الموضوع: استفسارات عن السياحه في دبي

السلام عليكم

مسيكم بالخير او صبحكم بالخير

كيفكم يا اخوانا في الامارات ان شاء الله اموركم تمام

عندي كم استفسار يا ليت تفيدوني الله يخليكم


اول شي حبيت اسألكم عن كيركلس هوتل ابارتمنت 2 .. ولوتس .. وش الافضل منهم؟؟ انا لقيت فيهم عروض كويسه كونا عائله ونحتاج شقه كبيره .. شفت صور الكيركلس القديمه مو لهذيك الدرجه اما صور الجديدده اللي هي 2 فشكلها حلو مره ..وكذلك لوتس .. اذا فيه احد مجربهم يا ليت يفيدني

حبيت اسألكم عن اماكن سياحيه كويسه في دبي

العام زرت دبي وشفت سكي دبي وقرية الطفل اللي بحديقة الخور والوايلدوادي وهالاماكن اعجبتنا مررره .. بغيت اسألكم اذا فيه اماكن مشابهه والواحد ممكن يستانس فيها غير المجمعات التجاريه

كمان بغيت اسألكم عن الرحلات البحريه

ابغى اعرف كيف اقدر اخذ بوت يسوي لي تور سياحي في البحر ونشوف جزية النخله والاماكن هذي .. هل لو اخذت بوت عن طريق قرية البوم تعتبر رحله كويسه ولا فيه احسن منها؟ وبالنسبه لقرية البوم انا مازرتها ابد فهل تنصحوني بزيارتها وهل فيها اماكن كويسه ولا ما اروح لها؟؟



وبالنسبه لمدينة مدهش هي للاطفال بس ولا ممكن ينبسطوا فيها الكبار؟؟


والشندغه كم تبعد عن دبي؟؟ وتنصحوني بزيارتها ولا لا ؟ هي مدينة اثريه حسب مافهمت


وكمان بالنسبه للقريه التراثيه هي شغاله الأن ولا بس في مهرجات التسوق تكون شغاله؟؟


ويعطيكم العافيه طولت عليكم بالاسئله واتمنى تفيدوني وان شاء الله اجيب لكم تقريري :106:

مواضيع عشوائيه ممكن تكون تعجبك اخترناها لك:

• مليون سائح متوقع لـبرج خليفة في احتفالات رأس السنة
• علي قسيمة مرورية في دبي وابي أزورها
• ابلٍ مغاتيــــر ويبــــرى لها ســود سوق العين للجمال
• من يرشدني بالاماكن بدبي والشارقه
• منتجع وسبا جزر الصحراء بإدارة أنانتارا
• نصائح ومقترحات لاستئجار السيارات بس أبي دعوات
• تقريرصور مراقبة الجوازات في مطار دبي تحتفل بحق الليله برعاية
• سؤال لاهل الامارات
• المساعده في عمل برنامج بارت تايم
• وين الاقي شنط هاي سكول ميوزكل
• لوتكرمتوا ابغى شقه قريبه من المطار لمدة يوم واحد
• اختكم تبي الفزعة باقي على السفر ايام وماحجزت للسكن
• طلب مساعد في دبي
• استفسار بخصوص مطاعم الأفطار في دبي
• فزعتكم ياعيال ابو ظبي
• ما دريتو منفذ سلوى ؟؟؟؟ وش صار
• «نخيل» تنفذ توسعة سوق التنين التجاري
• برنامج الميدان ويولة دبي اين تقام هالصيف
• بنات دبي فزعتكم اول مره ازوركم
• عروض طيران العربية المخفضة تبدأ ب درهم

انا حا اجاوب على الاسئلة اللي اعرفها و الباقي حا اسيبو لباقي اعضاء المنتدي
- من الاماكن الجميلة ، مركز استكشافات الشارقة و هو شبيه بحديقة الطفل و كذلك حديقة حيوانات الشارقة و هي مكيفة ، و ايضا اكواريوم الشارقة للحياة البحرية ، و في حديقة الخور هناك عرض الدلافين جميل
مدينة مدهش هي للاطفال و لكن اساسا و لكن هناك بازار جميل و بامكان الكبار شرب القهوة و الجلوس هناك او التسوق في البازار بينما الاطفال يلعبون
بالنسبة للقرية العالمية هي مغلقة في الصيف

يعطيك العافيه يا حافظ

ماقصرت

بالنسبه للاكواريوم فيه في دبي اكواريوم؟؟

انا راح اسكن في دبي فهل الاكواريم تبع الشارقه حلو ويستاهل المشوار له ولا لا ؟

ان اشاء الله اقدر افيدج ولو بشيء بسيط..

الفنادق ما اعرف عنها شيء..

اما الاماكن غير المولات حالياَ الجو حار تقريبا في دبي يعني صعبة شوي..

اما عن الرحلات البحرية فعتقد في المرسى في يخوت للأجار ولاكن ماعندي اي علم عنها.

عندج الباص العجيب الي هو الباص البرلمائي حلو اذا اتجربينه شي جديد هو يمشي في الخور.

رحلة البوم الي هو السفينة الخشبية تمشي في الخور ويكون للعشاء بعد تغير يكون.

وقرية البوم قريبه جدا من حديقة الوندر لاند وحديقة الخور وعروض الدلافين الي في حديقة الخور.

يعني تقدرين اتخلينها تشوفين العروض وبعد العروض تتعشون في البوم.

مدينة مدهش ماقدر افيدج لاني مازرتها..

والشندغة والي فيها قرية التراث وقرية الغوص ومنزل الشيخ سعيد بن مكتوم آل مكتوم الله يرحمه
جد الشيخ محمد بن راشد.. وتقع المنطقة في أول الخور وهي قريبة من مركز برجمان تقريباَ ..اتوقع بتستانسون
عليها اكثر في الشتاء اذا تزورنها يعني في مهرجان دبي للتسوق بس هم فاتحين طوال العام.

وفي دبي ماعندنا اكويريم.. الي في الشارجه ماعرف اذا يستاهل او لاء لاني ماذكره

الشارقة اكواريوم انا ما قدرت اروحه للاسف لانه يفتح بس اربعة ايام في الاسبوع بس حسب ما سمعت انو حلو و يستاهل و هو قريب من دبي و لمزيد من المعلومات اضغطي الرابط التالي
http://www.sharjahmuseums.ae/AquariumMuseum_Ar.htm
و اي خدمة

ان شاء الله بعد شهرين بيفتحون أكبر مول في العالم ((دبي مول))

وراحه يكون فيه الاكويريوم.. وهذا الخبر من موضوع احد الاعضاء.

وتشهد الأعمال التطويرية في دبي أكواريوم أحد أكبر الأحواض المائية الداخلية في العالم ومركز الاكتشافات التابع له تطورات متسارعة وسيضم هذا الحوض الكبير أكثر من 33 ألف كائنا مائيا من 85 فصيلة مختلفة. من جهة أخرى يمكن الاستفادة من حلبة دبي للتزلج على الجليد لأغراض متنوعة منها إقامة الحفلات العامة والخاصة إضافة لكونها وجهة فريدة لمحبي رياضة التزلج ..

يعطيك الف الف الف عافيه ماقصرتوا كلكم .. نخدمكم ان شاء الله

اشكر لكم روحكم الطيبه الله يوفقكم يارب

هلا فيك ..

اللوتس مش بطال وسعرة بعد زين الفندق الثاني ما اعرف عنه شي

فيه وندر لاند قريه مائيه

ليزو نصر قريه مائيه

فيه مول جديد ع طريق رويه العين اسمه اوتلت مول هذا المول فيه جميع الماركات وبسعرمخفض

عندك حديقه الجميرا هو شاطي بحري للنساء يوم الاثنين وباقي الاسبوع للعوايل

عندك فستفال دبي مول حلو

ابن بطوطه

مول الامارات

برجمان

ستي سنتر

فيه بعد قريه ثلجيه بس اتذذكر بقول لك

اذا تبي نصيحه اول ماتوصل دبي اتصل على اهلا دبي يعطون الاماكن السياحيه

وذا حاب تعرف وصف اي مكان اتصل ع مركز معلومات دبي

بالتوفيق اخوي والله يردك سالم