• ألمانيا تكرِّم رسام الكاريكاتير المسيء للرسول تقديراً لشجاعته
• تأجير سياره من ايفيس فى الكويت؟
• مشكلة تغيير رقم الجواز بسبب التجديد
• خبراء المانيا رايكم في تخطيط رحلتي

وين زيلامسي من المخطط؟؟

الفندق في سالزبورغ ممتاز بس مو قريب من محطه القطارات يبعد 700 متر هل عادي عندكم المشي واذا تبغون فندق جنب محطه القطار عندكم رمادا وراديسون فقط

وميونخ ممتاز جدا

اما فيينا عندك 3 فنادق اسمها هيلتون في فيينا

واحد هيلتون فيينا- هيلتون فيينا الدانوب-هيلتون فيينا بلازا اي واحد منهم اللي حجزتوا فيه؟؟

مشكوره اختي ويزاج الله خير على الرد

خلاص عيل بضيف زملامسي

بس سالسبورج هذه حلوه ولا احذفها من القائمه بالنسبه للفندق اللي في ميونخ ما اعرف اي واحد فيهم بسال راعي المكتب

بس اختي هل البلاد امنه وهل هذه المناطق فيها عرب يعني اذا احتجنا اي شي ممكن نلاقي حد يساعدنا لان المشكله ما بيكون معانا حد كبير الا اخوي تقريبا عمره 18 سنه

700 متر وايد بعيد وخاصه ان معانا طفلع صغيره بنحاول نغير حجز الفندق

بس اختي هل بنلاقي مراكز تسوق واوت ليت في هالمناطق ولا ما شي تسوق بس مناظر طبيعيه

شوفي الطبيعه في زيلامسي ويبغى لها اربعه ايام اقل شي

اذا تبغين رايي خلي الذهاب والعوده على ميونخ

ويصير اول ماتوصلون ميونخ رحله الصباح على طول على سالزبورغ وتقعدون فيها 3ايام وبعدها الى زيلامسي و تقعدون فيها 4ايام وبعدها الى ميونخ وتقعدون فيها يومين

الاولت لت وفيه مول كبير في سالزبورغ بس لايكون يوم سبت او احد لانه السوق يقفل

زيلامسي طبيعه اكثر شي واربعه ايام قليله عليها

ميونخ يومين تسوق ولوتقدرون تزيدون الفتره يوم او يومين كمان حطوها بميونخ

اذا مره يهمكم التسوق اكثر من الطبيعه يصير خلوا مخططكم

5ايام زيلامسي و 4ايام ميونخ بس لاتكون ايام ميونخ سبت او احد
وانا افضل المخطط الاخير اكثر والديره مليانه خليجيين اصلا بتجسبين نفسك بالخليج وما سافرتي

مشكوره اختي على الرد ويعل عمرج طويل

بس شو الفندق الحلو في زلامسي ووين نروح بالضبط لان ما عندنا اي فكره عن الاماكن

وسالبورغ هذا قريبه من ميونخ وبشو تتميز يعني يسوى ان نحجز فيها ولا ما تسوى موب مشكله اذا زدنا يومين ولا ثلاثه

احنا رايحين استجمام بالدرجه الاولي وثاني شي التسوق

سفراتنا صارت كلها تسوق لاعت جبدنا ههه

و هالسعر زين بالنسبه لاربع اشخاص بالغين

اممم عيل لازم اضبط ان اول يوم نروح زيلامسي لان بيكون يوم الجمعه ونيلس فيها نيلس فيها لين الثلاثاء بس بشوف بنروح بالقطار ولا كيف ؟؟؟ وهل ناخذ اغراضنا معنا ونخلي الفندق محجوز 5 ايام وندفع اجار في مكانين ما يصير

ومن الثلاثاء لين السبت في ميونخ

ونمر على سالسبورغ اذا قريبه من ميونخ شو رايج

يعني ما نروح فينا نكنسلها ؟؟؟

ايوه تكنسلونها لانه مدتكم بسيطه وبدل التنقل الكثير والمسافه بالقطار من فيينا الى زيلامسي 4ساعات تقريبا

اما من ميونخ الى زيلامسي ساعه ونص تقريبا

يعني خلي رحلتكم وصول وعوده ميونخ ومنها الى زيلامسي وبعدين ميونخ وترجعون منها

ولو حبيتوا تروحون يوم الى سالزبورغ من زيلامسي عشان الاوت لت او المول تقدرون بالقطار ساعه وشوي

المشاركة الأصلية كتبت بواسطة قطرة _مطر
http://www.arabtravelersforum.com/tr...4/#post5479534

مشكوره اختي على الرد ويعل عمرج طويل

بس شو الفندق الحلو في زلامسي ووين نروح بالضبط لان ما عندنا اي فكره عن الاماكن

وسالبورغ هذا قريبه من ميونخ وبشو تتميز يعني يسوى ان نحجز فيها ولا ما تسوى موب مشكله اذا زدنا يومين ولا ثلاثه

احنا رايحين استجمام بالدرجه الاولي وثاني شي التسوق

سفراتنا صارت كلها تسوق لاعت جبدنا ههه

و هالسعر زين بالنسبه لاربع اشخاص بالغين

اممم عيل لازم اضبط ان اول يوم نروح زيلامسي لان بيكون يوم الجمعه ونيلس فيها نيلس فيها لين الثلاثاء بس بشوف بنروح بالقطار ولا كيف ؟؟؟ وهل ناخذ اغراضنا معنا ونخلي الفندق محجوز 5 ايام وندفع اجار في مكانين ما يصير

ومن الثلاثاء لين السبت في ميونخ

ونمر على سالسبورغ اذا قريبه من ميونخ شو رايج




شوفي اذا بتزيديون ث ايام يصير 12 ليله

خلوا رحلتكم

ليله ميونخ- 3ليالي سالزبورغ- 5ليالي زيلامسي- 3ليالي ميونخ

هذا افضل مخطط لكم

سالزبورغ فيها طبيعه وجنبها بحيرات وفيها اوت لت ومول كبير تتسوقون منه

وزيلامسي طبيعه اكثر شي
وميونخ تسوق بس اختاروا رحله مايكون اخر الايام حقت ميونخ فيها سبت واحد عشان السوق

ما قلتي لي متى رحلتكم؟؟ باي شهر لايكون يوليو ترى تاخرتوا كثير واغلب الخياارت راحت للاسف

اختي رحلتنا شهر 7 ان شاء الله في نص سبعه

استفسار عاااجل

هل اسواق ميونخ تقفل تماما يوم السبت والاحد ؟؟؟؟
لأنه رحلتي بتكون ميونخ سبت وأحد وما أقدر أغير الحجز أبدا وأنا رايحه للتسوق

المشاركة الأصلية كتبت بواسطة حرم الدكتور s
http://www.arabtravelersforum.com/tr...2/#post5482702

استفسار عاااجل

هل اسواق ميونخ تقفل تماما يوم السبت والاحد ؟؟؟؟
لأنه رحلتي بتكون ميونخ سبت وأحد وما أقدر أغير الحجز أبدا وأنا رايحه للتسوق



السوق يوم السبت يفتح نص دوام تقريبا اما الاحد ولا ساعه يفتح

المشاركة الأصلية كتبت بواسطة دمـوع الوجـد
http://www.arabtravelersforum.com/tr...2/#post5482902

السوق يوم السبت يفتح نص دوام تقريبا اما الاحد ولا ساعه يفتح




يعطيك العافية بس يوم السبت على الساعة كم تقفل ؟؟

ما اعرف بالضبط الساعه كم