الموضوع: ودي اخذ معلومات عن كل الاشياء اللي سمعت عنها في دبي

تحية خاصة للجميع

انا جاية في اول زيارة لي لدبي انا وزوجي الاسبوع الجاي بتاريخ 22-12-2008

وعندي كذا استفسار والعشم فيكم بالاجابات الوافية...

اول شي كيف راح يكون الجو وقت زيارتي؟؟
وايش الاماكن اللي تنصحوني بزيارتها ومناسبة مع الجو غير المولات
يعني اماكن ريلاكس وفيها اشياء حلوة؟؟
وهل القرية العالمية تكون مفتوحة والا لا؟
وايش المارينا ممشى فندق ايش هو؟؟ووين يقع بالضبط؟
ونفس الشي الجميرة شفت لها صور من تقارير الزملاء مررررررررررررة حلوة
فيها الممر المائي والمراكب الخشبية والجلسات الحلوة كيف اقدر اوصل لها؟؟

وين القى الجلابيات والعبايات والطرح الحلوة والمش غالية ((تعرفون الهدايا ضرورية))

والسوق الصيني متى يفتح ومتى يسكر ووين القاه؟؟

ااااااااااااااسفة على الاطاله بس ودي اخذ معلومات عن كل الاشياء اللي سمعت عنها في دبي وازورها.....:115:

مواضيع عشوائيه ممكن تكون تعجبك اخترناها لك:

• مجوهرات وساعات تستوحي تصاميمها من أنوثة المرأة
• مدينة العين واحة الجمال والسياحة
• أبي فزعتكم يالغالين عاجل
• سفير للفنادق تفتتح أول فنادقها في الإمارات خلال
• صــــور لـ إبرآج دبــي وهي بيــن الضبــآب
• نسبة إشغال رحلات طيران ناس من أبوظبي إلى جدة في رمضان
• الرجاء المساعدة، ما هو أسهل طريق للفجيرة
• انا با احضر العيد بدبي وين تنصحوني اروح يوم العيد و الا لا يصير كل شي مقفل
• مطار دبي
• موقع مصلى العيد في جميرا للاعضاء اللي بيعيدون في دبي
• ملايين زائر لمراكز التسوق في دبي خلال العيد
• استفسار عن اسواق دبي
• وين احسن للسكن الديرة او قريب الامارات مول؟
• مدينة سكاي المائية
• مسافر في شهر اغسطس على الخطوط السعودية متي احجز
• الحدائق العامة في دبي
• احد يرد علي هالمرة على الاقل
• كلمة للشعب الاماراتي الشقيق
• الى خبراء السكن بدبي ؟؟؟
• تفاصيل رحلتي أيام إلى دبي في شهر يناير

حياج الله اختي في الامارات وبتنورين
بالنسبه للجو بيكون حلو في النهار ويميل للبرودة بالليل
والاماكن الحلوة اللي ممكن اتزورونها غير المولات ممكن اتسيرون الحدائق مثل حديقة الخور والصفا وزعبيل
وبخصوص القرية العالمية نعم فاتحة
اما المارينا فهو مرسى لليخوت ويحيط به فنادق ومطاعم وكافيهات
منطقة جميرا بعد حلوة وفيها مولات وفنادق راقية عالبحر وهي تبعد عن مطار دبي تقريبا ربع ساعه حسب الزحمة
والسوق الصيني في منطقة العوير
اما الجلابيات سمعت انه بسوق عكاظ بس ولامرة رحت هناك مادري اذا بيعجبونج
وفي القرية العالمية بعد بتحصلين جلابيات

وايش الاماكن اللي تنصحوني بزيارتها ومناسبة مع الجو غير المولات
يعني اماكن ريلاكس وفيها اشياء حلوة؟؟



مرسى دبي
مردف ابتاون
سوق البحار





وايش المارينا ممشى فندق ايش هو؟؟ووين يقع بالضبط؟



المارينا هو مثل الكورنيش فيه بعض المطاعم والمقاهي .. وتشوفون البحر ومرسى لليخوت
يقع بالقرب من شارع الشيخ زايد بعد مول الإمارات (شوي بعيد عن وسط دبي)





ونفس الشي الجميرة شفت لها صور من تقارير الزملاء مررررررررررررة حلوة
فيها الممر المائي والمراكب الخشبية والجلسات الحلوة كيف اقدر اوصل لها؟؟



عند برج العرب في فندق اسمه ميناء السلام .. هذا هو قرية الجميرا
وهو وايد قريب من المارينا .. يعني ممكن تخلونهم في نفس الطلعة





والسوق الصيني متى يفتح ومتى يسكر ووين القاه؟؟



أغلب المراكز التجاربة في دبي تفتح من 10 صباحاً إلى 10 ليلاً بدون توقف
والسوق الصيني في منطقة بعيدة .. قريب من شارع الإمارات

مساء الخير اختي الجوهره
لاتضيعين الوقت في دبي انصحك تقومين من الصباح تنزلين الفندق تتفطرين وبعدها ترووحين المولات تتسوقين تتمشين كيفج , وروحي القريه العالميه القسم التشيكي __ في واحد لبناني يبيع اطقم خواتم وعقود مصبوبه بالفضه والألماس يبرق برق (( محد يفرق انه زركون درجه اولى)) وعنده تقليد على ماركان عالميه مثل كارتير وبولغاري وشانيل .....الخ
ولاتنسين اسم الرجال اللبناني (( خالد )) نسيت اسم المحل ؟؟
والعبايات .. في رخيص في مركز ابوهيل . وفي عندج الغالي في مركز الغرير , ومجمع البستان ...؟؟
والسوق الصيني مافيه شئ من اللي انتي تدورينه ؟؟ كان بتروحين تتمشين روحي ... وسلامتك يالغاليه

المشاركة الأصلية كتبت بواسطة الجوهرة الصالحة
http://www.arabtravelersforum.com/tr...2/#post2544997

تحية خاصة للجميع

انا جاية في اول زيارة لي لدبي انا وزوجي الاسبوع الجاي بتاريخ 22-12-2008

وعندي كذا استفسار والعشم فيكم بالاجابات الوافية...

اول شي كيف راح يكون الجو وقت زيارتي؟؟

الجو رائع خلال هذه الفتره والملابس خفيفه مع جاكيت في الليل احتياط

وايش الاماكن اللي تنصحوني بزيارتها ومناسبة مع الجو غير المولات
يعني اماكن ريلاكس وفيها اشياء حلوة؟؟

قريه البوم السياحيه للعشاء او الغداء ومنطقه الخور في الليل جلسات علي البحر والمارينا جلسات بالقهاوي
وهل القرية العالمية تكون مفتوحة والا لا؟

نعم من 10 الي 10
وايش المارينا ممشى فندق ايش هو؟؟ووين يقع بالضبط؟
ونفس الشي الجميرة شفت لها صور من تقارير الزملاء مررررررررررررة حلوة
فيها الممر المائي والمراكب الخشبية والجلسات الحلوة كيف اقدر اوصل لها؟؟

الجميرا الي شفتيها في سوق مدينه جميرا وفيها مطاعم كثيره مره والثانيه في المارينا جلسات رائعه في الليل ومطاعم اروع
وين القى الجلابيات والعبايات والطرح الحلوة والمش غالية ((تعرفون الهدايا ضرورية))

ما اعرف بس يقولون بسوق نايف
والسوق الصيني متى يفتح ومتى يسكر ووين القاه؟؟

السوق الصيني الكترونيات واسمه دراغون
ااااااااااااااسفة على الاطاله بس ودي اخذ معلومات عن كل الاشياء اللي سمعت عنها في دبي وازورها.....:115:



وارجعي للمواضيع وشوفي وحنا بالخدمه انا بنفس المده ساكون في دبي مع زوجتي لانها افضل وقت :109:

هلا اختي الجوووهره

حياج الله في دبي

الجو الحين حلوو وممطر

غير المولات عندج حديقة الخور حلووووه وجميرا وزعبيل
والمولات فيها اشياء حلوه غير التسوق
مرسى دبي : وهي عباره عن منطقة فيها مرسى لليخوت وفنادق و شقق سكنيه ومطاعم وجلسات
مينا السلام: فيها سوق ومطاعم وجلسات تحفه
القريه العالميه : فاتحه طوال الاسبوع من 4 الى 12 ماعدا الخميس والجمعه من 4 م الى 1ص..

السوق الصيني
وهو عباره عن مجمع كبير فيه مختلف المنتجات الصينيه من الابره للصاروخ على قولة اخوانا المصرين
فيه ملابس, ادوات كهربائه , ادوات صحيه, اجهزه طبيه, اثاث وديكورات واضاءه.. اشياء وايد بصراحه وعلى كثر روحاتي له عمري ما مشيت نصه
وهو يقع في منطقة العوير وهاذي خرائط للوصول اليه

من شارع الخيل تاخذين شارع راس الخور



راح تشوفين كراجات في هالشارع بس امشي سيده



راح تلقين جسر يوديج يسار على شارع ند الحمر خليه وامشي سيده



بعد راح تلقين على ايدج اليمين سوق الخضره والفواكه ,, بعد امشي سيده



بعده راح ايج تقاطع وجسر ماعليج منه وامشي سيده شوي راح تلقين على ايدج اليمين محطة بترول ابكو وبعدها على طول (دراقون مارت) وهو في انترناشيونال ستي





وعن الدراعات والجلابيات: سوق عكاض في ديره وبعد فيه في القرية العالميه جلابيات حلوه

والعبايات : مركز ابو هيل في ديره 3 طوابق كلها محلات عبي واسعارهم ممتازه

اتمنى اني اكون افدتج

ملاحظه: الخرائط من موبايلي

السلام عليكم

الإخوان ماقصر الله يعطيهم العافيه


اضيف إذا تحبون رحلة بحرية مع عشاء
عندك باتو دبي فخم والرحلة حلوه ، غالي شوي الشخص = 300درهم
أو البديل مطعم البوم بحدود 120درهم.


http://www.arabtravelersforum.com/travel237670/




أيضاً تقدرون تتغدون في مطعم بوفية انترناشونال في فندق اتلانتس الشخص=140درهم
البوفية منوع وحلو. بالإضافة للمطاعم الأخرى.
-وبعدها تدخلون الأكواريوم الشخص ب100درهم . حلو وممتع.



-الحدايق حلوه اطل عالبحر مثل حديقة الممزر إذا حابين تتمشون.
وحديقة الخور أيضا فيها شاطئ وتقدرون تاخذون لفة بالتلفريك.



أماكن للريلاكس:
-سوق مدينة جميرا وبالذات مساءً
-المارينا (المرسى)
-جميرا بيتش ريزيدانس (The walk )
-الحدائق العامة
-رحلة بحرية مع عشاء
-آب تاون مردف


.