الموضوع: سلانجورلنكاويبياينجكوالااجمل الاماكن فيها للعائلة

السلام عليكم
اشكرك جميع من دخل الاستفسار واسأل الله يسعده دنيا وآخر

كما هو واضح بالعنوان

لدي جدول كـ التالي
سلانجور يومان
لنكاوي يومان
بيانيج اربع ايام
كوالا اربع ايام يدخل من ضمنه ( ويوم واحد بدون مبيت في جنيتغ)

السؤال بارك الله فيكم
اريد جدول بأهم واجمل الاماكن التي سبق وذهبتم اليها واعجبتكم
مع العلم اننا عائلهم جميعنا بالغين
واحدنا من كبار السن اطال الله في عمرها وفي كرسي متحرك(مع استطاعتها المشي)
ايضا التسوق لا يهمنا ابدا
فأرجو التكرم بوضع جدول
مع مراعاة وضع اسم المكان باللغتين العربية والانجليزية وماذا يتميز فيه
ولا مانع من ذكر مطاعم مجربه
وايضا محطة التلفريك لجتنيغ طريقة الحجز لها وهل صحيح انهم اغلقو مدينة الالعاب الخارجيه ؟
وايضاالاسعار التقربية للتكاسي عند التنقل بين الاماكن وهل نجعله
وفي حال كان لابد من انتظاره ذكر ذالك
وسمعت ايضا ان اسعار التكاسي تختلف حسب اللون
فمثلا التكاسي الزرق ارخص من غيرها (اريد التأكد من هذه المعلومة )


واذكر الاخ الفاضل وافي ابو هلا
ذكر نقطه مهمه اعجبتي
انه يجب معرفة مواقع التمشيات لكي لايضيع وقت الرحله بالنتقل بالتكسي هذا غرب وهذا شمال
فمثلا كل ماهو فالشمال يزوره في يوم واحد وهكذا
فـ لعل الخبراء منكم ان يحرصو على هذه النقطه


..
ايضا لدي استفسار اخر
ماهو الشي الذي يوم ان ذهبتهم الى ماليزيا
تمنيتم انكم احضرتمون معكم من الديار ؟

واشكركم مقدما

مواضيع عشوائيه ممكن تكون تعجبك اخترناها لك:

• سؤال عن العاب الصن واي لاقون
• ☀ ☂ ☁ برنامجي السياحي بكل تفاصيله وفعـالياته حيــاك ☀ ☂ ☁
• ساعدوني حبايبي
• ايهما أفضل او بالنسبة للطيران الداخلي
• اول مرا حسافر وحابه تفيدوني
• ارجو افادتي عن صلاحيه الجواز؟
• رحلة العمر لي ولعائلتي من يساعدني وله الدعاء
• استفسار عن محطات
• السفر ان شاء الله الاسبوع القادم
• استأجار سيارة
• أزور لنكاوي آو بينانق ؟
• استفسارات شهر العسل عقدة العيش على الجزيرة مع زوجتي امام الاخرين
• السلام عليكم ابغي جواب على استفساري
• ناؤي تسافر ادخل وادعيلي
• إستفسارات تحتاج إلى إجابات
• شرايكم بهذي الفنادق وما البديل ؟
• بخصوص حمل النقود لماليزيا
• استفسار عن زياره الى جوهور باهرو خلال رحلتى لماليزيا
• فزعتكم برنامج شهر عسل ايام بــ ماليزيا مع بعض الاستفسارات عضو جديد
• الاتصالات بماليزيا

هلا أختي الكريمة ... ورحلة موفقة يارب ..

وتفضلي رأيئ المتواضع ... على شكل نقاط :

بأذن الله راح أكتب لكم برنامج يومي مميز ومريح وشامل ... في ردي القادم

* أنصحكم بالمطاعم العالمية ... لأن المطاعم العربية غالية على شيء لايستحق

* الألعاب الخارجية فعلا مغلقة من بداية سبتمبر ولمدة سنتين أو ثلاث لتطويرها ..

* تلفريك جنتنغ ( روووعة ) وتحجزين التذكرة من الشباك سواء في المحطة السفلى أو فوق

* الأفضل تتعاملون بالجولات ... وسعر الساعة 25 رنقت ... وتكفيكم يوميا خمس ساعات

* التكاسي الحمراء هي الأرخص والأكثر والأشهر ... والزرقاء سيارة الشركات غالية

* تكاسي الفندق لاتتعاملون معها ( نار ) ... خارج الفنادق التكاسي بكثرة

* فعلا لابد من قراءة خريطة المدينة ... وراح تفيدكم كثير في أختصار الوقت والمال والجهد

* تفضلي موضوعي هذا وفيه كل التوجيهات المهمة بخصوص التنقلات

http://www.arabtravelersforum.com/travel637180/

* أفضل شيء من ماليزيا ( القهوة البيضاء ) من مصنع ( كوفي تري بينانغ ) رووووعة

http://img94.imageshack.us/i/5ydz.png/

وافي الكلمات لا تستطيع ان تعبر عن شكري لك
فعلا انت وافي لهذا المنتدى ولأعضائهم
وبارك الله فيك وبأخلاصك الا منتاهي
وانا بأنتظار جدولك
(لدي استفسار صغير )
هل تقصد بالجوالات عن طريق التكسي ام عن طريق السيارات الخصوصيه
لاني قرأت تحذيرات كثيره ومرعبه منها
بارك الله فيك وانتظرك على احر من الجمر من الموبايل

العفو أختي الكريمة ... وأشكرك على الكلمات الراقية ... الله يسعدك

وطبعا الجولات تكون بتاكسي خاص من التكاسي الموجودة أمام الفندق ... أتفقوا مع أي سائق عادي

لكن أنصحك بالتكاسي الحمراء ... والسائقين الماليزيين الأصليين وأشكالهم معروفة وواضحة

http://img837.imageshack.us/i/0aam.png/

كل الشكر لصاحبة الموضوع ...
شكرا وافي وفي انتظار جدولك ...اضافه للاستفسارات في الاعلى كم قيمة الساعه التكسي عند الاتفاق معه لثمان ساعات تزيد اوتنقص

الموعد قريب يازيزو........ان شاء الله

اسعدك ربي ابو هلا
وننتظرك بأحر من الجمر ..


///

مذاق التوت
الشكر موصول لك ياغالية
وتعالي صفي جنبي ننتظر وافي :d

هلا أخواتي الغاليات ( منى - مذاق التوت )

كل الشكر لكم ... ونتشرف بالخدمة والله ... وهذا الجدول اليومي الأنسب :

اليوم الأول ( سلانجور )

الوصول للفندق والراحة قليلآ ... وبعدها جولة في السوق الملاصق ( سوق البيراميد ) والعشاء هناك

اليوم الثاني ( سلانجور )

جولة على بوتراجايا لمدة أربع ساعات من ( 9 ص - 1 ظهرآ )

وبعدها زيارة ألعاب ( الصن واي لاقون ) إلى 6 مساء ..

وفي المساء التوجه إلى ( الماينز وندر لاند ) أو الراحة في الفندق ....


اليوم الأول في ( لنكاوي )

الراحة في الفندق والتجول بالمنطقة المحيطة ... ثم التوجه لميدان النسر عند العصر ...

التسوق من مجمع ( الفير مول ) والعشاء والعودة للفندق ..


اليوم الثاني في ( لنكاوي )

جولة أربع ساعات تتم فيها زيارة التلفريك - الشلالات - منطقة كواه وسط لنكاوي

تبدأ الجولة 10ص - 2 م .. وعند الثالثة عصرا رحلة المانغروف المميزة


اليوم الأول في ( بينانغ )

الوصول والراحة في الفندق ثم التجول مساء في شارع الباتو فرينجي الشهير

اليوم الثاني في ( بينانغ )

الأفطار والجلوس على الشاطيء قليلآ ... ثم جولة خاصة لمدة أربع ساعات على بينانغ

في المساء كالعادة ... التجول بشارع الباتو فرينجي والتسوق والعشاء هناك

اليوم الثالث في ( بينانغ )

زيارة منطقة جورج تاون وهضبة بينانغ ... ثم العودة للفندق عند العصر ...

وممارسة الأنشطة البحرية إلى المساء ... ثم تمضية بقية المساء في الباتو فرينجي


اليوم الرابع ( بينانغ )

الأستمتع صباحآ بالشاطيء ... وزيارة ( شلال بينانغ ) ...

وفي المساء التسوق وزيارة مجمع ( كوينسيبي مول أو غرني بلاز ) ..


اليوم الأول في ( كوالا )

الوصول للفندق والراحة قليلآ ... ثم التوجه لحديقة البرجين الساحرة جدآ والجلوس هناك إلى المغرب
وفي المساء التوجه إلى شارع العرب والعشاء هناك

اليوم الثاني في ( كوالا )

التوجه صباحآ إلى المنارة ثم حديقة الحيوانات ( زوو نيجارا ) ... ثم العودة للفندق

وعند العصر التوجه إلى حديقة بيردانا والجلوس هناك للمساء ...

وفي المساء التوجه لشارع العرب والتسوق والعشاء هناك ...

اليوم الثالث في ( كوالا )

التوجه الساعة ( 10 صباحآ ) إلى ( جنتنغ ) والعودة ( الساعة ( 6 مساء )

عن طريق تاكسي بسعر 110 رنقت ... والعودة بتاكسي آخر

وبعدها التسوق من مجمع التايم سكوير بآخر شارع العرب ...

اليوم الرابع في ( كوالا )

جولة في باص ( الهوهو ) على أشهر معالم كوالا ... في الفترتين الصباحية والمسائية

وفي المساء التوجه إلى مجمع ( تايم سكوير ) .... والعودة للفندق للراحة والنووووم

http://img585.imageshack.us/i/7qye.png/

كوالالمبور
1- برج الاتصالات .
Menara Kl
مكان ولا اروع منه تشوفي كوالا من فوق منظر فيه من الجمال الشئ الذي يبعث في النفس رهبة غير طبيعيه.. وبامكانك تستخدمي المناظير الموجوده ان حبيتي....اتوقع بخمسة رينجت....والدخول للبرج بعشرة رينجت للفرد الواحد... بس وناسه ودائما شعورنا والسؤال الداخلي يمه لويطيح فينا ههههههههه
2- العمارتين التوأم .
Twin tower
يعتبر اعلى ناطحة سحاب في العالم مكان جدا روعه وافضل وقت للزياره من بعد التاسعه صباحا لانهم يقفلون تقريبا 2 ونص...
بس اتوقع انه مايخلونك تطلعين للاخير لدور معين.. يمكن الدور 88 وشدعوه 88 انا لو اطلع الدور الرابع ماحب اشوف تحت ههههههه
3- مدينة الألعاب صنواي لاقون .
Sun Way Lagoon
هذي اصلا فندق روعه مع مدينة العاب ملاصقه له بس عيبه اشوي بعيد عن كوالا يمكن 40 دقيقه... بس الطريق رووووعه
وفيه العاب مائيه جدا روعه وخاصة ذاك البرميل اللي يمتلئ مويه وبعدين يكبه على اللي تحت وناااااسه بجد وهالمكان شورتات مايبيله كشخه.. وفيه بحر صطناعي يجنن بصراعه وعجيب اصطناعي وفي موووج جالس سعتين اقول شلووووووون....؟؟
4- كهوف باتو ( معبد هندي ) .
Batu Cave
هذا معبد هندي بس يبيله لياقه للطلوع درج عالي شوي والدرج حقه النظره له تخلي الواحد يايهج ياتتحملي وتطلعي علشان تشوفي هالعالم وش اتسوي اصلا.. وبنص الطلعه مع التحب تناظري تحتوودك تنزلي واتقولي دامني وصلت هنا بكمل.. وهو عبارة عن مغاره بجبل بس يبيله مثل ماقلت ليااااااااقه...وبتشوفي اشياء غريبه تحمدي ربك انك مسسلمة ... شئ عجيب اصنام ونيران واشياء غريبه من جد...
5- مرتفعات جينتنق .
Genting high land
تقريبا من كوالا ساعه الا ربع على حسب السواق وسيارته...منطقة بصراحه انصحك فيها وبقوووووووووة بس ثقلوا بالملابس تراها باااااااااااااردة حييييل وفيها مطاعم حلوة ومقاهي ونسيت اقولك من كوالالمبور الى جنتنغ 70 رينجت بس يعني لايلعب عليكم انتبهي والتلفريك رخيص مره...بس انتبهوا من المرتفعات...ومثل ماقال اخوي وافي اهم شئ السواق من اصول ماليزيه ابا عن جد ابعدوا عن السواقيين اللي اصلهم صيني خشنين ودفشين وماعندهم اسلوب......احيانا الماليزي اللي اصله هندي زين... انا ادور واحد قزم علشان لاقال ماقال مصعت ارقبته هههههههههههه
6- مدينة الألعاب وندر لاند .
Wonder land
مكان حلو هو داخل مجمع وفيه صاله تزلج حلوة ما انسى يوم اطيح على جبهتي بس الحمد لله محد شاف...خخخخخ
7- المتحف الوطني .
NATIONAL MUSEUM
متحف يتكلم عن ماليزيا الدخول له بعشره رينجت وتعرفي فيه كيف كانت ماليزيا وكيف صارت انصح فيه لسبب واحد النقله اللي انتقلتها ماليزيا بوقت قياسي....بس لاتلمسون شئ من التحف فيه كميرات هههههههه
8- حديقة الحيوانات .
ZOO NEGARA
بصراحه حديقه حلوة مره ويستمتع فيها الاطفال بشكل كبير ورخيصه مره الدخول للكبار تقريبا 8 رينجت والصغار اربعه رينجت... بس متعه مابعدها متعه وخاصة بعض العروض الداخليه وهي داخل كوالا يعني مش بعيده..انا اللي عجبني فيها البحيره الداخليه والجلسه قدامها شئ عجيب بصراحه...بس جاني سؤال قم هج لايجيك تمساح خيالات مالها داااااعي....
9- حديقة الطيور .
Taman Burung
حديقه بصراحه روعه فيها طيور غريبه وتعجب الاطفال جدا...وهي وسط كوالاوميزتها ان الطيور مو با اقفاص بشبك مسكر عليها بس شئ بصراحه ابدااااااع
10- حديقة الزهور .
Taman Bunga
بجنب حدبقة الطيور يعني تقدروا تروحوا لها مشي... الدخول ببلاش ياحلو الشي لاصار ببلاش له طعم غييير هههههههههه وفيها زهور غريبه مو موجوده باي مكان بالعالم... شي خيال... مرده دخلت مع واحد قالي كله زهور مافيه شي ثاني التفت عليه قلت شئ ثاني مثل ايش قال مثلا جرجير قلت جعل يجرجرونك يابعيد... الشرهة علي انا اللي جايبك هنا... انت حدك مزرعتنا اللي مليانه فجل وخس....
11- حديقة الفراشات .
Taman Rama
احسها روعه بصراحه... واكثر شئ يحبوا هالمكان البنوتات الصغار اما العيال انصح بابعادهم عن المكان ههههههههههههه علشان مايخوفون البنات يعني مثل ولد يشوف بنت سرحانه ويقول لها صرصصصصور وتجلس تصارخ من الروعه والخوف وتراها قريبه بعد من حديقة الطيور واتوقع الدخول لها بعشرة رينجت.
وبالتوفيق يارب

وافي
جدول ممتع وشيق ومنتوع
احببت فيه جولة الهوهو
اتمنى ان تتحملنا قليلا وان تزودنا ببعض المعلومات عن كيفية الحجز من خلاله
وايضا بالنسبة لجتنيغ
كما تعلم نحن عائلة ليس معنا اطفال ماهي الخيارات المتاحه بالاضافة الى مدينة العاب المغلقة
وشاكره لك من كل قلبي
ولن انساك من صالح دعاء
دمت بخير
///


فالها بقوة
اسلوبك مشوق ومحمس
وانا اقرأ تمنيت انك اكملت بقية المناطق
ولعلي انوه على نقطه اننا ليس معنا اطفال ( والله الحمد )
فلا تخاف الفراشات معنا بأمان ههههه
اشكرك من كل قلبي واتمنى ان تكمل لنا بقية المناطق
انتظرك بأحر من الجمرررر

طيب جايك اسوي كوفي واجي......واعطيك مناطق تجنن بس حددي ووووووووين تبين وحددي كم يوم ....نسيت اقولك جربي التوست حق ماليزيا التوست البريد المربعات لغير الناطقين بالعربيه...ههههه جربيه مع الفول السوداني...والفول السوداني البعض يسميه سبااال ادماااااااان من جد يخليك كذا تحسين بشعور مدري شلون قايل.....ههههههههه
حددي الاماكن على ما ارجع.....

فالها
ماش شكل قلبك متعلق بالتوست مع الفول السوداني ههههههههه
هالحين الله يسامحك حاطه عنوان طول بعرض عن اسامي الأماكن
والموضوع محدده فيه الايام
وتقولي حددي لي
ابشر من عيوني اذا رحت هناك بجيب لك كيس توتس يحبه قلبك
انتظر ردك بأحر من الجمر

قصدك الوافل ولا التوست الناشف يا فالها .؟

العدني
جابك الله
تدري اني مذاكره تقراريك بقوه
ياليت تشاركنا
لاتحرمنا من خبرتك


//

عندي سؤال الله لا يهينكم
الطيران الداخلي
ايهم افضل من ناحية السعر والراحه
اير اسيا ولا fire flyz
يوم جيت احجز بـ اير اسيا
مابقى الا يقولون الهواء عليه ضريبه :/

هلا اختي امري امر


ياريت تحطي اسئلتك كلها بما اني فاضي راح اجاوب عليها


وراح اجيب على سؤالك اللي فوق


طبعا اير اسيا بنظري افضل من الفير فلاي ولكن مش بفرق كبير


هناك ثلاث انواع رحلات داخليه


الماليزيه - اير اسيا - الفير فلاي


كلهم زي بعض تقريبا ولكن الفيصل هو السعر


انا سائح يهمني السعر الافضل من بيعطيني سعر افضل بركب معاه ههههههههه


انتي قلتي ان باقي شوي ويسوا ضريبه على الهواء في اير اسيا صحيح كلامك ولكن هي نفسها لو جيتي على الماليزيه بتلاقي حطين وزن و عصير مجاني و فستق وعملوا حسابه اجباري مع التذكره !!


شو استفدنا ؟


لهذا يسموا اير اسيا طيران اقتصادي يعني لو حاب اسافر بدون وزن - بدون اكل - بدون ( هواء ) بيطلع علي ارخص ولكن الماليزيه تجبرني اخذ وزن 30 + تجبرني اخذ عصير و فستق


في النهايه انا احب الطيران الماليزي اكثر لان احس ان المطار احلى اما مطار اير اسيا زحمه وصغير وكله صينيين ( ملوك الاقتصاد ) يهمهم هالشي لانه ياخذوا تذاكر بدون وزن عفشهم بنطلونين و تي شرت ينحطوا بشنطة الكاميرا ويحجزوا بسعر مخفض جداً


مالك من الطويله : شوفي احلى سعر واحجزي على طوووووووول لان الاسعار كل يوم ترتفع شوي

الاخ العزيز
العدني
الله يرضى عليك يارب
مايمر عليك عدو
بما انك رايق الان
الله يسعد اسألتي كالتالي

ابو هلا و فالها ماقصرو جابو عليها
ولكن لا مانع من ان تتحفنا بتجاربك مع ماليزيا

1_ جدول عائلي لـ3 اشخاص بالغين (مايحبون الحيوانات)
احدهم كبير بالسن ويركب كرسي متحرك من استطاعته للمشي
2_ عند ذكر المكان يحبذ ذكره باللغة الانجليزية
3_ لا مانع من ذكر بعض المطاعم التي اعجبتكم ليس باللازم ان تكون عربية
4_ طريقة الحجز عن طريق تلفريك جيتيغ وكيفة الوصول اليها
5_ عند ذكر الجدول السياحي ارجو التكرم بذكر اسعار التكاسي التقربية وفي حال وجب جلوسة لدينا ذكر ذالك
6_ يفضل عن ذكر الجدول السياحي ان يكون الأماكن متقاربه فـ مثلا سمعت ان حديقة الطيور والفراشات متقابلات
فبدل ان يكون لحديقة الفراشات يوم وحديقة الطيور يوم مثلا
يكونون جميعهم بنفس اليوم
7_ شي عندما ذهبت الى ماليزيا تمنيت لو انك احضرته معك من الديار؟
وشاكره ومقدره لك والله يسر امرك يارب

هلا بكم ماصار كافي صار مفطح هههههههههه
شوفي انا بتكلم على حسب عنوانك
اول شئ ببدا في سيلانجور

فندق صن وي لاقون
الاحظ اغلب من يسافر لسلاينجور ياخذ هالاوتيل علشان الالعاب تراه مو بعيد عن كوالا قريب عشرين دقيقه وترى الطريق وناسه مو مثلنا طعووووس وبعير قاطع الخط مدري وش يبي ولا جالسن على الازفلت يشيش.... ياخي تألم خلي عندك شوي دم فيه ارواح هههههههههه
بس نصيحتي اذا براسك وناااااااااسه بالسكن اسكني الفيلل اللي بالعرض فوق بصراحه روووعه ودام مامعكم اطفال لانهم يمنعون دخول اطفال للفلل.... ويستقبلونك بسله فواكه وكوكتيل وحركات....يعني كاس الكوكتيل ينوكل وهو فاضي مو مثل كاساتنا كاسات جبن هههههههههه والفيلا فيها مسبح خااااااااص يعني تنقعي محدن يمك ابد...وسوي ازعاج وغسلي بشامبوا محد بيقولك خيييير ياوخيتي وش تحسين به....والنت سريع ومن السرعه تحسين ودك تاخذينه معك بكل مكان ههههههههه تحسين بالفرق ان النت اللي كنتي تستخدمينه اول عشره يدفوووووونه... واثنين يقنعونه انه مغرز.....خخخخخخخخخخ

وسعر الفيلا الف وميه وثمانين رينجت هذا اذا ميزانيتك اوووووكي اما اذا مو اوكي اخر يوم انصحك خربيها هناك وترى هالفندق يمكن يبعد اربعين دقيقه عن المطار...
وذا ماتبين تخربينها ومعتدله مالك الا بريمير MTQ2 لشخصين والثالث ماله الا الكنب ينام عليه....او افرشوله بالارض ترى نومة الارض زينه....الا اذا تبون تدفعون 80 رينجت لسرير اضافي...
بس اذا تبين نصيحتي وتحسين انك بعالم ثاني غييييييييييييييييييييييييييييييييييييييييييييييييي ييييييييييييييييييييييييييير
اسكني بفندق و منتجع جولدن بالم تري (النخلة الذهبية) Golden Palm Tree Sea Villas
هو على شكل نخله ويعتبرونه من افضل الفنادق في العالم وعلى فكره تراه رخيص يعني ممكن تـرافلرز بسريرين منفصلين - Travelrs تاخذينها بخمس ميه وعشرين بس توووووووووحفه وربي شئ مو طبيعي.... جربيه وادعي لي من هناك اذا صاحت اذني اليمين بعرف انك تدعين لي اذا صاحت اليسار بعرف تدعين علي....هههههههههه استايل المالديف هالاوتيل....والاكل حقهم في المطعم الصيني يجننن بس مدري وشو اكلت بس يجنن....ومو غالي والله رخيص بس مطعم مدري شلون قايله ريحته... تحسين حارقين عشب...
بالله شوفي

اذا ماشي اوووكي قولي كمل.... مابي تسليييييك هههههههههههههههه

المشاركة الأصلية كتبت بواسطة Mona--
http://www.arabtravelersforum.com/tr...9/#post8081899

الاخ العزيز
العدني
الله يرضى عليك يارب
مايمر عليك عدو
بما انك رايق الان
الله يسعد اسألتي كالتالي

ابو هلا و فالها ماقصرو جابو عليها
ولكن لا مانع من ان تتحفنا بتجاربك مع ماليزيا

1_ جدول عائلي لـ3 اشخاص بالغين (مايحبون الحيوانات)
احدهم كبير بالسن ويركب كرسي متحرك من استطاعته للمشي
2_ عند ذكر المكان يحبذ ذكره باللغة الانجليزية
3_ لا مانع من ذكر بعض المطاعم التي اعجبتكم ليس باللازم ان تكون عربية
4_ طريقة الحجز عن طريق تلفريك جيتيغ وكيفة الوصول اليها
5_ عند ذكر الجدول السياحي ارجو التكرم بذكر اسعار التكاسي التقربية وفي حال وجب جلوسة لدينا ذكر ذالك
6_ يفضل عن ذكر الجدول السياحي ان يكون الأماكن متقاربه فـ مثلا سمعت ان حديقة الطيور والفراشات متقابلات
فبدل ان يكون لحديقة الفراشات يوم وحديقة الطيور يوم مثلا
يكونون جميعهم بنفس اليوم
7_ شي عندما ذهبت الى ماليزيا تمنيت لو انك احضرته معك من الديار؟
وشاكره ومقدره لك والله يسر امرك يارب

هلا اختي


بارك الله فيك


بالنسبه للجدول اخي الوافي حط جدول حلو وجينتينق فيها سوق حلو و حديقة العاب داخليه و كوفيهات ومطاعم وجو روعه اذا ما تبونها كنسلوها عادي بجيبك على بعض الاسئله اعلاه


الاماكن اللي تبيها بالانجليزي اكتبيها لي هنا اكثر الامكان اللي نكتبها ننطقها بالانجليزي مثلا لو اقول له الصن واي لاقون يفهم لو اقوله اكواريا يفهم لو اقوله توينز تاور يفهم انتي اعطيني بعض الاشياء اللي تبي تترجميها والباقي علي


المطاعم الحلوه الصراحه طربوش و المطاعن السريعه كنتاكي و بيتزا وغيرها واكيد احلى كوفي شوب بماليزيا اسمه اولد تاون كوفي في كل مدينه في فرع او فرعين موجود بتقريري الجديد صور له


جربي كل انواع القهوه سعره رخيص


ايضا في لنكاوي جربت مطعم القصر و لقيته لذيذ بس اعتمادي على المطاعم الامريكيه اكثر مو معقوله طول عمري اكل مندي ولما اروح ماليزيا اكل مندي ؟؟ انا احب اجرب اكلات ومطاعم جديده لوووووول




التلفريك عن طريق الباص او التاكسي لو باص تروحوا محطة بودورايا في كوالا الصبح الساعه 8 وتحجزوا باص ترى لهم باصات كثير تقريبا كل ساعه باص والرجعه المغرب وينزلكم عند التلفريك ويعطوكم باكج تلفريك وحديقة داخليه و باص روحه ورجعه يعني بكج متكامل


لو بتاكسي تقولوا له ودينا تلفريك جينتينق وهناك تاخذوا تذكره من الكاونتر


- اي شي جوله يعني ان التاكسي لازم ينتظر الجوله في كوالا 30 رنجت للساعه في لنكاوي 25 في بينانج 30 وانتوا حرين كم تريدوا تجلسوا في المكان المعين او الحديقه المهم مجموع الساعات تضربوها بمبلغ 30 او 25 ( حسب الاتفاق المسبق )


قولي للتاكسي جوله هو يفهم هذه الكلمه تماما بس اختاروا الاماكن من الدفتر اللي بيعطيكم اياه او تقولوا له اماكن معينه دفعه واحده وهو بيتصرف




احلى شي اجيبه من هناك في ماليزيا ولو رحت ان شاء الله بجيب منه مره ثانيه القهوه البيضاء من مكوفي تري في بينانج والقهوه الاكياس من كوفي اولد تاون كوفي في كوالا و لنكاوي كرتون فيه 10 كياس قيمته عشره رنجت ممكن


شنط ومحافظ تقليد درجه اولى من السونغي وانج في كوالا وساعات اكيد من محلات الهنود في السونغي وانج اكيد

العدني تكفى لاتجيب سيرة مطعم الطربوش... اذا كان قصدك اللي بجنب اوتيل الرينجت اللي قريب من حي العرب... اقسم بالله انه ماخذن سمعه ع الفاضي... مره اكلت باميه عنده...الباميه كبر الكوووسه حشى وش ذا... وكل الطاولات جنب بعض كنه مييييز عمال... واللي متغطيه واللي فاتشه... واللي تطالعك وانتي تاكلين واللي يشوفك وش تطلبين يطلب مثلك ... اللي يدخل هالمطعم مدري وش يحس... وبعدين روحوا للمطاعم العالميه وش لكم بالمطاهم العربيه... مامليتوا.... روحوا مطاعم ايطاليه... صينيه...هندية...الا الطربوش ولا مندي القبل... يعني الجبل....ههههههههه
وكل كوم والمطعم العراقي اللي بحي العرب حاط له كم قطعة قماش خيمه انه عربي والكباب حقه كنه بلاستيك... واسوووووود لحمه... مدري وش ذا اللحم....بقايا ضب ... ولا بقايا قمل...يعني جمل....هههههههه
عدني التوست ناشف.... مو وافل يابعد راسي اعرف الوافل اللي يحطون فوقه عسل....هههههههه

تجربة اضافة رد من الجوال
مرتين ارد من الكمبيوتر وينحذف:/ من الموبايل

فالها
ردك يبرد القلب
لو اني دارية عن اقتراحاتك الجميله ما استعجلت باختيار الفنادق
انا الان حجز النفادق تم والله الحمد
بقى فقط جدول التمشيات
والجدول كالتالي
2سلانجور
2لنكاوي
4بيانج
4كوالا ومن بينها يوم جنيتغ

والله ييسر امرك يارب ويرضى عليك

/////

العدني
الله يسعدك شكراً لعودتك
بالنسبه للدفتر والجوله هل صحيح فهمي
ان التكسي معاه دفتر ؟
والجوله كذا انطقها ام باللانجليزيه
والله ييسر امرك وماقصرت والله من الموبايل

تصدق بالبداية حسبتك تستهبل
والله شي جميل هالشي الله يبشرك بالخير
تسلم يالعدني والله ييسر امرك يارب