الموضوع: ايهم افضل كمبنسكي ام انتر فستيفل ستي؟

ابي رايكم وتجاربكم وشاكره لكم مقدما

ملاحظه معانا طفل واخترت هالفندقين لانهم قريبين من مولات

مواضيع عشوائيه ممكن تكون تعجبك اخترناها لك:

• مساعدة في اختيار فندق او منتجع
• خدمة صغيرووووووووووونه
• افتتح ملتقي العائله بصور
• تعرف على فندق ومنتجع دانات العين
• زيادةعدد السياح الاوكرانيين الى الشارقة
• ابي بس خريطه
• لأصحاب الخبرة في دبي
• مصر للطيران تستهدف رحلة أسبوعيا بين أبوظبي والقاهرة من يونيو
• شاركوني أرائكم مسافر الى دبي لوحدي وبجلس ايام
• حجز السكن بدون استخدام الفيزا
• جايك يالامارات
• ما هي افضل المطاعم العائليه في مدينة العين
• أستفسار عن مطعم
• سياحة دبي تطلق نظام تأجير وحدات فندقية بالخدمة الذاتية
• فزعتكم يااهل دبي
• ساعدوني في سفرتنا للشارقه
• نصيحة لكل من يريد السفر للإمارات
• استفسار عن الاسواق الحرة ؟؟ دبي
• اللي جرب السكن في المريديان يفيدني
• عالم فيراري أبوظبي تفتح أبوابها للجمهور أكتوبر المقبل

كلهم حلوين و راقين ..

بس انا اشوف كمبنسكي و مول الامارات اقرب لباقي التمشيات من الفيستيفال ..

مشكوره اختي على الرد مازلت انتظر رودود البقييييييييييييييييييه 18 زياره ورد واحد وينكم ؟؟؟

بشكل عام .. كبمنسكي افخم واغلا

كمبنسكي ملاصق لمول الإمارات
أما انتركونتيننتال ملاصق لفستيفال

لو جينا نقارن بين مول الإمارات وفستيفال
الاثنين فيهم سوبرماركت كبير (مول الإمارات فيه كارفور وفستيفال فيه هايبر بنده)
الاثنين فيهم سينما
الاثنين مطاعمهم حلوة ومتنوعة

بس مول الإمارات في سكي دبي (التزلج)
وفستيفال فيه القنال .. ممكن تركبون في القارب

أعتقد إذا للأطفال .. اعتقد مول الإمارات امتع من فستيفال

الانتر ماأعرف عنه شي
اما الكمبينسكي فهو فخم حتى امارات مول موجود فيه اغلب الاشياء المطاعم والسينما والسكي دبي والعاب للاطفال
حتى موقعه حلو

كمبنسكي حق اليهال ،، والمول اكبر من فستفال

مشكورين على ردودكم

فندق كمبنسكي أفضل لأن فيه سوبرماركت وسينما وألعاب وسكي دبي للأطفال ومحلات أكثر خصوصا الماركات
وإذا تبون الراحة الأنتر حلو وهادئ وخصوصا هالأيام الجو حلو في القنال والمطاعم إلي تتطل عليها

كمبنسكي
افضل لانه ملاصق لأمارات مووول وامارات موول ممتع جداً ..

شاكره ونصايحكم ماقصرتو اخواني

ارشح الانتر فيستفال وبقوه وبصراحه لي تجربه جدا سيئه مع فندق كمبنسكي بصراحه الفندق ما يسوى صحيح انه يم المول بس خدمتهم جدا سيئه من تجربه شخصيه ... اذا تبي رايي وماراح تتحسف وانا كنت هالويك اند فيه وارشحه لك وهو فندق غراند حياة دبي بصراحه فخامه وخدمه وحق اليهال يستانسون واهم امسوين حاليا السعر عليه تخفيض انا خذيت الغرفه مع الفطور 1200 درهم بالتمام والكمال والغرفه كبيره وحلوه والخدمه راقيه والفطور حلو وحتى عندهم حمام سباحه داخلي خليت عيالي يسبحون فيه خفت عليهم من برودة الجو اللي تعتبر نوعا ما نسمة بروده واحنا بالنسبه لنا نعتبرها بارده مقارنة مع الاجانب وهذا حبيت افيدك بتجربتي والامر متروك لك يا اخي الكريم .

كلهم حلوين فيهم المتعة ..

مشكورين على ردودكم اخوي احمد من وين حجزت الغراند حياه

طبعا أنا ارشح الكمبنسكي لأن كل سنه نروح دبي نسكن فيه....غرفه جدا واسعه خصوصا ان معاكم طفل فتحتاجون مول ملاصق للفندق وغرف واسعه. وبالنسبه لمول الأمارات فكل شي فيه ولا حتى تحتاج تطلع منه وفيه ألعاب للأطفال في الطور الأخير.

الانتر فخم وجديد وحلو ... بس من وجهة نظري كمبنسكي افضل فندق عائلي في دبي وبالذات غرف ال Grand Deluxe واسعة وفخمة وكفاية ان كمبنسكي ملاصق لمول الامارات .

تسلمووووووووون