الموضوع: رحلة عروسين

بسم الله الرحمن الرحيم

السلام عليكم ورحمة الله وبركاته

مشكورين وماقصرتو وواصلين بحقكم وزياده .

انا بجي الامارات بداية شهر 11 انا وزوجتي(شهر عسل).

فكنت أبي الأمارات ازورها واجلس مدة 4 ايام فيها.

فياليت من يساعدني وبعمل جدول مبسط ويكون فيه اسعار الايجارات وغيره.

علما أني بجي بسياره يعني بتمشى سوا دبي العين الشارقه اي مكان بس يكون جدول حلو.

وشكرا للجميع مقدما

مواضيع عشوائيه ممكن تكون تعجبك اخترناها لك:

• ايهم افضل سوين نوفيتيل ان قولدن توليب البرشا في الامارات
• أبي أحداثيات غير موجودة بالموضوع السابق
• ريتز كارلتون دبي هل من صور ومعلومات؟
• برج خليفة
• لخبراء الحجوزات لدبي أرجو مساعدتي حالاً
• طلب غريب عجيب
• التطوير السياحي تؤكد عدم تغيير موعد تنفيذ اللوفر في
• «الاتحاد للطيران» تطلق عروض «عيد الفطر» إلى وجهة
• في ابوظبي
• قائمة طعام من أشهى الأطباق الأوسطية لضيوف «كمبينسكي» الإمارات طوال رمضان
• سيدة اعمال سعودية لأول مرة بالامارت
• فلاي دبي تطلق درجة رجال الأعمال
• من فعاليات رمضان مهرجان ليوا للرطب
• فستيفال سنتر يفتتح متجرا عالمياً بدبي في الربع الثاني
• سباق الإمارات للدراجات المائية جولة أبوظبي الثالثة
• طريق حرررررررررررررررض
• استشاره بخصوص فنادق منطقه دبي مول
• ياليت يتساعدوني بجدول حلو
• ما هي اوقات عمل القرية العالمية في دبي وما هي اسعار الدخول و اسعار الملاهي
• استفسار عن مطاعم برج العرب

وين الناس لاحس ولاخبر


؟؟؟؟؟؟؟؟؟؟؟؟؟؟

أول شي مبروك الزواج

وبالنسبة للأماكن السياحية .. خذلك لفة على المنتدى .. وشوف ردود بنوتة الإمارات .. فيها اماكن حلوة

وبالنسبة للفنادق والمطاعم اللي فيها جو رومانسي وتصلح لشهر عسل .. شوف موضوعي http://www.arabtravelersforum.com/travel186115/

بس تراها غالية

واذا تبي سكن رخيص .. قولي كم ميزانيتك في الليلة وانا بشوفلك
عالعموم انصحك تسكن ليلة على الاقل في فندق ميركيور جبل حفيت في العين .. فوق الجبل .. وسعره رخيص .. بس العين ترى مافيها اماكن سياحية وايد

يعطيك الف عافيه اخوي وماقصرت والله يبارك فيك.

الميزانيه مادري بالضبط لكن السكن من حدود 400 ريال وانت نازل.

تنصحني أروح العين والا ماتنصح؟

مثلا يومين في دبي ويوم في العين ؟

أخوي The Watcher

والله ماتقصر لاانت ولا اهل الامارات الطيبين.

وانا لو ماني واثق بإحترام اهل البلد والذوق الرفيع كان ماحطيت وجهتي لهم وانا من الناس اللي يحب الامارات .

أنا ياخوي قررت ان شاء الله بجلس مابين 5 إلى 6 أيام في الامارات (دبي,الشارقة,العين ,أبوظبي).

والسكن ماعندي مشكله يتراوح مابين 300 إلى 350 ريال في الليله ابي غرفة وصاله أو غرفة بس تكون كبيره ..

ومابي أتعبك نهائي لو فيه ارقام السكن انا اتصل وانسق معهم ,مابي اشغلك والف شكر مقدماً

للأسف الفنادق في شهر 11 تكون غالية .. بس بقولك عن فنادق يكون سعرها مناسب .. بس ماراح تكون فخمة .. بس نظيفة وبتعجبك بإذن الله

بالنسبة لخطة السفر ..
- أبوظبي: احلى شي فيها الكورنيش .. وأفضل مركز تجاري مارينا مول .. وما أنصحك تسكن فيها لأن فنادقها غالية جداً .. ممكن تروح وترجع في نفس اليوم

- العين: المكان المميز الوحيد في العين هو جبل حفيت .. ممكن تطلع للقمة بالسيارة (الطريق مايخوف وفيه كل وسائل الأمان) .. وتحت الجبل في منطقة خضراء اسمها مبزرة الخضراء .. وفي فندق فوق الجبل اسمه ميركيور جبل حفيت .. والفندق رخيص وسعره في حدود 400 درهم في شهر 11 .. وفي في العين مركز تجاري واحد هو العين مول

الشارقة: أحلى مكان في الشارقة هي قناة القصباء .. عبارة عن قناة مائية فيها بعض المطاعم والمقاهي .. وفيها عين الإمارات .. ما اعرف كيف اوصفها لك .. هي هذيك اللعبة اللي تدخل فيها وتدور .. وتشوف الشارقة كلها منها .. ما اعرف ايش يسمونها .. وفي في الشارقة بحيرة خالد .. فيها بعض المطاعم والفنادق والمقاهي

- دبي: وهي أهم مكان وفيها كل الأماكن السياحية

نصيحتي هي: اسكن في دبي أو الشارقة .. وروح لأبوظبي والعين وارجع في نفس اليوم .. ممكن تخلي يوم تروح ابوظبي .. ويوم تروح العين .. او ممكن تروحلهم في نفس اليوم .. دبي وأبوظبي والعين جايين على شكل مثلث متساوي الأضلاع .. يعني المسافة بين دبي والعين 120 كلم .. وبين دبي وأبوظبي 120 كلم .. وبين أبوظبي والعين 120 كلم
أو عندك اختيار ثاني .. وهو انك تطلع من دبي وتروح ابوظبي .. وفي نفس اليوم تروح العين وتبات هناك ليلة .. وثاني يوم ترجع دبي مرة ثانية

بالنسبة للفنادق .. هذا موقع الفندق اللي في العين http://www.accorhotels.com/accorhote...he_hotel.shtml

وفي دبي .. هذا الفندق جديد (بيفتح في شهر أكتوبر) .. وهو في ديرة مقابل سيتي سنتر .. http://www.accorhotels.com/accorhote...he_hotel.shtml وسعره في حدود 400 درهم .. بس احتمال مايكون فيه كل الخدمات .. يعني يمكن مافيه احد يشيل الشنط او احد يوقفلك السيارة (هذا هو نظام الفندق .. وهذا هو السبب انه رخيص)
واذا تبي فنادق ثانية وأسعارها مناسبة .. شوف هالمواقع
http://www.booking.com?aid=1329869
https://www.starwoodhotels.com
http://www.ichotelsgroup.com

واذا تبي تسكن في الشارقة .. أنصحك بهالشقق:
Emirates Stars Hotel apartments Sharjah
شوف http://www.arabtravelersforum.com/travel209832/

أو شقق Al Hayat Hotel Apartments

والاثنين تقدر تحجزهم من موقع Booking.com

بس اذا بتحجز في نجوم الإمارات .. خذ شقة غرفة وصالة .. لاتاخذ ستوديو .. لأن الستوديو عندهم ضيق وصغير .. ومافي حاجز بين السرير والمطبخ .. يعني تحس كأنهم حاطين السرير داخل المطبخ

واذا عندك أي سؤال أو استفسار أنا حاضر

الف شكر وماتكفي لك اخوي والله اجتهاداتك بالبوابة ممتازه وروعه وتستاهل التقدير والاحترام.

أسئل الله العلي العظيم أن ييسرلك أمور دنياك ويفرج همك ياحي ياقيوم.


صدقني لو بخاطري سؤال بسئل لأنك مقام الاخ الكبير المطلع وتفخر الامارات بهؤلاء الشباب

حاضرين للطيبين افا عليك

وشوف هالموقعين
http://www.kayak.com/
http://www.hotelscombined.com/

هالموقعين يدورون في المواقع الأخرى ويعطيك أرخص سعر .. أنا مرة جربتهم وعطاني سعر وايد حلو .. في موقع كنت اول مرة اسمع عنه .. وحجزت فيه وعادي
بس حط في بالك ان بعض المواقع ماتعطيك تأكيد فوري .. يعني لازم تنتظر التأكيد بالإيميل .. وممكن يجيك التأكيد بعد يوم .. بس ممكن يجيك ايميل يقولك مافي حجز بهالسعر ويعطيك بعض البدائل

وشوف مكتب طيران الإمارات .. في شي اسمه الإمارات للعطلات .. يعطيك حجز التذكرة والفنادق والسيارة اذا تبي .. احيانا تلاقي عنده اسعار حلوة .. بس اذا قولك عن الفندق .. تأكد منه .. لأن ممكن يكون الفندق اللي رشحولك اياه تعبان .. فاسأل عنه في المنتدى قبل ماتحجز

لاحظت اخوي ان الحجز عن طريق المكاتب أفضل بكثير لانه يخيرك مايحيرك نفس الانترنت.

والمواقع الظاهر كلها لازم فيزا وانا ماحبها ولاعمري جربتها والحمدلله غني عنها .

وانا بروح ادور على المكاتب اليومين الجايات وابسعر وان شاء الله راح انزل تسعيره هنا استفيد انا ويستفيد غيري .