الموضوع: سؤالين صغار بخصوص المالديف

السلام عليكم ورحمة الله وبركاته
اول شي اشكر كل شخص بالمنتدى جاوبني على استفسارتي بكافة الأقسام الي اطلعت عليها
واللحين عندي أسأاله بخصوص المالديف و أتمنى الأجابه عليها ربي يسعدكم ..
أهم سؤال اللحين الي ببالي في خطر على المالديف من الزلزال الي صار لليابان ؟؟ ابي احد يطمني :s
و سؤالي الثاني انا ان شاء الله بقعد ٤ ايام في المالديف في اشياء ممكن اروح لها برا المنتجع زياره اماكن مهم الواحد ان يزورها ..؟

و بأنتظار الإجابه :$

مواضيع عشوائيه ممكن تكون تعجبك اخترناها لك:

• حد جرب يحجز من أجودا للمالديف؟
• الحيره يا شباب
• ارووح المالدييف ولا لا ؟؟ عطوني رآيكم واقتراحاتكم
• موريشوس أيام لا تنسى
• رحلتي الى جزر المالديف
• الى الجميع تفضلو وادخلوا
• فلل في موريشيوس بأسعار مغرية جدا
• تكفون نبي نحجز وششون ؟
• ممكن تساعدوني برحله لموريشيوس؟؟؟
• استفسار
• منتجع في جزر الكناري
• أسئله لأهل الخبره في موريشيوسبوعزوز و أبوتركي حياكم
• العطف على الصغيييييييييييييييير
• اطمع في خدمتكم
• افيدوني افادكم الله
• استفسار عن الجزر
• اتحداكم من يسوي البرنامج هذا؟
• استفسار من الخبير وخبراء المالديف
• للخبراء فقط
• يااهل الخبره جاني عرض ايام بالتذاكر ريال شخصين في افضل الجزررايكم؟

up.....

=)

صراحة المالديف تستحق الزيارة تعود منها وانت انسان جديد

العام الماضي زرتها وكان الفندق ينظم رحلات لزيارةجزر شعبية للاطلاع على طريقة حياة المالديفيين

لكن للاسف الظروف الجوية لم تسمح لنا بذلك

العاصمة مالي زرتها لكني لم اجد فيها مايستحق الزيارة عدا رؤية المسجد الكبير فيها

شكرا .. و بأنتظار البقيه

46 مشاهد ولا في الا رد واحد

وعليكم السلام ورحمة الله وبركاتة


أهلا بك أخي الكريم n789 أسعد الله أوقاتك بكل خير

بخصوص الزلزال اللي صاب اليابان ولله الحمد لم تتاثر المالديف به ولم نسمع اي خبر عن تاثرها بذلك فالمستقبل القريب

اما بخصوص الانشطه خارج المنتجع لا يوجد شي ولكن هناك رحلات ينظمها المنتجع الى احد الجزر القريبه للاطلاع على حياة اهل المالديف وهي اشبه بحياة الارياف مع انشطه اخره مثل رحلات صيد السمك الصغير او الكبير والالعاب البحريه في المنتجع وقضاء يوم او نصف يوم في جزيرة منعزله لوحدكم ورحلة الغروب ورحله حول المنتجع وغيرها من الانشطه التى ينظمها كل منتجع


وحاضرين لرد على اي استفسار اخر تريد الاستفسار عنه

شكرا لك ..
طيب ايش افضل اول ما اوصل للفندق احجز للرحلات و الأنشطه ولا كل يوم بيوما ؟

المشاركة الأصلية كتبت بواسطة n789
http://www.arabtravelersforum.com/tr...2/#post5074602

شكرا لك ..
طيب ايش افضل اول ما اوصل للفندق احجز للرحلات و الأنشطه ولا كل يوم بيوما ؟

العفو أخوي وطبعا الافضل تحجزهم اول ماتوصل لانه ممكن تجي بنفس اليوم وماتحصل حجز على النشاط اللي تبغاه بعض الانشطه ماهي يوميه وراح تلقى اصلن عندهم جدول لاسبوع كامل ينزلون وانت تشوفه وترتب الرحلات وتنسق ايامها على ماتبغي وتكون عارف كل يوم ايش عندك فيه نشاط

ربي يسعدك شكرا ..

الأخ n789 (إش هالإسم) مبروك العسل يا عسل بعدين انت رايح جزيرة عشان الهدوء والرمنسية وتقدر اتعبر حق العسل الي معاك بأحسن الكلام لأن المكان يوحيلك فيه ليش تبي تتنقز من مكان لمكان خلك بالجزيرة وستمتع بالهدوء والرمانسية وأكل العسل

حياك الله اخويn789
الله اهنيك انشاء الله في رحلتك
اخوي نصيحتي لك انك اتراسل الفندق الي انت حاجز فيه واطلع على برامج الفندق بهي الطريقه اترتب روحك على البرنامج الي انت حاب اتسويه من وصولك حتى مغادرتك الفندق .
طبعا الفندق بطرش لك البرامج الموجوده مع الاسعار.
والله اهنيك

شكرا لكم جميعاً ،، بالتوفيق

اخي
انا رجعت من المالديف بتاريخ 29 مارس و كانت رحلتي لاربع ايام
رووووعه و ما في شي من زلزال اليابان غير اليابانييين بكل مكان مساكين
و بالنسبة للانشطة يختلف من منتجع للاخر
بس بمعظمهم عندك الغوص, snorkling
و و الغوص على مستوى سطح الماء و تتفرج على الاسماك بالوانها العديدة
انا و زوجي خذنا العدة معنا
و في جولات بالقارب لروؤية الدلافين
و المطاعم تنظم بالليل حفلات شواء بالهواء الطلق
غير الرياضات المائية العديدة
و في المنتجع الي قعدنا فيه كان لكل فيلا دراجات
طلعنا جولة في الجزيرة عليهم , كان خيااال
و ما ملينا ابدااا
ان شاء الله قريبا راح انزل تقرير لرحلتي..
موفقيين ياا رب