الموضوع: ارجوكم ساعدوني من دسلدوف الى ديزني

مرحبا ممكن حد يساعدني في موضوع التنقل من دسلدوف الى ديزني بالتفصيل نحنا 4 كبار مع اطفال اثنين شاكر لكم حسن التعاون وانشاء الله في ميزان حسناتكم

مواضيع عشوائيه ممكن تكون تعجبك اخترناها لك:

• محتاره في الاختيار فزعتكم
• تسليم السيارة بميونخ ؟؟
• ارجوا المساعده من اصحاب الخبره
• استفسار بخصوص السفر الى المانيا
• أفضل مكان للسكن في ميونخ
• برلين وهامبورغ
• سؤال خفيف اتمنى تفيدوني يا خبراء
• محلات العاب الاطفال في فرانكفورت ؟
• مرافق طبي في المانيا مع الوالد بس كم سوال ؟
• خطة سيري هل هي مناسبه لا استغني عن رأيكم تكفوون
• ممكن مساعده
• ضروري استفسار بخصوص اجار السياره من هيرتز
• انا مسافر لـ المانيا عن طريق مكتب سفريات واحتاج مساعدتكم
• محتاج فيزا لألمانيا
• الجواز الالماني
• تعقيدات المطار في فرانكفورت
• مشروع رحلة لاوروبا بداء من ميونخ
• اســتـــفــار بـــســيــط ،، وطــلــب مــشــورة مــن خــبــراء مــيــونــخ ،،
• استفسار بخصوص الجارمن
• للمشرفين وأهل الخبره ارجو ألمساعده في التخطيط

بالتوفيق يارب
ان شاء الله الاعضاء يفيدونك

بالسياره بعيد جدا اكثر من 500 كلم

يمكن اما القطار اوالطيران الاقتصادي ويفضل بالطياره لانكم عائله وعشان ما تتعبون


بقولك شغله ليش تروحون دزني لاند وانتوا اقرب لكم اليورب بارك في رست رائعه واحلى من دزني لاند وتصلح للكبار والصغار مو زي دزني بس للصغار
المسافه 438 كلم وممكن بالقطار

مشكورة بنت حواء بس هل في فنادق داخل يوروبارك وشو افضلهم ؟ وكيف انتقل من دسلدوف الى اليوروبارك وبعدبن كيف الجدول عندي مثلا عشرة ايام كل الرحله كيف اقسمها؟

طيب انتوا هل تبغوني تضيفون مدينه ثانيه ولالا؟؟

محطه الوصول والاقلاع ؟؟

وسيله التنقل؟؟

المشكلة انه كان جدولي في البدايه غير كنا بنسير ديزني ليلتين وعقب بنسير باريس 6 ليالي بس مكتب الحجوزات كالنا انه الفندق الي كنت انا طالبنه فل نيويورك هوتيل اخترته لاني عندي اطفال واحد عمره شهرين والثاني سنتين وما اتلعوز في التنقل وايد .
ففكرت اني اغير الخطه تناسب اعمارهم وما احب اتنقل وايد وياهم تدرين تلعويز
انا ابا محطه الوصول فرنسا لاني طلعت الفيزة عندهم وعقب ما اعرف وين والله
بس اذا عادي انزل مكان ثاني مثل المانيا بس مادري انا طلعت الفيزه من فرنسا اذا مافي مشكله عادي انزل في المانيا والا سويسرا اي مكان المهم جدول لعشر ايام وفيه منطقه العاب ولنا نحن بعد نتسوق ونستانس

باريس - رست - زيورخ او ميونخ

تروح بالقطار من باريس الى فرايبورغ القريبه من رست وتستلم السياره منها وتنتقل الى رست

وتسكن في القريه نفسها واغلب الفنادق والشقق تبعد 10 دقايق عن الالعاب او اذا تبغى تسكن بالفنادق الموجوده في اليورب بارك رغم اني افضل السكن في القريه نفسها لان عددكم كبير ماشاء الله وتراها صغيره تلفها برجولك في ربع ساعه


هل قصدك 10 ليالي تبغاني اقسمها بين زيورخ او ميونخ ورست او ما ذا ؟؟

وكم ليله في باريس؟؟


انا حابه اخلي بدل زيورخ تروح ميونخ لانها احلى والتسوق فيها متعه وفيها حدايق حلوه وعشان تسلم السياره في مدينه المانيه وما تدفع ضريبه بس المسافه 380 كلم

وانا واهلي مشينا هالمسافه والخط سريع وممتاز يعني لاتشيل هم


انتظر ردك وابشر

انشاء الله بنت حواء ماراح تقصر معاكم وبترتب لكم جدول تمام

تسلمين بنت حواء
انخليها( باريس - رست - ميونخ )لمده 10 ايام والحينه نبتدي بالتفصيل الممل
يعني اول ما انزل وين واي فندق وكيف التنقل؟
شاكرلج هاي المساعده

انا في باريس ما اعرف ابدا ممكن تسال عن باريس في البوابه الفرنسيه او اي احد من الاخوان يفيدك واللي اعرفه انه في باريس مايحتاج سياره تعتمد على المترو والترام


بعدين تروح بالقطار من باريس الى فرايبورغ الالمانيه وبعدها تكون

حجزت على سياره من فرع احد الشركات الموجوده في فرايبورغ

وتستلمها وتنتقل الى رست وتجلس فيها 4 ليالي تروح لالعاب اليورب

بارك والزحليقه الصيفيه وتزور بادن بادن واطول شلال في المانيا

وبعدها تنتقل بالسياره من رست الى ميونخ لمده 6 ليالي وراح اعطيك الاماكن اللي تروح لها بعدين


اعطيني التاريخ من والى بدون ليالي باريس

عشان اعطيك الخيارات الموجوده بوقتكم مباشره

التاريخ من 27\3 الى 2\4 بس كيف التنقل من فرايبورغ هاي في المانيا , الى رست اذا بالقطار احسن وكم المسافه
في رست وين اسكن اي فندق اهم شئ جريب من كل شئ
من رست لميونخ بالقطار احسن ووين اسكن في ميونخ سمعت ميركوري التستاد زين بس كيف اوصله

هل يوم 2-4 هو يوم السفر؟؟

اذا كان يوم السفر معناته عندنا 6 ليالي فقط

وقبل شوي دخلت موقع اليورب بارك ومذكور بالموقع انها تفتح ابتداء من تاريخ 9-4 -2011


وانا توقعت انك بتروح بالصيف يعني احتمال حتى ديزني لاند تكون مغلقه تاكد من هالموضوع

معناته لازم نغير المخطط او تغير الوقت تاخره شوي

السفرة بتكون 24\3 العوده 2\4

يعني عندك 9 ليالي السفر كامل ولا كيف؟؟

اقصد هل رحلتك كامله 9 ليالي فقط ولا هذا جزء

منها؟؟

لانها اذا كانت المده كامله 9 ليالي حرام تسافر وتدفع تذاكر وتطلع الفيزا على تسعه ليالي بس خصوصا انكم عائله كبيره ماشاء الله

هل انت محدد مدينه تبغى تروح لها ولا نختار اي مخطط يناسب هالوقت اللي بتروحون فيه؟؟

ياريت لو تختاريلي مخطط مفيه تنقلات وايده وينصح لي وللصغار وللتسوق شويه

اذا 9 ليالي ما عندك غير ميونخ وصول واقلاع

ميونخ وصول فقط - 4ليالي سالزبورغ - 5 ليالي ميونخ

ويبغى لك تتاكد من الالعاب القريبه من سالزبورغ انها مفتوحه ولالا بهالوقت

مدينة ألعاب Erlebnispark في Strasswalchen

لاني حاولت افهم من موقعهم وخصوصا انه بالالماني ولكن قرات انها

تفتح 16 ابريل يعني مايمديكم عليها لكن ممكن تتاكد

http://www.erlebnispark.at/

وكذلك الالعاب القريبه من ميونخ منها سكاي لاين بارك تفتح يوم 1 ابريل

هذا موقعها

http://www.skylinepark.de/

ليغولاند

http://www.legoland.de/en/

تفتح 9 ابريل

هذي الالعاب اللي اعرفها وقريبه من ميونخ يمكن فيه غيرها ومفتوحه ما عندي علم بصراحه

عندك 4 ليالي في سالزبورغ

24 -3 الى 28 -3


http://www.booking.com/hotel/at/anne...ml?aid=1329869



عندهم الغرفه الرباعيه سعرها sar 2825.51 للاربعه ليالي ومع الافطار واما الطفل اللي عمره سنتين واللي عمره شهور مجانا ويعطونكم سرر لهم
الانترنت 5 يورو لليله الواحده

انا جربته هالصيف ممتاز وكان عيبه عدم وجود المكيف وانتوا ماتحتاجونه بهالفتره لان الجو بارد

قريب منه المطاعم والسوبرماركت ومحطه الباصات والقطارات

28 -3 الى 2- 4


5 ليالي ميونخ

هذا فندق مركيور اللي تقصده بس المشكله ما عندهم الا غرف ثنائيه


http://www.booking.com/hotel/de/merc...ml?aid=1329869#






هذا الفندق ممتاز جدا


http://www.booking.com/hotel/de/einh...ml?aid=1329869#





وموقعه حلو يبعد اقل من كيلو عن كارل بلاتز وقريب منه محطه القطار والاندغراوند

وعندهم الغرفه الرباعيه مع الفطور سعرها SAR 3248.30


الطفل الصغير اللي عمره سنتين يعطونكم سرير مجاني له والطفل اللي عمره شهور ما يعطونه لان الغرفه تستحمل سرير اطفال واحد

ما اعرف في باريس ابدا

اعذرني