السلام عليكم
اولا احب اشكركم علي المجهود الرائع والمعلومات القيمة الي بتقدموها
بس بصراحة انا متلغبط شوية ويا ريت حد يفهمني خصوصا بنت الصقور لان شكلها فاهمة الموضوع كويس
اولا احب اعرفكم بنفسي لاني لسة عضو جديد
انا محمد هشام مصري مقيم بالمملكة العربية السعودية وبدرس علوم كمبيوتر في الجامعة الوطنية اليمنية بالدمام...
طبعا من الجملة الاخيرة بتظهر مشكلتي الحقيقية ..
وهي اني عايز اكمل دراستي في امريكا وانا الوقتي في سنة 3 وعايز اكمل السنة الي باقية هناك
طبعا طولت عليكم بس معلش استحملوني شوية لاني بجد خلاص هتجنن
اولا انا قدمت في جامعة California State University, Chico ودفعت فلوس استمارة التقديم "55دولار" وعبيتها وبعتها وكله لحد هنا تمام
الوقتي بقا الجامعة بعتتلي وقالوا ان في ورق ناقص وهو
High School Transcript (Saudi Arabia)
ودي سهلة وسمعت انها لازم تترجم وتتختم من الغرفة التجارية ... فهل ي حاجة تانية؟؟
College Transcript (National University)
ودي فيها سؤال ... وهو اية هي الاختام الي المفروض تكون علي الورق لانه سهل اني اختمها بختم الجامعة بس لو في اي اختام تانية لازم الورق يروح اليمن ومشوار طويل جدا... فياتري اية الاختام الي بطلبوها عادة؟؟
Financial support statement
Bank Statement
ودول مش فاهمهم اوي ... علي حسب ما فهمت من المنتدي هنا ان المفروض يكون في كشف حساب لاخر ثلاث شهور ومبلغ يغطي تكاليف الدراسة في البنك ... وبصراحة انا مش معايا المبلغ كله الوقتي لانه 25 الف دولار :110: ... فهل ممكن ان حد يحولي المبلغ واخد بيه شهادة البنك دي ولا لازم المبلغ يكون في كشف الثلاث شهور كمان؟؟؟ وهل بيرجعوا يسألوا في البنك ولا الخطاب بيكون كافي بالنسبة ليهم؟؟
English Proficiency
ودي مفهومة وهي شهادة التوفل . بس كمان فيها استفسار... حد يعرف تكاليف الامتحان قد اية بالضبط وبيكون الامتحان فين ؟؟ " انا ساكن في الخبر ".. واية شروط التقديم وهكذا..
انا اسف جدا انا عارف اني طولت عليكم بس بجد انا لما شفت المجهود الرائع دة قولت انكم اكيد هتفدوني
ويا ريت تقبلوني اخ ليكم في المنتدي
والسلام ختااااااممواضيع عشوائيه ممكن تكون تعجبك اخترناها لك:
- مساعدة في مخطط رحله لكاليفورنيا مدة يوم
- متواجده حاليا في روشستر اي سؤال انا حاضره
- هل هناك مشكلة في إدخال الأدوية الطبية عن طريق المطار؟
- أي شي عن سان دييجو
- هل يوجد طيران داخلي منخفض التكلفة
- خبراء روشسترأرجو المساعدة حالا
- ثمانية اشهر وانا انتظر
- احتاج مساعدة في برنامج لشهر ونص
- نيو بورت بيتش
- زياره على السريع سؤال
- الان في امريكا
- لو حصل خطأ بعد تأكيد الطلب هل من الممكن تعبئه الابلكيشن مره اخرى
- عفوا بعض أسئلة عن الاستمارة
- ابحث عن سكن فيلا في اورلاندو
- استفسار عن
- استفسار عن سياتل ضروري يا شباب
- سؤال محدد عن موعد الفيزا الامريكية الزيارة
- رحلتى بعد اكثر م اسبوع هل احتاج اجدد الجواز
- الحقووووني أرجوكم شوفوالي دبرة
- حضراتكم بالتفصيل الممل
رد مع اقتباس
المشاركة الأصلية كتبت بواسطة hesham897
المفضلات