الموضوع: قصة دراسه وضياع في شوارع كرايستشيرش لم يكتمل

[font="Arial"][center][b][size="1"]السلام عليكم ورحمة الله وبركاته


[color="Blue"]صباح/مساء الخير على الجميع اعذروني جميعا على سؤ صياغة الاسلوب لني لعدم وجودي وقت كافي لكتابة الموضوع

خلونا من العاميه الحين حلو ونرجع للقصه الي بقولها لكم وبعدها نشوف استفسارات الجميع خخخخ

دكتور على غفله متعقد من الجامعات مو ذنبه

مواضيع عشوائيه ممكن تكون تعجبك اخترناها لك:

• بعد محاولة فاشلة هل ممكن من الإخوة الفزعة والمساعدة المساعدة
• عندي سوال بعد اذنكم
• شباب في احد يعرف طلبات استخارج الفيزا من نيوزيلندا ضروري ياشباب
• كويتي ۔ يحتاج فيزا لنيوزلندا؟؟؟؟
• باقي ساعات واسافر
• معاهد اوكلاند
• ما خاب من استشار
• اقدر اكمل دراستي والا لا؟معي مرافق ولكن
• شوركم يا اهل الخبره لا هنتوا
• عندي عدت استفسارات والله يعينكم علي
• أستفسار الله يرحم والديكم ،، سفرتي بعد رمضان مباشره
• الرحله بعد اسبوع ضروري محتاج مساعده
• السيارة الشعبيه الأولى في نيوزيلندا
• أستودعكم الله الذي لا تضيع ودائعة برجع السعودية
• رحلة النسيان
• عائلة سعودية تقيم حفل نادي الطلبة في برزبن الأسترالية
• رحلتي الى اوكلند
• الحجاب في نيوزلندا للمبتعثات وزوجات المبتعثين
• أستفسار بخصوص تذكرة السفر
• عاجل يا اخوان حفظكم الله

يعطيك العافيه
متابعين بس ياليت لو تكبر الخط شوي

حبيبي حنون ..

الحمدلله إنه فيه تقرير قادم وعلى الهواء مباشره من أرض الحدث..

هذا يشجع الواحد على متابعة الأحداث والأفلام أول بأول..
أياً كان.. أكشن.. كوميدي.. رومنسي.. وثائقي..

بس نبي نتفاعل معاك بدون شعور..لذا طلب صغيرووون ..
نبيك تكبر الخط شوي.. وأنصحك بحجم 4 الأفضل والأوضح..

شكـــراً لكـ وسجلني متابع..

وعليكم السلام ورحمة الله وبركاته

ما شاء الله تقرير ثاني مباشر . . بعد تقرير العضو ثامر

نبي تنافس مثل تقرير الغاليين المظلوم والحر الجرئ

في إنتظار بقية المتعه والصور . .

ومثل ما قال الأخوان الخط يبيله تكبير . . أو تكتب عادي بدون تغيير الخط والحجم


تحيتي‘ . . لك

اهلن بكم من جديد

واعذروني على التاخير حبايبي بس تعرفون نيوزلندا اجواء ثانيه

راح نكمل القصه

كان يمكان في قديم الزمان

احس اني زودتها اعذروني

المهم

جت الموافقه من الاداره العليا في المنزل من االوالدين طبعا هههه

وتم ترتيب الامور كلها وتم الاتصال ببعض الاصدقاء في نيوزلندا وتنسيق المواعيد باكملها

وكان سير رحلتي جده الدمام ثم الدمام الرياض سنغفورا نيوزلندا مشوار شوي

بس ويش اسوي مو بكيفي ياشباب لن ولد عمي مبتعث وكان طالع نيوزلندا يوم 19 شوال

وانا كانت رحلتي يوم 14 شوال وصارت بعض الامور وتم تاجيلها الى 19 شوال

المهم وصلت نيوزلندا بعد مشوار طويل قارب العشرين ساعه طيران الصراحه في السنغفوريه

ماحسيت باي شي من انواع التعب المهم وصلنا نيوزلندا وانا دائم فيني شي اسمة العجله

ودائم في العجلة الندامه لاكن ويش اسوي هاذا انا

واول ماوصل مطار كرايستشيرش وتمت الاجرات الحمد الله بسلام والوضع كله اوكي

واخوكم في الله مستعجل يبغا يسبق الشباب ويطلع على باله انه فاز خخخ واول ماحط رجلي في شوارع كرايستشيرش

وبغيت انصدم انتم تعرفون ان القياده هناك بالعكسه مادري والى واحد ورا طلع اني اطالع عكس والحمد الله تمت على خير

وجاني سلطان قال ويش فيك ياخي مربووش قلت هاه ولاشي المهم رحنا اول ليله طبعا اني شخص غريب عن البلاد

نزلت في فلات لشباب مستاجرينه في الريكتون منطقه طبعا معروفه وفهموني وشرحولي بعض القوانين واليوم الثاني وانا

محضر في المعهد وسجلت في معهد lsi وطلعت معا العجوز الى يالي يالتني ماطلعت معها الى اليوم وانا متذمرر منها بس

قريب بغير الهوم ستي المهم وصلنا البيت وعرفت رقم الباص وكان رقم 18 انا من العجله الى فيني في الرجعه من المعهد

ثاني يوم ركبت باص 28 خخ وكان الوقت يشير الى التاسعه مساء وانا في باص 28 جالس اتفرج شوي هاه مو باصي والله

غريب في المنطقه انجليزي اشارات ماعرف اي شي خلوها على الله اطلع الورقه الى فيها العنوان شوي وطالع والى يطلع

رقم 18 الصراحه انا كنت في موقف لا احسد عليه من الخوف المهم عندي لغه بسيطه شوي قمت فهمت السواق قالي

خلاص قلي خلاص بوديك وانا طلع مبسوووط انه ساعدني شوي والى اشووف الباص طالع جبل كشمير مايخفى عليكم

الجبل وانا يمه وين رايح ذا شوي والى اشووف نفسي عندي بيت رقمه نفس الى في الورقه وكنت ساعتها في خووف

مايعلمه الى الله ياشباب الوقت 2 الليل الغه صفر البلاد غريبه كل شي غريب شوي ويوقف راعي الباص ويقلي انزل انا

تجمدت في مكاني الصراحه وسكت وطالعت قلت وين انا قمت فهمته ان البيت والعنوان غلط رمق لي برمقة كادت ان

تمزق احشائي من قسوتها وغلاظتها وشوي وانا متسمر في مكاني تذكرت اني في جيبي ورقه فيها رقم العجوز يالله على

الحظه ذي وعطيته واتصل عليها وفهمته المكان ونزلني يؤؤ ساعتها مو بغيت امووت من الفرح ماني مصدق عمري كان

بيسلب مني اغلى مااملك في تك الليله وهي حياتي

والحمد الله وصلت البيت ولاازل بلغة الاشارات معا العجووز

المهم صحيت الصباح وشوي والى انا في


القاكم بعدين

يسعد صباحك,,,,

ههههههههههههه اما اغلى ماتملك ولو يالحنون يبيلك تفتح مخك هههههه.
" وش رأيك تضبطنا بالصور "
تقبل مروري.

ماشاء الله
تقرير جديد


اسلوب رائع وبانتظار الصور

يالله يا اخوي اعجل علينـآ خخخ

اعذروني جميعا على التاخير ماباليد حيله بس

راح اكمل التقرير

المهم اليوم صلينا الجمعة وخلاص في الهقلي بارك وتغدينا وعينا من الله خير

قلت لسلطان رجعني البيت قال اوك شوي

رجعنا قرب العصر البيت ندق الباب محد فيه الهوم ستي مو فيه ويش السالفه

وجلسنا ندق الباب قراب الربع ساعه المهم

قلت لسلطان محد فيه قالي ياشيخ اشقح من فوق الجدار البيت بيتك

ياخي قلت اي والله وبس جيت بنقز والى شوف جون

جاي من بعيد هيه احمد وت ديودو وهذري كلام المهم ويش فيك ياخي وين ناقز انت

؟ قلت جون ؟ خخخخ عزا الله الاحراج

الحين يسئلني ويش فيك قلت دقيت الباب محد فتحه وسلطان بيمشي

وقالي انقز كذا قال سلطان عصب مره شوي جوي

ويسئلني يقلي وين المفتاح قلت المفاتح؟ ايه في جيبي انا ساعتها

بغيت امووت من البلاهه الى جتني وسلطان حسيت


انه لو بكيفه قطعني والله بس ويش يسوي ولد العم خخخ

المهم انتهت السالفه خلونا في سالفة البارتي خخخ

اليوم التيتشر براد قال عندي بارتي قلت حلو وعزمني وعزم الشباب

كلهم من اللاقافه بعد قمت كلمت سلطان وقلت له

قال اوك وانا يمكن اجي معاك قلت حلو جاني مرني الهوم ستي وسولفنا

شوي وريته الورقه وكان البارتي يبداء الساعه

اربعه العصر شافها سلطان قال اوه هاذا يبدا الساعه تسعه قلت سلطان

قال انا في نيوزلندا قبلك واعرف المدرس وبارتياته

فله راح تستانس قلت حلو وجت تسعه ورحت البارتي مبسووط وادخل

هاي هاي ومن الكلام هاذا واشوف الشباب ماشين

وين بدري ياهو جابنيز برازيليا ابو سعوود وين بدري ههه بدري من عمرك

انت جاي اخر البارتي هاه انا في نفسي ماخليت

دعوه ولاسبه الى قلتها في سلطان المهم دقيت عليه وقلت البارتي خلص

كيف كذا وانت تقلي الحين يبدا بجد مالك داعي

فوتني شغلات رهيبه قال لا الحين يبدا وانا على نياتي والله جالس انتظر

شوي جاني التيتشر براد وقمنا ندردش وقلت له

متى يبدا البارتي قام طالع فيه وقالي انت اليوم مكثر بيره قلت هاه لا قال

الناس ماشين وتسئل شوي وينط الياباني ويقول

بدري ياعم الحج حنا اكلنا وفللنا الحين ماشين ياهو جاني العم مطلق وفهمته

الوضع قال عشان خاطرك راح اجلس معاك

شوي وجلسنا انا تثقالتها في نفسي وقلت بمشي قال مشينا قلت

حلو لقينا عبد الرحمن واحد من الشباب هلا عبد

الرحمن اهلين احمد ويش عندك انا هاه جاي البارتي قال انا انتظر الباص

راجع الهوم ستي وعطيته قصتي كلها قال طيب

اسمع انت باص كم قلت انا في الكاشويل قال طيب تعال معاي انت قريب

من هرونبي ويش ؟ قلت طيب وطلعت معاه

شوي وينزل ابو الشباب بيته وانا نفس الحاله الى الاولى بس اليوم في

شوية انجليزي تمشي الحال شوي واشوف الباص

رايح نيوبرايتن مو راح الكاشويل ويش هاذا ومن الكلام ذا قالت اوك

برجعك الباص اكشنج بس اسكت وريحني خلاص عرفت

كلمتين بجننها خخخ شوي ونزلو العجايز الى كانو فيه ونمر على

بار مادري ويش قلعته والوقت على 11 الليل ويركبون

اشكال انا من الخوف والله المره ذي جالس اقرى المعوذات

واكالعاده جالس اول واحد في الباص انتو تعرفون الباص ورى

خطر في كل الحالات المهم وتيسرت الامور ونزلت البيت

ويش شوي اسولف معا جون والى احس

الدنيا تهتز جوون يرحم امك ويش ذا نو بروبلم هاذي هزه بسيطه

ايش انا اول مره احس بهزه وانا صاحي لن جتنا ثلاث هزات وانا كنت نايم خخخ


ونشوفكم في الحلقة الجايه باذن الله ورحلتي للترفليك في ليتلتون

عوافي حبيبي , بصراحه بدايتك واسلوبك كان اروع من كذا .

تقبل مروري .

بس كم التكاليف ؟؟

خخخخخخ ,,, اما هزه ويقولك عاديــه يسوقها مثـلآ خخخ ,, اليوم حدثت هزه من جد في كرايستشيرش الله يعين اللي هناك ,, عموما احنا معاك كمل ,,!!

يعطيك العافية

احداث رائعة

يعطيك العافيه

|||||

نظراً لتأخر أخونا في إكمال تقريره

يُغلق التقرير

وإذا أراد أخونا ابراهيم إكمال الموضوع عليه مراسلتي أو مراسلة أسامة العتيبي

|||||