الموضوع: ماهو افضل طريق للكويت عن طريق المنطقة الشرقية

اخي العزيز حياك الله بالكويت وكنت اتمنى لو وضعت موضوعك في ساحة الأستفسارات الخاص ببوابة السفر الي الكويت

بالنسبة لأفضل طريق من الشرقية الي الكويت وهو من الدمام الي الخفجي عن طريق خط بوحدرية الي الخفجي وبعد ذلك الي منفذ النويصيب الكويتي والمسافة من الدمام الي مدينة الكويت العاصمة بحدود 400 كيلو

بالنسبة للشقق فهي في كثيرة و باسعار متفاوتة على حسب المستوى والموقع ولكن اذالم يكن معك عائلة يفضل ان تسكن في فندق.

واذا كنت تريد غرفة التجارة والصناعه فهي في قلب العاصمة لذا يفضل السكن داخل اتلعاصمة وافضل الشقق في العاصمة هي ريتز الشرق وفي منطقة دسمان توجد الكثير من الشقق المفروشة الجيدة.

بالنسبة لموقع غرفة التجارة فهي في العاصمة وهي معروفة بشكلها الدائري

اقات العمل بالكويت الرسمي من السبت الي الأربعاء من الساعة السابعة والنصف صباحاوحتى الواحدة والنصف ظهرا.

المشاركة الأصلية كتبت بواسطة بريق فايح
http://www.arabtravelersforum.com/tr...8/#post1180319

السلام عليكم ...وعليكم السلام ورحمه الله وبركاته

انا ان شاء الله بروح للكويت يوم الثلاثاء الجاي وهي اول مرة اروح لها :11ight: .. الله يحييك بين اهلك واخوانك
وبتكون الخطة كالتالي عن طريق البر وبتكون رحلتي من الرياض الى الاحساء(لاني مضطر اني اروح للاحساء) الى الكويت ... والرجعة بتكون عن طريق المجمعة بعدين الرياض...

وعندي عدة تساؤلات لاهل الكويت :

1- ماهو افضل طريق للكويت عن طريق المنطقة الشرقية ؟؟ ياليت يكون بتفصيل , كم المسافة ,وضع المحطات والذي منوة... طرار ويتشرط مافي الا طريقين من الدمام الى الجبيل على خط بو حدريه لكن اخذ الطريق الداخلي من الدمام الى الجبيل النه اسرع في ظل الحفريات والتصليحات في خط بو حدريه

2- ماهو افضل شقق موجودة ؟؟يا كثرهم وانا اخوك لو تروح تشوف بوابه الكويت احسن وتتصل تحجز فيهم لكن انصحك في شقق ريتز السالميه لانها اقرب الى العاصمه اللي فيها غرفه التجاره

3- انا بروح للغرفة التجارية الكويتية ياليت احد يقدر يوصفها لي ؟؟اذا دخلت الكويت العاصمه راح تشوف برج التحرير وهو اطول برج في الكويت الغرفه على نفس الشارع بس قبله تقريبا 3 كيلو

4- اوقات العمل الرسمية في الكويت هل من السبت الى الاربعاء ؟؟السبت الى الاربعا من 8 صباحا الى 2 ظهرا

5- الطريق من الكويت للرياض عن طريق المجمعة كيف وضعة وكم مسافتة ؟؟اذا تبي تروح للمجمعه لازم تطلع من جوازات السالمي وهي راح تختلف وياك لانك جاي من النويصيب
ومن السالمي للرقعي جوازات السعوديه الى الحفر 100 كيلو ومن الحفر الى الارطاويه 230 كيلو ومن الارطاويه الى المجمعه 73 كيلو
انا توني جاي منه طريق سايدين ونظيف وطبعا من المجمعه الى الرياض تقريبا 180 كيلو بس اعتقد اقرب شويه مع الطريق السريع الجديد


اسف جدا جدا على الاطالة وتقبلوا تحياتي ,,,



بالعكس انت تامر امر لكن في طريق ثاني من النويصيب اقرب للرياض بس للاسف ما اعرفه
وهو موجود هني بالبوابه ياليت لو تشوفه
حياك الله لو تبي اي شي اسال ونحن نجيب

هذا عنوان الطريق المختصر ياليت يفيدك وسهل جدا


http://www.arabtravelersforum.com/travel110603/

رحــــال ...

ناصر كويتي ...

الله يعطيكم العافية وماقصرتوا على المعلومات الوافيه ...


وتقبلوا تحياتي ,,,

ماعندي شي اضيفه الا حياك الله اخوي بريق فايح بديرتك الثانيه الكويت



وانشالله تقضي وقت ممتع وحلو

روان بنت الكويت ...


مشكورة على مرورك وعلى الترحيب ...

حبيت اسئل كم المسافة من النعيرية الي الكويت ؟؟

المشاركة الأصلية كتبت بواسطة بريق فايح
http://www.arabtravelersforum.com/tr...8/#post1182803

حبيت اسئل كم المسافة من النعيرية الي الكويت ؟؟



قريبه حذفت عصا
من وسط النعيريه الي وسط الكويت العاصمه تقريبا 200كم