ولايه اوريقن ممتازه و ناسها طيبين مره و اسعارها زينه مب غاليه و هي امنه جدا من ناحيه تخصص هندسه الكمبيوتر عندك يونفرستي اوف اوريقن جامعه ممتازه و هي تقه في مدينه يوجين مدينه صغيره و حليوه تبعد عن بورتلاند حول الساعه و نصف و ايضا عندك اوريقن ستيت يونفرستي تقع في مدينه اشلاند بعد حليوه و صغيره بس بعيده عن بورتلاند لانها فالجنوب
اما عن مدينه بورتلاند هذي اكبر مديه في اوريقن و احلاها تقع فالشمال في حدود واشنطن الي فيها مدينه سياتل و المدينه امنه و ناسها طيبين و يكثر فيها العرب و الخليجين و شرق اسيا و الصومالين و فيها اهم جامعتين بورتلاند ستيت يونفرستي وهي حكوميه تقع فالداون تاون الجامعه ترتيبها من فئه افضل 400 جامعه لكن هي كويسه في تخصص هندسه و الكمبيوتر و عندك ايضا يونفرستي اوف بورتلاند هذي جامعه خاصه و هي افضل من بورتلاند ستيت يونفرستي من ناحيه السمعه من ناحيه السكن في اوريقن فهي رخيصه و مافي تاكس يعني عادي تحصلي شقه نظيفه و حلوه و واسعه في حدود 500 دولار في يوجين او اشلاند اما بورتلاند ا لسكن فيها غاليه الا اذا سكنتي برع بورتلاند و اغلب الطلبه كذا يسكنو في بيفرتون او ليك اسويقو ارخص و تقدر تيجي بالباص او القطار راح تاخذ 20 دقيقه و على فكره المواصلات في بورتلاند ممتازه جدا و نصيحتي لك ادرس في يونفرستي اوف بورتلاند جامعه ممتازه وسمعتها زينه و مدينه رخيصه و قريبه من بورتلاند اذا تبي تستانس فالويكند وراح احط روابط الجامعه

http://www.uoregon.edu/

http://oregonstate.edu/

http://www.pdx.edu/

http://www.up.edu/

وهذا موقع يقولك مستوى الجامعه
http://colleges.usnews.rankingsandre...udoc_brief.php

طبعا هذا بخصوص ولايه اوريقن و مافي حد راح للولايه هذي و ذمها من جمال الطبيعه و ناسها و هي قريبه من سياتل و فانكوفر كندا و في ايضا اذا حاب تدرس في ولايه ثانيه انا افضل بعد اوريقن كلورادو و اشنطن الي فيها مدينه سياتل

مواضيع عشوائيه ممكن تكون تعجبك اخترناها لك: