الموضوع: اورلاندو الي زارها يفيدني بليز

السلام عليكم ..

انا رايحه اورلاندو بشهر سبعه انشالله ..
واتمنى من الي زاروها من قبل مايحرموني من نصايحهم ..


هذي أول مره اروح فيها امريكا .. وانشالله بكون مع امي وابوي واخواني الصغار

احنا اجرنا سياره مع Gps .. وحجزنا بفندق لمدة 3 ايام على مايدور ابوي
فلا حلوه .. لأنه مايثق يحجز فلا من النت واهو ماشافها عالطبيعه..

ف شرايكم من ناحية السكن ..؟ الفلل وايد حلوه هناك واسعارها هم حلوه
تنصحوني بوحده معينه او منطقه معينه؟ (راح نقعد شهر هناك)

من ناحية السوق.. شنو الشي الي القاه هناك وصعب القاه عندنا ..
وفي شغلات غاليه عندنا ورخيصه عندهم تنصحوني فيها ؟

والمطاعم هناك..؟


والاماكن السياحيه قريت عنها .. مثل ديزني ..و وت اند وايلد .. يونفرسال ستوديوز .. الخ
بس الوالد يحب الطبيعه ف شنو الاماكن الحلوه مثل البحيرات وجذي ..


واذا عندكم اي نصايح لا تحرموني ..

شكراً

مواضيع عشوائيه ممكن تكون تعجبك اخترناها لك:

• الجو في اورلاندو
• السفارة ورحنا لهاوهذا اللي صار
• ارجو الافادة من الخبراء ضرورى بخصوص الفيزا السياحية
• الرياض الى لوس انجيليس عاجل
• إقامة قصيرة في واشنطنبنت الصقور والإخوة
• زيارتي للسفارةابريل
• وش الحل ؟
• الله يخليكم ردوووو وبسرعه
• اليوم مقابلتي
• اخوان ارجوا افادتي في تخصصي في الولايات المتحدة ارجو الاجابة من المقيمين والمسافرين
• هل هو مسموح لاب توب مهم ياجماعه افيدوني
• الرجاء مساعدتي للسفر لامريكا
• اريد المساعدة بشان فيزة دراسية
• ولاية نبراسكا
• مطلوب خطة سفر لزيارة كل من كندا و امريكا خلال شهر
• محتاج مساعدتكم على وجة السرعة
• رخصة السياقه الامريكية
• اتمنى انكم تفيدوني بالنسبة للكالفورنيا
• هل يلزم ترجمة تعريف العمل و تفصيل الراتب
• دبي العالمية تفتتح فندق ماندارين في لاس فيجاس

أختي العزيزة ...

مدينة أورلاندو جميله جدا وفيها الكثير من الأشياء وخصوصا للعواثل:24: . أنا رحت أورلاندو قبل ثمان سنوات تقريبا و رايحلها هالصيف بشهر سبعة إنشاء الله (معاكم يعني):109: . لكن ما عندي خلفية عن الفلل:108: لأني قبل ثمان سنوات سكنت بموتيل ( تدرين عزوبي عادي ):101: ، وهالصيف بأسكن بفندق إنشاء الله ( تدرين معاي المدام بعد مايصير موتيل! :108: ).

المهم .. أنا كاتب الرد هذا مو علشانكم أنتوا يالعيال !!! أنا كاتب الرد هذا علشان والدكم الكريم الله يطول بعمرة إنشاء الله والذي يحب الطبيعة .. والله كاسر خاطري الوال:110: د, لأنه بيشتاق حق النمسا و سويسرا و بلجيكا وجوهم و طبيعتهم الساحرة:rain: !!! لأن فلوريدا كلها مافيها هييييك شكل، لكن كل مشكلة ولها حل وأمريكا مستعدة أنها ترضي جميع الأذواق بلا إستثناء:x1: .

ذا قريت سموكي ماونتنز .. The Great Smoky Mountains
d هذي سلسلة جبال خضراء تقع بين نورث كارولينا و تينيسي وفيها طبيعة و شلالات وأنهار وتلفريك و غير ذلك الكثير الكثير الكثير .. و من الممكن أنكم تأجرون كوخ على سفح الجبل يطل على مناظر جميلة ويمكنك أن تشوفي الأكواخ على هذا الموقع http://www.sugarmaplecabins.com
و كذلك في حديقة حيوانات و سي وورلد ومدن ملاهي وأسواق و الكثبر .. وعلى فكرة فهي ليست فقط للوالد ولكن لكل العائلة .. إبحثي عن THE GREAT SMOKY MOUNTAINS بالنت وخذي فكرة جيدة عنها كما فعلت أنا و إنشاء الله ناوي أروح لها قبل أورلاندو هالصيف إنشاء الله.

طبعا السؤال الذي ممكن أنه يدور في بالك الحين هو: شبعدها هذي عن أورلاندو!!! و شيودينا ؟؟؟؟:114: الجواب هو سبعة ساعات جميلة بالسيارة من أورلاندو .. سبعة ساعات بالطبع هي فترة قصيرة جدا بالنسبة للسفر داخل أمريكا:101: . خصوصا وأن الطريق جميل جدا و متروس مناظر طبيعية و متروس محطات توقف وخصوصا بعد أن زمن سفرتكم هي شهر ما شاء الله ( وايد على أورلاندو!! ) و يسوى تغيرون جو وسطايل STYLE و تقعدون بالخظرة يعني نقول إسبوع؟! .. يعني وناسة :36_1_33:


على العموم .. أتمنا لكم رحلة سعيدة و موفقة إنشاء الله :smile001:

هلابك إختي ...


بالنسبة للشواطئ ممكن تروحون إلى ديتونا بيتش وهو قريب وعندكم أيضاً تامبا بس أبعد من ديتونا .

والأسواق عندك الاوت لت رخيص بس المنتجات راح تلقينها صنعت في دول أسيوية .

الجو راح يكون حار الله يعينكم .

لا تنسوا بالمره تروحوا لناسا " كيندي " حلوه تاخذون فيها جولة وتتعرفوا على التعامل مع الطيران إلى الفضاء .

بالنسبة للمطاعم راح تلقون مطاعم إيرانيه وعربيه

أماكن الترفيه أعجبني أكثر شيء يونفيرسال ستديوز بصراحه خرافيه

بس اللي يعيب الألعاب في أغلب أماكن الترفيه هو طول الإنتظار في اللاين حق اللعبه يعني ممكن تنتظري

50 دقيقة في طابور عادي جداً .


الويتن وايلد بعد حلو جداً خاصة مع الجو الحار الالعاب المائيه فيه منعشه وروعه .

فيه بعد أماكن حلوه بس ناسي أسمائها .

إذا تذكرت شيء أبرجع أكتبه ...

وسفره سعيده بإذن الله

mhenaidy Alghaly
SwiSS ChoColaTe حاير وطاير

مشكورين وماقصرتو

السلام عليكم

اورلندوا وايد حلوه انا رحت السنة اللي فاتت مع هلي شهر سبعة
والسنة رحت مع زوجي بشهر 5 اللي فات

سكنا في Sherton Vistana Resort

وايد حلو موقعه و كل شيء فيه حلو حق عايلة كل شيء قريب .
عندج ديزني وينفارسال ستديوز و سي وارلد هذي لازم

بالليل حلو التمشي في Disney Down Town
المحلات الموجوده هناك وااااااااايد حلوه كلها شغلات ديزني انا كل مره اروح لازم اللف بلمحلات
السوووووووووووق اخخخخخخخخخ الله يعينكم على الشنطات اللي بتاخذونها وياكم
Florida Mall كل شيء فية الغالي والارخيص وطبعا الارخيص الكوالتي جيد .. فيه Macys Department Store في كارت للسياح يعطونج فيه خصم 11% سألي عنه لان وايد ينفع اذا عندهم تخفيض 25% و + 11% اللي عندج يصير التخفيض 36% يعني توفير وايد زين + هذا المحل بضاعته واااااااااااااايد حلوه ..
Mall At Manillia مجمع راقي فيه ماركات وايد واهوا وايد حلو في مطعم Cheese Cake Factoryواااااااااايد لذيذ..
Premuim Outlet مجمع فيه محلات ماركات و محلات عاديه الماركات مثل ديور, ارماني, فرساشي, فندي, بربريز, بوما ,نايكي والكثير الكثيييييييييير ماينمل منه وايد حلو بس اذا بتروحون له روحوا على الساعه 5 لانه مجمع مفتوح يصير وايد حر الصبح ....
Walmart كل شيء فيه اسعاره ارخيصه يبيع من البيبسي الى التلفزيون ...
Target بعد وايد حلو فيه اشياء زينه اهوا ارقة من وال مارت بس نفس الفكره ...

المطاعم اممممممممممممممممممممم مافي احلى من مطاعم امريكا
مثل ماقلت لج في البدايه عن Cheese Cake Factory لازم تروحون له اذا بتروحون اورلندوا
Olive Garden ايطالي واااااااااااايد حلو لازم تجربين السلطة مالتهم.
Red Lobster اكل بحري + في باسته وشغلات اذا ماتحبين الاكل البحري.
Taco Ball مطعم مكسيكسي
Rain Forst Cafe وايد حلو موجود في Disney Down Town و Disney Animal Kingdom
اكل منوع بحري وبرجر ...

اورلندوا واااااااااايد حلوه ومريحه تلبسين اللي يريحج عكس اوروبا لازم تكشخين ماادري شنو اهناك محد يطالع احد كلن في حاله + اهل البلد وااااااااايد طيبين ومحترمين كل يتبسمون ويسلمون..


انشاء الله توصلون بالسلامه وتستانسون

إختي ozyeee،

ما شاء الله عليج، معلوماتج وايد حلوة عن أورلاندو، يا ريت إختي لو تكتبين موضوع كامل عن رحلتج

وتوثقينه بالصور، أكيد إنتي صورتي أماكن عديدة هناك. إيش رايج؟ يلا، أنا أول وحدة أشجعج، وأدعوج

لكتابة الموضوع.:101:

وانا اضم صوتي لصوت ام يوسف يعني الحين 2 من بعد؟؟؟؟؟؟؟؟؟؟؟؟؟

الاخوان ما قصروا بالنسبه للاسواق والمطاعم

وبرضو من اماكن الديزني منطقه اسمها بليجر ايلاند pleasure island
وهاذي بصراحه ما تنفع لنا لانها كلها مراقص وبارات وما يدخلون اللي اقل من 18 او 21 سنه ما اتذكر



نبدا بالماجيك كينجدوم :


وهي الملاهي الرئيسيه واللي فيها قصر سندريلا
اذا نويتو عليها اتبعوا اللوحات حتى توصلون للمواقف وعند المواقف بتدفعون مبلغ معين لموقف السياره اعتقد انه 10 دولار ... وبعدها توقفون السياره حسب ارشادات موظفين المواقف و بتركبون قطار صغير مكشوف ينقلكم من المواقف للملاهي .. لان الملاهي تكون بعيده عن المواقف كثير ، وفيه شي مهم احفظوا رقم موقف سيارتكم عشان ما تضيعونها وبتلاحظون انه فيه مواقف اسمها ( قوفي ) ومواقف اسمها ( دونالد ) وهكذا فانتم احفظو اسم الموقف
بالنسبه للماجيك كينجدوم بتركبون مونوريل يوصلكم للمدخل الرئيسي للملاهي
ومن هناك تشترون تذاكر الملاهي وسعرها تقريبا بين 45 او 60 دولار للشخص
وممكن انكم شترون تذاكر اكثر من ملاهي او بارك كما يسمونها وبالشكل هذا تطلع ارخص عليكم وتمنحكم الفرصه انكم تطلعون من ملاهي وتروحون للثانيه في نفس اليوم واسمها ( بارك هابر ) park hopper

اذا دخلتوا ضروري تاخذون الخريطه حقة الملاهي لان فيها مواعيد العروض
احلا شي في الماجيك كينجدوم للاطفال هو العرض اللي يسوونه الساعه 3 العصر وهو عباره عن مرور شخصيات افلام ديزني جميعها امام الحاضرين وبتلاقون في الخريطه طريق مسيرتهم .
بس لازم تلاقون لكم مكان على الرصيف قبل ما الناس تتجمع وتملى المكان وبعدين ما تشوفون زين
اجلسوا بمكان ظل وتجهزوا بالمويه والمراوح الكهربائيه ( تباع في الديزني بس ممكن تشترونها من الوول مارت ارخص لكم تقريبا نص السعر ) ولا تنسون تشترون لاطفالكم فشار خلال مشاهدة العرض
تعاني مع الفشار لعيالها هههههههه

وكمان فيه عرض في الليل تقربا الساعه 9 ويختلف وقته بحسب السيزون .. وفي الليل العرض كله الكتروني باللمبات مررررره حلو وبعده الالعاب الناريه الرائعه وطبعا ديزني يتميزون بالعابهم الناريه
وبعد الاعاب الناريه الناس كلها تطلع وتكون القطارات زحمه .. بس لا تنسون اسم موقفكم مع الدوخه

هاذا غير العروض اللي تكون في الاماكن المغلقه مثل عرض لتل ميرميد little mermaid وغيره
والاعاب منتشره في الملاهي فيه منها للصغار mickey town وفيه منها للكبار






ايبكوت epcot


عباره عن مدينة المستقبل كل شي فيها عن الفضاء والمستقبل وفيها العاب
واحلى شي فيها جزء مقسم الى عدة مناطق وكل منطقه تمثل دوله معينه منها كندا والمغرب و المكسيك و الصين ........ الخ وفيها السعوديه بعد
وكل دوله فيها مطعم يقدم الاكل الشعبي للدوله واحيانا يكون فيها رايد





ام جي ام ستوديوز :

هاذي الملاهي مختصه بالافلام اللي تنتجها شركة والت ديزني
احلا شي فيها الشوز او العروض وزي ما قلت لك تلاقون المواعيد بالخرايط
وفيها عرض بالليل مميز اسمه فانتازمك ويكون العرض على البحيره ... بصراحه عرض راااااااائع بس اذا معكم اطفال صغار بيخافون من الصوت العالي

خواتي ام يوسف و ام توتو مشكوووووووورين على التشجيع انا عضوه جديده عندكم انشاءالله بكتب بالايام اليايه
واتمنى اني افيد استفيد من جميع المشتركين
:106::101:

ماشاء الله اختي تـذكرة دخـول .... والله وكأنــك كنتـي معانا لما كنـا في أورلانـدو ... كل الملاحظات و الامور الي قلتيها بالضبط ! سوينها .... مشـكورة على نصايحج و جزاج الله خير .... بس حبيت أسألج عن فلل Sunset شلون مستواهم ؟؟ المكان نظيف آمــن ؟ في سكيروتـي ؟ و نوعيـة النـاس الي ساكنين هناك شلونهم ؟

السلام عليكم شكرا للاخت اللي طرحت الموضوع انا اسنه ناويه على اورلاندو تغير عن اورباا
بس متخوفه كيف الجو بيكون هناك يقلون حر بس هل هوه الحر اللي نفس دول الخليج
واللي راح ممكن يفيدنااا كيف يرتب رحله الطيران لانهااا بعيده فلازم اتريح في لندن انا اجازتي من اخر سبعه لين اخر ثمانيه

السلام عليكم
اريد السؤال عن ديزنيلاند داون تاون هل يكون الدخول له بتذكرة خاصة ولسكان نادق منطقة ديزني والا مفتوح والدخول مجاني للكل

واذا كان بالتذكرة كيف طلب الباكيج مال الداون تاون والثيم باركز ملوت ديزني ويكون فيها تنقل ( الهوبر ) يعني ماذا تسمى ؟؟؟

وكيفية الجحز للسيرك ومن وين احجز افضل سعر يعني في مكاتب معينة بالاسم ويا ريت العنوان ؟؟ وهل في فترة الكريسماس يمكن الحجز قبل اربعه او 5 ايام كافي لايجاد حجز والا اكثر ؟؟؟


اللي فهمته وخصوصا في شهر ديسمبر الافضل هو تذكرة 5 ايام لديزني لزيارة الملاهي الاربع الرئيسية الماجيك كنقدم والديزني ستوديو وايبكوت والانيمال كنقدم واليوم الخامس لتغطية اي من المناطق اللي تحتاج اكثر من يوم وخصوصا في وجود الزحمة واطفال بالرحلة ؟؟

واذا كان اليومين الاخيرين من السنة 30 و31 ديسمبر تغلق الملاهي الساعة الواحدة فهل هذا لجميع الملاهي والا للداون تاون فقط والالعاب مفتوحة لهذا الوقت والا شنو ؟ وممكن اجعل اليوم الاخير من الباكيج في هذا اليوم للاستمتاع بالوقت الطويل وكذلك الالعاب النارية اذا كان لراس السنة فعاليات اخرى ؟؟

ولي اسئلة اخرى ايضا عن السي وورلد واليونيفرسال بس مو الحين مابي اثقل عليكم

اختي اوزي مشكككورة وما قصرتي

لا للاسف راح اثقل عليج بس اخلص من سالفة الفيزا

باعتقادج في الكريسماس شلون الجو يعني الملابس يعني من درجات الحرارة يشبه جو اوروبا بالصيف والا ابرد يعني الملابس ربيعي الى صيفي والا ربيعي الى شتوي يعني بس شرح بسيط ؟

شلون الغلا والزحمة يعني راح تكون زحمة حيل بشكل منرفز والا نفس زحمة الصيف والا شلون ؟؟\

انا معاي طفلتين و زوجي كم الايام الافضل اللي ناخذها لديزني يعني تذكرة 5 او 6 ايام للحدائق الاربع الرئيسية لان الباجي العاب مائية ما تصلح بالجو البارد ؟

وشنو غير اليونيفيرسال ستوديو وايلاند اللي يبيلها يومين بعد وهمن السي وورلد يوم اعتقد كافي شنو الاتراكشن غير السوق اللي يسوى يمرها الواحد مثلا كنيدي سبيس سنتر يسوى
بوش قاردن تسوى والا العابها اكثرها للكبار لان تدرين اللعب راح بكون للاطفال اما الالعاب الكبار ما نقدر نلعبهم كيف نخلي البنات وخصوصا ان ما نفضل اللعب كل واحد بروح؟؟
يعني وايد الاسألة بس بخليهم شوي شوي

المشاركة الأصلية كتبت بواسطة Queen
http://www.arabtravelersforum.com/tr...8/#post2341708

اختي اوزي مشكككورة وما قصرتي

لا للاسف راح اثقل عليج بس اخلص من سالفة الفيزا

باعتقادج في الكريسماس شلون الجو يعني الملابس يعني من درجات الحرارة يشبه جو اوروبا بالصيف والا ابرد يعني الملابس ربيعي الى صيفي والا ربيعي الى شتوي يعني بس شرح بسيط ؟

شلون الغلا والزحمة يعني راح تكون زحمة حيل بشكل منرفز والا نفس زحمة الصيف والا شلون ؟؟

انا معاي طفلتين و زوجي كم الايام الافضل اللي ناخذها لديزني يعني تذكرة 5 او 6 ايام للحدائق الاربع الرئيسية لان الباجي العاب مائية ما تصلح بالجو البارد ؟

وشنو غير اليونيفيرسال ستوديو وايلاند اللي يبيلها يومين بعد وهمن السي وورلد يوم اعتقد كافي شنو الاتراكشن غير السوق اللي يسوى يمرها الواحد مثلا كنيدي سبيس سنتر يسوى
بوش قاردن تسوى والا العابها اكثرها للكبار لان تدرين اللعب راح بكون للاطفال اما الالعاب الكبار ما نقدر نلعبهم كيف نخلي البنات وخصوصا ان ما نفضل اللعب كل واحد بروح؟؟
يعني وايد الاسألة بس بخليهم شوي شوي




لا فيها تثقيل ولا شي بالعكس اخذي راحتج ..
الجو واااااااااااااايد حلو فالكرسمس شتى نفسنا تقريباً ..

ماجربت الزحمه فماقدر افتيدج فيها لكن اعرف انه السكن يكون غالي والسوق عادي لكن اول مايخلص الكرسمس سيل كبيـــــــــر بكل مكان ..

انتي لي رحتي اهناك شوفي الحدائق المائيه شلون .. انتي اخذي زياده لان الفرق بين الايام جداً بسيط احياناً 20 دولار فقط فالتذكره الواحده .. مايظر يعني اذا انتوا بتقضون مده طويله في اورلاندو فبتحبون ترجعون للحدايق .. لكن اذا بتروحون لمة 10 ايام او اقل فاختي لكل حديقه تذكره ..

SeaWorld .. حلوه فالشتى لاتطووفكم .. وطبعا يونيفرسال يومين
سبيس سنتر يسوى واااااااايد حلو شي يديد مابتشوفينه في مكان ثاني ..
بوش قاردن اكثر شي للكبار انتي اذا ر حتي شوفي ايلاند اوف ادفنجر اهيا بنفس الطريقه .. فاذا عجبتكم ايلاند اوف ادفنجر بتعجبكم بوش قاردن ..

او صح مابتقدرون تخلونهم لكن حرام ماتجربون الرايدز .. في اشيا فضيعه! على الاقل زوجج او خصوصا في اليونيفرسال في بطاقه اسمها اكسبرس تشترينها .. مبلغها يحددونه بالزحمه .. او اذا شريتيها تقدرين تختصرين الصف حق الالعاب ..

تقدرون بعد تروحون البيت المقلوب .. وايد ممتع والبيت المعوي كذلك ..
انتوا شكثر بتقعدون في اولاندو او وين بتروحون غيرها؟ .. عشان انصحج عدل ..

مشكككورة اختي

انا تقريبا الرحلة بتكون 21 يوم راح امر ميامي 3 او اربعة ايام وامر واشنطن بالردة يومين يعني اورلاندة باقعد فيها سابوعين تقريبا

انا مخططة ان شاء الله

انه سي وورلد ويومين حدايق ديزني ويوم تسوق وبالليل السيرك وبعدين يومين يونيفيرسال واطلع بعدها لميامي 3 ليال
وارجع وبعدها يومين ديزني وراح يكون 30 و31 اخر السنة وبعدين يكون عندي 6 الى 7 ايام في اورلاندو راح اخلي 3 ايام تسوق وتمشي بالليل بالدوان تاون ديزني او الانترناشونال درايف ومادري شنو بالليل ممكن نروح ؟؟
ويوم 5 لديزني ويوم مادري كنيدي سبيس سنتر او تامبا مادري شنو اللي يسوى وحلو وما يتطوف وعموما ديزني مفكرة 5 او 6 ايام بالكثير

مادري عن المخطط شذي حلو بس حابة يكون يومين الى 3 حدائق ويوم راحة تسوق وتمشي اخر الليل واذا عندج اقتراحات ما نستغني بعد .

بصراحة الموقع هذا لايمكن التعبير عنة بكلام ولا اعذب الكلام يمكن ان يعبر بالشكر للاخوة القائمين علية وانا ماعندى فكرة عن السفر بس انا استفدت كتير من الاخوة كتير كتير