الموضوع: شواطئ

السلام عليكم جميعا

ودي أسأل هل موجود شواطئ رملية في البحرين مثل الهافمون عندنا ولا اي شواطئ اقدر اروح لها اجلس وأسبح ممكن تدلون وش أسماء المناطق الموجودة فيها وطريقة الوصول لها ويعطيكم الف عافية

تحياتي

مواضيع عشوائيه ممكن تكون تعجبك اخترناها لك:

• ايـن اجد فندق بلنسيه
• اسئلة عن رويل مريديان البحرين
• مين يساعدني ؟؟
• استفسار عن جنة دلمون عاجلا
• فندق سمرست الفاتح
• مساعدة في سوق باب البحرين
• إذا تكرمتو أفضل فنادق البحرين؟
• سافر معنا من دولة الكويت الى مملكة البحرين رحلة صور
• حبايبي اهل البحرين ممكن خدمة هل سمعتو عن بيت الصحة وغسيل القولون في مدينة حمد
• فيديو من جسر الملك فهد يوضح كثافة زوار البحرين الأربعاء نوفمبر
• ابى واسطه بفندق الميركيور
• عس ايامكم كله فرح
• سؤال سريع
• منتزه الأمير خليفة بن سلمان روعة الإطلالة البحرية صور
• ·¸منتجع بنيان تري البحرين¸
• لك وحشة زيارتي للبحرين قبل سنوات
• ساااااااااااااعدووووووووني
• باقي يوم على انتهاء جوازي هل ممن أطلع البحرين لقضاء ساعات فقط ؟
• الحلوى البحرينية تحتفظ بنكهتها التراثية الأصيلة
• الدانه والا بنيان تري والا شنو تنصحوني فيه

مرحبا فيك أخونا ..

عندك بلاج الجزاير ... شاطئ عمومي ..

وعندك نادي الشراع قريب من شاطئ بلاج الجزائر في منطقة الزلاق اللي هي قريبة من حلبة البحرين الدولية

طيب أنا بأسكن بالبندر من وين أقدر اروح للمنطقتين ذي والله يعطيك العافية ويفقك يالمشرفة

مرحبا فيك ..

بعد ما تطلع من البندر تتجه جهة الرفاع .. وتتبع الإشارات الإرشادية اللي تبين حلبة البحرين الدولية ... هو الطريق واحد ..

بس ما تلف على منطقة الحلبة .. تروح سيده لحد ما توصل منطقة الزلاق .. وبتشوف الارشادات ...

بصراحة انا جربت بلاج الجزائر وما يستاهل ، للاسف غير نظيف، يعني الموية من جهة الشاطي كلها طحالب من تحط رجلك بالموية، لكن الشراع يقولون جنبه بس ما جربته

للأسف رغم انها جزيرة صغيرة و لكن بدون سواحل رملية

بس بالبندر اعتقد موجود شاطئ رملي صغيرون

دامك بتسكن في البندر ،،

في شاطئ صغير تقدر تسبح فيه ،،

وفي مكان مخصص لتأجير ال(جت سكي) ،،

وبالامكان تستفسر من الاستقبال عن كيفيه الذهاب لجزر الدار ، مقابلين نادي البندر ،،

ان كان بالطراد او بالجت سكي ..

الدار عباره عن 3 جزر ، ومكان سياحي والسياح يحبون يزورونه ..

انا ما رحت لهم بحياتي ،، بس اشوف الكثير راحو واستانسو فيها ..

وان شااء الله ينالون اعجابك ..

اما بالنسبه للشراع و بلاج الجزاير ،، ما انصح فيهم ،،

خاصه وانهم تحت مخطط للتعديل والتطوير ، يعني قريبا راح يكونون تحت الصيانه ..

رحله موفقه اخي الكريم

المشاركة الأصلية كتبت بواسطة مسافر1981
http://www.arabtravelersforum.com/tr...3/#post3314810

للأسف رغم انها جزيرة صغيرة و لكن بدون سواحل رملية









المشاركة الأصلية كتبت بواسطة مسافر1981
http://www.arabtravelersforum.com/tr...3/#post3314810

بس بالبندر اعتقد موجود شاطئ رملي صغيرون

أخوي البحرين جزيرة غير رملية من الأساس / أغلب سواحل البحرين صخرية وطينية .. وهناك بعض السواحل المعدة للسباحة وأغلبها خاصة .. وليس فقط البندر .. اذا بنتكلم على المستوى الخاص عندك :

1. البندر. 2. نادي اليخوت. 3. نادي الشراع. 4. منتجع الدانة نوفيتيل. 5. فندق اليت سبا. 6. فندق الريتز كارلتون. 7. منتجع جزيرة حوار (مغلق حالياً للصيانة). 8. منتجع جزيرة الدار. 9. النادي البحري. وغيرهم.

أما الشواطئ المفتوحة هي : بلاج الجزائر ينقسم قسمين / القسم الأول مفتوح والقسم الآخر شاليهات / طبعاً قسم الشاليهات أنظف وأفضل من القسم المفتوح بمراحل. وعندك كذلك ساحل البُديّع شاطئ مفتوح يصلح للسباحة.

في منتجعات كثيرة الآن هي قيد الإنشاء وراح تكون لها شواطئ سباحة ،، ولكن .. اذا حبيت تستمتع أكثر بالبحر عليك بزيارة أحد المنتجعات المذكورة أعلاه راح تجد البحر نظيف جداً مع أنشطة رياضية بحرية وخدمات خاصة.

أوقات سعيدة.

..