الموضوع: تعااااالوووو

السلام عليكم ممكن مساعده بلييييز
انا بروح جنيف لمدة 8 ايام ومنها يوم ازور مدينه آنسي الفرنسيه بعدهااااا متوهقه كنت مخططه ميونخ وقارمش وزلمسي
لكن الطيران حاجزته عودة من فرانكفورت
تكفووون ما بقى وقت شنو الحل الحين لان مابي افوت جمال زلمسي وقارمش
هل ان اكتفي بفرانكفورت بديل لميونخ ولا راح اتحسف؟؟!
ومشكووورين
اي انا معاي عيالي صغار والخدامه

مواضيع عشوائيه ممكن تكون تعجبك اخترناها لك:

• مقاعد الاطفال
• مارأيكم بهذا الفندق؟؟؟؟؟
• مشتت محتاج مساعدة
• النقاب في ألمانيا وسويسرا ؟
• سؤال عن العبايات في ميونخ
• الى مشرفينا الغالين أستفسار عاجل
• رأيكم بخطة سفري لألمانيا والنمسا شهر سبتمبر
• إستفسار عن رحلة عائلية ولكم الشكر
• اسشاره في تنظيم رحلة عائليه بين المانيا والنمسا واجروا الافاده
• بخصوص خدمات الانترنت
• ممكن سؤال في المانيا ارجوا الرد السريع
• غشيم وبسافر لاتبخلون علينا ياهل الخبره
• كيف وضع المانيا في اكتوبر
• استفسار قبل لا أحجز فندق في ميونخ
• استفسار انا حالياً بميونخ ابي احداثيات تسليم السيارة وبعض الاستفسارات
• بكره االوصول الى فرانكفورت الفزعه يا اخوان
• ابي اروح ليورو بارك بالمانيا
• أختي دموع الوجد الخبراء في انترلاكن
• محتاج مساعدتكم
• رحلتي الى المانيا و بلجيكا وهولندا

يعني الحين الذهاب جنيف والعوده فرانكفورت؟؟

كم مده السفر كامله ؟؟ وهل معاكم سياره ولالا..


هل فيه امكانيه تغيرون الذهاب او العوده او لا؟؟

اول شي مشكووورة وما تقصرين
السيارة راح ناخذها بجنيف بس عشان نروح على راحتنا
لكن راح ناخذ قطار اليورو بارك وبعدين مناطق المانيا الي محتارين فيها
مدة السفر 22 يوم
من 7/6 الى6/28

والله كلمنا المكتب على اساس يخلي العودة ميونخ وقال صعبه حيل بس اشوف لكم طيران ثاني وراح يكون مكلف
قلت أسألكم ممكن ان يكون جدول حلو بدون تغيير

هو غير مسترد وانا راح اروح منها يوم لمنطقه آنسي قالو انها تبعد ساعه بالسيارة
ويعني راح نتمشى حول جنيف اذا كانت نيس الفرنسيه قريبه راح نروح يوم بعد
يعني جنيف ما فيها شي 8 ايام؟
العاب ولا شي
انا عشان كذا ابي السيارة بجنيف مو المانيا
شرايك الحين؟
حضرتج قلتي ان انترلاكن وزلمسي بالجدول
هم مو نفس الشي تقريبا؟ الجو والنشاطات؟

الله يوفقج ترى ما ادري شالسالفه وكل ما قلت حق احد طلعولي منطقه جديدة
( هلستات- دوسلدورف)
دبريني حبيبتي نااااااااطرتج

جنيف ماتستاهل 8 ايام مره كثيره عليها مافيها شي ابدا كلها كم مدينه فرنسيه قريبه منها انسي وشامونيكس وايفيان طبعا اذا ما كان عندكم احد منقب

لازم يتغير حجز السكن في جنيف لانه كذا صعب وحرام بتضيع عليكم ايام كثيره

افضل مخطط اللي انا حطيته لك

خلاص تكنسل ميونخ؟ شرايج

السالفه مو في ميونخ السالفه والغلط في جنيف والله حرام 8 ايام فيها اذا ماتقدرون تغيرون الحل الوحيد عندكم رغم اني اشوفها حرام كلها في سويسرا


ليلتين فرانكفورت - 4ليالي رست- 7ليالي انترلاكن
- 8 ليالي جنيف

يعني اختي صار 15 ليله بسويسرا احس واااااجد
ادري تعبتك معاي بس ليش حرام ؟؟ انا قلت جنيف تسوق والعاب ومرات جوله بالسيارة عشان كذا 8 ايام
هل اغير شي.؟ يعني شنو الجدول الصح كل منطقه بالأساس كم يكفيها؟
وسؤال ثاني الجمع بين زيلامسي وسويسرا عادي ؟ اذا كانو نفس الشي نزور شي اخر

شوفي الالعاب في رست والتسوق في ميونخ اكثر شي

انا قلت لك غيري ايام جنيف كثيره مره مره حرام والله مافيها شي بالمختصر اول كم يوم بتخلصين المدن الفرنسيه القريبه منها وبتروحين للبحيره كمان

دام عندك فتره طويله نقدر نجمع بين سويسرا والنمسا بس لازم ايام جنيف تقل اذا جلست زي ماهي مانقدر نضيف تنقلات لان الايام البقايه مانتكفي كل هالتنقلات

حاول تغيريت حجوزات جنيف

حبيبتي انا صارت سالفه الخدامه رافض يسوي الفيزا يقول خسارة يمكن يرفضونها
عندج فكرة بالموضوع

والله ما اعرف بس احنا نروح بدون خادمه

الله يعطيك العافيه
انزين شوفي الحين
جنيف 8 ايام
زلمسي 4 ايام
ميونخ 5 ايام
فرانكفورت5 ايام
كنسلت يورو بارك لانها بعيده
شرايج؟؟؟!
بس عقب جنيف اروح ميونخ ولا زلمسي شنو احسن
لان العودة فرانكفورت*

الطريق من جنيف الى زيلامسي 700 كلم وراح يمر على زيورخ وهي قريبه من رست

انا ارجع اقولك مره ثانيه ماينفع 8 ايام لجنيف و4ايام لزيلامسي وفرانكفورت كثير عليها 5 ايام مافيها شي يستاهل

المخطط ماينفع كذا دامك مصره وماتبغين تغيرين جنيف خلي مخططك على سويسرا بس نفس اللي حطيته لك فوق

هذا رايي

شلووون انا دفعت حق الشقه بجنيف
حضرتج حاطه انترلاكن وجنيف ورست وفرانكفورت وباااقي المناطق ميونخ وزلمسي ما اروح لها؟

ايوه اختي لان المده عندك صارت بسيطه

اووووكي مشكووووورة ومااااا قصرتي
الجدول راح يكون اللي حطيتيه اخر واحد
ليلتين فرانكفورت 4 ليالي رست 7 ليالي انترلاكن 8 ليالي جنيف
والله يوفقك يا رب ويحققلك كل اللي تتمنينه