الموضوع: استفسار وارجو الرد عاجلاً

السلام,عليكم,واسعد,الله,اوقاتكم,بكل,خير,وكل,وانتم, بخير,
لدي عدة استفسارات,بخصوص, سفري لماليزيا طبعاً اخوكم عريس جديد (وكاله) اللغة ماهي ولابد حوسه ما ودك تتكلم معي انجليزي مدة الرحله15 فيها الذهاب والإياب وحجزت على الخطوط السعودية بمبلغ 4650 تاريخ الرحلة من 8 سبتمبر الى 22 سبتمبر باقي عندي الفنادق والطيران الداخلي علماً بأن المدن المختارة كوالالمبور وياليت يكون الفندق قريب من البرجين عشان الحديقة يومين لنكاوي وودي يكون الشاطئ مميز مدة الإقامة خمسة ايام بينانج 3 ايام وياليت يكون الفندق قريب من الباتو فرنجي ارجو مساعدتي في اختيار الفنادق بحيث تكون ممتازة وسعرها جيد واسف على الإطالة دمتم بود

مواضيع عشوائيه ممكن تكون تعجبك اخترناها لك:

• ارغب السفر الي ماليزيامساعدتكم لو سمحتم
• إستإجار سيارة من النت مطار ماليزيا الدولي
• بعض الإستفسارات المهمة لخبراء ماليزيا
• استفسار عن موقع باصات ايرولاين في سيلانجور
• الجدول السياحي المقترح منكم افيدوني
• شهركم مبااارك يارب وبغيت تنسيق شهر عسل
• رحلتي بشهر مارس
• نصيحة على وجه السرعة
• متى اخذ رحلة المانقروف والجزر
• ضروري استفسارات بخصوص السفر الى ماليزيا
• تطلب مشورتكم
• عضو جديد جيتكم وبسافر قريب
• ممكن جدول بكل تفاصيله
• أفضل فنادق أربعة نجوم في بيتالينغ غايا
• استفسار
• جنتغ؟؟بنانغ؟؟
• الى جميع الاحباب بالمنتدى العريق
• ماليزيا
• اساله ومناقشات وتخطيطآت رآيح شهر عسل
• بخربها واسافر وابي استشارتكم لاتبخلو علي تكفون قرب السفر

كم ميزانية الفنادق ؟ من الموبايل

هلا ياغالي الله يسعدك ميزانية الفنادق في حدود 6000

6000 فنادق اقتصاديه يعني

كوالا ارشح لك دورست ريجنسي والحديقه بتروحها بالتاكسي او القطار وشارع العرب جمبك لان جمب البرجسن شوي غالي

لنكاوي ارشح هولدى فيلا

بينانج هولدى ان من الموبايل

لله يسعدك ولايهينك بس 6000 ماتغطي الفنادق؟؟يعني كم لازم؟

وش رايك احجز الفنادق من مكتب سياحي والا اطلع فيزا واحجزها بنفسي رايك لاعدمتك

اسئل هنا وهنا

بس ع العموم النت افضل وارخص ويمديك تقارن

الله يعطيك العافيه ومشكور اخذت من وقتك

مسااااء الورررد
شباب الله يسعدكم عندي استفسارات ومالقيت لها حل ممكن احد يساعدني

تفضل يا غالي حط استفساراتك ونجيب عليها ان شاء الله

اخوي الله يسعدك نفس استفساري اللي امس لانه كان بكذا شغله

ماليزيا بلد غالي ورخيص

انا سكنت في 6 فنادق تقريبا كلفني 3700 رنجت وبنفس الوقت واحد سكن بـ 5 فنادق كلفه 20 الف انت تختار اللي يعجبك فنادقي كانت اقتصاديه مميزه ايضا لاني مو من هواة الاسترخاء في الفندق لهذا كانت رخيصه


يعني 6000 فنادق جيده الصراحه وخاصه انه وقت موسم و زحمه لهذا الاسعار ارتفعت


\يب خلينا نقول انت تريد فنادق بـ 6000 اوكي نقدر نطلع فنادق جميله مثلا انا اخترت لك فندق هولدى فيلا ويعتبر اقتصادي جميل جداً سعره 500 في اليوم حلوين ؟
انا اخذت في بينانج هيدرو في اي بي سويت ودلع وحركات بسعر 350 بس لانه بعيد شوي من البحر ( بيني وبينك كنت طفشان من البحر لاني مريت على جزيرتين قبلها وسكنت مقابل البحر فيهم ) لهذا سكنت بعيد من البحر


الان تريد نبدا نختار لك فنادق جميله ومو كلها اقتصاديه لا بنوزعها ونحسب التكلفه النهائيه لهم ؟


حاضرين

الله يسعدك ويحقق امانيك واسسسف والله اني داري كلفت عليك واخذت من وقتك لاكن اسأل الله ان يجزاك خير ويكتب اجرك
بسم الله نبدأ الله لايهينك

طيب مدري كيف جدولك الصراحه لسى ما ترتب ولكن انت طلبت توزيع على كوالا و بينانج و لنكاوي


انا برتب لك جدول وانت قولي رايك اذا عجبك بحسب لك الفنادق لكل منطقه وبنشوف الميزانيه للفنادق و الميزانيه للصرف اليومي و نقدر نحسب الطيران الداخلي كمان


بس تشوفي لي تاريخ الوصول لكوالا 8 او 9 و الساعه كم .؟


اعتقد جدولك 14 يوم وراح احسب عليه لو في تعديل نعدله بعدين


2 سلانجور


4 لنكاوي (لان فنادقها غاليه و صعبه فخليها اربعه مو خمسه )


3 بينانج


5 كوالالمبور


انتظر ردك على تاريخ الوصول + عجبك الجدول ولا لأ .؟


وبعدين نكمل الفنادق اسعارها وحجزها كيف وبعدين الطيران الداخلي

الله يحييك ويسعدك ياغالي والمعذره على التاخير لظروف الدوام
بالنسبة لأيام الرحلة فهي كالتالي:
الوصول الى كوالالمبور بتاريخ 9/9/2013الساعة الواحدة ظهراً
مدة الإقامة بكوالالمبور ((يومين)) اليوم التاسع وصول وراحه واخذ تمشيه بكوالا // والعاشر بنروح جنتنق // اليوم الحادي عشر نسافر لنكاوي صباحاً ومدة الإقامة ((خمسة ايام)) الى تاريخ 16/9 ويوم 16/9 السفر الى بينانج صباحاً والإقامة لمدة ((ثلاثة ايام)) الى تاريخ 19/9 ومن ثم السفر الى كوالا صباحاً والإقامة بكوالا لمدة ((3 أيام)) الى تاريخ 22/9 والسفر من كوالا الى السعودية الساعة الثالثة ظهراً

حياك ياغالينا ...

بحكم أني ( أمون ) على العدني ... راح أجاوب

الجدول حلو ... بس خمسة أيام كثيرة في لنكاوي ... حدها الأقصى أربعة أيام

من رأيئ يكون جدولك :

يومين جنتنغ - أربعة لنكاوي - ثلاثة بينانغ - أربعة كوالا

http://img835.imageshack.us/i/baq1.png/

اهلا وسهلا باخونا وحبيبنا الوافي على راسي انت واخونا العدني
يشهد الله اني اثق برايكم وتوجيهاتكم بس اشكالي مع جنتنق انها ملاهي وبيني وبينكم انا راعي طبيعه وبحر ومدري وش الراي

تسلم يالغالي ...

صدقني راح تعجبك جنتنغ ... خذ فيها يومين وراح تدعيلي

منطقة ( تغتسل ) بالمطر ... وتتعطر بالزهر ... والضباب واللون الخضر

جنة من ( جنان ) الأرض ... سبحان من صنع وأبدع ...

http://img835.imageshack.us/i/baq1.png/

تدري شورك وهداية الله يالشاعر منت بسيط يالوافي هههههههااااي
طيب بالنسبة للفنادق الله يسعدك ولا يهينك ابغاها في جنتج في موقع مميز ما تحتاج كثر لتاكسي وفي كوالالمبو قريب من حديقة البرجين او في شارع العرب بس تكون مميزه واسعارها حلوه وفي لنكاوي وش رايك بلنكاوي لاقون؟ تنصحني فيه وفي شاطئه والا برجايا هوتيل ؟ وبالنسبة لبينانج وش تنصحني فيه بالنسبه للفندق وياليت يكون قريب من شاطئ الباتو فرنجي ؟ وكيف بيكون ترتيب المدن بالرحلة

حياك حبيبنا ...

أشكرك على ذوقك والله ... وتفضل الفنادق حسب رأئي المتواضع :

جنتنغ ( الفيرست وورلد ) هو سر جمال جنتنغ

في بينانغ ( القولدن ساندس ) وإذا بغيت أرخص ( هوليدي إن ) ...

في لنكاوي ( الفرنجي باني ) ... فندق فخم ويستحق السعر المدفوع فيه

في كوالا ( القراند ملينيوم ) موقعه اسطوري ... وكل شيء حولك

http://img96.imageshack.us/i/ug2v.png/

الله لايهينك ويسعدك يالوافي ويشهد الله اني شاكر ومقدر جهدك ووقتك رغم انشغالك ولك مني الدعاء واعتذررررر على التاخير لظروف العمل التي لاتنتهي
بغيت استشيرك بموضوع حجز الفنادق احجز من الان والا اخليها لمن نهاية شهر10 لاني رحلتي بتاريخ 1434/11/2 واخاف تجي عروض وتخفيضات على الفنادق لان مثلك عارف شهر11 مدارس ومافي اجازات والمسافرين لماليزيا قليل بالنسبه للاشهر الثانيه وش رايك احجز والا انتظر وايش الافضل احجز عن طريق بوكنق والا عن طريق مكتب سياحي؟؟

انا اقدر افيدك في كوالا

قراند ملينيوم مثل ماقال الوافي
على شارع العرب وقدام مول بفيليون


ودورست ريجنسي ايضا في دخلة


ولكنه قريب جدا من شارع العرب وبفليون ايضا


اقل من دقيقة


وبامكانك عن طريق الجسر الموجود في مول بفيليون تتجه الى البرجين


تتمشى وتعتبرها رياضة


والناس جدا ودودين افضلك من التاكسي


انا شخصيا سكنت في الاثنين وكلهم ممتازين جدا

وبامكانك تذهب الى جينتغ اول الصباح وترجع بالمساء


الطريق جميل جدا


ماادري اذا تحب تنام هناك او لا


انا ارجع في نفس اليوم وتكون رحلة جميلة

الله يسعدك ومشكور يالغالي والله هذا هو المطلوب قريب ومميز

وش رايكم بفندق برجايا _ لنكاوي ياليت يفيدني من سبق وسكن فيه
ورايكم بفندق بيوفيو _ بينانج

برجايا جميل جداً

و ايضا الباي فيو موقعه حلو بس في افضل منه بنفس الشاطئ و الموقع هولدى ان و الافخم قولدن ساندس

رحلة سعيده

وين الإستفسار ؟

اهلا وسهلاً بااخوي العزيز العدني يعلم الله اسعدني مرورك
بصراحه متخوف من هوليدي ان الاغلب مايمدحونه والا ادري وش السبب ياليت تفيدني بالنسبه له ولشاطئه وللإفطار تبعه؟

هلا وغلا ياحبيبنا ...

الهوليدي إن بينانغ ( روعة ) ومميز ... ويستحق التجربة

أفطارهم مميز كما رأيت في كثير من التقارير ... احجز ولاتهتم

إذا بغيت أفخم وأجمل ... عندك القولدن ساندس

http://img713.imageshack.us/i/ff99.png/

هلا وغلا بمشرفنا الغالي
ممكن استفسار وش رايك في الباي فيو ابغى رايك بصراحه من جميع النواحي افطار _ شاطئ_ غرفها ونظافتها
ورايك لاعدمناك في لنكاوي فندق برجايا سعره مناسب لي بس ماادري وش وضعه من جميع النواحي

ياهلا ياقلبي ...

الباي فيو ( عادي بصراحة ) وأنصحك لاتحجزه ... خلك على الهوليدي إن

أما ( برجايا لنكاوي ) حلو ومميز ... ولاتختار إلى ( شالية بريمر على الماء ) أو غرفة مطلة على البحر

أبتعد عن الغرف والشاليهات المطلة على الحديقة لأنها ( موحشة ... وكئيبة ... ومخيفة ) في الليل

http://img713.imageshack.us/i/ff99.png/

يسعدك ربي ياغالي
جيت احجز على فندق فيرست وورلد وللأسف ماحصلت شاغر بنفس تاريخ جدول رحلتي بحث وحصلت فندق اربع نجوم اسمه جنتنج فيو ريزورت شامل الإفطار ب (516) والإلغاء مجاني وش رايكم فيه احجزه والا تنصحوني بغيره ياليت تردون بسرعه لأني باحجز الليلة لا هنتم

اعطيني تاريخ الوصول و كم ليله

هلابك
من9/9 الى 11/9 يومين

حظكم سبحان الله الفندق فاضي من تاريخ 10 سبتمبر الى اخر شهر تسعه

بس هو 9 سبتمبر مليان


الثيم بارك جمب االعاب بس بسيط جدا جدا جدا خوفي ما يعجبكم افطاره لان محد كاتب تقرير عنه بس الصراحه موقع حلو وسعر رخيص


كم ممكن تدفع للغرفه


لاني حصلت لك اخوهم الثالث مكسيم سابقا بسعر 615 فاضي وهو حلو وجميل وجمب الالعاب اسم الفندق


اسمه جينتينق جراند خمس نجوم و نظيف من قلب مر عليه في بوكينج

في الليت رومز موجود

موقع معتمد


http://www.laterooms.com/en/hotel-re...highlands.aspx

الله يسعدك في هالليله الكريمه وررربي ماقصرت واتعبتك معي
وش رايك في الفندق بشكل عام بالنسبه لي ارتحت له بس غريبه ماحصلتو على بوكنق تعرف هناك لغه عربيه والتسعيره كمان بالريال

بوكينج موقفين الحجز فيه عادي تصير مشكله بينهم او حسابات

الفندق راقي تقيمه 9 من 10
غير العمله فوق بالزاويه او احجز من موقع جينتينق الرسمي


https://book.rwgenting.com/member/Tr...ppingCart.aspx


سعره حلو مدري كيف لقيت غرف فاضي هناك


نادرا ما اشوفه فاضي