الموضوع: ابوعمر افزع لي بشهر العسل

هلا وسهلا

كيف الحااال


عندي مخطط وابي رايك واقتراحك الله لايهيينك

سفرتي في جولاي

الوصول الى ميونخ بجلس فيها ثلاث ايام ( وش رايك في السوفتيل؟)
ثالث يوم بستاجر سياره من ميونخ
في اتجاه انسبروك

وانا في الطريق الى انسبروك قارمش تكون على طريقي؟؟ او فيه مدينه حلوه مثلها؟؟

اذا مافيه بيكون الخط كالتالي

ميونخ - زيلامسي - انسبروك - قاردا - روما

والسياره بسلمها في قاردا او فينيسيا اقدر صح؟؟؟

هذا المخطط ياطويل العمر

انتظرك يالغالي

مواضيع عشوائيه ممكن تكون تعجبك اخترناها لك:

• لخبراء ألمانيا و أوروبا من فضلكم كم سؤال
• مساعدتكم يا اهل الخبره
• بالسيارة المانيا النمسا سويسرا
• اللغة والسفر والمانيا
• الجو في نهاية شهر مارس ؟؟؟؟
• التخطيط لرحلة لثلاث بلدان ألمانية
• ارجوا ضرورة الرد للاهمية مع الشكر
• منكم نستفيد يااهل النخوة ومحبي المساعدة
• الي مشررفنا علي ارجو الافاده اطال الله في عمرك
• طلب مساعد من اصحاب الخبره والدرايه
• تكفووون أبي مساعدتكم في ترتيب الجدول ألمانيا زلامسي
• سؤال عن مطار فرانكفورت
• خط سير رحلة في الدول الاوروبية استشارة
• نداااء الى بخصووص اوروبا بليييز
• مخطط سفره الله يعطيكم العافية
• هل المانيا اختيار جيد ؟
• أسال الله العظيم أن يوفق من يساعدني في اعداد برنامجي للسفر أيام فقط
• دوسلدورف وأخواتها
• للمشرفين واهل الخبرة أين أسكن في ميونخ ؟ شقة لمدة يومين او فندق ؟
• ميونخ فندق

هلا فيك ومبروك الزواج مقدما

اولا حجزت تذاكر وله بعد ؟؟

2- كم يوم الرحله ؟؟

3- ما رايك بستبدال روما بميلان افضل لك واقرب بكثير ؟؟ وخصوصا انه شهر عسل ورحله مو طويله بالقطار مثل روما من فينيسيا ..
بالانتظار

هلااا وسهلاااا ابوعمر

لا مابعد حجزت

بحجز بالقطريه ان شاءالله هاليومين

المدام ودها بروما اكثر من ميلانو

ومانيب رادها بخاطرها

رتبني الله يرحم والدينك والله اني محيوس مررره


الرحله 15 يوم

هلا فيك

روما مشكلتها انها بعيده عن فينيسيا بالسياره 5 ساعات ونصف

ميلان بحدود 3 ساعات .. عموما

ممكن تقسم الرحله كالاتي .. ميونخ 4 ايام ثم زيلامسي 5 ايام فينيسيا يومين وتسلم السياره فيها .. ثم الى روما او ميلان بالقطار 4 ايام .. شلنا انسبروك علشان ما تكون هناك تنقلات كثيره

لو ادخلنها بيكون المخطط هكذا ميونخ 3 ايام زيلامسي 5 ايام انسبروك يومين فينيسيا يومين روما 4 ايام

انا ارشح الاول علشان ماتتعبون بالتنقل كافي 4 مدن .. وخصوصا ان الرحله من زيلامسي الى فينيسيا طويله تصل الى 4 ساعات ونصف واحيانا 5 ساعات ونصف

تحياتي

الله لايهينك يابوعمر ويخلييك يارب

طيب مانقدر ندخل بالمخطط قارمش؟؟

مهيب تكون على الدرب وانا رايح الى انسبروك؟؟
وش تنصحني قارمش ولا زيلامسي؟

ومن فينيسيا الى روما بطلع بالطياره اريح لنا بكثير

وش رايك يابوعمر؟

لا تكثر تنقلات وانا اخوك

من ميونخ اتزور غارمش 90 كيلو تقريبا تزورها يوم وترجع .. او العكس تسكن بغارمش واتزور ميونخ منها على حسب ميولك ريف او مدن

اما انسبروك تقدر اتزورها يوم كامل من زيلامسي المسافه 150 كيلو .. زيلامسي اجمل واحلى واكثر وناسه ورائعهه لشهر العسل ..

اما بخصوص ايطاليا .. والطيران الداخلي راجع فيها بوابتهم .. ما عندي علم عن الامكانيه

تحياتي

الله يعطييك العافييه على النصايح بالغالي
من جد ماقصررت

طيب السياره هل تنصح اني استاجرها من المطار وتكون معاي في ميونخ ؟
ولا وانا طالع من ميونخ استاجرها؟؟
الفنادق يوفرون مواقف للسكان؟؟

كيف الجو بيكون بميونخ في جولاي؟؟

ثقلت علييك ابوعمر مرره

من سابق تجربه لك وش تنصحني بالسكن؟

عندك احداثيات للمدن؟
الله يعطيك العافييه يابوعمر وماقصررت ابد يالغالي

بميونخ ما تحتاجها كثير

كل شي انا كاتبه عن باقي الاسئله .. حتى غارمش اتروح لها بالقطار لو تحب الرحله دايركت ,, بمعنى اخذها من اخر يوم

السكن والسياحه بميونخ وغارمش هنا

http://www.arabtravelersforum.com/travel419288/

http://www.arabtravelersforum.com/travel420003/

احداثياتك بميونخ هنا

http://www.arabtravelersforum.com/travel432357/

السكن بزيلامسي هنا

http://www.arabtravelersforum.com/travel354556/

الفنادق توفر بميونخ وزيلامسي بالغالب . طبعا بفلوس وتتراح الاسعار


تحياتي

هلا فيك

ابشر ارجع متى ما تحب

الجو بشهر 7 صيفي طبعا وحراره اكثر بايطاليا واشد .. بزيلامسي ابرد ان شاء الله

والله يوفقك

ابو عمر الله لايهينك عندك احداثية زيلامسي
اخاف اضيع وانا طالع من ميونخ واتوهق

الله يعطيك العافيه يالغالي

ابو عمر الله لايهينك ابي اقرب مكان لليورب كار من ساحة مارين بلاتز

لاني بسكن هناك ان شاءالله

ابوعمر الله يعطيك العافيه

حجزت في الفندق هذا HOTEL : THE CHARLES

وش رايك فيه؟؟
شفت التقييم عاالي مرره وقريب من المارينا بلاتز
ابي رايك يالغالي في الفندق

والشي الثاني
اذا بغيت اطلع اروح استاجر السياره من Main train station
اخذ شناطي واروح لهم ولا اروح اخذ السياره قبل وامر الفندق اخذ اغراضي؟ بعيد عن الفندق؟
وش رايك انت
احس سؤالي بايخ
بس ماودي اخذ السياره وارجع للفندق وزحمات ولافيه مواقف

وش احسن شركه تاجير سيارات؟
سيكست ولا اليورب كار؟

هل يكون عندهم تامين كامل ع السياره بحيث لقدر الله اصدم عليها او تسرق ما اعوضهم بشي يكون ع التامين؟

الله يعطيك العافيه يابوعمر

تعبتك كثير

http://www.booking.com/hotel/de/rocc...ml?aid=1329869

هذا رابطه ياطويل العمر

السياره باخذها وانا طالع من ميونخ الى زيلامسي انشالله

السؤال هل فيه صعوبه اني اسحب شناطنا لين ترين ستيشن واخذ السياره؟
ولا سهلات الامور

لو قايل انك تقصد هذا الفندق روكو

عموما هذا افخم فنادق ميونخ على الاطلاق

وانت طالع من الفندق اخذ تاكسي الى مكان النأجير .. المسافه قريبه جدا . ما تحتاج اتسحب شنط وله غيره


تحياتي

ابو عمر وش اخبارك

رجعت لك ثانيه

بالنسبه اذا بغيت اروح الى الحديقه الانجليزيه
وش لون اعرف ان هذا المترو رايح له؟؟
هل له رقم معين؟
وكذلك ريم اكادا الظاهر كذا اسمه /:

جوازاتنا ارسلتها للسفاره ويقولون تعال بعد اسبوعين مقابله

الله يعطيك العافيه ابوعمر

هلا فيك ابشرك بخير

ربم اركادا ما تحتاجه اسواق ميونخ كافيه وزياده ..

عموما هنا الاجوبه

http://www.arabtravelersforum.com/travel420003/


والله يسهل اموركم

ابوعمر الله لايهينك ماقصررت اخوي

بس فيه سؤال

الحين في موضوعك اللي حطيت لي الرابط حقه تقول







والشارع الثالث هو ماكسلمين ستراشا للماركات العالميه Maximilianstr ويتفرع من هذا الشارع اودنيز بلاتزodeons platza نتعرف عليهم

طريقة الوصول بالاندرقراوند
U 3 & U6



وكذلك للحديقه الانجليزيه:






وهي من اكبر الحدائق بأوربا ... وهذي الحديقه متنوعه من حيث الفعاليات والتصاميم ... ( الياباني -- الصيني -- اليوناني -- والبحيرات المتنوعه )
للوصول للحديقه .. عبر الاندراقراوند واليك الارقام .. U 3 او U6 الى
محطة Universtat



كلهم U3 and U6
وش لون مافهمت هذي
انا اللي فهمته انه قطار مكتوب عليه U3 بيروح مثلا للحديقه الانجليزيه

وش لون افرق بينهم ؟؟

شوارع التسوق كلها جنب المارينا بلاتز صح؟

الله يعطيك العافيه بتعبك يابوعمر
بس حاستني مسالة الاندرقراوند

up

.................................................. .................................................. .............

up

.................................................. .................................................. .............

اعتذر نسيت الاستفسار

شوف الخريطه الامور سهله

http://www.arabtravelersforum.com/travel449170/
وممكن تتطلب الخريطه من الفندق وبتعرف بمعنى ان الرقم ليس محدد لمكان معين ممكن يشمل اكثر من مكان سياحي


تحياتي