الموضوع: رحلتي إلى لــؤلــؤة الــخـلـيــج الكويت أيام

[b][center]..: السلام عليكم ورحمة الله وبركاته :..


زيارتي الأخيرة كانت في ..: الكويت :.. وقضيتها مع الأهل لمدة 7 أيام





نبدأ رحلتنا على متن الخطوط الجوية القطرية

ويوم السفر ما شاء الله الجو كان رهيب من كثرة الغيم اللي مغطي الكويت بأكملها










طيارة هدية حق ولدي من القطرية :109:




ووصلنا الكويت في أمانة الله

مواضيع عشوائيه ممكن تكون تعجبك اخترناها لك:

• سريع فندق او شقق في السالمية
• أريد معرفة أفضل الشاليهات العائلية المناسبة للعوائل الخليجية
• استفسار للسفر الى الكويت
• شركة الطيران الصيني الجنوبي مستعدة لفتح خط مباشر مع الكويت
• دبـي الكويــت
• مضاعفة الرحلات الجويه بين الكويت والسعودية رحله اسبوعيا
• استفسار عاجل السكن ومطار الكويت
• يا اهل الكويت انقذونا وش الفعليات الموجودة في الكويت الان حجزت في فندق ابيس الشرق
• مغــــــــربي يريد زيارة الكـويت العزيزة من فلضك ماعدة يا اهل الكويت الاعزاء
• فلاي دبي
• مصانع الكويت
• ۩ باريس غاليــــري
• مجمع يبيع ملابس حجاب
• اريد معلومات عن منطقة سلوي وكيفية الحصول علي سكن
• مكان معرض الكتاب بأرض المعارض؟ واسئلة أخرى
• ناوي على هديه لـ المدام طلب مساعدهـ
• حابه دأ مشروعي الصغير من الكويت
• مساعدة بنات الكويت في الشوبينج
• الطريق إلى لا ميريديان تاور الكويت
• الفزعه يا اخوووان رايحين للكويت

[align=center]
[cell="filter:;"][align=center]الاخت سود العيون

عساج على القوة
والله يعطيج العافية

بداية جميلة ورائعة للتقرير

الف الحمد لله على السلامة

ونحنً بانتظار الجديد من الجزء الثاني[/align][/cell]
[/align]

الحمدلله على السلامة...
بانتظار بقيه التقرير المميز من بدايتة...

الحمدلله على السلامة...



بداية موفقة جدا...

بالإنتظار و شكرا على الجهود مقدما...:d

ألف تحية.

تسلموووووون ويعطيكم العافية على ردودكم ومتابعتكم

.....................


ننتقل للجزء الثاني من التقرير


طبعاً فاليوم الأول وصلنا الشقة تقريباً ساعة 6 مساءاً

ارتحنا اشوي وعلى طووووووووووووووووول رحت الستي سنتر :109:

مكانه في السالمية قريب جداً من شقق سارة بلازا

وهذه صورة سريعة للستي وآنا على الدرج المتحرك




صراحة قبل لاروح له كنت متوقعة أنه بنفس مستوى ستي سنتر الدوحة

لكن طلع سوق عادي جداً

جزء كبير منه ( سوبر ماركت ) والجزء الباقي مسويين سوق اسمه ( مدينة المعلم التسوقية )

ملابس أطفال كبار ،، ملابس للخدم .. يعني كل شيء وأسعاره مابين دينار ونصف إلى 5

دينار ( في حدود 15 إلى 50 أو 60 ر.ق )


.........................


اليوم الثاني :

كانت وجهتنا إلى ..: المركز العلمي :..

الصراحة المكان روووووعة وما يتفوت

وهذا رابط المركز العلمي - الكويت للمزيد من المعلومات

http://www.tsck.org.kw/ar/index.htm

موقع المركز العلمي بالسالمية بجانب الكورنيش

أول ما وصلنا وقبل ما ندخل المركز نرحنا نتمشى على البحر

وهذه بعض المناظر لكورنيش الكويت







ولقينا هالقطوة الكويتية الحلوة اللي خلت بعض الناس يستخفون عليها :101:







يهال يلعبون .. وفي هالمكان تأجير سيارات للأطفال




وأول ما دخلنا المركز العلمي كان هالحلو في استقبالنا .. خرّع ولدي ويا ويه :105:




وهالصورتين من داخل محل الهدايا بالمركز العلمي







وللأسف ما قدرت أدخل سينما إي ماكس لأن معاي ولدي وخفت يتملل ويصيح

والفلم يستغرف تقريباً 45 دقيقة


قطعنا تذاكر لدخول الاكواريوم وهو قسم خاص لرؤية الحيوانات البرية والأسماك والتماسيح

والزواحف ....































وبعد الانتهاء من المركز العلمي رحنا ..: مجمع الكوت :.. بالفحيحيل وهي منطقة تبعد

عن السالمية مسافة 20 إلى 30 دقيقة ( حسب الزحمة ) منطقة ساحلية جميلة تطل على

البحر .. لكن للأسف ما صورت صور واضحة بالكاميرا

عندي صورتين بالجوال للمجمع بس مب واضحين

وهذه بعض الصور من النت للمجمع ،، ولاحظوا اللي يميز المجمع كثرة الأبواب الخارجية

ويحتوي على .. النافورة الموسيقية .. وبجانبها العديد من المقاهي

القعدة في هالمكان رووووعة بس الجو بارد لما وصلنا والنافورة كانت مسكرة





















..: وانتظروني في الجزء الثالث مع أبراج الكويت + سوق شرق ::..

المشاركة الأصلية كتبت بواسطة ســود العيون
http://www.arabtravelersforum.com/tr...0/#post1107720


ارتحنا اشوي وعلى طووووووووووووووووول رحت الستي سنتر :109:

مكانه في السالمية قريب جداً من شقق سارة بلازا

وهذه صورة سريعة للستي وآنا على الدرج المتحرك




صراحة قبل لاروح له كنت متوقعة أنه بنفس مستوى ستي سنتر الدوحة

لكن طلع سوق عادي جداً

جزء كبير منه ( سوبر ماركت ) والجزء الباقي مسويين سوق اسمه ( مدينة المعلم التسوقية )

ملابس أطفال كبار ،، ملابس للخدم .. يعني كل شيء وأسعاره مابين دينار ونصف إلى 5

دينار ( في حدود 15 إلى 50 أو 60 ر.ق )








اسم السوق ( سوق السالمية الجديد )

السيتى سنتر هو اسم السوبر ماركت فقط
ومدينة المعلم هو سوق شعبي له فروع كثيرة


اللى بنفس مستوى سيتى سنتر الدوحة هى سوق شرق ومارينا مول


..



ماشاء الله كان يوم مميز...
بانتظار الابراج وشرق


:106:

[CO LOR="Blue"]الاخت سود العيون عندنا ياهلا ومرحبا نورتي الكويت ومتابعين معاج التقرير الرائع[/COLOR]

سود العيون
ماشاء الله عليكم .. شكل الرحلة مرتبة آخر ترتيب
والحمد لله على سلامتكم

بانتظار التكملة

حمدالله علي السلامه

تقرير جميل وبأنتظار البقيه

تقرير جميل نتمنى لك قضاء أسعد اللحظات ..

ستي سنتر ما عجبك ،،، الحمدلله انك ما شفتي سوق المحاميد :109:

اللي ترس الكويت في كل مكان ..:112:

تسلموووون كلكهم ويعطيك ربي ألف عافية على الرد والمتابعة

وفعلاً مثل ما قال الأخ دكتور حشوة في توضيحه

حطوا لافتة الستي سنتر في محل خطأ لأني كنت أحسب أن هالاسم للسوق كله

وماعرفت أن المقصود بالستي سنتر هو سوق مركزي للمواد الغذائية إلا منكم



شكراً على التوضيح

..........................


WishfuL

الله يسلمك أخوي هالصورة مصورتها من لوحة معلقة في لوبي شقق سارة بلازا

لفتت انتباهي لأن رسمها جميل وواضح



ألف شكر لكم


وخلكم متابعين التقرير :24:

تقرير مبين عليه روعة
احنا متابعين
والله يعطيج العافية

يعطيج العافيه

[b]نكمل اليوم الجزء الثالث ( أبراج الكويت + سوق شرق )

الموقع في العاصمة ،، تبعد عن السالمية مسافة ربع ساعة

لافتة توضيحية بالخارج



صور من زوايا مختلفة لأبراج الكويت




























ومنظر الأبراج على الطبيعة أحلى وأحلى بكثيييير من الصور

وااايد استانست بروحتي للأبراج

بعد ذلك قطعنا تذكرتين لدخول الأبراج ( الكرة الصغيرة )

سعر التذكرة الواحدة ( دينار كويتي ) = 12 ر.ق








والكرة الصغيرة مكونة من جزئين جزء ثابت بالأسفل يطل على معالم البلاد

وفي هذا الجزء عُلقت العديد من صور الغزو

أما الطابق الثاني فجزء منه متحرك تدور الكرة حول نفسها لمشاهدة المناظر ومعالم الكويت


وهذه بعض الصور لآثار الغزو من الطابق الأسفل






















ثم انتقلنا للطابق الأعلى ( المتحرك ) عبر سلم يفصل بين الطابقين


وهذه بعض المناظر ( وتظهر في الصور الحديقة المائية الاكوا بارك )
















كشك لبيع الهدايا التذكارية وبجابنه مقهى لي كافيه




منظر عام للكورونيش واحنا خارجين من الأبراج




بعد ما انتهينا من رؤية الأبراج توجهنا إلى سوق شرق

ومثل ما انتوا شايفين موقعه على البحر ومنظر القوارب جميل جداً بجانب المجمع

وهذه بعض الصور من السيارة










وهذه صور من داخل سوق شرق





.................


[color="Red"][size="5"]وإلى اللقاء مع الجزء الرابع والأخير مع ( سوق المباركية )

ياسود العيون الحقيقه تقرير يبيض الوجه وخصوصا الصور الروعه

اذكر قبل الابراج الدخول بربع دينار ما ادري متى صار بدينار وبعد عندكم برج التحرير مفتوح خلال الاعياد والمنظر من برج التحرير ولا اروع لانه اطول برج في الشرق الاوسط

متابعين معاج المباركيه في تقريرج وصورج الممتازة

ماشالله صور جدا مميزة
حظج شكلهم توهم منظفين زجاج الابراج هههههههههههههههه وينج يا مسافرة من قطر

بانتظار المباركية

يعطيكم العافية على المتابعة :24:

المشاركة الأصلية كتبت بواسطة كويتيه30
http://www.arabtravelersforum.com/tr...6/#post1120526

تدرين مع اني كويتيه لكن اول مره اشوف سوق المباركييييه روووووعه



أكييييييد سوق المباركية رووووووعة .. وودي أزور الكويت مرة ثانية عشان هالسوق الحلو :24:

المشاركة الأصلية كتبت بواسطة المسافرة من قطر
http://www.arabtravelersforum.com/tr...1/#post1120551

[size="4"][color="Indigo"]الله الله ياسود العيون :106:

اسمحيلي تاخرت بقراية تقريرج كنت مسافرة :101:

شهالتقرير الزين بس سررررريع :108: ما امداني افتر معاج واشبع والا بسرعة خلص:110:



يه يه شهالنظافة الزجاج يلللللق ويلمع والله حظج حلو :24:

شدراك يا أخ سايح كويتي ان يوم قريت لها انها راحت الابراج استعجلت القراية عشان اوصل للابراج :109: :109:

خلاص اختي الباحثة واخ ناصر كويتي
ما لازم حد يروح يشيك على شركة التنظيف قاموا بالواجب :109:
بس ان شالله مب حق هلا فبراير بس:112:




وأخيييييييييييييييييراً دخلت المسافرة من قطر وشافت التقرير :109:

وآنا أقول وينها عن تقريري

عموماً الحمدلله على سلامتج وإن شاء الله استانسي بسفرتج :24:


بالنسبة لزجاج الأبراج كان واااايد نظيف على حظي الحمدلله وعلشان جذي طلعت الصور واضحة من فوق


أما أكواب البسكويت تصدقين أني رحت المهلب ونسييييييييييييييييييييييت سالفته :110:

والله ولا مر ببالي

وما تذكرته إلا لما رجعت الدوحة :109:

يالله خيرها فغيرها


الأوقاف والعربيد بعد ما رحتهم وتحسفت أني ما رحت

لكن الوالدة والأهل راحوا بس العربيد وقالوا أن عندهم أشياء حلوة بس السوق غير منظم !


وحياج الله يا مسافرة ،،

مع ان التقرير قديم شوى,,,, بشهر فبراير

يعنى صارله سنة تقريبا,,,,,

الصراحة تقرير فى قمة الجمال والصور رائعة جدا

وبانتظار زيارتكم الثانية,,,,

وبالتوفيق ان شاء الله

تقرير جميل

ومتابعيين

حياج الله بالكويت ديرتج الثانية.....
وتقريرج روعة....
ويعطيج العافية.......

تقرير رائع يعطيج العافية

حمدالله علي سلامه ولا انها متاخره لكن الهدف تكون هذي المواضيع الجميله في مقدمة البوابه


بارك الله فيج اختي سود العيون وماقصرتي

ماشاء الله بارك الله فيج
ولو رايحه مطعم دلق سهيل بالمباركيه جان استانستي اكثر لانه اكله تراثي ولذيذ وعنده الحمسات والسلطات متنوعه والجلسه بسيطه تراثيه رائعه

منوره الكويت بوجودج يالغلا

وتقرير رائع من ايدج الرائعه


تقبلي مني تحياتي وسجلي اعجابي في هذا التقرير المميز باسلوبج

.. بنت الكويت ..

مشاء الله ياسود العيون كفيتي ووفيتي

تقرير رائع وصور جميله

حياج الله في ديرتج الكويت وان شاء الله تيينا مره ثانية وتشوفين اماكن احلى واحلى

مشكووورة اختي على التقرير الرائع والممتع

والحمدالله على السلامة

تقرير طيب والحمد لله علي سلامتك

الصور والرحله روعه
وتقرير رائع

ما شاءالله

موضوع ولا اروع

تقرير منظم ومرتب

الف شكر لج

وموفقه