الموضوع: الله يكتب له الاجر من ساعدني

السلام عليكم
كيف حالك اخواني اتمنى من الله انكم تساعدوني انا محتار في حاجه الا هي اذا وصلت المطار هل اقول انا جاي دارسه او سياحه
انا مدة جلوسي اقل من 90 يوم ومعي اوراق معهد والتذكره الرجوع قبل 90 يوم

ماذا اكتب سياحه او دراسه وعلى ما اعتقد ما فيه كلمة دراسه اقل من ثلاث شهور وماذا اضع في كرت الدخول
اخواني ياليت تساعدوني السفر يوم السبت وانا محتار ومتوهق

مواضيع عشوائيه ممكن تكون تعجبك اخترناها لك:

• انرسلت ورقه من السفاره النيوزلانديه من دبي للفيزا والشروط
• كيفُ تَعَام ـــل العَائٍله مَعك
• أريد أن أعرف أكثر ؟؟؟
• استفسار ضروري بخصوص الفيزا
• افكر بالسفر االى نيوزلاندا اتمنى المساعده
• لطلاب الدكتوراه فقط
• جامعة اوكلاند مساعدة تكفون
• استمع الى اللهجنة النيوزيلندية وانت في بلدك
• ترحيب خاص لجميع الشباب اللي سافروا لنيوزلاندا
• صحيح ولالا يااوكلاند
• نصائحكم و خبراتكم تهمنا
• الي بيدرسو في جامعة كنتربري استفسار بسيط؟
• اختكم تبي استشــارة
• إستفسار بخصوص التكلفه المادية للدراسة والطريقة الأنسب لدراسة اللغه
• عندي أسئله غير ومهمه عن نيوزلندا تكفون الفزعه
• راتب التأسيس
• مواقيت الصلاة في كرايست تشيرج
• فنادق وشقق نيوزلاند عاجل جدا
• سؤال عن ترانزيت اكتر من ساعات يحقلي فندق ولا لا ؟
• بخصوص اللاب توبالجهاز المحمول والبرامج الاصليه تكفون يالي سافرتو جاوبو

والله وأنا أخووك أنا مثلك محتاار ، طلعتي إن شاء الله بتاريخ 20 -7 1431 والرجعه قبل ماتفتح المدارس بيومين يعني مثلك أقل من تسعين ييوم ، بس أنا أقول لك ايش ناوي أسوي :
اذا أعطوني كرت الدخول ماراح أعبيه واذا وصلت للجوازات راح اطلبهم ترجمه للي مكتوب بالكرت طبعا هم عندهم ترجمه لجميع الدول ، وأول مأوصل راح أعطيهم الجواز والقبول والتذكره من دون مايتكلمون ، طبعا هم راح يفهمون انك ماتعرف تتكلم انجليزي وراح يعطونك تأشيرة سياحه من دون مايسألونك ، وحتى لو سألوك قل لهم أنا جاي لدراسة وعطهم القبول والتذكره عشاان يتأكدوه بأن الفترة مدتها أقل من ثلاث شهووور ، لأن لو كذبت عليهم وقلت لهم سياحه راح يطفشونك بالأسئلة ( عند مين تسكن ، ومين يستقبلك ، ومن هذا الكلام ) ، فأنت راايح راسك من أول شيء وقل لهم الصراااحه .
على فكره انت متى حجزت ؟ وعلى أي خطوط ؟ وايش اسم المدينه والمعهد ؟

والله يوفقك بدرااستك

ترى المسألة ماهي بذيك الصعوبة بس قولهم أنك جاي تدرس أنجليزي لفترة 12 أسبوع (أو اللي هي 90 يوم) ووريهم أوراق المعهد وحاول أنك تجاوب على قد السؤال فقط بدون زيادة وإن شاء الله ماراح يصير إلا كل خير

السلام عليكم

نصيحة من شخص مجرب ، خليك صادق بكل شي ، وش يمنع إنكم تقولون إنكم جاين للدراسة مادام معك أوراق قبول من المعهد ، وصدقوني ماراح يكثرون عليكم بالأسئلة ، والتذكرة مكتوب فيها رحلة العودة قي أقل من 90 يوم .*

بالتوفيق لكم........

هلا اخوي والله مدري عن الطريقة الي بتعملها لكن نشوف راي الزوار الباقين انا حجزي يوم السبت الجاي
3-5-2010 على الخطوط السنغفوريه التذكره ب 6200 ريال يا بلاش والله صيده كان مسوين عرض ومن حظي

على مدينة كريست اشرش اسم المعهد International English Institute المعهد ما عندي خلفيه عنه سبب اختياري له عدم وجود عرب فيه

يعطيكم العافيه اخواني واالله يسعدكم اخوي c261 و مجروح ويكابر ايش اكتب في كرت الدخول دراسه يعني
ما تسبب لي مشكله
لاني تعبت ولا ابي اخسر شي يالله حصلت اجازه ثلاث شهور وخسران دراهم ولا ابي ارجع على اقرب طياره

Fire Chif

معك اوراق قبول من المعهد

وتذكره العوده بعد اقل من ثلاثه شهور

على كذا

وضعك سليم 100%

Go Head

ودربك خضر

يا اخوان الله يعطيكم الف عافيه على مساعدتكم لي والله يكتب لكم الاجر

الي ابغاه ايش اكتب في كرت الدخول دراسه او سياحه الان الي اعرف ما فيه شي اسمه دراسه اقل من ثلاث شهور
اخاف اكتب دراسه هم امسك الباب

أكتب دراسة بدون ماتشاور أحد ، لأن معك أوراق تثبت هالشي ، ومثل ماقلت لك ماراح يدققون عليك ،
بالتوفيق

الله يعطيكم الف عافيه اخواني والله يجزيكم الف خير وربي ريحتوني من هم كنت شايله
مشكور اخوي مجروح ويكابر وبيض الله وجهك

اخواني في سفاره سعوديه او لا من شان اسجل رقم الجواز