الموضوع: ياأهل الكويت الكرام طلب مساعدة

من يعرف لي شقه أو فندق أهم شي يكون نظيف وحلو وياليت يكون على البحر او في موقع مميز يسهل علي التمشيه لشخصين فقط يعني ابي صغير والسعر لايزيد عن 300 ريال سعودي
وأنا حابه أزور الكويت سياحه لمده ثلاث أيام بعد أسبوعين من الان هل الجو مناسب ووين تنصحوني أروح هالثلاث أيام
وياليت اللي سافر من الرياض للكويت برا يقولي كم المسافه من ساعه وهل الطريق سئ؟

ومشكورين مقدما

مواضيع عشوائيه ممكن تكون تعجبك اخترناها لك:

• سؤال يالغالين فيدوني
• سوق الفقع
• سكن رخيص ممكن؟؟ ايام
• مطلوب شقق عزاب مفروشه في منطقه الشرق بسعر معقول
• مساعده في حجز شقق او فندق بالكويت
• أفتتاح أول مطاعم شيك شاك في الأفنيوز
• المطاعم المجرّبة في الكويت
• مبروك الاشراف الى مشرفنا لبوابة الكويت
• طلب زيارة
• خبراء السوق
• منتجع بالجليعة
• أرجو الخدمة ياأهل الكويت الكرام وين المكتبات
• ابغى محلات الطرح وغيرها ورحله ع البر
• حلبة سباق الربع ميل في الكويت
• استفسار عن فندق و منتجع شاطئ النخيل
• زائــــر الكــــويت ، تفضــــل بالدخــــول
• مطعم سالاد بوتيك
• شقق فندقيه ومفروشه بالكويت بالجمله لرحلات العيد
• كم سعر صرف الدينار هالأيام بالنسبه للريال السعودي
• افضل شقق مطله على البحر

أختي مسافرة سعودية حياك الله

عموما بالنسبة للسعر اللي تطلبينه لايوجد هناك فندق بهذا السعر إلا الكورنيش (والسعر بحدود 30 و35 دينار يعني من 360 إلى 420 ريال) وهو ملاصق لمجمع المارينا لكن هناك شقق فندقية بالسالمية مثل بنفس السعر إستفساراتج بالنسبة للبرنامج المطلوب .
كما أنصحك بقرآءة موضوع الأخت المسافرة من قطر المثبت وسينفعكي بالتأكيد .

وبالنسبة للطريق هو بحدود 850 كيلو متر وهناك طريقان واحد عن طريق منفذ السالمي (إنطلاقا ومرورا بالمجمعة)

وهناك عن طريق منفذ الخفجي (طريق الرياض الدمام أو النعيرية)

وتوجد خرائط تفيدك بذلك
ورحلة موفقة إنشالله .

في بعض الشقق الرخيصه في السالميه حاليا بس لازم تفترين عليها وهي بالسالميه وياكثرهم المسافه بين الرياض في طريق جديد مختصر غير النعيريه

بس ماعرف تفاصيله الاخوان في السعوديه ماشاء الله يعرفونه عدل ويختصر تقريبا 170 كيلو

اهلين اختي // انا من الرياض وطلعت الكويت كم مره

تطلعون علي طريق الرياض الدمام لين يجيكم مفرق رماح تطلعون يسار ثم تبتلون سيده لين تدخلون رماح وتاخذون يمين مع وسط المدينه لين تطلعون علي طريق الصمان ودوس لين تجيكم لوحه الرفيعه وقريه العليا يمين ودوس بتمرون في قري وهجر وتمرون في وسط قريه العليا تعدها بيجيك بعدها طريق حفر الباطن النعيريه تعده بعد لين يجيكم حرف t خذ يمين لين يجيك طريق الخفجي الدمام(بداية ابو حدريه من جهة الشمال) خذو يسار ولايردكم الا الجمرك وقولو سلام ياكويت وخلكم مع نفس الطريق بعد ماتدخل الكويت يصبح اسمه طريق الملك فهد يوديكم الين المباركيه وسط الكويت....

المسافه تقريبا من الرياض لين الحدود 600 كلم ومن الحدود الي الكويت العاصمه حوالي 100كلم

واي استفسار حاظر وبالخدمه

المشاركة الأصلية كتبت بواسطة مسافرة سعودية
http://www.arabtravelersforum.com/tr...4/#post1126070

من يعرف لي شقه أو فندق أهم شي يكون نظيف وحلو وياليت يكون على البحر او في موقع مميز يسهل علي التمشيه لشخصين فقط يعني ابي صغير والسعر لايزيد عن 300 ريال سعودي
وأنا حابه أزور الكويت سياحه لمده ثلاث أيام بعد أسبوعين من الان هل الجو مناسب ووين تنصحوني أروح هالثلاث أيام
وياليت اللي سافر من الرياض للكويت برا يقولي كم المسافه من ساعه وهل الطريق سئ؟

ومشكورين مقدما



هلا اختي مسافره سعوديه


حياكم الله بالكويت وانشالله تقضون وقت ممتع عندنا


انا انصحج بفندق المارينا وايد حلو بس بصراحه مااعرف سعر الليله


والجو الفتره هذي وايد زين يعني الصبح شويه حر بس بليل الجو حلو


انا اليوم رديت من الرياض عن طريق الحفر لان انا لما استفسرت من الاخوان في بوابة السعوديه الاغلبيه قالولي الافضل والاقرب طريق الرياض - المجمعه - الارطاويه - حفر الباطن - منفذ السالمي (الكويت)

الخط حلو من الرياض للمجمعه شارع رايح والثاني راد وكل واحد في 3 حارات ونفس الشي من المجمعه للحفر ومافيهم ولا تحويله بس عيبه انه اظلم ومافي وايد استراحات يعني تأكدو من البنزين بس عندج طريق الحفر للكويت مو حلو اهوا شارع واحد وسياره رايحه والثانيه راده بنفس الشارع وتكثر في الشاحنات بالنهار

من الرياض لحفر الباطن 4 ساعات ( اذا انتو تسوقون بسرعه 160 او 140 )
ومن حفر الباطن للكويت ساعتين

يعني تقريبا الرحله كلها 6 ساعات