الموضوع: رايكم يهمني في الفنادق التالية الله لا يهينكم

السلام عليكم ورحمة الله وبركاته


هلا وغلا بيكم اخواني واخواتي الأعضاء
بس حبيت أسألكم عن الفنادق التالية وش رايكم فيها الله لا يهينكم:

1/ Grand Moov Hotel
2/ Delmon Hotel
3/ Lotus Hotel
4/ Emirates Stars Hotel Apartments Dubai

وهل هي محترمه ولا يوجد بها خرابيط (تصلح للعوائل؟؟)؟؟؟



Abu LaYaN
فووور إنننني كويشن بليز آم إن سيرفس
لأي سووعال أنا بالخدمة

تحياتي فووور أووول فيووووووووووووو

مواضيع عشوائيه ممكن تكون تعجبك اخترناها لك:

• رحلة دبي من ديسمبر فندقي القصر وسوفتيل
• بوكنق؟
• اقتراحاتكم لرحله عائليه في ديسمبر محتاجك لمساعدتكم؟
• اقرب الطرق من الامارات الى مسقط
• سوال عند اوتيل بدبي ارجو المساعدة
• طيران الإمارات تشغل رحلة يومية إلى سيشيل نوفمبر المقبل
• بعض الاستفسارات ؟؟
• استفســـــــــارات ياأهل الأمـــارات
• ليالي قبل العيد دبي رمضان
• ارجو المساعده
• من يعرف أفضل صالون نسائي بصبغ شعر زوجتي؟
• كم تبعد المسافه بين الامارات وسلطنة عمان سؤال بالنسبه للفنادق
• وش صار بالاسعار ياعرب لينك
• استفسار يا أهل دبي فندق Hotel Novotel World Trade Centre
• افتتاح مردف سيتي سنتر اليوم مارس
• مساعدة بالنسبة للسكن
• لماذا تقومون بحذف مواضيعي ؟
• لماذا لا نستغل الأنترنت في النخطيط الجيّد للرحلة
• صيفنا في دانة الدنيا بالصور
• حجزت في جولدن توليب الشارقةما رأيكم فيه؟

اللي أنا متأكد منهم ان مافيهم خرابيط بإذن الله نجوم الإمارات ولوتس

بس فيهم عيب واحد .. وهو ان الطريق المؤدي لهالشقق فيها تصليحات ويمكن تلاقي تأخير
بس لوتس أهون شوي

مشكوووور حبيب قلبي The Watcher على الرد والإجابة

المشكلة أنا عندي كورس بنهاية اكتوبر وراح يقام في فندق البستان روتانا
ولما شيكت الأسعار في أكثرمن موقع في هالفترة لقيت الأسعار ناااااااااااااااار
من 1500 وطالع لذلك انا جالس ابحث عن فندق بديل يكون قريب من البستان
وسعره يكون معقول يعني بين 600 و 900 وأيضاً يكون محترم وخدمة ممتازة
إذا ممكن ترشح لي فندق بحكم خبرتك يا الغالي ؟
وأككر لك شكري وفائق احترامي على تجاوبك معي وربي يسهل عليك كل امورك يارب



Abu LaYaN
فووور إنننني كويشن بليز آم إن سيرفس
لأي سووعال أنا بالخدمة
(بالنسبة لماليزيا فقط)
تحياتي فووور أووول فيووووووووووووو

يا خبراااااااااااء ويا أعضااااااااااااااااااااااااء
لو تكرمتوا جاوبوني الله لا يهينكم
36 شخض زار الموضوع وما فيه رد إلا شخص واحد الله يجزاه خير
لا تتأخرون علي الله يجزاكم بالخير



Abu LaYaN
فووور إنننني كويشن بليز آم إن سيرفس
لأي سووعال أنا بالخدمة
(بالنسبة لماليزيا فقط)
تحياتي فووور أووول فيووووووووووووو

فندق البستان روتانا موجود في ديرة جنب المطار .. للأسف في الفترة اللي بتجي فيها بتكون اسعار فنادق دبي غالية لأنها فترة معارض

عالعموم انا بعطيك بعض الفنادق النظيفة والعائلية .. شوف اللي يناسبك فيهم .. بس أغلبهم لازم تروح بالسيارة للكورس .. وحط في بالك ان طريق المطار احيانا تصير فيه زحمة غير طبيعية

Star Boutique Hotel Apartment
هالشقق الفندقية فخم وحلو .. وبعض الغرف تطل على البحر

Dunes Hotel Apartments
شقق فندقية عائلية .. يقع خلف المطار .. بس عيبه ان المنطقة شوي معزولة .. والعيب الثاني انك عشان تروح للبستان روتانا لازم تمر من نفق المطار .. وهالنفق يمر تحت المطار وتحت مدرج الطائرات .. وبما انه نفق حيوي لأنه يربط ديرة بالشارقة .. فأحيانا تلاقي فيه زحمة غير طبيعية .. بس انا ما اعرف متى وقت الزحمة

Rimal Rotana
فندق حلو ونظيف .. ما اشوفله اي عيوب

Coral Deira Dubai
فندق حلو ونظيف

Arabian Park Hotel
هالفندق نظيف .. بس فيه عيب غريب .. كل ما احد يفتح باب غرفته بتحس ان باب غرفتك يهتز .. يعني شوي مزعج

StarMetro Deira Hotel Apartments
شقق فندقية نظيفة وجديدة

Copthorne Hotel Dubai
فندق حلو وفخم وميزته ان مافيه خمور ويطل على الخور

Nojoum Hotel Apartments
شقق فندقية جديدة .. أنا ماسكنت فيه .. بس اللي سكنوا فيه قالوا عيبة الموظفين تعاملهم تعبان (مادري اذا هالشي يهمك ولا لا)

Rihab Rotana
هالفندق جنب سيتي سنتر .. بس عيبه ان فيه ريحة .. كأن في شي معفن

Flora Grand Hotel
فندق حلو .. بس عيبه انه في منطقة شوي مشبوهة (شارع الرقة)

Al Jawhara Gardens Hotel
من أفضل فنادق ديرة الأربع نجوم

Flora Creek Hotel Apartments
شقق فندقية فخمة مطلة على الكورنيش

Residence Deira by Le Méridien
نظيف بس مش فخم .. وعيبه ان مافيه مواقف للسيارات مخصصة للفندق .. يعني لازم توقف في مواقف البلدية اللي بفلوس .. الساعة بدرهمين .. بس المواقف تكون مجانية من الساعة 12 الظهر الى 4 العصر .. ومن 9 في الليل الى 7 الصبح .. اذا بتوقف فيها اعطي الفلوس السكيوريتي اللي في الفندق .. عشان يحطلك كل ساعة .. لأن النظام في دبي الساعة بدرهمين والساعتين 6 درهم اعتقد

Le Méridien Fairway
فندق حلو ونظيف

أخي العزيز أنا أكثر سفراتي لدبي كنت أسكن في " فندق لوتس " .. بصراحة ممتاز ومكانه روعة قريب يمك كل شي ستي سنتر بالتاكسي 5 دقايق .. وتروح مجمع الغرير مشي جدامك .. ..

أخوك .. " بويعقوب " .. ..

ألف ألف شكر أخوي The Watcher ولا عدمناك
ما قصرت على تجاوبك معي وتعبتك كثير


أخوي بويعقوب شكراً على نصيحتك وما قصرت يا الغالي



Abu LaYaN
فووور إنننني كويشن بليز آم إن سيرفس
لأي سووعال أنا بالخدمة
(بالنسبة لماليزيا فقط)
تحياتي فووور أووول فيووووووووووووو