السلام عليكم
اولا احب اشكركم علي المجهود الرائع والمعلومات القيمة الي بتقدموها
بس بصراحة انا متلغبط شوية ويا ريت حد يفهمني خصوصا بنت الصقور لان شكلها فاهمة الموضوع كويس
اولا احب اعرفكم بنفسي لاني لسة عضو جديد
انا محمد هشام مصري مقيم بالمملكة العربية السعودية وبدرس علوم كمبيوتر في الجامعة الوطنية اليمنية بالدمام...
طبعا من الجملة الاخيرة بتظهر مشكلتي الحقيقية ..
وهي اني عايز اكمل دراستي في امريكا وانا الوقتي في سنة 3 وعايز اكمل السنة الي باقية هناك
طبعا طولت عليكم بس معلش استحملوني شوية لاني بجد خلاص هتجنن
اولا انا قدمت في جامعة California State University, Chico ودفعت فلوس استمارة التقديم "55دولار" وعبيتها وبعتها وكله لحد هنا تمام
الوقتي بقا الجامعة بعتتلي وقالوا ان في ورق ناقص وهو
High School Transcript (Saudi Arabia)
ودي سهلة وسمعت انها لازم تترجم وتتختم من الغرفة التجارية ... فهل ي حاجة تانية؟؟
College Transcript (National University)
ودي فيها سؤال ... وهو اية هي الاختام الي المفروض تكون علي الورق لانه سهل اني اختمها بختم الجامعة بس لو في اي اختام تانية لازم الورق يروح اليمن ومشوار طويل جدا... فياتري اية الاختام الي بطلبوها عادة؟؟
Financial support statement
Bank Statement
ودول مش فاهمهم اوي ... علي حسب ما فهمت من المنتدي هنا ان المفروض يكون في كشف حساب لاخر ثلاث شهور ومبلغ يغطي تكاليف الدراسة في البنك ... وبصراحة انا مش معايا المبلغ كله الوقتي لانه 25 الف دولار :110: ... فهل ممكن ان حد يحولي المبلغ واخد بيه شهادة البنك دي ولا لازم المبلغ يكون في كشف الثلاث شهور كمان؟؟؟ وهل بيرجعوا يسألوا في البنك ولا الخطاب بيكون كافي بالنسبة ليهم؟؟
English Proficiency
ودي مفهومة وهي شهادة التوفل . بس كمان فيها استفسار... حد يعرف تكاليف الامتحان قد اية بالضبط وبيكون الامتحان فين ؟؟ " انا ساكن في الخبر ".. واية شروط التقديم وهكذا..
انا اسف جدا انا عارف اني طولت عليكم بس بجد انا لما شفت المجهود الرائع دة قولت انكم اكيد هتفدوني
ويا ريت تقبلوني اخ ليكم في المنتدي
والسلام ختااااااممواضيع عشوائيه ممكن تكون تعجبك اخترناها لك:
- أستفســار هــام
- مدينة بوسـطن في خاطري أحصل معلومات عنها
- استفسار بخصوص حجم الشنط المسموح فيه بمطارات امريكا؟؟
- كليفورنيا سانتا مونيكا عطوني افضل الاماكن الموجوده
- الى مقابلتهم في يناير يعطوني اخبار الجوازات
- رحلة علاج لسان ديغو كاليفورنيا
- يوم في كالفونيا ارجو المساعده شباب
- ابغي رياضات بس مالقيت ساعدوني
- ممكن معلومات عن الاجازه الرسميه للسفاره في الرياض؟
- ستي سنتر بوسطن
- احتاج رحلة كروز لكن للولايات البارده
- استفسار عنعن نموذج
- كم يكلف تغير موعد رحلة داخلية في امريكا؟؟
- استفسار عن لاس فيقاس
- لوس آنجلوس
- ارجو الردعلى هذا الاستفسار
- شهر العسل بين كاليفورنيا وفلوريدا
- استفسار بسيط ولكن ضروري جدا
- ساعدوني بخبرتكم اريد الذهاب الى ولاية بوسطن
- مع الاسف السعوديه من ضمن الدوله التي تشمل الإجراءات الأمنية الجديدة لمطارات أمريكا
رد مع اقتباس
المشاركة الأصلية كتبت بواسطة hesham897
المفضلات