الموضوع: هل في احد سافر لامريكا بعد ماضاع جوازه؟

السلام عليكم ,,,
عندي استفسار ,,
انا سعوديه و جوازي ضاع قبل 4 سنين بمصر مره ,,وطلعت عقبها جواز وعادي
وسافرت عقبها لكذا دوله ومنها لاوربا كذا مره ,,,
لكن امريكا ان شاء الله رايحين لها هالصيفيه ,,بس انا خايفه عشان حكايه الجواز الي ضاع ف اكيد راح يبان عندهم بالسستم ف هل في احد كان مثل هالحاله وسافر لامريكا عقب؟ وايش الي صار بالمطار ؟
انا رايحه امريكا اكثر من 10 مرات بس كلهم قبل 11-9
بس الان كل العيله متخوفه من امريكا مع جوازي الي يبان عندهم بالسستم انه كان ضايع ,,,ا يش العمل:110:
مع الف شكر لكم يالغالين
:106:

مواضيع عشوائيه ممكن تكون تعجبك اخترناها لك:

• مشورتكم في برنامج اورلاندو ليالي
• ارغب بقضاء شهر العسل في امريكا
• اورلاندومياميفزعتكم اهل الخبره
• بالمائة
• ووووووش الحل
• ابي اسافر داخل امريكا بالطياره احتاج اخذ جوازي السعودي معاي او لا
• محتاج الذهاب الى امريكا
• لكل من يسأل عن شرائح الجوال الامريكية
• كيف تجدد فيزتك بالتفصيل
• لوس انجلوس بدون سيارة
• والبقية الرجاء الدخول للاهمية
• ساعدووني يووم في الولايات المتحدة
• احجز سيارة من هنا ولا من هناك؟؟؟؟؟
• تذاكر التورز والباصات وتسليم سيارة الاجار
• فيلا روعة رخص التراب كالفورنيا
• مساعده الله يخليكم
• برنامجي في لوس انجلوس ارجو المساعدة
• كيف الجو في شهر اكتوبر ؟
• ابي واحد يعطينا خبر في فيزا الكويت
• يا جماعة الخير انقذونى

مافي اي مشكله والجواز اللي عندج مصدر من المملكه وهو جواز مقبول في كل العالم ليش خايفه

توكلي على الله وسافري

youme
شكرا الف شكر ,,,
مو مسأله تكبير للموضوع ,,بس الواحد يبي يعرف وش ممكن لا سمح الله يصير هناك

ناصر كويتي
ان شاء الله مايكون في اي مشكله ,,,
حبيت اشوف اذا في احد مثل مشكلتي كان وراح ,, وهل صارت له اي مشاكل لا سمح الله ,,
والف شكر اخوي ع ردك

اختي يوم ضاع جوازك .. منعوك من السفر ولا ايش .. وكم جلستي عشان تطلعين ثاني

وهل الي ضاع واهو مسافر نفس الي ضاع في بلده ؟؟؟

اختي فلوه

جوازك ضاع في مصر !!

وطلعتي جواز اخر .. ما المشكله؟
سافري وتوكلي على الله
لكن انتبهي لايكون في جوازك أختام سوريه او فارسيه

يعني لازم تكوني ما سافرتي لسوريا او جمهورية مجوسستان(ايران)

توكلوت على الله ولاتشيلوا هم
كثير ناس يجددوا جوازاتهم سواء ضاعت ولا اامتلى الجواز او انتهى....

Dark Vision
هلا اخوي
الجواز بعد ماضاع طلعت مؤقت من مصر , ورجعت السعوديه وطلعت بديل لكن كان عليه ختم ( مسموح برجوع لسعوديه مره واحده فقط) يعني منع من الدخول لسعوديه من غير مااجدد الجواز يعني اقدر اطلع من السعوديه واسافر اي مكان وباي عدد من المرات بس متي مارجعت السعوديه مااقدر اطلع ,, ف انا وقتها سافرت عقبها لكذا بلد دبي و بيروت و مصر وعقب رجعت و الجواز وديته للجوازات و و الغو الختم الي قبل بتوقيع و رجعو حطو ختم ثاني مسموح لسفر عده مرات ,, وانتهي الموضوع وصرت اروح واجي السعوديه عاديه ,, بس امريكا مارحتها من عقب ماضاع الجواز وحكايه الختمين الي فيه ,, هذا خوفي انهم يدققون بالجواز وليه منع وليه سماح وايش الي صار ,, وماتدري وش يسون !!
اما الي يضيع داخل السعوديه او برا هل في فرق !!
اظن انه اي ,, برا السعوديه يطلعون جواز موقت عشان ترجع لسعوديه ..
بس داخل السعوديه اظن انه في فتره معينه لازم يقعدها الواحد بغير جواز عقب يطلعون له ,, بس ماني متأكده

ناصر سعودي
اي والله ياخوي ضاع بمصر ,,
الجواز بعد ماضاع طلعت مؤقت من مصر , ورجعت السعوديه وطلعت بديل لكن كان عليه ختم ( مسموح برجوع لسعوديه مره واحده فقط) يعني منع من الدخول لسعوديه من غير مااجدد الجواز يعني اقدر اطلع من السعوديه واسافر اي مكان وباي عدد من المرات بس متي مارجعت السعوديه مااقدر اطلع ,, ف انا وقتها سافرت عقبها لكذا بلد دبي و بيروت و مصر وعقب رجعت و الجواز وديته للجوازات و و الغو الختم الي قبل بتوقيع و رجعو حطو ختم ثاني مسموح لسفر عده مرات ,, وانتهي الموضوع وصرت اروح واجي السعوديه عاديه ,, بس امريكا مارحتها من عقب ماضاع الجواز وحكايه الختمين الي فيه ,, هذا خوفي انهم يدققون بالجواز وليه منع وليه سماح وايش الي صار ,, وماتدري وش يسون !!
اما ع سوريا وايران ,, لا والله مارحتهم

انا رحت ايران ... والفيزة طلعت في اسبوع

سافري وتوكلي على الله

يبدو ان الاخ Dark Visionفهم غلط!!

انا قصدت من السفر الى ايران وسوريا انه الشخص اللي يسافر امريكا وفي جوازه اختام ايرانيه او سوريه يدققون عليه اكثر من غيره!

السلام عليكم

أنا سبق فقدت جوازي في عام 96 وطلعت بدل فاقد عليه ختم "صالح لسفرة واحدة" وطلعت فيه إلى أمريكا لمدة شهر.
وبعد كذا طلعت أمريكا في عام 2003 ثم 2005 و 2006 للدراسة ولم أواجه أي مشاكل لا في الحصول على الفيزا ولا داخل أمريكا بسبب هذا الموضوع.

تمنياتي لك بالتوفيق

ناصر سعودي
مشكوووور اخووووي جد ماقصر معي :24:

trail12345
اخيرررررررررررررررررا لقيت احد مثل حالتي بالضبط ,,,
الحمد لله ,,,ريحتني ربي يريحك ان شاء الله هههههههه
هذا الي كنت ابي اعرفه من شخص كان بنفس وضعي ,,,مشكور اخوي ,,جد ماقصرت

نعتز بخدمتكم
ههههههههههههههه
ضحكتني والله ,,,
خاف ع عمرك بس لوووول
خوفي موب من الرجعه خوفي من الروحه لهم
بس ان شاء الله خير ,,,,
الاغلب طمني ان الامور راح تمشي ان شاء الله
مشكور اخوي ع ردك

انا انسرق جوازي بفرنسا
وفي المقابله الامريكيه هذا الاسبوع
ماسألوني عنه وماجابوا سيرته بالمره

دانات**
جد ,,الحمد لله ,,,
ربي يطمنكم جميعا بالخير يارب ,,وشكرا ع الاجابه