الموضوع: برنامج ل يوم

--------------------------------------------------------------------------------

الاخوه الاعضاء السلام عليكم ارجو منكم مساعدتي في تنظيم برنامج لرحلتي لاول زياره لي لاوروبا ومدتها 25 يوم ,

-اتمنى ان يكون البرنامج يشمل بعض المدن اللتي تستحق الزياره في المانيا والنمسا وسويسرا وهولندا وبلجيكا وفرنسا مع عدد ايام الاقامه مع العلم ان تنقلاتي راح تكون عن طريق استئجار سياره .

- بخصوص محطة الوصول الى اوروبا والمغادره راح تكون على فرانكفورت .

والله يااخوان معلوماتي بسيطه جدا ومااستغني عن اقتراحاتكم لاي تغيير او اضافه او تفصيل للبرنامج حتى لو كانت تعليق بسيط او اضافة رابط راح بفيدني كثير ومشكووور جدا على تجاوبكم .

مواضيع عشوائيه ممكن تكون تعجبك اخترناها لك:

• أول سفر للخارج وتهورنا واخترنا اوروبا
• كيف الجو في ستراسبورغ ؟
• ممكن التساعدوني في تخطيط السفر
• النجدة يالربع القارمن
• رحله بالقطار مباشرة مابين ميونيخ لمونترو
• الاخ مشرف المانيا ابو عمر و رواد البوابة الالمانية الاعزاء
• حجزت في رمادا ميونخ وأبغى أتنازل عن الحجز
• استفسارات عن ميونخ
• رايكم يا اصحاب الخبره
• السفر من فينا إلى ميلان مرورا بميونخ ابي رأيكم بالجدول
• طيران برلين
• الخطوط الجوية الاقتصادية من والى فرنسا وألمانيا
• مساعدهسكن لعائله مناسب وقريب من الاماكن السياحيه في ميونخ
• تأشيـرة الشـنغن
• استفسار بخصوص استأجار سيارة
• ابحث عن عنوان واحداثيات الاوت ليت في ميلانوا
• السفر بالقطار من ميونخ الى فيينا ؟؟
• ماهو الشارع الرئيسي في مدينة في الغابات السوداء
• استشاره عاااااجله
• مساعده في فرانكفورت

شكرا على تجاوبك اخت جواهر الخطه الثانيه اعجبتني كثير و هل فيه مجال تدخل معها ميونخ او لا , لاني اتمنى اني ازورها .
ومشكور على اهتمامك ومنتظر تفاصيل الخطه اذا ماعليك امر .

شوف اذا تبغى تروح فرانكفورت المانيا - امستردام هولندا - بروكسل بلجيكا - باريس فرنسا - رست المانيا - فرانكفورت المانيا

بس المخطط كذا يكفي لان المسافات كبيره جدا

النمسا وسويسرا صعبه لان المسافات جدا طويله واذا بتضيف سويسرا راح تزيد اكثر

هذا المخطط


http://maps.google.com/maps?f=d&sour...,19.665527&z=6


انت اعطينا المدينه اللي تبغى تزورها في هولندا وفي بلجيكا وفي فرنسا ونصيحتي لك اذا تبغى هالمخطط اعتمد على القطارات لان المسافات بعيده بالسياره

واذا معاكم اطفال ما انصح بهالرحله

مشكوره على التجاوب , احنا شخصين وماعندنا مشكله في المسافات الطويله طبعا في حدود المعقول , بخصوص المدن

اللي راح تكون في مخطط الرحله هي فرانكفورت , دوسلدورف , امستردام , بروكسل , باريس , جنيف , فرانكفورت .

بخصوص انترلاكن ورست الالمانيه هل تستحق الزياره وهل بالامكان ان اضيفها في البرنامج .

اتمنى منك توزيع الايام في المخطط ولا استغني عن اقتراحاتك بأي تعديل او معلومه وشكرا لاهتمامك .

فرانكفورت , دوسلدورف , امستردام , بروكسل , باريس , جنيف ,انترلاكن . رست. فرانكفورت .

هذا المخطط كامل

http://maps.google.com/maps?f=d&sour...55&ie=UTF8&z=5

المسافه كامله 2200 كلم هل تشوفها عادي

انا اشوفها صعبه جدا جدا وتقدر من قوقل ماب تشوف المسافات بين كل مدينه والثانيه وراح تعرف انها صعبه

انا ما اعرف امستردام ولا بلجيكا ولا فرانكفورت ولا دوسلدروف

الامر راجع لك وانا اعطيتك افضل مخطط

فرانكفورت - امستردام - بروكسل - باريس فرنسا - رست - فرانكفورت

بحيث تلغي سويسرا جنيف وانترلاكن

وبرضو شوف المسافات


هل انتوا شباب شخصين ولا زوجين لانه اذا شباب ممكن بس زوجين حرام والله تعب

طيب اوكي نحذف سويسرا مثل ماتكرمتي تصير المسافه 1550 كم كذا ممتاز الغينا 650 كم واحنا شخصين شباب , نضيف دسلدروف على

خطتك لانها على نفس الطريق ويمدحونها الاعضاء صار البرنامج :

فرانكفورت - دسلدورف -امستردام - بروكسل - باريس فرنسا - رست - فرانكفورت

باقي سلمك الله توزيع الايام اذا ماعليك امر واشكرك على اهتمامك .

السلا عليكم

رايي بتقسيم الايام يكون هكذا

فرانكفورت يومين ثم دوسلدروف وما حولها 4 ايام امستردام 3 ايام بروكسل 4 ايام باريس 5 ايام روشت 4 ايام الملاهي وما حولها مثل زيوريخ السويسريه وستراسبورخ الفرنسيه ...فرانكفورت يومين


تحياتي

ولك اجمل تحيه اخوي علي ومشكور على توزيع الايام وعلى تكملة ماتفضلو به الاخ جواهر والاخت بنت حواء في مساعدتي

لتنظيم جدول الرحله .

بخصوص الفنادق وحسب خبرتك انت والاخوه الاعضاء اتمنى منكم ان تفيدوني وتنصحوني بأي معلومه تخص

اسماء او المواقع المناسبه للفنادق في هذه المدن وشكرا على تجاوبكم .

انتو 2 شباب

هل تفضلون فنادق من فئة 3 نجوم واحيانا ببعض المدن 4 نجوم . ومتى السفر بالظبط

اسمع جوابك وابشر

الله يبشرك بكل خير بالضبط جبتها على المقاس من فئة 3 نجوم وبعض المدن 4 نجوم( في موقع مناسب ومع وجود باركنج للسياره بسعر

معقول) ان امكن ومشكور على اهتمامك اخوي علي .

بالنسبه لوقت السفر راح يكون من 7 جون لغاية 2 جولاي .

عندك 26 يوم يعني 25 ليله




بعطيك في رست هي اللي اعرف لها ولازم تعرف انه في رست ما في مطاعم فاست فود ما في الا كم مطعم اجنبي وعشان تتعرف اكثر على المطاعم من هالرابط


http://www.aboaziz.net/blog/?p=683#more-683


يوجد مكدونالدز وكنتاكي على الطريق السريع بجانب قرية هيربولزهيم

Herbolzheim المؤدي الى رست وتبعد القريه 7 كلم عن رست فقط




واما مطعم الشنتزل والبرقر كينق في المخرج اللي قبل مخرج رست يعني حاجه ابو 4-5 كم فقط

انا واهلي كنا نعتمد على الطبخ ونشتري الدجاج من المحلات العربيه هناك طبعا في رست ما كان فيه اشتريناه من المناطقه اللي كنا فيها قبل
ونطبخ ومرات ناكل من ماكدونالدز اذا كنا في سفر او راح علينا اليوم واحنا برى
فيه بقاله كبيره وداخلها مخبز في مدخل رست اعتمد عليها اسعارها حلوه والمخبز اللي داخلها ارخص من المخابز الخارجيه

خيارات السكن :

http://www.homeaway.com/vacation-rental/p516225

هذي الشقه مره حلوه والواضح انها مو محجوزه في شهر يونيو والسعر للشخص الواحد الليله 25 يورو فقط يعين شخصين 50 يورو ويطلع عليك 250 ريال باليوم

انا اشوفها حلوه فيها مطبخ وحوش لاتفوتك

-------------



في ايام متوفره بشهر يونيو


http://www.homeaway.com/vacation-rental/p537336


سعرها 25 يورو للشخص باليوم فقط يعني لشخصين 50 يورو يعني 250 ريال فقط

----------

اذا ماعجبتك وتبغى من موقع بوكنج وبعد مانحدد التواريخ بالضبط راح اعطيك خيارات ثانيه والامر يعود لك

الله يسلمك اختي بنت حواء على المعلومات الشامله من جد الشقه الاولى اعجبتني كثير ورخيصه بعد , وكذ انتهيت من مدينة

رست بصراحه كلمة شكر قليله بحقك , الله يسهل امورك ويرزقك من واسع فضله .