الموضوع: لعشاق السفر بالسيارة الى سوريا من الرياض

[align=center]قريباً يتم فتح الطريق من حائل الى ابو عجرم غرب سكاكا الجوف . والجاري العمل بة الآن
والذي يختصر المسافة للمسافرين من الرياض والقصيم وحائل
بالنسبة لاهل القصيم يختصر المسافة لأكثر من 550 كلم لتصبح المسافة على النحو التالي
الرياض القصيم 350 كلم
القصيم حائل كــ300ــــيلو حائل جبة ابوعجرم 320 كلم ابوعجرم القريات 250 كلم تقريباً
بدلاً من الطريق القديم عبر حفر الباطن محطة البطيحانية رفحا عرعر طريف القريات
علما بانة جاري الان تنفيذ الطريق الجديد بين حائل القصيم مزدوج وكلها طرق سريعة



[/align]

مواضيع عشوائيه ممكن تكون تعجبك اخترناها لك:

• دمشق
• استفسار عن ؟؟؟؟؟؟؟؟؟؟؟؟؟
• الجولان
• مطعم الف ليلة وليلة
• التفويض ؟؟
• مسافر يوم
• درجات الحرارة اللحظية في المدن السورية
• بـــــــــــازار الـــشــرق الحلبي
• استفسار حول سفري لسورياالاذقية
• التوقيت المناسب للوصول الى سوريا
• رواد سوريا لا تفوتكم هذي الاكله في البرد
• إلى أصحاب الخبرة أفيدونا
• ســـــــــــــــوريا مجموعة صور من البومي
• هااام استفسارات مطلوبة للاهمية
• فندق اميه والمريديان و سمير اميس والكارلتون
• حلب عاصمة للثقافة الإسلامية لعام
• اسعار المواد الغذائية
• طلب من نائب مدير
• نبع بردى ياحوينتو
• عاجل يا شباب استفسار عن معرض الكتاب

بالتوفيق انشالله

أخي العزيز السقير- 999 لكن يعتبر طريق حفرالباطن - رفحاء - عرعر- طريف - القريات هو الأفضل ، وحقيقة أتمنى أن يكون طريق حائل - أبو عجرم قد تم الانتهاء منه حتى يخفف الضغط على طريق الحفر - القريات الدولي ، كما آمل منك تزويدي بمعلومات عن طريق حائل - أبوعجرم سمعت أنه خطير جداً وسبب الكثير من الحوادث0
ويعطيك الله ألف عافية000000000 أخوك نبض الحرف - حفر الباطن

الغالي السفير999 حفظه الله من كل مكروه

يعطيك العافيه علي هذا الخبر والف شكر لك

تسلم يالغالي السفير-999على هالخبر
بس مدري اقدر اعرف متى يفتحون الخط انا على باب سفر لسوريا بعد شهر ونص تقريبا.

شكرا بس هل الخط جيد؟

يعني الفرق 200 كم

خبر طيب

جزاك الله خير

بس متى

الاخ / الســــــفير ـــــ 999 ... شكرا على الخبر الجميل ... يعنى 1120 كيلو متر ... مسافـــة قصــــيرة ... لكن متى ينتهى العمل بهذا الطريق الجديد ....الافــــــــــادة ....

جزاك الله خير على هالمعلومه

وعسى ان ينفع به البلاد والعباد

وحياك

تسلم على الخبر الجيد

لكن بما ان 70 كم ما خلصت ما يصلح يمرمعه الآن حتى أصحاب الجيوب
لأن 70 كم مو بسيطه

ماعدا وصلة ردمية تقريباَ 70 كم



اخي السفير
عجل رد علي انا بالانتظار لان الولاده قربت هههههههه
السبعين كيلو هذي الباقيه
ردميه ولا نفود (رمال)
يعني اذا كان كل الطريق معبد ماعدا السبعين كيلو هذي مردومه
مو مشكله
اذا كان كذلك ساسافر معه
انا عالباب باستنى الجواب

[align=center]يعطيك العافية اخي العزيز

السفير-999

على هالخبر الرائع

لكن حبيت اعرف

نحن اهل المنطقة الشرقية :114:

هل بإستطاعتنا ان نسلك هذا الطريق؟؟؟

إذا كان الجواب نعم فكم هي المسافة

بالتحديد من محافظة الخبر إلى القريات؟؟؟




اخوووك
[blink]صـقـر[/blink][/align]

[align=center]عزالله بتعتز حايل والمدن اللي بيمر عليها الطريق الجديد :x1:

تستاهل حايل وأهلها[/align] :50055:

[size=4][color=#FF9933]الاخوة الاعضاء اشكركم على تفاعلكم ومشاركتكم
بالنسبة لاهل الشرقية ماادري ايهم اقرب هل هو طريق حائل الجوف
اوطريق حفر الباطن ولاكن
اضفة المسافة من المنطقة الشرقية الى الرياض + 1200
وقارن مع المسافة عبر حفر الباطن
للاخوة الذين يسألون عن متى ينتهي الطريق نهائيا المتوقع خلال عام ويزيد قليلأ
وسأسأل واتحرى بدقة مع من عبر هذا الطريق

http://www.hyil.com/vb/showthread.php?t=54010
اطلع من جبة شمال غرب مع الردمية واذا انقطعت حول الغضا يبقى على العليم 25كم
وورى العليم 33كم نفود خفيف ماهو صعب للي معه جيب
ومن عقبه ردمية وبعدين زفلت ليما تاصل الرديفة اللي بين ابو عجرم ودومة الجندل
واطلع على ابو عجرم على طبرجل والقريات والحديثة وختم من العمري (الله يعينك نفوسهم ثقيلة)
وعلى مركز جابر الحدود السورية الأردنية (حط معك لك 20ريال سعودي جاهزة) وتمشي بثلاث دقايق
وعلى العموم
حائل /ابوعجرم /الحديثة /العمري / مركز جابر/ دمشق (890كم فقط)ماشين معه .....
بس بشرط تكون على جيب لاتوهق
حائل /ابوعجرم (290كم)
ابوعجرم /الحديثة(300كم)
الحديثة إلى نهاية حدود الأردن سوريا(180كم)
من مركز جابر إلى وسط دمشق(120كم)
المجموع/ 890كم سفراً سعيداً

[align=center]الف شكر لك اخوي

السفير-999

وبإنتظار جديدك!!![/align]

[align=center]يا اخ صقر لاشكر على واجب
كنت اعتقد ان الطريق يمرمدينة حائل ومدينة سكاكا الجوف
ولاكن اتضح بان الطريق ينطلق من طريق القصيم الرياض السريع بين عنيزة وبريدة غرب بريدة عشرة كيلو
وشمال عنيزة
ويمتد مسطرة مرورا بمحافظة عيون الجواء وشرق مدينة حائل ومن ثم محافظة جبة وغرب مفرق ابو عجرم
وتم ترسية امتداد الطريق من ابو عجرم الى الحديثة [/align]

ياليت احد الاعضاء يخبرنا عن طريق ابو عجرم هل تم الانتهاء منه وهل سلكه احد وهل هو مزدوج ام لا

الطريق حسب كلام المسئولين بوزارة المواصلات سوف يتم استلامه من المقاولين بعام 1428هـ هو وطريق القصيم حائل واللي يختصر المسافة من القصيم الى حائل حوالي 60كلم اي تصبح المسافة بين القصيم وحائل 220كلم وبين حائل وابو عجرم حوالي 320كما قال اخونا السفير والطريق سوف يكون سريع من القصيم لين تصل الى ابو عجرم اذا انتهى من مرحلته الاولى .
اخوي السفير999 الطريق يمر بجوار حائل بحوالي اقل من 10 كلم من جهة طريق الخطة
اما من منطقة القصيم فيبدا من نفس المكان الذي كان ينطلق معه الطريق الاول شمال بريدة حيث تم هدم الكبري القديم واعادة بناءة بطريقه جديدة متجها نحو الشمال الغربي مباشرة الى حائل بشكل مسطرة .
للمعلومية وسلامتكم

اخ / ابوحاتم
اشكرك على تعقيبك فعلا الطريق كماذكرة امتداد الطريق السابق وامتداد لطريق القصور الذي يربط عنيزة ببريدة من الجهه الغربية لكلا المدينتين ويمر جبة من الجههة الشرقية وابو عجرم من الجهه الغربية

طيب هل طريق لينه ... رفحا طريق مقطعه !! يعنى مافيه محطات .. وكم يختصر عن الحفر- عرعر ! تحياتى

ما نبيعه بلزهيد ...

المشاركة الأصلية كتبت بواسطة كليجا


طيب هل طريق لينه ... رفحا طريق مقطعه !! يعنى مافيه محطات .. وكم يختصر عن الحفر- عرعر ! تحياتى

ما نبيعه بالزهيد ...




لا ليس مقطعة وهو الاقرب لاهل الرياض والقصيم وحائل