الموضوع: عندي زيارة قريـــبا للبحرين ان شاء الله وبغيت استفسر عن بعض الاشياء

الســـلام عليــكم ورحمة الله وبركاته

كيف حالكم ان شاء الله بخير

عندي زيارة قريبا ان شاء الله للبحرين قادم من قطر عندي بعض الاسئلة وكلي امل اني احصل بعض

المعلومات ان شاء الله

1- شنو انسب طيران من الدوحة للبحرين ?

2- شو فيه فنادق اربع وثلاث نجوم مناسبة ?

3- شنو الاماكن الي تتساهل الزيارة ?

اذا فيه نصائح او اقتراحات ياريت

بارك الله فيكم

يعطيكم الصحة وشكرا مسبقا

مواضيع عشوائيه ممكن تكون تعجبك اخترناها لك:

• بدء العمل في هوليدي إن إكسبرس في المنامة
• طلبتكم دلوني
• استفسار بشأن فندق كمبنسكي ومطاعم الستي
• اول رحلة لطيران الجزيره الي مطار البحرين
• استفسار لو تكرمتو
• دخول البحرين بكرت العائله
• شي غريب في البحرين
• آنتي آنز
• استفسار عن بانيان تري ياخبراء البحرين
• اتمنى الافادة من اهل البحرين
• استفسار عن الدخول للبحرين
• سعار البنزين في البحرين ؟
• استفسار صالونات البحرين وفندق كمبنسكي
• السياره باسم امي وانا المستخدم الفعلي مكتوب ف الاستماره اقدر اطلع البحرين ؟
• لأهل المحرق ساعدوني
• من روائع مجمع السيف
• جايكم يااهل البحرين
• لاحظتوا هالشي ؟
• ياليت احد يساعدني
• استفسار عن الويكند في البحرين

الســـلام عليــكم ورحمة الله وبركاته



وعليكم السلام ورحمة الله وبركاتهـ







عندي زيارة قريبا ان شاء الله للبحرين قادم من قطر عندي بعض الاسئلة وكلي امل اني احصل بعض

المعلومات ان شاء الله



حياك الله بديرتك الثانيهـ واللي اعرفهـ بقوله ماراح ابخل عليك بشي







1- شنو انسب طيران من الدوحة للبحرين ?

عندك القطريه او الخليج او طيران البحرين (اقتصادي)


2- شو فيه فنادق اربع وثلاث نجوم مناسبة ?

اليت بجميع فروعها وهذا رابط موقعهم http://www.elitegroup4u.com/


3- شنو الاماكن الي تتساهل الزيارة ?

عندك متحف البحرين الوطني .. اذا انت من محبي المتاحف ..

اذا انتو شباب ممكن تزورون جنة دلمون المفقوده ألعاب مائيهـ (الخميس مساءا للنساء)

ممكن تمر على عين عذاري (ملاهي) وعندك المجمعات التجاريه والاسواق

وهذا الرابط راح يفيدك .. http://www.arabtravelersforum.com/travel246629/



وان شاءالله باقي الاعضاء يفيدونك اكثر

مايحتاج نشرح لك يالطيب ..

خذ لك لفة في المنتدى وراح تحصل كل الأجوبة على اسئلتك ..

و دمت بود .

مرحبا أخوي ...

بالنسبة لانسب شركة طيران .. عندك الكثير :

الخطوط الجوية القطرية 6 رحلات في اليوم

طيران الخليج 5 رحلات في اليوم

طيران البحرين رحلتين في اليوم

يبقى انك اتشوف السعر المناسب واعتقد ان الاسعار راح اتكون بين 45 و 70 دينار ( 450 و 700 ريال قطري)

بالنسبة للفنادق نفس ماقالت أختي مجموعة فنادق اليت .... وبعد عندك فندق ميركيور غراند ممتاز وموقعه بالضبط عن مجمع العالي والسيف.


وبالتوفيق ان شاء الله

حياك الله يالغالي في بلدك الثاني البحرين

اذا انت من محبي السباقات فسباق جائزة البحرين الكبرى للفورمولا ون على الأبواب.


ماقصروا الجماعة على الفنادق والأماكن السياحية.


تقبلوا تحياتي

اذا كانت زيارتك ليست للفورملا فالافضل انك تعجل السفر او تأخره شوي
اهم شي لايكون في ايام الفورملا
لان الفنادق راح يرتفع سعرها اضعاف اضعاف
وياريت تقولنا شنهي اهتمامتك علشان نقولك وين تروح

تبي اماكن للاسترحاء
ولاتبي مقاهي
ولاتبي مطاعم
ولا تبي تتسوق
انت بس حدد ولايصير خاطرك الا طيب
وحياك الله في ديرتك