الموضوع: الـــخطوات التي نعملها من أول يوم نضع فيه رجلنا بــأمريكا المبتعثين شاركونا

السلام عليكم ورحمة الله وبركاته

اخواني الاعزاء

بحثت في المنتدى عن موضوع يتحدث عن الخطوات مابعد قرار الأبتعاث ولم اجد , ربما وجدت بعض المعلومات لاكن مشتته فالموضوع اليوم يجمع كل شئ .

نريد ان نعرف ماذا نعمل بعد قرار الأبتعاث وحجز التذاكر
يعني اليوم انا وصلت امريكا ( ان شاء الله نوصل )

ماذا اعمل عند وصولي شقتي بمدينة الي راح ادرس فيها ؟
اروح للجامعه اسلم الشهاد الاصليه وماذا ايضا ؟
ماهي الاشياء الي اروح بها امريكا الاوراق وغيرها ؟هل احتاج ورقة تطعيمات ؟وكيف التطعيمات يعني اروح المستشفى ام كيف ؟
عند ذهابي بالشهادات مترجمه هل تكون مصدقه من وزارة الخارجيه ؟وهل يحتاج تصديقها من السفاره الامريكيه ام ماذا ؟
الفيزا// كيف هي يعني انا حصلت على فيزا لو انتهت هناك ولاجددتها فهل احاسب قانونيا ؟وهل يمكنني تجديدها من امريكا او ارجع المملكه واجددها ؟
ماهي وظيفة الانديه السعوديه الموجوده في بعض الولايات ؟مثل الموجود في فورت كولنز وكيف نظامهم وماهي ادوارهم ...etc


هل عند وصولي الى امريكا احتاج اقامه او شئ
يعني بطاقه تثبت هويه او اي شئ من هذا القبيل . يعني يمكن يشوفني شرطي اتمشى بالطريق مااعجبه بيوقفني بيثبت هويتي ولا شئ كيف ؟


هذه بعض الأسئله المبدئيه الي اذا تقدرو تساعدونا فيها واتمنى تضيفو لنا اشياء تفيدنا عند وصولنا هناك


انا طلع لي القبول في كلورادو ستيت حيث وجود النادي السعودي هناك - هل من دوره او بأمكانهم خدمتي في بداية الامر من حيث تسلليم الملفات للجامعه تسجيل مواد .... الاجرائات الروتينيه مع الجامعه فور وصولي لها .

هل توجد ارقام هواتف للنادي السعودي هناك نتصل عليهم ونتفاهم معهم
:114:

مواضيع عشوائيه ممكن تكون تعجبك اخترناها لك:

• أحداث رحلتي إلى
• فزعتكم ياأهل نيوزلندا أنا قبلت في جامعة
• مسافر بكرة وعندي استفسار مهم
• استفسار عن افضل مناطق في نيوزلاند
• كم سؤال بالمطار والعفش لاهنتو
• الى خبراء نيوزلندا
• نيوزيلاند و ما ادراك ما نيوزيلاند
• في هذا التاريخ هل انت من ركاب الرحلة
• طـلـب مـسـاعدة في السـكـن مـع عـائـلـة فـي نـيـوزلانــدا
• أيـن أجمـل أماكـن في كرايـس شيرش ؟
• أمل من كل الاخوان الذين درسوا اللغة الانجليزية في نيوزيلندا او في غيرها الدخول
• المساجد يا شباب في نيلسون
• مرة أخرى سؤال عن نيوزلندا والرجاء الاجابه
• ايش هي العروض الحلوة للسفر لنيوزيلندا؟؟
• هل أحتاج فيزا لزيارة نيوزيلندا ؟
• استفسار عن السياحه في نيوزلندا
• فيزا نيوزلاندا عاجل جدا
• اريد الاجابة عن الاسئلة عن نيوزلندا ولكم من الله الجنة
• يا أهل الخبرة ما هي نسبة السكان الأوروبيين في المدن النيوزيلندية من السكان الأصليين
• الزراعة في نيوزيلندا

اول شي مبروك تخليصك لامور البعثة.يا حليلك الناس توها دور قبول مشروط و انت تفكر وش تسوي اذا رحت هناك.لكن مشالله عليك كذا الواحد لازم يخطط للمستقبل.
اخوي انا ما اقدر احكم علا كل الولايات لكن معظمها كالتالي
اذا انشالله وصلت امريكا باالسلامة و صلت ديرتك.اجلسك في فندق قريب من الجامعة يوم ولا يومين.رح مكتب الطلاب الاجانب وهم هناك راح يشرحونلك كل شي بالتفصيل.خذ كل اوراقك الشخصية معك احتياط.ليه تخليها في السعودية.حتا لو عندك اوراق اشتراك في محل الفيديو اللي في الحارة خذها امكن تحتاجها ما تدري.
انا اذكر اني سويت تطعيم قبل ما اروح امريكا لكن والله ما اذكر شي.انت حاول تسال الجامعة. اول ما تصل هناك الجامعة راح تعملك كشف طبي كامل عشان يطلعونلك تامين طبي.
لازم بعد تروح تطلع بطاقة الجامعة.انا اتوقع اول ما راح توصل للجامعة راح يكون في برنامج تعريفي عن الجامعة في مكتب الطلاب الاجانب راح يشرحونلك كل شي في الجامعة.
لازم تزور معهد اللغة الانقليزية عشان يسوولك اختبار تحديد مستوئ.
عندك السكن ايضا.اذا ما تبي سكن الجامعة دورلك علا سكن قريب من الجامعة لكن راح يطلع اغلا شويتين لكن افضل عشان تروح الجامعة مشي ما يحتاج سيارة.
انا اشوف افضل انك تروح علا ال DMV "زي الاحوال المدنية ولا ادارة الرخص عندنا "عشان تطلع بطاقة اثبات الهوية الخاصه بالولاية ال State ID .خلاص تسير هذه هي اثباتك في امريكا ما يحتاج تشيل الجواز.اسال عنها مكتب الطلاب الاجانب من وين تطلعها.اذا تعرف احد هناك يمكن يقدر يساعدك تطلع رخصة سواقة وهي افضل شي لانها راح تكون اثباتك في امريكا كلها بحيث تسغني عن الجواز.تقدر حتا تسافر فيها داخل امريكا زيها زي بطاقة الاحوال عندنا في السعودية.بس اختبار الرخصة في امريكا ماهو سهل.اختبار تحريري و اختبار سواقة.يبيلك تنسا كل السواقة اللي سقتها هنا في السعودية خصوصا في جدة و الرياض.لانهم هناك ناس يهتموا بالسلامة مو زينا هنا.

لانتسا تخذلك و انت الكرامه جزمة كوره معك عشان تلعب هناك لانه راح تلعب كورة من اول يوم هناك.

انا افضل شي اشوفه ان الواحد اول ما يصل هناك يحاول يسال اذا في مسجد ولا .لانه الاخوان العرب دايم صراحة يساعدون الطلاب الجدد.علا العموم السعوديين متواجدين في امريكا تقريبن في كل جامعة.لو ترفع حصا في اي جامعة راح تحصل تحتها سعودي ما شالله عليهم.
لا تخاف اصلن انت تقول راح تدرس في جامعة الملك سعود في امريكا" كلورادو ستيت" يعني لا تخاف من جد.حاول تكلم الشباب اللي هناك و انا متاكد انهم راح يستقبلوك كاخ جديد بصدر رحب.المساكين اللي رايحين الولايات الصغيره اللي ما فيها سعوديين واجد
اول ما تصل هناك رحلك بنك قريب و خذ جوازك و فلوسك معك كاش كلها عشان يفتحولك حساب هناك.اطلب منهم بطاقة صراف بعد.حاول انك ما تشل كاش معاك في المحفظة افضل.انا انصح انك لا تاخذ الا كذا 100 ولا 200 دولار كاش معاك.اذا معك فلوس اكثر رح اي بنك هنا و حولها شيكات سياحية.و تراها تقدر تدفع فيها في امريكا كانها كاش بس ميزتها اذا ضاعت ماحد يقدر يصرفها غيرك.
بخصوص الشرطة ياخي لا تحسبهم زي ابو جيزن"لاحد يزعل" اللي هنا يوقفك بدون سبب و لا يقرا الرخصة با المقلوب و يعابط يقول منتهية.لكن اول ترم اذا ما طلعت بطاقة الولاية خل بطاقة الجامعة دايم معاك.اصلن الجواز اول ما تصل امريكا ما راح تحتاجه الا في البداية.
بخصوص الفيزا.ترا الفيزا هي فقط تصريح لك لدخول امريكا.بمجرد ما تدخل هناك انتهت اهميتها.اهم شي هو ال اي 20 انها تكون سارية المفعول طول مدة الدراسة.انا جلست في امريكا مرتين و الفيزة منتهية.المرة الاولي جلست 6 شهور و هي منتهية لمن رجعت السعودية في رمضان و طلعت فيزا جديدة.المرة الثانية جلست في امريكا سنتين قبل التخرج فانتهت الفيزا و الجواز كلهم.قعدت هناك 8 شهور و هم كلهم منتهين وماكان في اي مشاكل.حتا بعد كنت اسافر داخل امريكا.اهم شي زي ما قلتلك انو ال اي 20 تكون سارية المفعول.اذا راح تدرس لغة و جامعة انشالله يعني راح تجدد الفيزا مرتين كل سنتين انشالله
نوادي الطلبة السعودية ماهي متواجدة في كل الجامعات.في جامعتي ما كان في نادي سعودي علا الرغم من انه كنا اكثر من 50 سعودي.لكن فيها والله شباب ما يقصرون.انا اشوف الشباب اللي في فورت كولنز مرة متفاعلين الله يوفقهم.
هذا موقع النادي السعودي في فورت كولنز
http://fc.saudiclub.us/
ارسلهم و هم راح يعطونك كل شي تبيه انشالله
علا العموم اللي لاحظته انه كل جامعة في امريكا راح يروحلها اقل شي 20 الا 30 سعودي مبتعث في هذي الايام.يعني انشالله راح يكون في شباب قبلك يدلونك.الاجاويد ما راح يخلوك لوحدك وانا اخوك.
والله يابن الحلال ما دري وش اقولك ثاني لكن اتمني لك التوفيق.انت تحاول تسالني عن شي صار قبل 6 سنين و الله ما اذكر كثير لكن حاولت اعصرلك دماغي وهذا اللي حصلته
والله ماشالله يابن الحلال امك داعيتلك كنت ابا اكتبلك شوية لكن كل الكلام طلع معاي وانا ما ادري

اذا عندك اي سؤال ثاني استغل الفرصة تراني جاهز.

بالنسبة للتطعيم انا صار لي 3 شهور ومااحد سالني عن التطعيم لكن اليوم عطونا الجامعه فورم نعبيه عشان التطعيم

وبالنسبة للاثبات انا افضل ان الواحد اول مايوصل يطلع له رخصة قيادة حتى لو ماعنده سيارة لانه في النهاية راح يشتري سيارة وفي نفس الوقت الرخصة تعتبر اثبات هوية

لي رجعه ان شاء الله

عندي كم سؤال:

وش التطعيمات اللي يحتاجونها؟

رخصه القياده تغني عن الجواز وممكن اسافر بها..وبطاقه الولايه تغني عن الجواز بس مااقدر اسافر بها...صح كذا؟؟؟

واذا ماقدر اطلع الا بطاقة الجامعه
1-تكفي كاثبات هويه؟
2-لو باسافر داخل امريكا لازم يكون معي الجواز؟
والا كيف؟

وشكرا

التطعيمات والله ما اذكر صراحة
رخصة القيادة هي راح تكون بطاقة الاثبات في امريكا.انا ما اشوف في داعي لحمل الجواز.لكن كل واحد و رغبته.
بخصوص بطاقة الولاية تقدري تطلعينها اول ما تسكني في مدينتك انشالله.انا اشوف افضل تطلعينها عشان ما تشيلين الجواز.بس اذا جيتي تسافرين افضل خذي الجواز معاكي احتياط
اذا ما تقدري تطلعي الا بطاقة جامعة، لازم يكون الجواز معاكي لانه بطاقة الجامعة ماهي اثبات لوحدها.الافضل اذا خرجتي من مدينتك يكون معاكي الجواز الين تطلعين الرخصة.
الزبدة:اذا معاكي الرخصة خلاص كفاية ما تحتاجين الجواز.

الله يعافيك خالد ماقصرت
الف شكر

بارك الله فيكم جميعا

اشكرك اخواني على التفاعل
واتمنى المزيد من المعلومات واجابة على الأسئلة التي لم تتم الاجابه عليها

وشكرا

الحين اذا كانت معاك رخصتك السعوديه ....هل تسهل في استخراج الرخصه الامريكيه ؟؟


والا اختبارات الرخصه فيك فيك ...؟؟