المشاركة الأصلية كتبت بواسطة 3zoo~
http://www.arabtravelersforum.com/tr...3/#post8068421
بسم الله الرحمن الرحيم
السلام عليكم ورحمة الله وبركاتة ..
عليكم السلام ورحمه الله
وشلونكم .. ان شاء الله بخير
الزبدة ,,
طبعا باجازة عيد الاضحى قررنا انا والاهل نزور ماليزيا ان شاء الله 4 كبار و 3 صغار يعني 7
الزبدة استفسرت قبل عن توزيع الايام في الرحلة ولقيت تجاوب من اخوي وافي الله يعطيه العافيه بالتوزيع هذا لمدة 14 يووم
يومين سلانجور ( فندق البيراميد ) ... ( هل الافضل البيراميد او صن واي لاقون ؟ )
الاخوان يفيدونك افضل .. بس من وجهه نظري ماكو شي حلو غير العاب الصن واي لاغون
ثلاثة أيام لنكاوي ( فندق لنكاوي لاقون )
ثلاثة أيام بينانغ ( فندق الهوليدي إن )
يومين جنتنغ ( فندق الفيرست وورلد )
صكروا التلفريك مالها للعلم
أربعة أيام كوالا ( فندق البرنس )
عموماّ هل فيه افضل من الفنادق هذي للي جربها بما اننا عائلة يعني ...
الشي الثاني بالنسبة لوسائل النقل هل الافضل كلها طيران ؟ او فيه مثلا سفن سريعه افضل وامتع مثلا
كله طيران بالنسبه للتنقل من لنكاوي بينانغ كوالا لاتاخذ شي ثاني مثل البحري عوار راس ولوعه جبد ودوخه
التذكره الوحده للتنقلات الداخليه رخيص جدا جدا ويمكن ارخص من التنقل البحري
جرب موقع اير اسيا
من كوالا الى جنتغ باصات فخمه من محلات قو جنتنغ
الشي الثالث وهوالاهمبالنسبة لتوزيع الايام في هذي المدن ابي ترتيب للاماكن الي تستحق الزيارة في سلانجور , لنكاوي , بييانغ , جنتنغ , كوالالمبور بمعنى اول يوم في سلانجور وين نروح وش الاماكن الي نروح لها هناك وكذلك لنكاوي وبيينع وجنتنغ وكوالالمبور
سيلانجور مدينه العاب الصن واي لاقون واحجز من النت ارخص واختار الباقه العائليه
واسرع لك بالدخول لانه شباك الاون لاين فاضي والثانيات زحمه
مدينه الفراشات المضيئه اذا عايله وفي سوق ثاني نسيت اسمه
لنكاوي : شي اكيد ومن غيره ماكو فايده رحله المانقروف والتلفريك وفي انشطه اخرى جت سكي وبراشوت واسواق بسيطه بس حلوة ولاحظ لو تبي هدايا اخذ من لنكاوي احسن طابعها افضل واسعارها احسن ولا تنسى لنكاوي جزيره محافظه جدا جدا جدا ماكو خربطه وراح ترتاح مع العايله
بس العكس في بينانق
بينانق مادري عنها لاني كنت مريض وقزرتها نوم بالفندق
كوالا مدينه ساحره ..
بما انكم عائله لا تطوف مجمع التايمز سكوير مجمع ضخم وجدا جميل
وافضل شي تروح تحجز لباصات هوب اند هيب اعتقد اسمها جذي في مواضيع للاخوان عنها
تفتر فيك بكل الاماكن السياحيه وصور واليوم الثاني ارجع للي عجبك
التكاسي رخيصه جدا في كل كوالالمبور مقارنه بالكويت
بعد ال9 بالليل لاتروح شارع العرب مع عائلتك دير بالك
ينتشرون الي يدللون على البنات والوضع هناك بصراحه مقرف
انا ماحبيت شارع العرب مادري شنو فيه ولا شنو عاجبهم فيه
كوالالمبور مدينه ساحره وفيها الكثير من الاماكن وراح تسافر وانت ما خلصتها
اول ما توصل اخذ خريطه من الفندق وضبط شغلك
الشي الرابع : بالنسبة للاكل هناك وبالذات بالجزر مثل لنكاوي وبيينغ هل فيه مطاعم معروفه مثل ماكدونالدز , كنتاكي ,, الخ .. او ما فيها مطاعم ؟
الاكل في لنكاوي في مطاعم الوجبات السريعه ماكدونالز وكنتاكي
الوجبات ارخص من الخليج والذ بشكل خيالي
قدام كنتاكي في محل يأجر سياكل يسمونها سكوتر اليوم كامل 30 رنقت مع البنزين
جربها عند واحد صيني بس لاتدش محله ريحته مقرفه
اول ما توصل مطار لنكاوي احجز من الكباين الموجوده لرحله المانقروف رحله رائعه بمعنى الكلمه
من اول محل ع اليمين فيه وحده محجبه ب250 رنقت فقط
شامل التوصيل من والى الفندق بسياره تويوتا عائليه جديده
واذا تبي احجز من عندها البراشوت بس اشترط عليهم التصوير بالفيديو
واحجز للتلفريك مهم جدا ما يتطوف
في كوالا نفس الشي بالنسبه للمطاعم بس روح التايمز سكوير الدور الثالث في مطعم ونديز
وجبتين كبار تقريبا 35 رنقت رخيص وحددده لذيذ جرب الهامبرجر
وبالنسبة لجنتنغ هل تحتاج يومين ولا يوم واحد يكفيها ؟؟
وبسس ... دمتم بود
البقيه الاخوان ما يقصرونمواضيع عشوائيه ممكن تكون تعجبك اخترناها لك:
- شهر عسل ارجوا المساعده
- مسافر في أكتوبر إن شاء الله وأحتاج مساعدة
- خبراء ماليزيا رجااااء
- مشكلة لا يمكنني اتمام الحجز عن طريق اير اسيا
- الأجواء الماليزية للأطفال
- عندي استفسار عن فندقين
- السفر قرب ومشاكل الحجز كثرت ساعدوني
- كم وصل سعر التذكره في خطوط الماليزيه
- طلب عاجل رقم سواق جيد في سيلانجور
- جدول رحلتي الى ماليزيا
- من كوالالبور الي جنتغ
- ترتيب جدول لرحلة شهر عسل ما استغني عن نصايحكم بعد الله
- طيران ناس الدولي
- كيفية اختيار المقاعد من الطيران الماليزي
- تكفووووووووووووون الفزعه
- استفسارات بخصوص الفنادق
- محتار بين فندقين
- خطة السفر قي اكتوبر ابي رايكم؟ولكم جزيل الشكر
- ما رأيكم في موعد سفرتي الى ماليزيا قبل تأكيد الحجز
- فزعتكم الله يوفقكم جاوبوني وابي جدول
رد مع اقتباس
المفضلات