الموضوع: استفسار عن فندق

السلام عليكم ورحمة الله وبركاته

انا رايح دبي انشاءالله في نصف ديسمبر القادم لمده اسبوع
لو تكرمتوا يااخوان ممكن تفيدوني عن فندق ال Radisson SAS Hotel, Dubai Deira Creek بالنسبه لموقعه

وقربه من المجمعات التجارية و سهولة المواصلات...

ومشكورين مقدما:101:

مواضيع عشوائيه ممكن تكون تعجبك اخترناها لك:

• استفسارت عن دبي
• بخصوص الوايلد وادي
• فيزا تقدّم مكافآت لحاملي البطاقات الذين يزورون دبي على متن طيران الإمارات
• احتاج مكان بابوظبي اركن فيه سيارتي لمدة شهرين
• نصائحي لتجربون مطاعم أكثر صحة في أبوظبي
• فندق موسكوووو
• سوق دبي الحرة عين جميرا للضيافة لإدارة فندق فئة نجوم
• افتتاح أول فرع لسلسلة مطاعم تكساس رود هاوس في دبي مول
• مسافات
• أروع رحلة بحرية مع خدمة فيري دبي
• نادي خور دبي للجولف منقول
• شقتين في العنوان
• أفتتاح مطار آل مكتوم الدولي بجبل علي
• تشارلز آند كيث تفتتح بأبوظبي مول
• أبغى مساعده بليزززززززززززززز
• درهم فندق مونارك نجوم شارع الشيخ زايد مع فطور لشخصين منتهى الفخامة
• صالات الانتظار في مطار ابوظبي للافادة
• المطلوب جدول لـ ايام من مجمعات ومطاعم واماكن سياحية
• تاجير سيارة
• الفزعة حبايب قلبي تكفوون

قدييييييييييم
وما أنصحك فيه

عالعموم هو قريب من الغرير وسيتي سنتر

مشكور اخوي The Watcher

وممكن تفيدني اكثر عن الفندق ويعني ما تنصح بالاقامه فيه...

انا شفت صور للفندق شكلها فخمه...

الفندق قديم و منطقته زحمة و تعتبر منطقة قديمة...بس هو 5 نجوم

سعره ما بيكون رخيص...عطني ميزانيتك اليومية في السكن و باءذن الله بنحاول نقترح عليك ما يناسبك

الفندق هو أول فندق خمس نجوم في دبي
افتتح في السبعينات
وكان اسمه انتركونتيننتال
بس تغيرت الإدارة من كم سنة

أنا حضرت فيه مؤتمر مرة
لما تدخله تحس انه قدييييم
المصاعد قديمة .. بعضها فيها صوت

بس اللي يميزه المطاعم .. وايد يمدحونها .. مع اني ما جربتها

لووووول ذكريتني اخوي على طاري انه قديم انه حفل زفاف الوالد و الوالدة كان فيه...يعني شوف يمكن قبل 25 سنة كان

و بالنسبة للمطاعم بالفعل انا جربت مطعم السي فود ماركت المشهور الي في الميريديان و كنت مع صاحبي بس قاللي سي فود الراديسون ساس أحلى و فيه بعد أشهر و أفخم مطعم ايراني في دبي الي هو الشيبستان و هو بالمناسبة اذا الشيخ محمد بن راشد يتغدى يروح هناك

والله يا اخوان انا الي شجعني عليه العرض الموجود من الفندق وهو خمس ايام مع بوفيه افطار وانترنت في الغرفه مجانا والسعر 3480 درهم..

وفيه فندق الكراون بلازا دبي فيستفال نفس المده مع الافطار ب4680 درهم...

بعني تقريبا الفرق حول 1200درهم...ما ادري وش رايكم من بين الفندقين وش تنصحوني فيه ومن جميع النواحي

مشكورين اخواني The Watcher و ابن بطوطة 20 على ردودكم ومساعدتكم والله يعطيكم العافيه..

كراون بلازا طبعا أفضل بكثيييييييييييييييييير
جديد وحلو .. ويطل على الخور .. وملاصق لمركز فستيفال سيتي

شوف هالتقرير
http://www.arabtravelersforum.com/travel202780/

بس من وين جبت هالعروض؟
وايد حلوة

طيب وش رايك لقيت هذا العرض من جد مغري

خمس ليالي شامل الافطار والضرائب في فندق ال Grandeur (اربع نجوم) ب2880 درهم

والله شكله مغري ...وش رايك خبيرنا تنصح فيه...

من وين تجيب العروض

والله انا سكنت فيه قبل شهرين تقريبا و باقلك على عيوبه وانت احكم
-مدخل ومواقف الفندق ضيقة جدا يعني راح تتعب اذا معاك سيارة
-المكيف خرب علي واخذوا حوالي ساعة وشوي الين صلحوه
-تعامل بعض الندلاء اللي في المطعم تحت مو قد كذا
-هذا غير انهم حجزوا مبلغ الاقامة من بطاقة الفيزا لمدة اسبوعين حتى بعد خروجي
-من ناحية المجمعات جدا بعيد عن مول الامارت و متوسط البعد عن دبي مول
-احلى ما في الفندق الview على الخور جدا رائع

المشاركة الأصلية كتبت بواسطة امير وذوق
http://www.arabtravelersforum.com/tr...4/#post2484854

طيب وش رايك لقيت هذا العرض من جد مغري

خمس ليالي شامل الافطار والضرائب في فندق ال Grandeur (اربع نجوم) ب2880 درهم

والله شكله مغري ...وش رايك خبيرنا تنصح فيه...



هو السعر حلو
بس ما اتوقع ان الفندق بيكون وايد حلو
هو فندق جديد .. خلف مول الإمارات (بس وايد بعيد عن المول إذا بتروح مشي)

خلك على كراون بلازا .. الا اذا حبيت تقلل ميزانية السكن

انا ودي استأجر سياره وبالنسبه للفندف غالبا كراون بلازا...

اسعار الفنادق لقيتها في موقع الBooking.com وبالنسبه للكراون بلازا من موقعهم الرسمي..

مشكورين يا اخوان وما قصرتوا..

مثل ما قالو لك الاخوان فندق راديسون ساس وايد جديييييييييم وهو قريب من الاسواق الشعبيه بس مثل سوق الذهب والراس وسوق الادوية الشعبيه وعكاض ونايف
بس احلى ما فيه المنظر على الخور

وماشي مجال للمقارنه بينه وبين فندق كراون بلازا فيستفال ستي,,, سعره اوكي والفندق ملاصق فيستفال ستي مول,, ومقابله شارع الخليج التجاري اللي يسهل لك الوصول الى مراكز التسوق الثانيه مثل برجمان ووافي ودبي مول والامارت مول