الموضوع: استفسار عاجل

احب ان اشكر القائمين على المنتدى ودي ازور سوريا وعندي اجازة ثلاث ايام فبشنو تنصحوني دمشق ولا حلب ولا الاذقيه طبعا الايام هذي وشكر

مواضيع عشوائيه ممكن تكون تعجبك اخترناها لك:

• سؤال بخصوص إيجار السيارات السعر ، أفضل المكاتب ، مميزاتها ، عيوبهاإلخ
• سؤال لأهل الخبره عن صلنفه
• روائع الأماكن في سوريا
• عند عبورك الأردن أنتبه من هذه النقطة
• تحذيرات للمسافرين بالسيارة عبر سوريا والاردن
• اللاذقيه؟
• مهم دفترالتربتك
• اول مره اسافر الى سوريا وهذا انطباعي
• وضع السياحة في سوريا بعد أحداث من يوم الجمعة جمادىالثاني
• عين ديوار طبيعة ساحرة و آثار خالدة
• بحيرة سد نيسان ميدانكي عالم السحر والجمال
• في التقرير الربعي لمشروع سما ستي السكني تنفيذ من أعمال البنية التحتية والباقي خل
• المواد التموينية
• أبغا دكتور أسنان في سوريا لاتبخلو عليه في الرد
• ماهي المحافظة المفضلة لديك
• إلى سوريا مع الخادمة ؟؟؟ إستفسار
• شواطئ مفتوحة في طرطوس للمواطنين ذوي الدخل المحدود
• الرسوم في الاردن وسوريا
• كسب
• وانت ذاهب الى سوريا انصحك بالبقاء في الاردن ثلاث ايام لماذا ؟؟

والله انصحك بدمشق
يعني هالايام شد شوي البرد فالمناطق الشمالية باردة ولااعتقد انك بتنبسط فيها

خاصة المدة قصيرة يادوب تكفيك في الشام كثلاث ايام استرخاء

والله يوفقك

شكرا علي الرد .... ممكن نصيحة بالاماكن الي اروحها بدمشق احنانفرين انا وزوجتي
thanks alot ...

اهلا وسهلا بك اخي "dr.alshatti"
ممكن بس تقلي بأي فترة حضرتك نازل سوريا وانا ان شاء الله بزبطلك برنامج على كيف كيفك
السكن موجود ولا بدك ندلك على فندق
تحياتي وانا جاهز لاي استفسار

يعطيك العافيه اخوي انا رايح بكرة ادري مافي وقت بس طقت براسنا اناولمدام وحجزت التذاكر والفندق عن طريق النت را اوصل دمشق على المغرب بكرة فياليت تقترحون اماكن لي وشاكرلكم

خير ان شاء الله
صحيح انت متأخر شوي بس مو مشكلة
اول شي شو هو الفندق يلي حجزت فيو؟؟

بالنسبة للبرنامج انا بنصحك ما تطلع براة الشام
يعني بكرة رح توصلوا تعبانين عالمغرب
بعد استراحة صغيرة بالفندق بتقدر تروح لمطعم من المطاعم يلي بالربوة "توشكا" مثلا
او ضمن سور القلعة بدمشق القديمة مثل "دمشق القديمة"
بتتعشوا عشوة حلوة وهالمطعم فيو فرقة عالخفيف كلون رجال بغنوا اغاني خفيفة قديمة
شي روعة وبهداوة كثير
كمان في استعراض لفرقة الميلوية وهي تحربة حلوة وتستاهل
تاني يوم اذا الله يسر بعد الافطار انا رأيي الانطلاق الى بوابة دمشق ومشاهدة المتحف هناك
وسوق الحميدية المصغر وتاريخ السيارات
كمان بتشوفوا اماكن تصوير مسلسل باب الحارة
وبعدين الغدا ممكن باي مطعم عطريق المطار وانا بفضل عدة مطاعم منها
"بوابة دمشق" اكبر مطعم بالعالم او "زمان الخير" وفيو تجربة البركان او "القرية" كتير حلو
بعدين عالشام عمنطقة سوق الحميدية وتمشاية بهالحارات الحلوة
واذا بتحبو المقاهي عندك النوفرة
واذا بتحب خصوصية اكثر شوي روحو على المطاعم بداخل الحارات القديمة خلف المسجد الاموي
عندك حلو كثير "بيت جبري" وجرب السحلب الحار اذا كان الجو بارد شي جنان
كمان شغلات عالصاج او اقلات شعبية قديمة من فول نابت وبليلة وغيرو
ثالث يوم ممكن يكون بالزبداني وجبال بلودان
طبعا هالشي بس ما يكون الجو بارد كتير
وهنيك رح تشمو هوا نضيف وطبيعة جنان
اي تساؤل انا حاضر انت خبرني وشوف الرد لو لآخر الليل
تحياتي لك
بس ما تنسانا من كم صورة حلوين على هالمنتدى ولو ما كان موضوع متكامل
المهم كم صورة حلوين

حاول تحسب حسابك من البرد بشوية ملابس تقيلة وجاكيت

اخي الكريم

الاخ اسامة كفى ووفا واحب ان اضيف انه لوكان معكم وقت طلعة بالليل على جبل قاسيون بتكسي
وعمل لفة هناك (دون الجلوس بمقاهي البلص ) بتكون حلوة كتير .
ولو عندك مناسبة او حابب تعمل مفاجأة للاهل فعشاء بمطعم قصر كيوان ( خلف مشفى المواساة )
او بمطعم نادي الشرق سيكون جميلا جدا . كما سمعت انه تم افتتاح سينما جديدة ( تجديد وتطوير )
بجسر فكتوريا قرأت مقالا عنها تستحق فعلا زيارة لمشاهدتها قبل مشاهدة الفيلم وهو بالمناسبة من احدث الافلام العالمية .


..................تحياتي

أنتبه هذي الايام أمطار وبرد في دمشق

الله يسر امرك

المشاركة الأصلية كتبت بواسطة mharwil
http://www.arabtravelersforum.com/tr...8/#post3499464

اخي الكريم

الاخ اسامة كفى ووفا واحب ان اضيف انه لوكان معكم وقت طلعة بالليل على جبل قاسيون بتكسي
وعمل لفة هناك (دون الجلوس بمقاهي البلص ) بتكون حلوة كتير .
ولو عندك مناسبة او حابب تعمل مفاجأة للاهل فعشاء بمطعم قصر كيوان ( خلف مشفى المواساة )
او بمطعم نادي الشرق سيكون جميلا جدا . كما سمعت انه تم افتتاح سينما جديدة ( تجديد وتطوير )
بجسر فكتوريا قرأت مقالا عنها تستحق فعلا زيارة لمشاهدتها قبل مشاهدة الفيلم وهو بالمناسبة من احدث الافلام العالمية .


..................تحياتي




تحياتي لك اخي "mharwil"
صارلنا فترة ما شفنا ردودك وحبيت اطمن عسى المانع خير
فعلا مقاهي جبل قاسيون نصابين وريحتهم فاحت
وما بعرف ليش وزارة السياحة ساكتة عنون؟؟؟؟

دخلك شو اسم السينما الجديدة ووين موقعها؟ خبر جديد يكسرو احتكار سينما الشام