الموضوع: أنا وزوجي والسفر

السلام عليكم ....
أنا وزوجي العزيز قررنا نسافر بعد شهر تقريبا وترك لي حرية أختيار المكان وبصراحة تركني في حيرة لعدة أسباب
كل ما أدخل بوابة أشوف الأعضاء يقولوا أنها الأجمل وأنا مع الخيل ياشقراء كل يوم أختار مكان وبيخلص الشهر وأنا ماقررت سؤالى سفرتنا راح تكون بمناسبة ذكرى زواجنا وراح نروح بدون أطفال فهل الجزر أنسب مكان وكم التكلفة لمدة8 أيام _وبصراحة أنا وزوجي ماعندنا لغة وسافرنا قبل ماليزيا ومشي حالنا هناك فهل اللغة عائق _وهل المنطقة معرضة لتوسونامي_وهل تكثر فيها الزواحف والحشرات (معليش كثرت من هل لكن عشمي فيكم تجاوبوني)ومين يرتبلي رحلة رومنسية ولو مني الدعاء من جنب الكعبة

مواضيع عشوائيه ممكن تكون تعجبك اخترناها لك:

• عاجل لـ ابو يارا
• ادوٍرٍ مشوٍرٍتـــكم
• اريد استشارتكوا المالديف - مورشيوس - السيشيلز
• اي استفــــــــــــــــسار عن موريشيوس
• جزيرة موريشيوس ومعلومات تحتاج لإيضاح
• و في القلب إليك سرباً من حنين المالديف أكتوبر
• مساعدة الجزيرة الأحلام
• مساعده بليز
• أستفســـار بخصوص المالديف يا مسافرون
• رجاءً ساعدوني دفعت للفندق بس الطيران نكبني السيرلانكيه
• تكفوووووووون دلوني
• جزر المالديف أنتظروا تقريري رقم وبالصور
• فندق الهيلتون في موريشيوس عرض مغري
• ابغى المساعده ؟؟؟؟
• تحذير لجميع الاخوان
• بلييييييييز للي يعرف المالديف
• شهر العسل في جزر المالديف و ماليزيا أرجو المساعدة
• ابي مساعدتكم
• اتمنى المساعدة في اول تجربة لي في جزر المالديف
• ما رأيكم في هذا البرنامج لشهر العسل دعوة للخبراء

بالنسبه للجزر يكفيها 4 ايام مع يومين في دبي او قطر للراحه من مواصلة السفر
وعلى حسب ميزانيتكم الارخص من بين الجزر ( المالديف _موريشوس _سيشل) هي المالديف

وشيكت لك على 1 مايو بفندق كرومبا الغرفه تطلع بالليله 877 ريال شامل ضريبه اما اذا تبون اكواخ يطلع حول 1300 ريال الليله بنفس الفندق ( هذا مثال)

اما اذا ودك بالفلل والمسابح تكون اغلى طبعا

واذا ودكم لندن حلوه لمدة 8 ايام وجوها زين وتلاقين عليها عروض تذاكر وسكن ويمكن تكلفك اقل من الجزر شوفي وش اللي يناسبك وحنا بالخدمة

أشكرك أخوي النمر ....أكتشفت إني مسكينة وعلى نياتي تكلفة الرحلة نبغاها في حدود12 ألف ولما شفت صور الجزر تجننت ومرة عجبتني لكن طلعت ناااار الأسعار مبالغ فيها لشخصين لكن تتوقع لندن تنفع وهل حاجز اللغة ما يأثر يعني ممكن نمشي حالنا بلغة الإشارة ؟؟؟

فيه مجال ترحون للمالديف

وبيكون الخط الرياض - كولومبو - مالي-كولومبو - الرياض

لأن سعر التذاكر ممكن يكلف 5000 للشخصين ,,

وعندك القطرية عندهم عرض حلو تذكرة والثانية مجاناً وأن شاء الله تكون الأسعار تناسبكم ..

وإذا طاح هم التذاكر باقي الأمور سهله ..

وموفقين ..

وعليكم السلام ورحمة الله وبركاتة

أختى الكريمة ملكة التوت تقدرين تطلعين للمالديف بحدود ميزانيتك من اربع لخمس ليال وباامكانك تلحقين على عرض القطرية اليوم وبكر فقط 6 و 7 أبريل تاخذ تذكرتين بسعر التذكرة

اذا استقريتي على المكان راح اساعدك بالترتيب بإذن الله مع تحديد الاوقات بالضبط والميزانية المخصصه فقط للتذاكر والمنتجع حتى على اساسها نقدر نساعدك

بكون المالديف اكيد لأنه لي وقت 19 مايو راح يكون تدفعين 5000 راح يكون لكم سكن (شاليه) وفطور بوفيه مفتوح
لمدة 10 أيام والله

اخوي سيرفس 15 ممكن تفدني اكثر عن عرض القطرية ممكن اشتري التذكره واسافر بعدين يعني بعد شهرين اثلاث اشهر ارجو الافادة في اسرع وقت والف شكر

هلا اختي
عرض القطريه لازم تشرين التذاكر اليوم الساعه 12 باليل الى بكره 12 7 8 ابريل
الحجز من 1 مايو الى 10 جون يعني شهرين من تاريخ اليوم
ترى العرض رووووعه بس لازم يكون معك فيزا
للآسف مايشمل امريكا
مثلا انتي وزوجك تقدرون النمسا بسعر 3200
بالتوفيق

سيرلانكا مناسبه لميزانيتكم مررره وراح تزيد بعد ,, فنادق وفطور وعشا ومواصلات وتذاكر وفيه جزيره بنتوته حلووه وبحرها نظيف وهاديه ,,,
او اندونيسيا تكفي ميزانيتك ( لو ) لقيتو تذاكر بسعر حلو اذا بتروحون من جده تلقين سعر حلو على السعوديه ..

أخ فهد الغبيشي ..

ما قصر usa كفى ووفئ

بس شيك على الموقع ممكن تلقى جاحة تناسبك

أنا أنصحك بـ باريس .. لمدة أسبوع
وهذه الأيام اقتربنا لـ موسم تفتح الزهور .. الربيع .

فهنيئا ً لك ..

موفقين جميعاً

المشاركة الأصلية كتبت بواسطة محمد أبو شملان
http://www.arabtravelersforum.com/tr...8/#post5110798

أنا أنصحك بـ باريس .. لمدة أسبوع
وهذه الأيام اقتربنا لـ موسم تفتح الزهور .. الربيع .

فهنيئا ً لك ..



مشتاقه لك البوابه الفرنسيه أخوي محمد

أختي روحي سريلانكا ولا اندونيسيا ذكرى زواج يوم ولا اربع ايام ماتصلح كثروها خلوها اسبوع ومخمخوا عليها

لو كتبتي موضوعك بمكانه الصحيح وهو البوابه السياحيه كان نصحناك بعرض الخطوط السعوديه اللي هو صحيح اسمه عرض تذاكر بقيمه 1300 للشخص وش هالرخص
لكن لعل بالأمر خيره يا أختي