الموضوع: استفسار عن افضل فنادق في دبي

مرحبا اخوي .. بالنسبة للأربعة ايام توكل على الله واحجز في كمبنسكي ، من وجهة نظري هو افضل فندق عائلي في دبي لكونه متصل بموول الامارات يعني الصغار والكبار كلهم بينبسطون لأن المول اكثر من رائع وكبير جدا وفيه كلللللللل شي، اما بالنسبة للفندق اللي عالبحر انا انصحك بالقصر احلى وافخم واحدث من جميرا بيتش...فندق اتلانتس ما اعرف عنه شي...رحلة سعيده

وعليكم السلام ورحمة الله وبركاته

وانا ارشح الكمبنسكي طبعا رااااااااااائع وملاصق لمول الامارات اللي فيه احلى المحلات السينمات ومطاعمه كثيره وفيه بعد سكي دبي يعني الاطفال بينبسطون وااايد في هذا الفندق :24:

والخيار الثاني القصر احلى بالنسبه لي عندك المطاعم الحلوه وقعدات سوق جميرا والتمشي بالعبره في القناه المائيه :24:

وبالنسبه لأتلانتس انا حاجزه فيه بأذن الله في العيد وحسب ماقالو بتكون الالعاب المائيه شغاله :surf

موفق بأذن الله

اختك

اليازي

:101:

يا هلا فيك أخويه في الامارات

بالنسبة للخيار الأول أنا أرشح جراند حياة...أنا سكنت في الفندقين و حسيت انه جراند حياة أفخم بالاضافة الى الأشياء الي تقدر تستمتع فيها في الفندق أكثر بكثير عن الكمبنسكي...كفاية مسبحهم العملاق و جراند حياة 2 دقيقتين من وافي و 5 دقايق من فيستسفال سنتر و كذلك 5 دقايق من السيتي سنتر بالاضافة طالما انك مقرر تسكن في جميرا بيتش ولا القصر فبيكون الكمبنسكي و مول الامارات على بعد 4 دقايق منهم حرام تسكن في فندقين في نفس المنطقة

أما للخيار الثاني بالنسبة لاتلانتس ماعندي فكرة أما بين جميرا بيتش و القصر أقول بشدة و بلا تردد القصر...القصر أفخم و أحدث جميرا بيتش أصبح قديم نوعا ما صحيح انه مازال محافظ على فخامته لكن الي رافع سعره اسمه كونه أقدم فندق في هذه المنطقة الخلابة...بالاضافة انك في القصر تقدر تقضي يوم كامل تتنقل بالعبرة بين سوق مدينة جميرا و فندق مينا السلام و أنصحك بمطعم المنى و مسابحهم و شواطئهم الخاصة...يعني حتى لو تقضي اليومين فيهم ما تنمل...و أرجع أذكرك انه مول الامارات بالكثير يبعد عنهم 4 دقايق

أتمنى اني أكون أفدتك و لو بالقليل و يا مرحبا فيك مرة ثانية بين أهلك و أخوانك

لو سمحتوا ممكن احد يعطيني فكره عن احد هالفنادق
احد زارها او سكن فيها او سمع عنها

Le Meridien Residence Deira Hotel Dubai
Riviera Hotel Dubai
Golden Tulip Al Barsha
Carlton Tower Hotel Dubai
Four Points By Sheraton Downtown Dubai

ولكم جزيل الشكر

مشكورين جميعاًعلى هذه النصائح ..







المشاركة الأصلية كتبت بواسطة ابن بطوطة 20
http://www.arabtravelersforum.com/tr...6/#post2305626

طالما انك مقرر تسكن في جميرا بيتش ولا القصر فبيكون الكمبنسكي و مول الامارات على بعد 4 دقايق منهم حرام تسكن في فندقين في نفس المنطقة



كلام سليم جداً .. لذلك انا قررت قراند حياة وباخذ غرفه كبيره شامل الافطار وتوصيل من والى المطار ..

Grand Deluxe AED 1600.00+20%







المشاركة الأصلية كتبت بواسطة اليازي-UAE


وبالنسبه لأتلانتس انا حاجزه فيه بأذن الله في العيد وحسب ماقالو بتكون الالعاب المائيه شغاله



بما انه الفندق محد جربه راح احجز في القصر بناء على رأيكم .. وبنتظر احد ينزل تقرير عن فندق اتلانتس عشان اقرر ..وقتها بكون في دبي بمر عليهم واحجز من الفندق مباشرة ...

الله يعطيكم العافية .. :24:
وشاكر تجاوبكم الكريم

مثل ماقالولك .. كمبنسكي أفضل اذا كنت مع عائلة

أما بالنسبة لجميرا بيتش أو القصر .. ترى الاثنين جنب بعض .. واذا سكنت في اي واحد فيهم تقدر تستخدم مرافق الفندق الثاني .. لأنهم تابعين لنفس الشركة .. الفرق بس في شكل المبنى ونوعية الديكور







المشاركة الأصلية كتبت بواسطة اليازي-UAE
http://www.arabtravelersforum.com/tr...9/#post2305579


وبالنسبه لأتلانتس انا حاجزه فيه بأذن الله في العيد وحسب ماقالو بتكون الالعاب المائيه شغاله :surf





بانتظار التقرير :101:

المشاركة الأصلية كتبت بواسطة سماء المدينة
http://www.arabtravelersforum.com/tr...1/#post2305851

لو سمحتوا ممكن احد يعطيني فكره عن احد هالفنادق
احد زارها او سكن فيها او سمع عنها

Le Meridien Residence Deira Hotel Dubai
Riviera Hotel Dubai
Golden Tulip Al Barsha
Carlton Tower Hotel Dubai
Four Points By Sheraton Downtown Dubai

ولكم جزيل الشكر



أفضلهم Four Points By Sheraton Downtown Dubai
شوف http://www.arabtravelersforum.com/travel212402/

الف شكر اخي the watcher
lمعليش تطفلت على الموضوع لكن بما إنك موجود ممكن تفيدني عن الفندق
Rimal Rotana - Dubai
موقعه وخدماته هل تنصح به والف شكر

عزيزي الافضل فندق كمبنسكي لانه رائع وما تحتاج سياره لان السوق والسينما والعاب الاطفال تحت وكذلك سكاي دبي الثلجي وبالنسبه للبحر الافضل القصر او الجميرا لانها فيها مسابح حلوة وتقدر تدخل برج العرب والمواقع الي بجواره كالمارينا والنخله

وانصحك باستئجار سياره علشان تطلع مع اولادك لمواقع اخري

وطبعا لاتفوتك وايلد وادي ورحله البوم

The Watcher, savip شاكر مروركم الكريم ..

مازلت محتار وشكلي بحجز في الكمبنسكي .. بناء على اغلب الردود ..

السؤال هل يحتاج السوق والالعاب وسكاي دبي اكثر من يوم .. يعني لو جيتهم مره اعتقد بتكون كافيه وشرايكم؟؟!

خصوصاً اني ناوي اروح اماكن ثانية قرية الطفل ومدهش وحديقة الحيوانات والبوم وغيرها من المواقع المخصصة للاطفال ..

اخوي savip بخصوص السيارة للحين ماقررت .. بس ناوي عليها ان شاء الله من وين احجز افضل ؟؟!

اخوي فهد اتوكل على الله واحجز في كمبنسكي وما بتندم و خصوصا غرف ال قراند ديلوكس رائعه وكبيره والصوفا اللي بالصاله تصير سرير ، انا كل زياراتي لدبي مع العائله ما اسكن غير فيه اما بالنسبة للمول واماكن الترفيه الموجوده فيه ما تكفيها يوم واحد صدقني لو كل يوم تروح له ما تمل وبتكتشف محلات و اشياء جديده من جد ونااااااااسه00 رحله سعيده

اخواني اريد منتجع على البحر في مدينة الشارقه ش خياراتكم ...........