الموضوع: بسافر لدار الزين ومحتار ساعدوني؟؟

السلام عليكم يا اهل البحرين شلونكم عساكم طيبيين

بخش بالموضوع على طول انا توني متزوج جديد وتبهذلت من سفرتي بشهر العسل من عدم تاكيد حجوز طيران وفنادق وحسيت المدام بخاطرها سفرة ثانية فقلت ماكو الا البحرين بس استفساري الوحيد وين اقدر اقضي يومي بالبحرين من مطاعم ومجمعات واماكن ترفيهية انا ما ادل الا مجمع السيف (فدييييييييييته) والمجمع اللي يمه ارجو الرد باسرع وقت ممكن

مواضيع عشوائيه ممكن تكون تعجبك اخترناها لك:

• شقه او مكان سكنته وتنصح به ؟؟؟؟
• استفسار عن محلات الجلابيات
• مساعده يااااااخوان
• استفسار لله يرضالي عليكم
• الغالين في البحرين
• شقق البحرين و اسعارها
• ضروري جدا شقق فندقيه في شارع المعارض شبابية
• إيرباص تابعة لطيران الخليج تختفي لربع ساعة
• الخبر
• استفسارات عن البحرين عن الكوفي شوب والمجمعات التجارية والسينما والفنادق في المنامة
• تعااااااالو تعااااااااااالو
• الاهل البحرين واللي سار لها وينكم؟؟
• سمير اميس
• كل الي تبيه عن معشوقتي البحرين مثبت في مواضيع رائعة
• افضل طريق لسيتي سنتر؟؟ لان الطريق القديم مقفل
• مطلوب سائقين من البحرين للسعودية بشكل يومي
• رحلتي الى جز حوار
• إلى أختي الغالية تحية
• محلات الشوكلاتــه
• الدشاديش المطرزة

أخي اذا ممكن تحدد أكثر كم يووم راح تكون سفرتك وأحنا بالخدمه

اختصارا غير المجمعات تقدر تروح الحديقة المائية ( جنة دلمون المفقودة ) ،، المطااعم تارسه الديره والكوفي شوبز

حديقة عذاري

مرحبا أخوي.. الف مبروووك على الزواج ومنك المال ومنها العيال والله يرزقكم بالذرية الصالحة.

بالنسبة للاماكن توجد الكثير من المجمعات:

- مجمع السيف

- مجمع السيتي سنتر ( أكبر مجمع في البحرين )

- مجمع مودا مول ( تقريبا نفس محلات فيلا مودا الي في الكويت )

- مجمع الدانة

- مجمع العالي

- مجمع البحرين

اما عن الاماكن السياحية:

- متحف البحرين الوطني

- بيت القرآن

والكوفي شوبات انصحك اتروح للمنطقة الي اتصير بالضبط خلف فندق الخليج ... راح اتلاقي مجموعة من الكوفي شوبات الراقية والي تعتبر في البحرين من الدرجة الاولى.. وخصوصا ان المنطقة تم تطويرها ووضع ممشى تقريبا نفس السوليدير في لبنان.


وكل التوفيق ان شاء الله في رحلتك ... واي استفسار احنا حاضرين....

مبروك الزواج اخوي ..

اخوي بحريني كفى ووفى بالنسبهـ للأماكن اللي سألت عنها ..

بس انت ماتطرقت لموضوع السكن يمكن انت حاط ببالك سكن معين بس حبيت اعطيك مابجعبتي ..

بالبدايه دام ام العيال بخاطرها سفره غير شهر العسل فلازم تخطيط حلو لسكن يعجبها ..

اذا الميزانيهـ مفتوحهـ ممكن تفكر بالبنيان تري وهو منتجع يحتوي على فلل وكل فله بمسبحها الخاص

ممكن تشوف موقعهم وهذا رابط الصور حقه http://www.banyantree.com/en/alareen/gallery.html

واسعار الفلل تبتدي من 250 دينار للديلوكس فيلا بمسبح خاص

بس عيب المكان انه مقطوع مايمه شي من الخدمات لانه يقع بالعرين عند الفورميلا لكنه رومانسي لاخر درجهـ ..

وعندك الرتز كارلتون قريب من السيف وفخم وحلو ويطل عالبحر واسعره من 150 لليله تقريبا ..

لكن اذا الميزانيهـ محدوده ممكن تفكر باليت ريزورت & سبا وهو على جسر الشيخ حمد اللي يوصل المحرق بالمنامهـ

موقعهـ حلو عالبحر وهادئ والخدمات والمجمعات قريبه منه .. تقريبا 15 دقيقهـ

او عندك اليت قراند فمنطقة السيف ..

بالنسبه للكافيهات انصحك بكافيه ليلو عند مجمع العالي او فرع العدليهـ (خلف فندق الخليج)

ولاشوكولا عند تقاطع مجمع السيف وراح تشوف له قعدات خارجيهـ حلوه ..

وقعدات لوبي فندق الرتز كارلتون تعجبني

اي استفسار ثاني الكل حاضر لك ..

وحياكم الله بديرتكم

اختيارك للفندق ممتاز ..
بالنسبه للعناوين ان شاءلله فالبحرين ماراح تضيع ..
من الفندق اذا طلعت .. بتكون على جسر المحرق .. من الجسر اللي بتشوفه اعمل U turn (فوق, تحت) ..
بترجع عالجسر اول ماتخلص من الجسر في اشاره .. اخذها على طول .. بيصير فندق الخليج على يسارك .. خل لفته او روح سيده للاشاره الثانيه ارجع اعمل U turn (فوق , تحت) .. وبعدها ادخل اول دخله عاليمين .. هالشارع كله مطاعم طب وتخير .. وانصحك بليلو .. كيكاته او اكله لذيذ ..

اما اذا كنت تبي تروح للمجمعات .. فبعد ماتخلص من الجسر لاتوقف فالاشاره .. انعطف يمين ..وامسك خط اليسار .. بتمر على فندق الدبلومات عن يسارك خل اشارته او واصل سيده .. الاشاره اللي بعدها تقاطع يا يمين جسر الشيخ حمد اللي يأدي للمحرق ايضاً .. او يسار , اذا لفيت يسار ثاني اشاره بتوديك للمودا مول .. او اذا مابغيته .. خلك مواصل سيده .. بعد الاشاره الثالثه او لما يكون فندق الرجينسي على يسارك امسك يمين .. ولف فالمنعطف .. بتشوف مجمع الستي سنتر ..

اذا تدل السيف فاهوا في سطرته .. بس بينهم العالي او شارع او اشاره ..

يمكن دودهتك اكثر .. اسفه :109:

اخوي اذا انت دكتوراه بالضياعهـ المفروض اول شي تركبهـ السياره قبل لاتركبونها انتو

القارمن :d راح يفيدك كثير والله ..

وحياكم الله بديرتكم الثانيهـ