الموضوع: ياليت ترشدونيـــ يالبى اقلوووبكم

بسم الله الرحمن الرحيم

السلام عليكم ورحمة الله وبركـاته

هذا امول موضوع لي في هالمنتدى القمة الصراااحـه روووعه ـ

ابغى تفيدوني ..

انا بعد اسبوع ان شاء الله بمشي للبحرين بمشئة الله تعالى ..

وهذي اول مررهـ اروووحلهــا ومتشوووق بقووهـ ..

يقولون انها افضل دولة سياحية في العالم ما خذه المركز السادس ..

فيا اليت تقولوني وترشدون للأماكن الي يمكن الذهاب إليهــا ..

وش فيه شي حلوووووووو

وين اروح يا ناااس لاني ما ادل الصراااحه ..

لكم فائق احـترامي وتقديري ..

اخوكـم ::

مجروح الأحساس ؟؟

مواضيع عشوائيه ممكن تكون تعجبك اخترناها لك:

• أريد اسم مكتب سياحي موثوق وأسعاره مناسبه في البحرين لحجز الفنادق لعدد من الوجهات؟
• برنامج متكامل لخمسه أيام في البحرين ؟؟؟؟
• فيرندا كوفي
• يا أهل البحرين الكرام الفزعة ثم الفزعة ثم الفزعة
• ذاهب للبحرين لمدة ايام مع الوالد واريد نصيحتكم بالفنادق المجربه هناك
• سلبيات وإيجابيات رحلتي للخبر والبحرين
• استفسار عن بانيان تري ياخبراء البحرين
• يا بنات البحرين ساعدوني بخصوص المشغل اللي داخل الرجنسي
• مطاعم الافطار
• صرف الدينار مقابل الريال عن طرق ماستر كارد
• العرين البحريني يطلق حديقة مائية بـ مليون دولار
• طلب ياأهل البحرين أو الخبراء بالبحرين
• المحلات النسائيه في المجمعات تفتح ايام العيد ؟؟
• ممكن مساعدتي إذا سمحتوا
• بليييز فزعتكم بسافر بالعيد
• شاليهات البحرين
• شوفوا جدول رحلتي واحذفوا وعدلوا عشان تطلع الرحله بطله
• الاجواء في البحرين طوال السنة
• طالبتكم يا اهل البحرين
• مواقف مطار البحرين وطيران فلاي دبي

حياكم الله وان شاء الله رحلة سعيدة

والأماكن الي موجودة بالبحرين حاليا يعني قصدي في موسم الشتاء

1- عذاري ( منتزه ترفيهي ويوجد فيه ألعاب للصغار والكبار )
2- مجمع السيتي سنتر
3- مجمع الدانة ومجمع السيف ومجمع البحرين ( مجمعات تجارية وسياحية )
4- منتجع البندر ( بس الصراحة ما دري اذا لازم اشتراك سنوي ولا مسموح للجميع ولكنه الصراحة ابداع فيه كل شي تقريبا )

هذي الاماكن الي تذكرتها وان شاء الله الاعضاء ما يقصرون وياك

أول شي أخوي يا هلا وسهلا فيك بين أهلك في البحرين ,, موضوعك بسيط وخفيف ولكن مضمونه ضخم لأنها أول زيارة لك وضروري نعد لك برنامج على مستوى ,

لذلك المطلوب منك في البداية بعض الأمور ( موعد الزيارة والفترة الي راح تقضونها + الميزانية التقديرية للزيارة + هل راح تكون الزيارة شبابية ولا عائلية ) ,,

وحاضرين لك أخوي لأي استفسارات ,


,

السيف موول ..
الدانه موول ..
سيتي سنتر .. وفيها ألعاب مائيه رائعه ..
جنة الدلمون ( مدينه مائيه ) ..

الاخوان ماقصرو ..

حبيت ازيد عليهم كم محل..

اذا تحب المتاحف فلازم تروح متحف البحرين الوطني وبيت القرآن ..

وعندك محمية العرين لكن يفضل انك تعرف مواعيدها قبل لاتروح لانها بعيده عن العاصمه ..

وعندك كافيهات ومطاعم العدليه (خلف فندق الخليج)

والكافيهات اللي عند مجمع العالي من بره ..

مجروح ...

البحرين حلوه بس للي يعرف لها

للاسف انت ما حددت الايام و المزانيه و الاعمار.... لكن خذ بعض الاماكن...

بالنسبه للاسواق و المجمعات ...
حاليا اخر شي موجود في الصوره هو السيتي سنتر ... مجمع حلو و فيه كل شي (كارفور & اثاث & ملابس & و جبات سريعه & مطاعم ممتازه & ملاهي و و و و )
فيه خيارات ثانيه مثل السيف و العالي و البحرين و الدانه. بس شخصيا لو بغير عن السيتي بروح السيف.

الترفيه ::: ما ادري عن اوضاعك و اعماركم بس عندك خيارات للصغار و الكبار.
منتزه عين عذاري & محمية العرين للحيوانات *****

الدواره ... هاللايام الجو حلو و بتشوف عجايب تضحك في الصخير " طبعا العصريه" و عندك دواعيس العدليه حلوه بتكتشف مطاعم و مقاهي و انت تفتر هناك.

الاكل
الهندي (لنترنس بدون نزاع)
التايلندي و الياباني (مونسون)
عربي (الابراج و الصاج اللي في مواقف السيف)
مشويات (كوشي باشي في السيتي سنتر ممتاز)
فرنسي (بول في السيتي سنتر و السيف) جرب شوربه البصل و حلوياتهم مممممممتازه.
ستيك ( عندك ابل بيز في مواقف مجمع البحرين) طبعا طعمه 100 % يختلف عن السعوديه.
و اذا انت ما رحت الحرين من قبل و قف عند اي كفتيريا في الشارع و قوله يعطيك تشكين فليه او دجاج ميونيز و عصير منجا و ادعيلي.

لا تنسى الحلا عند ليلو ... و فيه واحد يسوي كريب نوتيلا في السيف لا يفوتك .

اخواني مشكورين يالبى اقلوووبكمـ

احــنا اثنين بس الأعمار 22 و 25 ,,

الميزانية قطيه .. ( : كلو احد 3000 ؟؟

يعني الميزانية 6000 وانا واحد من العيال . يقولي كثيره 6000 ..

وييييين ويييين وش 3 الالف
شكلكم كاشات تصيرون اخوياي؟
يارجال البحرين انا احط لها ميزانية 200 ريال بس وش ناوي تسوي هناك ؟