الموضوع: سعر ايجار السيارات في اليوم في اورلاندو

بالنسبة لآجار السيارة سهل جداً تنزل للدور الأرضي بالمطار بس أهم شئ

((((((((((((((((((((((( يكون معك كردت كاررررد))))))))))))))))))))))
((((((((((((((((((((((( رخصة دوليـــــــــــــــــــة))))))))))))))))))))))

وإذا كنت أندر إيج (( تحت 25سنة )) راح ياخذون عليك تقريباً 20 $ باليوم غير الأجار

أسهل شي في أمريكا إستئجار السيارة ، وتقدر تحجز سيارتك من الآن ومجاناً عن طريق شركة ALAMO
وهذا موقعهم http://www.alamo.com/
بعد ماتختار السيارة والتاريخ ، تحط إيميلك ويرسلون لك بيانات الحجز على إيميلك مجاناً .

موقع شركات الإيجار ( بمجرد حصولك على الحقائب من سير الحقائب ) تتجه مباشرة للفت
ومن ثم دورين للأسفل ( رنتال كار ) وترا أمامك كاونترات لقرابة الــ 10 شركات .

أهم شي أبعد عن شركتي بدجت وهيرتز لإنهم الأغلى في إيجار السيارات .

السلام عليكم..
عن تجربة شخصية أرشح شركتي ثريفتي ودولار..الأرخص حول أمريكا
والأحسن تطلع الكارت الخاص بشركة ثريفتي وبتكون لك معاملة خاصة بعد..

السلام عليكم

انا ان شاء راح ازور امريكا يوم 29 يونيو الى 21 يوليو واروح لحالي وواحد صديقي (عير سعودي) يدرس في كندا ابواعده هناك،الوصول راح يكون لنيويرك وبعدين ابطلع لاورلاندو وعندي كم استفسار
**وش احسن خطوط من نيويورك لاورلاندو وتكون معقولة السعر
**هل 10 ايام كافيه لاورلاندو لان مدة السفر 21 يوم
**ودي ازور لاس فيقاس ولوس انجلوس كم يوم يكفي لكل وحده وهل تنصحوني بمدن ثانيه علما انها اول زياره لامريكا
**اذا وصلت مطار نيويورك هل اقول لهم اني مواعد صديقي في اورلاندو ولا اقول اني جاي لحالي

وشكرا

برأيي أن 6 أيام كافيه لأورلاندو خصوصا أنها عائلية نوعا ما وأنت رايح مع صديقك. أستفد من ال 4 أيام الأخرى لمنطقه أخرى .. يعني مثلا ضيفها لأيام لوس أنجليس لأنها تحتاج وقت أكثر من ما تحتاج أورلاندو بكثير .. لو أنا مكانك كنت أوزع الأيام كذا: ( 3 نيويورك) و ( 6 أورلاندو) و ( 9 لوس أنجلس وسان دييغو) و ( 3 لاس فيجاس). وإذا ما تبي نيويورك .. بدلها مع سان قرانسسكو .. وإذا ما تبي سان فرانسسكو ضيف هالثلاث أيام الى لوس أنجلس أو ضيف يوم الى أورلاندو و اليومين الباقين للوس أنجليس .. والله الموفق

السلام عليكم

مشكورين اخواني على الردود بس حبيت اسأل

**اذا انا رحت لديزني وينيفرسال الي في اورلاندو وزرت مثلا هوليوود و بيسفرلي هلز في لوس انجلوس وشوله اجلس 8 ايام في لوس انجلوس هل فيها اماكن ثانيه حلوه و تكون شبابيه لان اكثر من شخص قالو لي انها غاليه و زحمه علشان كذا وشي الاماكن السياحيه فيها وكيف الشواطئ حقتها

وشكرا

المشاركة الأصلية كتبت بواسطة hollowman
http://www.arabtravelersforum.com/tr...3/#post1271133

السلام عليكم

مشكورين اخواني على الردود بس حبيت اسأل

**اذا انا رحت لديزني وينيفرسال الي في اورلاندو وزرت مثلا هوليوود و بيسفرلي هلز في لوس انجلوس وشوله اجلس 8 ايام في لوس انجلوس هل فيها اماكن ثانيه حلوه و تكون شبابيه لان اكثر من شخص قالو لي انها غاليه و زحمه علشان كذا وشي الاماكن السياحيه فيها وكيف الشواطئ حقتها

وشكرا



دزني واليونفيرسل اللي باورلاندو افضل بكثير من اللي موجوده بلوس اانجلوس، وحتى سانديقوا السي ورلد اللي هناك فيه احسن منها واكبر باورلاندو.
اممممم انا رحت كالفورنيا مره وحده وبحكم اني من سكان فلوريدا بمعنى ما احتجت اروح للمدن الترفيهيه اللي هناك اشوف ان 4 ايام ممتازه جدا للوس انجلوس (يوم هوليود + يوم سانت مونيكا وفنيس بيتش + يوم لونق بيتش+ يوم مفتوح) وتقدر تروح يومين تزور شواطئ سانديقوا (انا بصراحه عجبتني اكثر من شواطئ لوس انجلوس) من ميشون بيتش وانت صاعد.
* حط في بالك انك راح تحتاج سيارة بلوس انجلوس ولازم يكون معك نفقيشن ولا بتضيع ولا راح تدري وين ربي حاطك والله يعينك على زحمة السيارات.
* وصولك للوس انجلوس يحتم عليك زيارة لاس فيقس اللي بصراحه اشوف انها ممتعه اكثر من لوس انجلوس خصوصا اذا كنت ناوي تحضر عروض وانصحك بعرض o ولاس فيقس 3 ايام كافيه جدا لها مثل ما قالوا الشباب، على فكره اذا رحت فيقس لا يفوتك البوفيه المفتوح حق فندق علاء الدين (]قولون صار اسمه الحين بلانت هوليود)

مثل ما قال الأخ ناصر، الحجز من بلادك على طيران داخلي أرخص، بالنسبة لي قمت بحجز تذاكر على

القطرية دايركت الى واشنطن ومن ثم الى فلوريدا والمكوث فيها 10 أيام، ثم السفر الى ميشيجن عبر طيارة

داخلية حجزتها عن طريق مكتب الخطوط الجوية القطرية.

الأخ شوكلاتة سويسرية، وينك يا خي ما قمنا نشوفك في البوابة ؟:101:

بالنسبة لايجار السيارة في اورلاندو ...... هل يمكنني القيادة بالرخصة السعوديه والرخصة الدولية ( كلهم موجودين ) ياليت علم اكيد عن هذا الاستفسار ما ابغى اتوهق مع البوليس علما ان لي الان حوالي شهرين في امريكا بس ما طلعت رخصة امريكية وانا في واشنطن واسوق برخصتي السعوديه عادي
تحياتي

السلام عليكم

اخوتي واخواتي..


انا ان شاء الله رايح امريكا بعد 17 يوم واول شيء ابرح اورلاندو

حنا فقط شخصين وودي اسأل
**وش احسن مكان نسكن فيه لاني لقيت فنادق كثيره ورخيصه والصراحه ماودي اتعدى 100 دولار لليله لاننا نبي نستخدم الفندق للراحه والنوم
**هل نسكن في international drive او في ال downtown او فيه مكان ثاني احسن علما اننا ان شاء الله راح نستأجر سياره
**وش احسن فندق ينفع للشباب

وشكرا

اخوي شوف فندق الماريوت . متصل بفلوريدا مول (مول كبير وفخم في اورلاندو ) بحيث انك تنزل تتمشى في المول وتاكل في مطاعمه (اكثر من 20 مطعم ) والفندق يبعد حوالي 12 دقيقه عن الانترناشيونال درايف وربع ساعه عن الداون تاون . وقريب جدا من المطار .

محد جاوبني على استفساري بخصوص القيادة بالرخصة السعوديه او الدوليه
تحياتي

يعطيك العافيه اخوي Algghead حتى رخصتي باللغة الانجليزية ومعي رخصه دوليه واسوق فيهم بواشنطن لكن المشكلة سمعت انه لي عشرين يوم فقط من وصولي لامريكا اقدر اسوق فيهم بارلاندو لان قانون الولايه هناك كذا .... وانا لي اكثر من شهرين في واشنطن .... ياليت من يفيدني
تحياتي

عموما السواقه بالرخصه الدوليه ما فيها مشاكل وهي بالنهاية على مزاج العسكري اللي بيوقفك (اذا وقفك) انا سنتين اسواق بامريكا ما وقفوني الا مره وحده (قاطع اشاره).

واحد من الشباب تهاوش مع العسكري والعسكري رفض يقبل رخصته الدوليه، وحول القضيه للمحكمه يوم راح للمحكمه قاله القاضي ان قانون فلوريدا يسمحلك بالقياده بالرخصه الدوليه لمدة 21 يوم فقط من تاريخ وصولك لامريكا بعد كذا لازم تطلع رخصه امريكيه

والله اعلم

المشاركة الأصلية كتبت بواسطة hollowman
http://www.arabtravelersforum.com/tr...7/#post1288417

السلام عليكم

اخوتي واخواتي..


انا ان شاء الله رايح امريكا بعد 17 يوم واول شيء ابرح اورلاندو

حنا فقط شخصين وودي اسأل
**وش احسن مكان نسكن فيه لاني لقيت فنادق كثيره ورخيصه والصراحه ماودي اتعدى 100 دولار لليله لاننا نبي نستخدم الفندق للراحه والنوم
**هل نسكن في international drive او في ال downtown او فيه مكان ثاني احسن علما اننا ان شاء الله راح نستأجر سياره
**وش احسن فندق ينفع للشباب

وشكرا



ابتعد نهائيا عن الداون تاون مافيها شي

وخلك على الانترناشيونال درايف وفيه اماكن رخيصه ادخل على اورلاندو دوت كوم وشوف الفنادق اللي تناسبك

ما شاء الله عليكم




هل أورلاندو أكبر مدينة في فلوريدا ؟

ناصر كويتي ...الحقيقه ماقصرت على نصائحك للاعضاء ومعلوماتك القيمه..