الموضوع: في انتظاركم

السلام عليكم ورحمة الله وبركاتة

باذن الله بتكون ثاني مشاركة لي وموضوع رحلة بعد الموضوع السابق عن دولة المغرب الحبيب

وطامع في مساعدتكم بما اني رايح لدولة الكويت الشقيقة رحلة عمل ومعاي ثلاث ايام فاضي فيها

يا ليت بالمواقع السياحية او الاماكن الي يقدر الواحد يزورها في فترة اربعاء وخميس وجمعة

والشقق المفضلة او الفنادق والشوارع العامرة بالناس اذا الواحد بيتمشى على رجولة اذا الجو زين

ويعطيكم الصحه يا رب بانتظار ردوردكم الله يمسيكم بالف خير .

مواضيع عشوائيه ممكن تكون تعجبك اخترناها لك:

• اذا ممكن خريطة لمواقع السياحية بالكويت
• استفسار لاهل الكويت الطيبين الكويت بلس
• صالون حلاقة رجالي
• شقق نظيفه
• من الى
• افضل محل لشراء احذية اديداس بالكويت
• إضراب الكويت يحجز ألف سعودي على الحدود
• فنادق حولي
• هارفي نيكولز تفتح فرعاً في الكويت
• عاجل أفيدوني
• طلب للمشرفين بحذف صوره من موضوعي
• ممكن تساعدوووني تكفووووووون؟
• الكويت يوم الجمعه متى يفتحون
• فزعنكم ياالرجااااجيل
• كويتيه بس ابي شي منكم بالكويت؟
• استفسار عن مطار الشيخ سعد الله يرحمه ،، والخدمات المتوفرة
• إد هـاردي ؟؟
• ماهي أجد الشقق الفندقية في السالمية
• برج الحمرا يغير ملامح العماره في مدينة الكويت
• تقرير مختصر لرحلتي للكويت

المشاركة الأصلية كتبت بواسطة طيار نايم
http://www.arabtravelersforum.com/tr...3/#post1180129

السلام عليكم ورحمة الله وبركاتة

باذن الله بتكون ثاني مشاركة لي وموضوع رحلة بعد الموضوع السابق عن دولة المغرب الحبيب

وطامع في مساعدتكم بما اني رايح لدولة الكويت الشقيقة رحلة عمل ومعاي ثلاث ايام فاضي فيها

يا ليت بالمواقع السياحية او الاماكن الي يقدر الواحد يزورها في فترة اربعاء وخميس وجمعة

والشقق المفضلة او الفنادق والشوارع العامرة بالناس اذا الواحد بيتمشى على رجولة اذا الجو زين

ويعطيكم الصحه يا رب بانتظار ردوردكم الله يمسيكم بالف خير .

هلا اخوي طيار نايم

حياك الله بالكويت وانشالله تقضي وقت حلو وممتع عندنا

بالنسبه للفنادق عندك فندق المارينا وااايد حلو

وبالنسبه للاماكن اهم شي تروح :

سوق شرق - مارينا مول وعندك المارينا كرسنت للتمشي فيها مطاعم وقهاوي وايد حلوه والمارينا ويفز - الكوت - الافنيوز


بالاضافه الى شارع التعاون بالبدع للتمشي في قهاوي ومطاعم حلوه

واذا تبي اماكن سياحيه عندك ابراج الكويت والمركز العلمي

واذا تبي اماكن تراثيه عندك سوق المباركيه

هذا رابط موضوعي للاماكن السياحيه بالكويت :
http://www.arabtravelersforum.com/travel81556/

انشالله اكون كفيت واي خدمه احنا حااضرين لاتتردد ( نعين ونعاون)

يعطيك الصحه على ردك اختي روان طيب بالنسبة لموضوع الشقق والاسعار هل عندك اخبار او لا

والله يعطيك الصحه على كل هذي الافادات يا رب في انتظار ردك

مراكز التسوق هي

الأفنيــوز
سوق شرق
مارينا مول
المهلب
الفنار
مجمع زهرة
الكوت
البحر سنتر
الراية
الصالحية
برج العوضي
مجمعات السالمية
مجمعات الفروانية
اسواق المباركية - تراثية

بالنسبه للشقق عندك :

1- ساره بلازا
2- بودل
3- ريتز
4- النوري
5- مارينا رويال

بس بصراحه ماعندي فكره عن اسعارهم بالوقت الحالي

الاسعار تبدي من 20 الى 50 دينار يعني اعمل حسابك مو اقل من 20

هلا والله اخوي وحياك الله
بالنسبة للسكن اذا تبي كل شي قريب منك عليك بالسكن بالسالمية :مثل:
هوليدي ان السالمية
شقق مارينا رويال بجانب ( المارينا ومول)
ريترز السالمية
فندق المارينا مول

اما اهم الاماكن اللي تستحق الزيارة:
المركز العلمي
ابراج الكويت
المارينا مول ( فيه سينمات)
سوق شرق ( فيه سينمات)
ذا افنيوز احدث مجمع
الكوت بالفحيحيل

المطاعم
ميس الغانم
برج الحمام
محل مغل
قصر البردوني
المارينا كريسنت ( هالبحر مقابل المارينا مول)

يعطيكم الف عافية رحنا وجينا ومرينا الاسواق وتقضينا

والله يديم عليكم الامن والامان والشعب العسل يا رب كلكم خير وبركة اول زيارة كانت للكويت

وان شاء الله تستمر الزيارات ونعم بالكويت واهلها والله يخليكم لرضكم واهلكم

طيار نايم

وتقرير السفره في القريب العاجل

المشاركة الأصلية كتبت بواسطة طيار نايم
http://www.arabtravelersforum.com/tr...9/#post1194399

يعطيكم الف عافية رحنا وجينا ومرينا الاسواق وتقضينا

والله يديم عليكم الامن والامان والشعب العسل يا رب كلكم خير وبركة اول زيارة كانت للكويت

وان شاء الله تستمر الزيارات ونعم بالكويت واهلها والله يخليكم لرضكم واهلكم

طيار نايم

وتقرير السفره في القريب العاجل




اخوي حمدالله على السلامة ونحتاج الي تقرير حتى لو كان مختصر

حمدلله على السلامه اخوي طيار نايم


نورت الكويت وانشالله تكون قضيت وقت حلو وممتع



وبانتظار التقرير

رحت و رديت و ما ساعدتك !!!
اشلون روحتك ؟؟ انشالله ستاانست فيها ؟؟
بنتعبك شوي .. نبي تقرير عن هالزياره
مناابعه معاك
و الحمدلله عالسلامه