الموضوع: تفاصيل رحلتنا الي الكويت

السلام عليكم ورحمة الله وبركاته
حبيت اكتب لكم عن زيارتي السريعه للكويت الجميله :101:
كانت نقطة الانطلاق من مدينه الجبيل حوالي الساعه 8.30 صباحا من يوم الخميس الماضي
وصلنا مدينة الكويت حوالي الساعه 11.30 صباحا وبدات رحلت البحث عن فندق رحنا للهولدي ان قالو مافيه امكانه ورحنا لكراون بلازا لقيناه غالي وماتستاهل واخير استقرينا على المردين بصراحه فندق رايق وموقعه ممتاز على شارع الخليج :24: ومطل على البحر
حطينا عفشنا وريحنا شوي ثم توجهنا الي مطعم برج الحمام للغداء مطعم ممتاز واسعاره مناسبه كانت الجلسه جدا حلوه الطاوله حقتنا مطله على البحر تغدينا وعينا من الله خير بعدين قمنا نفكر وين نروح الحين :114: ؟؟؟؟؟؟؟؟؟؟؟؟؟؟؟؟؟؟؟؟؟
طبعا اول ماوصلنا لقينا شارع في السالميه مزحوم مره ومزين واصوات الاغاني طالعه منه احنا قلنا اكيد الموضوع فيه انا اول ماطلعنا من المطعم قلنا خل نروح نشوف ايش السالفه هناك لما وصنا كان المكان مزحوم وكان هناك عروض مسرحيه ومسابقات واطفال يلعبون وشباب يرقصون يعني تشوف كل شي يخطر ببالك والي فهمنا من الموضوع انه افتتاح مهرجان هلا فبراير:113: كانت صدفه حلوه
طلعنا من الشاع ورحنا لمجمع المارينا بعد المجمع حلو جلسنا شربنا كفي في كاسبر اند غانبيز
وبعدين اخذنا لفه سريعه على السوق وقصينا تذاكر على فلم سكوب بعد ماشفنا الفلم طلعنا ندور مطعم نتعشى فيه واخيرا صفينا على مطعم والله مو ذاكر اسمه بس هو فيه تكا تكا ايش والله نسيت على العموم اخذنا عشنا وطلعنا لفندقنا تعشينا ونمنا
تفاصيل يوم الجمعه في الحاقه القادمه

طبعا عندي بعض الاستفسارات وياريت احد اخوانا اكويتيين يجاوبني عليها
1-شارع الخليج يوم الخميس كان جدا جدا جدا مزحوم ازحم شارع شفته بحياتي
2- المجمعات التجاريه زي المارينا مو قليله جدا جدا ماادري احنا ماعرفنا مكانه ولا صدق هيه قليله
3- مطعم بباي لفيت الكويت كلها ومالقيته مدري وين مكانه

مواضيع عشوائيه ممكن تكون تعجبك اخترناها لك:

• أهل الكويت الأكارم ممكن ؟
• درجات الحراره ايام العيد
• سؤال عن تأجير اليخوت
• طلب سكن لعائلة
• استفسار عن فيزا فلسطيني الي الكويت
• معارك شرسه في شوارع الكويت بالصور
• محلات ملابس
• مطعم قيصر بمنطقة الفروانية صور و أكلات جديده من تلفوني
• الفندق الدولي اسعار الغرف ابتداء من دينار فقط
• دير بالك تزور الكويت نصيحه
• استفسار بخصوص هلا فبراير
• اول زياره لي للكويت
• ابغى معلومات الله يعطيكم العافية
• شقق مفروشهشيبشيبشيب
• استفسار
• بخصوص مسرحية بخيت وبخيته
• يالغالين اريد برنامج كامل في اي مدينة
• ’’ フフ
• فندق كويت يارد الراية
• استفسار

الحمد لله على سلامتكم
وبانتظار صور رحلتكم

المشاركة الأصلية كتبت بواسطة الحلم الجميل
http://www.arabtravelersforum.com/tr...5/#post1101843

السلام عليكم ورحمة الله وبركاته
حبيت اكتب لكم عن زيارتي السريعه للكويت الجميله :101:
كانت نقطة الانطلاق من مدينه الجبيل حوالي الساعه 8.30 صباحا من يوم الخميس الماضي
وصلنا مدينة الكويت حوالي الساعه 11.30 صباحا وبدات رحلت البحث عن فندق رحنا للهولدي ان قالو مافيه امكانه ورحنا لكراون بلازا لقيناه غالي وماتستاهل واخير استقرينا على المردين بصراحه فندق رايق وموقعه ممتاز على شارع الخليج :24: ومطل على البحر
حطينا عفشنا وريحنا شوي ثم توجهنا الي مطعم برج الحمام للغداء مطعم ممتاز واسعاره مناسبه كانت الجلسه جدا حلوه الطاوله حقتنا مطله على البحر تغدينا وعينا من الله خير بعدين قمنا نفكر وين نروح الحين :114: ؟؟؟؟؟؟؟؟؟؟؟؟؟؟؟؟؟؟؟؟؟
طبعا اول ماوصلنا لقينا شارع في السالميه مزحوم مره ومزين واصوات الاغاني طالعه منه احنا قلنا اكيد الموضوع فيه انا اول ماطلعنا من المطعم قلنا خل نروح نشوف ايش السالفه هناك لما وصنا كان المكان مزحوم وكان هناك عروض مسرحيه ومسابقات واطفال يلعبون وشباب يرقصون يعني تشوف كل شي يخطر ببالك والي فهمنا من الموضوع انه افتتاح مهرجان هلا فبراير:113: كانت صدفه حلوه
طلعنا من الشاع ورحنا لمجمع المارينا بعد المجمع حلو جلسنا شربنا كفي في كاسبر اند غانبيز
وبعدين اخذنا لفه سريعه على السوق وقصينا تذاكر على فلم سكوب بعد ماشفنا الفلم طلعنا ندور مطعم نتعشى فيه واخيرا صفينا على مطعم والله مو ذاكر اسمه بس هو فيه تكا تكا ايش والله نسيت على العموم اخذنا عشنا وطلعنا لفندقنا تعشينا ونمنا
تفاصيل يوم الجمعه في الحاقه القادمه

طبعا عندي بعض الاستفسارات وياريت احد اخوانا اكويتيين يجاوبني عليها
1-شارع الخليج يوم الخميس كان جدا جدا جدا مزحوم ازحم شارع شفته بحياتي
2- المجمعات التجاريه زي المارينا مو قليله جدا جدا ماادري احنا ماعرفنا مكانه ولا صدق هيه قليله
3- مطعم بباي لفيت الكويت كلها ومالقيته مدري وين مكانه



حياك الله اخوي الحلم الجميل في الكويت واعتقد انكم مو بعيدين عنا الجبيل اقرب مدينه للكويت من الناحيه الجنوبيه

الحقيقه انا تفاجات شلون تجي الكويت بدون حجز في هذا اليوم المزحوم ؟؟؟؟؟
معقوله يعني ما تدري ان اليوم يصادف مهرجان هلا فبراير على الاقل تسال في المنتدى

بتقول ليش الشارع مزحوم بقول اولا يوم الخميس وبدايه المهرجان والناس كلها في البحر ما عدا انا طبعا كنت طالع البر والسيارات السعوديه فقط دخلت الكويت ما يقارب 150 الف سياره تصور عدد كبير جدا
في مجمعات كثيره ومتنوعه بس اليوم اللي جيت فيه كان الشارع مزحوم وهم بنفس الشارع واسمه شارع سالم المبارك

وعندك مجمع سوق شرق وعندك بعد الكوت وكويت ماجيك في الفحيحيل

مطعم بباي ؟؟؟؟؟ هذا مع مطعم بيتزا بيتزا ولهم فرع في حولي وهذا اللي اعرفه بس

حياكم الله في الكويت .. صدفة حلوة انك صادفت الافتتاح ..
الاخ ناصر كويتي كفيت ووفيت
واضف الى ذلك ان الحجز المسبق له مميزات وعيوب لكن لا صرت اقل من 3 ايام افضلك حجز مسبق لان الوقت ضيق
ومطعم بباي في بالفروانية ... واي فرع لـ بيتزا بيتزا
واحلى شي البيك صك على البباي
البيك ( هو مطعم بنفس مستوى البباي لكن محلي سعودي روعة بالسعر + النظافة ) اكثر افرعه في جده

حياكم الله والحمدالله على السلامه

حياكم الله بالكويت

ومنتظرين باقي رحلتكم بس في بباي في السره كمان كبير

حياك الله أخوي الحلم الجميل ويا هلا فيك بالكويت دائما و أبدا

و الميرديان اختيار موفق فندق هادىء وموقعه جميل

و تمنيت لو انكم جربتو مطعم المرسى للمأكولات البحرية الموجود في لوبي الفندق


تحياتي .........

حياكم الله بالكويت
ومنتظرين الحلقة القادمة

chostva_mire الله يسلمك وبنسبه لصور والله كانت كلها عائله

اخوي ناصر الله يحييك وبنسبه للجبيل عن الكويت حوالي 300 كيلو ويمكن انت تقصد الخفجي وهيه فعلا على الحدود مع الكويت
بنسبه للحجز والله فعلا رحت كم فندق ومالقيت امكانيه بس ربك ستر ولقيت اخر غرفه بالمريدين
والمهرجان انا كنت عارف بس متى يبداء بظبط هذا الي ماكنت عارفه بس زي ماقلت قبل صدفه حلو
ومجمع شرق انا رحت له وهل يخفى القمر

hamad تسلم اخوي ومن جد صدفه حلوه
ومطعم البيك ممتاز جدا بس على قولتك كل فروعه بالغربيه بس ماكنت متوقع انه يكون له فرع بالكويت

kuwaity2 الله يحييك ويسلمك

كويتيه شكر لك والباقي بطريق انشاء الله

الباحثه تسلمين وفعلا المريدين كان اختيار موفق مع انه من دون تخطيط مسبق
وبنسبه للمرسى جاييكم بالحكي لاتستعجلين

مسافره كويتيه الله يحييك اختي

رحلة موفقة ونستنى الجزء الثاني......................وهل فعلا فتح مطعم البيك في الكويت؟؟؟؟؟؟؟؟؟؟؟؟؟

هلا اخوي الحلم الجميل


حياكم الله بالكويت نورتونا


بانتظار بقية التقرير

بأنتظار الجزء الثااني

asoony_هلا بك وبنسبه لمطعم البيك انا شفته بس مو متاكد هو فرع اصلي ولا بس اسم على اسم بس الاخوان في الكويت يقدرون يفيدونك

روان الله يسلمك وشكرا على مرورك

الاوربي الاجزاء الثاني جاهز

الجزاء الثاني
يوم الجمعه

صحينا الظهر صلينا الجمعه وتجهزنا نزلنا من الغرفه وقنا خل نجرب مطعم المرسى الي في الفندق
طبعا كان اختياير موفق جدا جدا جدا مطعم من ارقى واجمل المطاعم الي مرت على بحياتي
كانت الخدمه جدا ممتازه والجو رايق والاكل طيب
وبعد الغدوه المعتبره توجهنا الي المركز العلم بصراحه كان جو يوم الجمعه مش ولابد كان غبار وهواء شديد
رحنا المركز العلمي حوالي الساعه خمس المغرب قصينا تذاكر الايمكس وكان فلم كرتوني استمتعنا فيه
طلعنا ورحنا لحواض الاسماك لفينا وطلعنا من المركز وعلى طول توجهنا
الي مجمع شرق مجمع حلو ورايق تسوقنا وقصينا تذاكر سنما وبعد الفلم تعشينا في مطعم بنفس المجمع طبعا مو ذاكر اسم المطعم لفينا شوي في شارع الخلج كان الجو هدا شوي ورجعنا الفندق وعلى طول نومه

استنو يوم السبت قريبا

مطعم المرسى من اجمل المطاعم اللي احبها في الكويت واختيار موفق وعليكم بالعافيه
فعلا يوم الجمعه كان مغبر احسن شي سويته رحت للمركز العلمي هذا الصرح الكبير وبالليل سوق شرق والسينمات اللي فيها والمطاعم تخلي الواحد يقضي يوم كامل في المجمع ما يحس في نفسه

الله يهداك انا اعرف الجبيل عدل انا قلت اقرب مدينه بس الخفجي تعتبر قريه بالنسبه للجبيل

هلا بك اخ ناصر العفو منك اخوي فعلا هيه الجبيل اكبر من الخفجي
المركز العلمي عندكم قمه في الروعه والتنظيم ومجمع شرق بعد

أهلا بك في بلدك الثاني الكويت

أقترح أن تخصص يوم تقضيه في الفحيحيل ومجمعاتها ومطاعمها
فهناك مجمع الكوت والمنشر وكويت مجك
كما يوجد في هذه المجمعات الكثير من المطاعم
ومطعم البيك الذي رأيته إنما هو تقليد للمطعم الأصلي الموجود في السعودية وياريت لو يفتح عندنا البيك الأصلي كان يكسر الدنيا :112:

هلا اخوي ابو ضرار
والله الفحيحيل كان ودي فيها بس الوقت كان ضيق والظاهر انها بعيده شوي من العاصمه
لاكن المره الجايه ان شاء الله ماتطوفني ولازم ازورها
والله ياخوي احنا بسعوديه مو فاتح غير بالغربيه ونتمنى يفتح برياض والشرقيه بس الظاهر مافيه امل

رحلة و سرد خفيف اخوي الحلم الجميل بس ناقصها الصور
و من حسن حظكم انكم حصلتوا فندق في أيام المهرجان
يوجد العديد من المجمعات مثل مركز الراية و الصالحية و غيرها و لو تراجع مواضيع البوابة تجد الكثير من الاماكن التجارية و السياحية.
اهم شي انكم انبسطتم في زيارتكم للكويت و الاهم من ذلك انكم تكررونها

تسلم أخي العزيز على هذا السرد الرائع...

اختيارات موفقة بالنسبة للفندق، الأماكن، و كذلك المطاعم

بالنسبة للمجمعات فهي كثيرة جدا...
للعلم شارع سالم المبارك "اللي حصل فيه الإحتفالات" لوحده فيه اكثر من 7 مجمعات...

1- الفنار-2-الثريا-3-البستان...
4-ليلى جاليري-5-مجمع مريم-6-جاليريا2000...
7- سالمية بلازا-8-شيخة.

و بالنسبة للمطاعم كذلك شارع الخليج العربي ما شاء الله كل عدة امتار تلقى مايقارب الـ3 مطاعم...

و بالأخير نتمنى أنكم تكونوا فعلا استمتعتم بالرحلة...

الحمدلله على السلامة.

[align=center]
[cell="filter:;"][align=center]الاخ الحلم الجميل

شكر لك على التقرير والتواجد في بوابة الكويت

ونحنً متابعين لك [/align][/cell]
[/align]

Almoravid شكرا لك اخي الكريم على مرورك
اما بنسبه لصور فهي كم صوره وكلها عائله واحنا من جد انبسطنا واكيد بحول الله لازم يكون هناك زياره اخرا بحيل الله

Dhari الف شكر لك اخوي
وبنسبه لشارع سالم المبارك فعلا انا شفت كل المجمعات الي انت قلت عليها بس للاسف مادشيت ولا واحد منهم لكن الجايات اكر ان شاء الله

الباب العالي العفو اخوي

:smile002:

يوم السبت

وللاسف اليوم الاخير لنا في الكويت الرائعه :110:
طبعا زي العاده صحينا الظهر ولمينا عفشنا وطلعنا من الفندق:1224:
وعلى طول توجهنا للمطعم:36_1_51: الي ببراج الكويت مابدهاش نزو الكويت ومانمر على هذا الصرح الشامخ لدولة الكويت الحبيبه
تغدينا في البوفيه المفتوح طبعا مايحتاج اوصف روعة المكان والطلاله وجودة الاكل والخدمه الممتازه جدا طلعنا فوق في المطل استمتعنا بمنظر الكويت الرائع وجلسنا شوي
وبعد الخروج قمنا نفكر وين نروح وين نروح :114: واخيراتفقنا على مجمع الصالحيه بعد الدوران في الشوراع السؤال
وصلنا مجمع الصالحيه مجمع حلو وفخم وكله ماركات عالميه تسوقنا على السريع وخرجنا منه واحنا ماشين بصدفه طلع لنا مجمع الرايه
بعد نزلنا واخذنا لفه سريعه وطلعنا واحنا ماشين بعد وبصدفه للمره الثانيه:36_1_21:
طلع مجمع الستي سنتر دخلنا كان مجمع مرتب والظاهر ان المحلات الي فيه من النوع الوسط ولفت نظري ان اغلب المحلات عليها اسم (المعلم )الظاهر المعلم في الكويت زي الهرم عندنا بسعوديه
وبعد الفه الطويله العريضه على كل هذي المجمعات قررنا نروح وللمره الثانيه مجمع المارينا
طبعا هناك كل الكفيهات الي تخطر على بالكم وجلسات واجوى ولا اروع بصراحه احسدكم يااهل الكويت على هذا المجمع الراقي :36_1_21:
جلسنا في (شوكلاته بار) كفي ممتاز وعنده شغلات حلوه
وبعد طلعنا واخذنا لفه في المجمع وقصينا تذاكر سنما على فلم اكشن وهذا الي فهمنا هوه صاحب التذاكر
المهم دشينا الفلم واول مابدئ الفلم طلعت لنا حاجات مش ولابد:36_1_15: يعني الواضح ان الفلم فيه شوة رعب وفي هذي الحاله مايناسبنا لان بنتي الصغير موجوده ومو ناقصه تخرع بعد هيه خلقه خوافه
وعلى طول بكل هدوء سحبنا انفسنا والناس مستغربه توهم يقولون ياهادي :101:
قلنا يالله خل نلحق على مطعم ميس الغانم ولما وصلنا هناك لقيناهم سكرو قالو اليوم السبت عندنا اجازه :108:
بكل اسف انسحبنا وجلسنا نلف في شارع الخليج ونفكر في اي مطعم نتعشى وشفنا لوحه لمطعم اسمه القصر الاندلسي قلنا خل نشوف يوم دخلنا وطلع بوفيه مفتوح قلنا بوفيه مفتوح الغداء والعشاء بيجينا توسع في المعده :109:
طلعنا وقلنا مالنا غير مارينا نرجع له طبعا وصلنا حوالي الساعه 11.30 تعشينا في مطعم باستا
وودعنا المجمع ثم ودعنا الكويت كلها وتوجهنا الي مقرنا بمدينة الجبيل :36_7_14:

وسلامتكم
اتمنى ان يكون التقرير اعجبكم واسف على التاخير
ولكل من شاركني لكم خالص احترامي وشكرا على مروركم الرئع والجميل على هذا التقرير المتواضع
:smile127:

الله يعافيك اخوي ناصر انشاء الله اذا ربي يسر نزور الكويت مرات ومرات ولايهمك من الي انكتب اكيد خاني التعبير
وعلى قولتك الى القاء القريب ياكويت والله يزيدك شرف وعزه اخوي ناصر
وبنسبه لميس احنا رحنا له حوالي الساعه عشر وكان توه مقفل الظاهرالسبت يقفلون بدري والله اعلم

وشو مطعم ميس الغانم؟ يعني حلو مره ؟ ووين مكانه؟ بليز علموني