الموضوع: في فرانكفورت وباقي لي يومين وين اروح ساعدوني

مرحبا شباب
وصلت فرانكفورت اليوم الحمدلله وبعود السبت الصبح
يعني عندي خميس وجمعه بس وابيهم للتسوق
وين تنصحوني اروح
بليز هذي اول زيارة لي ومادل مكان
وشرايكم في
Frankfurt Wertheim Village
قريت انها تبعد ساعه فهل تسوى اني اخلي يوم لها
ووشلون ممكن اروح لها بالقطار وكم المسافة

يعطيكم العافيه وتصبحون على خير
اتمنى اصحى والقى رد منكم.جدولي ضيق ومعتمدة عليكم


يعطيكم العافيه

مواضيع عشوائيه ممكن تكون تعجبك اخترناها لك:

• ابي برنامج تسوق في ميونخ
• مساعدة ما هي افضل منطقة فيها طبيعة و الراحة في المانيا ؟؟
• الفيزا ؟؟؟
• هامبورغ مدينة الأحلام المفقوده لدى السياح العرب
• سؤال عن فنادق في ميونخ وفرانكفورت
• كيف وضع النقاب في برلين ؟؟
• خطوط الترام
• استفسار مهم قد يضيف فائدة في هذا المنتدى العريق
• رايكم بالاختياري الفندق الاخير في بادن بادن
• ما هي افضل اماكن لزيارتها في ميونخ
• حـــايسه
• استشارهـ بخصوص فنادق ميونخ
• بطاقة الراجحي تسوق مسبقة الدفع مقبولة في الخارج في الحجوزات
• ارجو مساعدتي في ترتيب رحلتي
• كيف أنتقل من رستيوروبارك إلى باريس
• تأجير سياره من ايفيس فى الكويت؟
• افضل المدن الالمانيه
• ترانزيت ساعات في فرانكفورت اقتراحاتكم للأهميه
• رحلتي الى زيلامسي النمساوية
• استفسار بخصوص الشنغن من مكتب الرياض

القطرية انشاء الله تصحين وتلاقين هذه الاجابة

هذه مشاركه سابقه لي عن فرانكفورت يمكن انها تفيدك
http://www.arabtravelersforum.com/travel427030/

يعطيك العافية اخوي

اليوم رحت My Zeil ولفيت ف الشارع صوب البوتيكات قدام
منطقة حلوووة للتسوق بس يسكرون الساعه 7
وللاسف الشدييييييييييد بكرة كل المحلات مسكرة عشان الايستر
:’(
ضاعت كل الخطط

ياللي في المانيا
وين القى اماكن مفتوحة اليوم زهقت من الفندق :'(

القطرية الله يكون بعونك
في ايام العطل وايام الاحد اصعب للغريب هي الوحده اللي يعيش فيها
ولكن لو كان عندكم سياره تقدرون تروحون منطقه في شمال فرانكفورت وقريبه منها حوالي 20 دقيقه بالسياره اسمها كونكشتاين
او ماي تاونوس

هناك الطبيعه جديا جميله وخلابه وبتلاقين اغلب الالمان يتواجدون في هذيك المناطق لانها تعتبر مثل المنتجع الطبيعي اللي يلتاجوون له الالمان في الام العطل للاستمتاع بالطبيعه

والله يا اختي انا مثلك كنت في فرانكفورت قبل اسبوع وكانت كئيبة وطفش وماكان عندي الا الداون تاون اروح كل يوم اتمشى حتى العصر واجلس في الفندق طول يومي .

بس حلاوة الفندق انه في وسط الداون تاون ...

اتمنى لك رحلة موفقة ,,,,

تسلمون شباب

اي والله مشكلتهم يسكرون بالويك اندز وبالمناسبات مثل هاليوم
فالواحد اهم شي يختار له فندق حلو ويحسب حساب انه مابيطلع من الفندق ف الويك اندز

يالله الحمدلله لفينا شوي وخذنا جولة بالنهر وشفنا مناظر حلوة

يعطيكم العافيه

سوال اخير شباب
التاكس فري بمطار فرانكفورت يدققون على الفواتير والاغراض لازم يشوفون كل شي مثل بعض المطارات والا سهالات

على حسب الموظف والافضل ان تخلين كل اغراضك الي علهيا تاكس في شنطه بنفسها

التاكس فري في مطار (( فرانكفورت )):

بعد مايتم شحن العفش وتخلصون حاولي تخلي جميع الاغراض في شنطة صغيرة وبعدها روحو للمكتب في الطابق الثاني عند دخولكم صالة المغادرة بتحصلون المكتب عند مدخل بوابات ( e ) عليه لوحة زرقاء ومكتوب عليها تاكس فري.

مع مراعاة التالي :-

- كل فاتوره مرفق معها الأيصال ومختومه من نفس المحل , بدون ختم المحل مابيقبلونها.
- اذا حابة تاخذي فلوسك ( كاش ) احذري تكتبي رقم الكردت كارد على الإيصال , لأن لو كتبتي رقم بطاقتك الإتمانية على الإيصال بيقولون خلاص حطيها في الظرف ونرسلها على حسابك .

- لاتنسي تكتبي رقم جواز السفر على الايصال .
- قبل ماتسلمي الفواتير احسبي كم المبلغ الي بتاخذيه , عشان تعرفي كم لك .
- اذا كان معاك عطورات + مواد سائلة تذكري انك ماتقدري تطلعيها معاك الطيارة والله يعينك ترجعين لمكتب الخطوط الي شحنتي عفشك عندهم وتقولين بشحن الشنطة مع العفش ... هذا إذا فيها مواد سائلة .
وتذكري ان مالك الا ( 100 ملم ) تقدري تاخذيها معاك على الطياره .

هذه صوره صورتها وانا راجع ع السعودية بتاريخ 15 أبريل 2011
http://games.m5zn.com/cooking_games.html

مشكووورين يعطيكم العافيه
كل اموري مضبوطه بس مومعي شنطه صغيره
ان شالله مايكون زحمه ويمديني اروح للتاكس فري وارجع الشناط

أنا راح أكون في فرانكفورة في يومي السبت و الأحد

14 و 15 مايو ويش تنصحوني يا طيبين

المانيا كريهه في الويك اندز كل شي فيها مسكر

بس للتوضيح بالنسبة للتاكس فري طلبوا مني اخلص الجك ان بس مااشحن الشناط اللي فيها البضاعه وخذتها معاي للتاكس فري وشافوا الشناط وهم عفب ارسلوها للطيارة

طريقتهم حلوة ومافيها تاخير