خرجنا بعد الجولة اللي ذكرتها لكم في طنجة وكانت الساعة 12 الظهر تقريبا وكانت وجهتنا لميدان الرماية .
النظام المعمول به في اغلب ميادين الرماية في المغرب هو انه يقدم لزوارة فقط الطلقات اما البندقية فيجب على الزائر احضارها معه بس اللي صار ان فيه صديق لي قال ان في موظف بميدان طنجة يقدم البنادق للخليجين اللي يجونه بس(ما يخدم بخيل ) قلنا ما فيه مشكلة المهم نجرب شي جديد (اكشن) .

وصلنا الميدان ودخلنا بعد دهن سير.
انطباعي هو ان الميدان جميل ومرتب طبعا ما لقينا في الميدان الا 4 اشخاص يمارسون هذه الرياضة .

طعبا لقينا الشخص وسالناه وقال مرحبا ممكن اوفر لكم السلاح مع 20 طلقة بالفين درهم قلت له السعر غالي قال هذا ممنوع بس انا باخدمكم عشان انتو ضيوف ومن هالكلام بس اشترط بعد ما يخلا الميدان .

المهم حولنا معا ينزل السعر عشان نرضي حمدان بس رفض . طلعنا من الميدان باتجاه مدينة من زمان اتمنى ازوها اللي هي اصيلة .
كان الطريق جميل غيم وهوا جاي من المحيط يرد الروح ويجيب الجوع وصلنا لاصيلة كان الجوع واصل حده مع الشباب قلت نتغدا وبعدها نبدا الجولة والاستكشاف لهذه المدينة العريقة .

دخلنا ذاك الشارع اللي كله مطاعم ومقاهي وتغدينا ذاك الطاجين واللحم المشوي وبعده براد اتاااي (قاصح) .

وبدانا التجوال بسوق المدينة وانطباعي هو ان اصيلة من اجمل واعرق المدن المغربية بها متحف قديم لقينا فوج سواح اوربيين يزورونه والمدينة نضيفة ومرتبة جدا وسكانها طيبين جدا ولا حد يكلمك او يزعجك التجوال فيها ممتع .
اذن العصر فقررنا الذهاب للصلاة في مسجد السوق وبعد الصلاة قالوا الشباب نبي شاي اتاى جلسنا باحد المقاهي وهي كثيرة وجنب بعض نتفرج على الريح والجاي اهل البلد والسواح وكلا عنده قصة مختلفة عن الاخر واللي اتمنى اسمعها .(ملقوف)ههههههههه.

بعدها جاء وقت العوده لطنجة لاني لازم اخذ اللفة المعتاده على كرنيش والشباب يبون يشوفون مبارة في كاس العالم اسبانيا ومادري مع من (مالي في الكورة انا).
وطول الطريق والشباب يقولون بسرعة خلصنا نبي نلحق عالمباراة (والله بلشه)
المهم وصلنا لطنجة بعد زحمة غير طبيعية على مدخل طنجة .
نزلت الشباب على الكرنيش وراحو يدورون مقهى يشوفون فيه المباراه وانا وقفت السيارة على الكرنيش ونزلت انا وحبيبي حمدان نتمشى على الكرنيش (للاسف الصور كلها خاصة وانا ما عندي خبرة كازوزي في تعديل الصور) ههههههههههه.

وتمشينا على الكرنيش لين وصل وقت وجبتي المفضلة (بانيني بالدجاج) يممممممممممم رحنا وخذنا 2 بانيني وعصير برتقال بارد يسسسسسسسسسسسسسرسح على قولة (سعد الفرج) وعدها رن تلفوني من الشباب يبون العوده للسكن بعد ما خلصو المباراة .

تلقيت مع الشباب ورجعنا للسكن بعد اذان المغرب معلنا نهاية هذا اليوم .واسعدادا لصلاة المغرب والعشاء والنوم




يتبع ......................اليوم الرابع مغارة هرقل

مواضيع عشوائيه ممكن تكون تعجبك اخترناها لك: