الموضوع: استفسار عن مواقف المطار

أخواني أخواتي الأعزاء

السلام عليكم ورحمة الله وبركاته....

أتمنى من الجميع من لهم سابق خبرة في مواقف مطار الشارقة تحديداً يفيدني عن تسعيرتهم، أنا جاي ان شاء الله للإمارات بداية اغسطس بالسيارة وبجلس كم يوم بعدين باروح لتركيا وبجلس فيها 15 يوم، ما أطول عليكم ودي اعرف طريقة المواقف في مطار الشارقة هل هي مكلفة أو لا و هل عندهم نظام مواقف للمدد الطويلة مثل مطار البحرين أو لا وفي حالة كانت مكلفة هل فيه حلول ثانية يعني مواقف اقدر اخلي فيها سيارتي وانا متطمّن.

ياليت تفيدوني مع جزيل الشكر

مواضيع عشوائيه ممكن تكون تعجبك اخترناها لك:

• دراسة ماجستير فيزياء
• نبي كافيهااات رايقه
• أريد منتجع في دبي بسعر معقول
• أفضل طائرة الى دبي او الشارقة
• ǁǁǁǁǁǁ فعاليات مدينة مدهش لصيف دبي ǁǁǁǁǁǁ
• ابغى احجز في فندق سيتي ماكس آرائكم فديتكم؟؟؟
• كم يبعد خور دبي عن المطار ؟
• مارك بآي مارك جيكوب تفتتح أولى متاجرها بأبوظبي
• مسجد الشيخ زايد يرحمه الله ابداع
• كم استفسار
• دار زايد الخير لخبراء دبي
• ممكن مساعدة ؟؟ سؤال عن شقق جولدن سن
• فندق الميدان صراحة ما يستاهل نجوم
• مساعده بخصوص الفنادق
• أرجو الإفادة ومساعدتي لأنها أول مره
• شرايكم في فندق Hotel Novotel World Trade Centre Dubai  
• فزعتكم ياخواني وياخواتي
• استفسار
• موقع يقارن لك الاسعار ويعطيك اقل سعر للفنادق والسيارات والتذاكر
• عـــندي استفســــارات عن مطـــاعم دبــي والقريه العالميه انتظركــم

للرفع..........

يقولون ان في الجهة المقابلة للمطار في مسجد ممكن توقف عنده .. بس طبعا مش آمن

بس اتوقع ان في مواقف للمدد الطويلة في المطار .. بس بتكون برسوم

مشكور اخوي The Watcher

وماهي غريبة عليك مساعدة الجميع، بس ياليت تفيدني او أي واحد شرواك عن التسعيرة،

أنا طبعاً ماراح اوقف سيارتي في مكان فيه لو نسبة بسيطة من عدم الآمان لأني بسافر وانا مرتاح بس تفرق تسعيرة عن الثانية كمثال عندك مطار دبي اخذو مني 4 دراهم على الساعة ولو كان هذا النظام في مطار الشارقة معناه 4*24*15 = 1440 درهم يعني غالي جداً ومستحيل اوقف هناك بالمقابل عندك مطار البحرين ياخذون 100 فلس للساعة اذا كانت المدة اقل من اسبوع واذا اسبوع 7 دينار يعني كل يوم بدينار بدل دينارين واربعمية فلس وهذا اوفر بكثير واعتقد ان كلما زادت المدة قلت التكلفة.

وتقبل مني كل الود

حبايبنا اهل الإمارات واهل الخبرة وينكم؟؟!!

اهلا فيج اختي في بلدج الثاني الإمارات

بالنسبه لأسعار المواقف في مطار الشارقة

مواقف الفترات الطويلة

اليوم الأول: 80 درهم

الأيام الأخرى: كل يوم 20 درهم

واذا احتجتي اي مساعده في المطار انا حاضر

بس خبريني متى رحلتج؟؟؟؟؟؟

أخوي العزيز ولد زايد مشكور على مبادرتك بالمساعدة وماهي غريبة عليكم يا عيال زايد انا ان شاء الله رحلتي راح تكون في
6/8 الساعة 10.5 مساءاً الى اسطنبول عن طريق طيران العربية، وترا ما نبي الا سلامتك وماودي اتعبك معانا بس ياليت ادلني على افضل طريقة بالنسبة للمواقف واكون شاكر وممنون.

ملاحظة: تراني وانا اخوك رجال ولا يهونون اخواتنا الحريم

خخخخ السموحه منك

ادخل على هالموقع وراح اتشوف شرح كامل لجميع مرافق المطار وهذي كلها من صنع ايدي

http://www.wikimapia.org/#lat=25.320...7&l=10&m=a&v=2

وان شا الله اللوحات الإرشادية بتساعدك

وسوف تجد المواقف على يمينك

اخوي ولد زايد تسلم ايديك وبيض الله وجهك

ولد زايد بعد التحيه ..

هل المواقف مظلله ام لا... افدنا جزاك الله خيراً

مافيه احد عنده علم(عن المواقف)