الموضوع: استفسار عن ترتيب جدول لماليزيا انشاءالله لمدة ايام ليالي

السلام عليكم ورحمة الله وبركاته

تقبل الله صيامكم وقيامكم اخواني في الله وكل عام وانتم بخير انشاءالله
انا اول مرة اروح لماليزيا ولا عندي اي خلفيه عنها واذا ممكن تفيدوني وتوجهوني اكون شاكرلكم راح اوصل ماليزيا انشاءالله تاريخ 6-9 الساعة 11صباحا والعودة 14-9 يعني المدة 9ايام( 8 ليالي) وحنا اسرة ثلاث اشخاص ( انا وزوجتي وابني عمره خمس سنوات) حاب ترتبون لي جدول يعني المناطق المفضلة وكل منطقه شنو جدولي اليومي وافضل المزارات وبغيت فنادق ممتازه راقيه ومناسبة الاسعار وبغيت هل يوجد فلل عالبحر ويستقبلون الاطفال والا لا ومثل مانتوا عارفين ايام سفرتي قليله الله يجزاكم خير ويبارك فيكم وفي عيالكم انشاءالله واسف على الازعاج

مواضيع عشوائيه ممكن تكون تعجبك اخترناها لك:

• جدول سياحي مميز للعرسان بماليزيا 15 يوم 4 نجوم 2018
• من بينانق إلى جينتق مباشر
• ليه مافي مواضيع عن ايبوه ؟
• استفسار بخصوص ولاية جوهور
• ساعدوني ، لم يتم حجز التنقلات الداخلية لحد الآن
• شرايكم بجدولي المعتمد
• محتاج رأيكم في اختيار وتوزيع الفنادق
• الحجز عن طريق بوكينغ
• ممكن خدمتكم بخصوص الخطوط
• ابي فزعــــــــــــــــــــتــــــــــــكـــــــــــم
• ارجوا من الأخوة مساعدتي في وضع برنامج
• استفسار بخصوص
• برنامج سياحي لماليزيا وسانغفورة
• افيدوني بالله أول مرة بماليزيا
• محتارة في ترتيب جدول الرحلة
• بعد حجز التذكرة والفنادق ممكن برنامج قوي
• مساعدة الله يخليكم ازاي انزل الصور في التقرير
• وافي بزمن جافي وباقي الأعضاء تكرماً لا أمراً ضروري
• استفسار عن اضافة الاطفال لامهم في الجواز
• فنادق ماليزيا

حياك ياغالينا ...

عندك ( 8 أيام ) ... والأفضل تقسمها بذا الشكل :

يومين سلانجور ( فندق الصن واي لاقون )

ثلاثة أيام لنكاوي ( فندق الويستن )

ثلاثة أيام كوالا ( فندق الرويال شولان )

طريقة التنقلات :

* سلانجور - لنكاوي .. طيران لمدة 50 دقيقة

* لنكاوي - كوالا ... طيران لمدة 50 دقيقة

الجدول اليومي وأهم أماكن الزيارة .. نكتبه لك بعد أعتماد البرنامج والحجز بأذن الله

http://img5.imageshack.us/i/1dgf.png/

هلا اخوي وافي الله يجزاك خير وماقصرت وبالتوفيق انشاءالله راح اعتمد المدن والفنادق وبعدين نرتب الجدول اليومي مشكور من الموبايل

شرايكم ليلتين سلانجور بعدين ليلتين لنكاوي بعدين ليلتين بينانج بعدين ليلتين كولا
وبعطيكم اسامي فنادق:-
الاحصنة الذهبيه سلانجور
صنواي لاقون لنكاوي
شانجريلا جولدن ساندس بياننج
بيكولو كولامبور من الموبايل

حياك ( نواف )

والله ماأنصحك ( كل يومين ) بمنطقة ... راح تتعب ياحبيبي

خل جدولك كما ذكرت لك ( يومين سلانجور - ثلاثة لنكاوي - ثلاثة كوالا )

بينانغ مافيها زود ... ولاتستحق العنوة بصراحة

والفنادق الأنسب :

سلانجور ( صن واي لاقون ) ... لنكاوي ( فرنجي باني ) ... كوالا ( الماريوت )

http://img534.imageshack.us/i/rmn3.png/

لابد انك تحذف يا لنكاوي يابينانغ مثل ما تفضل به مشرفنا وانا لو مكانك ابحط يوم سيلانجور علشان اريح من عناء السفر وبعدها ثلاث ايام في لنكاوي او بينانغ وبعدها اربع ايام كوالالمبور لاني وجدت ان كوالالمبور لايكفيها يومين احسب يوم جنتنق من كوالالمبور ويوم تلف فيه كوالالمبور والثالث تتسوق والرابع راجع للمطار من الموبايل

الله يجزاكم خير انشاءالله بس بتعبكم شوي معاي.
شنو الافضل لنكاوي والا بيناننج لاني احترت والله وبخصوص حنا عايلة صغيرة شنو افضل لي. ويقولون سلانجور يوم كافي صحيح والا لا
وفندق الاحصنة شرايكم فيه شباب من الموبايل

انا مع الحبايب في سالفه ( بينانج - لنكاوي )انت عندك 8 ليالي .. فصعب عليك تجمع بين بينانج ولنكاوي
لازم تضحي بوحده منهم


# بالنسبه لي اميل الى اختيار لنكاوي ..
# بخصوص الجدول: اميل اكثر الى : ( كوالالمبور 3 ليالي ثم لنكاوي 4 ليالي ثم بوتراجايا او فندق المطار لمده ليله )
# بخصوص سؤالك عن فندق الاحصنه الذهبيه ( قولدن هورس ): اممم بصراحه ما عندي الافاده المرجوه ، لان البعض يمدحون والبعض يذمون. عشان كذا ما اقدر احدد هل هو زين او لا. لكن اتوقع انه حلو ومافيه شي.
# اما سؤالك بخصوص سيلانجور هل تكفيها ليله واحده: اذا كانت هذه الليله اول الرحله ,, فمن وجهة نظري انها غير مجديه ( خساره فلوس وتعب على الفاضي من وجهة نظري ) .. فاذا قررت الدخول للمدينه فمن وجهة نظري ان تخصص لها ليلتين كحد ادنى. لكن اذا كانت سيلانجور او غيرها في آخر الرحله لمده ليله .. فأرى انه لا بأس.


موفق

مشكورة اختي وماقصرتي وعسى الله يتقبل صيامكم وقيامكم انشاءالله من الموبايل

المشاركة الأصلية كتبت بواسطة نواف الميموني
http://www.arabtravelersforum.com/tr...3/#post7978543

مشكورة اختي وماقصرتي وعسى الله يتقبل صيامكم وقيامكم انشاءالله من الموبايل