للتوجه للمطار ،، افضل شي تكسي صحيح السعر اغلى من غيره ..
لكن انت مسافر ،، تدفع اكثر افضل من انك تتعب بالطريق او تتأخر على الرحله ...
اتوقع التاكسي ياخذ منك في حدود 70 ريجنت ..( اقل او اكثر على حسب نوع التاكسي وعلى حسب مزاج السواق )




المهم بخصوص سؤالك ... اكيد فيه مواصلات ارخص من مقر سكنك الى مطار اير اسيا


تقدر توصل لمحطه اسمها سيلك تنجي ومنها تركب الباص الى مطار اير اسيا .. لكن هذه يبغالها شغله


افضل شي بالنسبه لي ... انك تتوجه الى محطه كي ال سنترال ومن هذه المحطه تركب باص الى مطار اير اسيا
كيف..


تروح لمحطه الباصات اللي حولك وتتوجه الى محطه اسمها كيلانا جايا ... ( تكلفك تقريبا 2 ريجنت للشخص )
وبعدين تروح لمحطه القطار (مشي ) وتركب القطار وتتوجه الى المحطه الرئيسيه وهي ( كي ال سنترال ) ( تكلفك تقريبا 2 ريجنت للشخص )
اذا وصلت تروح تركب الباص اللي يروح الى مطار اير اسيا ( اسم المطار lcct ) لا تلغط وتركب باص مطار كوالالمبور ( يكلفك الباص من 8 الى 10 ريجنت للشخص )


يعني المسأله كلها تكلفك ( 2+ 2+10 ) = 14 ريجنت للشخص الواحد ( هذا لو ما استخدمت التاكسي ابد ) .. ممكن تحتاج التاكسي من فندقك الى محطه كيلانا جايا ..
وترى بعض الفنادق في سيلانجور عندهم توصيل مجاني الى بعض محطات القطارات ..


لكن شغله مهمه جدا ... انت معك عفش .. وصدقني ( وانا مجرب ) العفش في القطار متعب ..
وصدقني ما راح توصل المطار الا وانت ( متعب ) والتعب ينتجع عنه ( عرق ) والعرق ينتج عنه ( ريحه ) والريحه تنتج عنها ( اشمئزاز من البعض ) والاشمئزاز ينتج عنه ( انك تكره نفسك )




الخلاصه : خذ تكسي والى المطار ..
او كحل بديل .. تاخذ تكسي الى محطه كي ال سنترال .. يكلفك تقريبا 25 ريجنت
ومن المحطه خذ باص الى مطار اير اسيا يكلفك ما بين 8 الى 10 ريجنت ( خلنا نقول 10) ..
يعني المسأله تكلفك 25+ 10 = 35 ريجنت
لكن الحساب يختلف على حسب الاشخاص .
شخص واحد : 25+ 10 = 35
شخصين : 25+ 20 = 45
3 اشخاص: 25+ 30 = 55
4 اشخاص: 25+ 40= 65




برضه ما زلت اقول تكسي مباشر افضل ..
يا شيخ ادفع وريح دماغك ..


مواضيع عشوائيه ممكن تكون تعجبك اخترناها لك: