المشاركة الأصلية كتبت بواسطة The Watcher
http://www.arabtravelersforum.com/tr...8/#post2579488


أنا سافرت على طيران ناس مرة وحدة في رمضان
من أبوظبي

تجربتي معاهم كانت وايد حلوة
في الذهاب .. الإقلاع كان على الوقت .. بس عيبها ان اذا بتسافرون من أبوظبي .. بيكون من مبنى 2 (اللي تروح منه السودانية الباكستانية ..)
يعني لما كنا هناك .. كل اللي لابسين ثوب وغترة وعقال كانوا رايحين على طيران ناس
وهو مبنى صغير وايد .. ومافيه سوق حرة (إذا كنتوا من النوع اللي تحبون السوق وايد)

في العودة .. الطيارة تأخرت ساعتين .. بس الحلو انهم طرشولنا مسج على الجوال يخبرونا بالتاخير قبلها بيوم (ما أعتقد ان في طيران ثاني يسويها)
وارقام جوالاتنا كانت موجودة عندهم لأني سويت الحجز عن طريق الموقع وحطيت رقمي

وبإذن الله في سفرتي الجاية للعمرة نهاية هالشهر بروح على طيران ناس (مخطط اني أقضي اجازة الربيع في الإمارات ومنها بطلع للعمرة)
واخترت طيران ناس لسبب واحد وهو انهم الوحيدين اللي عندهم رحلات مباشرة من المدينة للإمارات
وبعد لأن سعرهم وااااااايد حلو .. خصوصاً لو حجزت بدري

الكراسي نفس العربية بالضبط
واسعة وحلوة .. بس اعتقد ان حسب الطيارة .. أنا اللي جربتهم كانوا اوكي




هلا اخوي

مشكور على ردك

نحنا بنسافر من مطار الشارقه ان شاء الله

بس للاسف انا من النوع اللي ايلس ساعتين بس في سوق الحر اللي في مطار دبي
وبس اللي اعرفه مطار الشارقه فيه سوق حر صغير

مثل ما قلت قبل ان عندهم رحلات مباشره من الشارجه للمدينه ,,, بس لو تتصل بهم وتحجز من الحين
لان الرحله بس كل اسبوع ومالقينا فالتاريخ اللي حنا نبغيه وبيكون السعر ارخص اضن

واذا الكراسي واسعه اوكي والله ,,,, بس اوسع من كراسي طيران الامارات؟؟







المشاركة الأصلية كتبت بواسطة The Watcher
http://www.arabtravelersforum.com/tr...8/#post2579488



بالنسبة للوزن .. ماكان عندي وزن زائد ... بس نصيحتي لكم .. اذا كنتوا متأكدين ان بيطلع وزن زيادة .. فأنصحكم تشحنون الأغراض .. بيطلع وااااااااايد ارخص (غالباً لو طلع عليكم وزن زائد .. سعر الكيلو يكون مابين 20 الى 70 ريال حسب شركة الطيران وخط الرحلة .. بس في الشحن الجوي يكون مابين 3 الى 7 ريال .. وكل مازاد الوزن كل مانقص .. بس حطوا في بالكم ان في ضرائب بتدفعونها في السعودية وفي الإمارات) .. والشحن البري ارخص بوايد .. بس انا ماجربته

أو الحل الثاني تقللون الشنط اللي بتاخذونها وياكم عشان تعطون فرصة اذا بتشترون اي شي من هناك (لا تنسين بعد ماي زمزم .. فيه وزن بعد)

بس العيب الوحيد في الطيران الإقتصادي بشكل عام .. انج بتلاحظين كأنج راكبة باص مواصلات
قصدي من ناحية الناس المسافرين والتعامل

لما تسافرين فيها .. بتعرفين ايش معنى كلامي





لووول باص مواصلات؟ اكيد مافيه بوردنق تكت وكل واحد ييلس وين يبغي ,,, ذكرت مال طيران الخليج يوم يقولي عن الكراسي من سبق لبق:109:

بالنسبه للوزن نحنا 10 اشخاص وطفله يعني ان شاء الله يكفي بس


والف شكر لك مره ثانيه على الرد

مواضيع عشوائيه ممكن تكون تعجبك اخترناها لك: