الموضوع: سؤال عن أفضل شالية للشباب

السلام عليكم ...

الله يسعد مساكم أخواني أخواتي ..

اليوم تمخض اجتماع الشباب الإسبوعي عن فكرة حجز شالية نغير جو نشوي ونصيد ونسبح ...

الاقتراح الأول كان حجز شالية في المنطقة الشرقية لكن مثل ما أنتم خابرين في ديرتنا ( العزاب ) غير مرحب بهم

فقررنا أن نكمل الـ 35 كيلو الباقية ونسير على أهلنا وأحبابنا في البحرين وأصلاً فيه مشروع للذهاب إلى البحرين ضمن الخطة الموضوعة ...

فقلنا ننقل عفشنا مرة وحدة ونحجز شالية في البحرين الحبيبة ..

الروحة بعد أسبوعين بحول الله ومنته وفضله ..

مجموعنا تقريباً ثمانية ..

وش تقترحون علينا أن نحجز فيه مع العلم أننا نبحث عن الأماكن الهادئة مافيها خرابيط وإزعاج يعني عزاب بترتيبات عوائل ..

ألف شكر سلفاً ..

مواضيع عشوائيه ممكن تكون تعجبك اخترناها لك:

• عاجل جداً مع التحية والتقدير
• سؤال عاجل عاجل جدا
• مسرحياااات ياهل البحرين
• استفسار عند فندق فينيسيا
• سؤال عن فعاليات العيد
• استفسار للاخوة الكرام
• قــلـــــــعـــــــة الــبــــــحـريـــن
• هل يوجد شوكلت بار كوفى بالبحرين
• اريد ان اسافر للبحرين ممكن مساعده
• ريال رويال اليت ،،،،،، معقوله
• شقة راقيه قريبه من السيف ؟؟ شنو تنصحونا
• مقيم بالسعودية هل استطيع ؟؟؟؟؟؟؟
• زائر جديد للبحرين وعندي كم سؤال
• مساااااااعده عاجله
• عااااااااااجل مطعم مارمريز بالبحرين
• افضل الفنادق التالية
• تجربتي مع فندق
• مساعدة لو تكرمتوا
• احتاج فندقشقق حلوه تسمح بالعزاب بشرط يكون فيها واير لس للانترنت
• أبغى اسوي نجاحة زوجتي في البحرين ،دلوني على المكان

المشاركة الأصلية كتبت بواسطة عالي الهمة
http://www.arabtravelersforum.com/tr...0/#post3400573

السلام عليكم ...


وعليكم السلام ورحمة الله وبركاته


الله يسعد مساكم أخواني أخواتي ..


ومساك بالمسرة والمحبة ..



اليوم تمخض اجتماع الشباب الإسبوعي عن فكرة حجز شالية نغير جو نشوي ونصيد ونسبح ...


فكرة ممتازة تغيير جو وهالايام الجو جناااااااااااااااااان .. أحلى جو في السنة حق بحر .. بس السباحة تكون في جو أحر تكون أحلى .. الحين الجو معتدل جداً درجات الحرارة ما بين 25 و31 مئوية في البحرين .. وبعد أسبوعين ممكن تكون ما بين 19 و26 درجة مئوية مع الانقلاب الخريفي في شهر نوفمبر ..



الاقتراح الأول كان حجز شالية في المنطقة الشرقية لكن مثل ما أنتم خابرين في ديرتنا ( العزاب ) غير مرحب بهم


انتوا مو بس مرحب فيكم في البحرين ،، انتوا مو بس على العين وعلى الراس .. انتوا في قلوبنا قبل كل شي .. يا هلا ومرحبا فـــيــكم ..



فقررنا أن نكمل الـ 35 كيلو الباقية ونسير على أهلنا وأحبابنا في البحرين وأصلاً فيه مشروع للذهاب إلى البحرين ضمن الخطة الموضوعة ...

فديتكم .. الدار داركم ..


فقلنا ننقل عفشنا مرة وحدة ونحجز شالية في البحرين الحبيبة ..

فكرة حلوة ..


الروحة بعد أسبوعين بحول الله ومنته وفضله ..

الجو راح يكون خيال ان شاء الله ، بس أحياناً حرارة الشمس الظهر ولسعة خفيفة باردة عند البحر أوقات الفجر في شهر نوفمبر .. بس اختياركم من حيث الجو متميز جداً .. وفي أي وقت حياكم الرحمن


مجموعنا تقريباً ثمانية ..

الله يزيد ويبارك ..


وش تقترحون علينا أن نحجز فيه مع العلم أننا نبحث عن الأماكن الهادئة مافيها خرابيط وإزعاج يعني عزاب بترتيبات عوائل ..


شوف يا طويل العمر ..

عندك قسمين ، يا انك تختار المنتجعات ، أو انك تختار تأجير الشاليهات العامة ..

بالنسبة للمنتجعات الموجودة في البحرين فهي بمليون مرة أفضل من الشاليهات العامة الموجودة في شاطئ بلاج الجزائر .. ولكن كل شي بسعرة مثل ما انت عارف اخوي ..

لذلك .. عندكم شاليهات منتجع البندر ، وعندكم شاليهات منتجع سي لوفت ومنتجع ذا دراغون ، وعندكم شاليهات منتجع الدانة نوفيتيل ، وعندكم شاليهات الرتز كارلتون ( غالية جداً ) ..

أما أماكن الاستمتاع بالأنشطة البحرية وممارسة الصيد والغوص والسباحة ، عندكم النادي البحري بالمنامة ، وكذلك منتجع البندر ومن خلاله تقدرون تروحون جزيرة الدار السياحية بس في هذا الجزيرة ما يكون في سكن ، يعني تروحون وترجعون في نفس اليوم بعد ما تقضون وقت ممتع ..

تفاصيل الأماكن المذكورة أعلاه من أسعار وكيفية حجز وغيره تحصلها موجودة في المواضيع المثبتة بقسم المواضيع العامة في المنتدى .. ولأي استفسار احنا حاضرين ..

بالنسبة للشاليهات العامة في شاطئ بلاج الجزائر ، وهي شاليهات خاصة يعني أملاك لأصحابها ، ولكن ممكن جداً إنك تقوم بتأجير الشاليه على حسب الليلة الوحدة ، ونظراً لأن المنتدى يمنع الأرقام الخاصة ، ممكن اذا تحب تاخذ شاليه خاص بشاطئ بلاج الجزائر ان شاء الله راح أسعى أوفر لك بالليالي الي تختارونها تكون محسوبة عليكم ..

يمكن خانتني الذاكرة في العديد من الأماكن .. لكن ان شاء الله قدرنا نساعدك ولو بشكل بسيط .. ولأي استفسار آخر حاضرين .. أخوي .. وبانتظاركم ..




ألف شكر سلفاً ..


حاضرين للطيبين





.....................

فديتك وفديت من يعز عليك ...

جعلك ذخر لكل الأعضاء من كبيرهم إلى صغيرهم ...

جمايلكم فوق روسنا لا عدمناكم ...

هلا اخوي

قبل يومين كنا في البحرين ومرينا شاليهات السي لوفت ودراغون مررا راقية ونظيفة في نظري افضل من البندر بكثير .