السلام وعليكم ورحمة الله وبركاته ...
مساكم الله بالخير جميعا ياخوان الحقيقه سويت زيارة للبحرين لمدة يومين وليلة وانا طلبت من الاخوة المساعدة في هالموضوع
http://www.arabtravelersforum.com/travel292134/
الحقيقه الاخوان كلهم ماقصرو وبذل جهد يشكرون عليه طبعا كنت الامر كله كان مفاجأة لزوجتي من اول
الرحلة لاخرها طبعا كان المخطط اخذ شاليه في مدينة الرياض والجلوس فيه مدة يومين ولكن قلت اقلب
الموضوع كله المهم تحركنا من الرياض الى الخبر كان وصولنا تقريبا حوالي الساعه 10 مساءا دورت شقة
لاني ابغاها بس الى بكرة الصباح بس اخذت شقة في فخامة الشرقة ( شي راقي جداا ) المهم من الصباح
الساعه حوالي 10 طلعنا من الشقق ( طبعا مسوي انا فلم ) وهذا كله ماتدري زوجتي وين الوجه وانا ناوي
على البحرين سويت تشك اوات من الشقة وطلعت باتجاه الجسر ( كنت اقول لزوجتي وش رايك نفطر في
الجسر ) طبعا مشينا للجسر اخذنا كوفي ودونت وانا على طوال رحت للحدود تقول زوجتي وين رايح قلت ابد
ابغا اشوف بس بعدين علقنا في زحمة الجوازات ويوم علقنا تفاجأت زوجتي وانا اطلع الجواز من جيبي :upset:
وقلت لها هذا جوازك انزلي وروحي للجوازات علشان التطبيق طبعاقلت روحي بعدين نتكلم المهم
ماعلينا قعد في الجمارك تقريبا فوق ساعتين زحممممة موووووووت المهم اول ماخلصت قلت حلو بحجز
فندق وقفت عند مكتب سياحي ادور حجز وكنت ابغا الدانة نوفتيل تفأجأت وهو يقولي فل :11ight: قلت ياولد
تأكد قالي اكيد قالي عندي لك غيره قلت وش هو عندي سوتات فندقيه ولسه جديده لها تقريبا حوالي 10
ايام قلت حلو وريني الشكل المهم شفت البوستر والا شي حلوووو مع ان الصور الاغلب تكذب بس قلت له
اوكية قالي اوكية غرفه مع حمام ( اكرمكم الله ) هذي ب 75 دينار قلت له اعتمد طبعا وصف لي المكان
مشيت شوية من عنده وصار لي حفلة بنشر التاير علي تخليو الساعه حوالي 12 الظهر وتاير يبنشر عليك
وووواوووووو المهم رحت للشقق والا بالفعل شفت الاستقبال ارتحت كثييييييييييير قلت فاتحة خير ان شاء
الله انا عاد صورتها لكم قلت علشان يستفيدون الشباب منها ....
طبعا التصوير كان عن طريق
اتركم مع الصور
طبعا هذا البوستر حق الشقق
هذا اول ماتدخل
وهذي مكواة للملابس
وهذي الثلاجة
واذا بغيت تسوي شاي كوفي
مكروييف
منظر عام لمدخل الاستديو
طاولة صغيرونه
تلفزيون بلازما :24:
هنا الانتريه
مكتب مصغر
نظارتي والعطر مالي ( اسوي دعاية لجورو ارماني)
هذا السرير واعتذر حوسه بس ماصورت الا واحنا بنعمل تشك اوات
طبعا من هنا بتلاحظون اني مصور في دورة المياه (اكرمكم الله ) كثير بس حركة المروش حقهم
هذي المغسلة
هنا لاحظو فيه حاجز للمروش
هنا كرسي مثل طرية الاشوام وحركة حلوووووه
وهنا المروش من اعلى الحقيقه انا انهليت عليه فلللللللله
وهنا انتهت الصور....
طبعا راح اقولكم بعض الاشياء تصدقون يالاخوان متصلين علي الساعه 10 يقولون يالله الفطور ترا بنشيله
لحق عليه رديت عليهم لا مابغا شكرا وشوي بعد 20 دقيقه تقريبا دقيت عليهم وقلت كم رقم الكوفي ابغا
كروسان اعطوني التحويله وسكرت شوي ماخذت ولا 5 دقايق الا وهم متصلين علي يقولون ترا الفطور مازال
موجود تقدر تطلع وتفطر ( انا قلت وش هالاهتمام كله فللله) المهم طلعت انا وزوجتي للمطعم الحقيقه
اشي ثاني دلع يجيك العامل لحد عندك وامر وتدلل قمة في الرقي والاخلاق والمعطعم نظيييييييييييييف
جدااااا واثاث فخم الحقيقه تمنيت ياليتني مصورة بس خيرها في غيرها وبعد ماخلصنا طلعت انا والمدام
علشان نشوف بركة السباحة طلعنا له والا نظاااااااااااااافه شي مرتب طبعا ماقدرت اسبح كانت حوالي
الساعه11 يعني في قمة البرد :104:
طبعا يوم الخميس رحنا لسيتي سنتر ويوم الجمعه رحنا للسيف وللسينما
وهذي مغامرتي في ديرتنا الصديقة
ونجي للمهم يوم جيت اسوي تشك اوت مسكت موظفة الاستقبال وقلت لها ابغا الاسعار (طبعا علشانكم)
قال شف يابوسعد ىالاسعار ياطويل العمر والسلامة ( طبعا كل هذا بالانجليزي ) :101:
الاستديو 75 دينار
السويت (غرفتين) 80 دينار
طبعا فيه عرض عندهم وهو للويك اند وهو لازم تحجز الاربعا والخميس والجمعه
وتطلع الاسعار
الاستديو 60 دينار
السويت (غرفتين) 70 دينار
وهذا اللي قدرت اجمعه لكم واعتذر منكم طولت في الموضووووع وبقووووووة بس قلت لازم اقولهم من اول السالفه لاخرها .
واي سؤال انا حاظرمواضيع عشوائيه ممكن تكون تعجبك اخترناها لك:
- دول الخليج في يوم استفسار
- الفندق اللي في الستي سنتر متى بيفتتح ؟
- ممكن أسعار قراند ميروكري السيف الآن
- بالنسبة للفندق بيسان الدولي
- جزر البحرين كيف احجز لجزير حوار
- اول مره ابيت في البحرين ساعدوني
- الاخوه الخبراء الاعزاء مع التحية
- عشر ساعات بمطار البحرين ترانزيت وين يروح ووين ينام؟؟؟
- رحت اشتري حلوى بحرينية حلوني بمحالفة
- ساعدوني
- كنت في دار السلام شكرا شعب البحرين
- اسواق البحرين
- شلون اسعار الفنادق فالبحرين ؟ وين مهرجانات وفعاليات العيد ؟
- محتاج مساعدتكم
- استفسار تنبيه
- عاجل ك استفسار عن التنقل ببطاقة الهوية الوطنية للسعوديين
- تقريري عن أحدث فنادق البحرين ماجستيك أرجان من روتانا
- معرض البحرين الدولي للقوارب واليخوت
- مطار البحرين يعقد اتفاق مع مرحبا لتقديم خدمات للمسافرين
- وين أحصل هوتيل بخدمة وايرلس انترنت بالغرف
رد مع اقتباس
المشاركة الأصلية كتبت بواسطة الغالـــية
المشاركة الأصلية كتبت بواسطة مزون البحرين
المشاركة الأصلية كتبت بواسطة الغالـــية
المشاركة الأصلية كتبت بواسطة ابوحمود69
المشاركة الأصلية كتبت بواسطة يدغدغ الحواس
المفضلات