تقريبًا بالنسبة لمتوسط الصرفيه .. فأنا أقدره بـ 2000 ريال في الشهر ...

--------------------------

أخوي أخلاق عالية ...
ودي اسولف عليك شوي .. وتحملني .. لأني من أشد انصار الدراسة هنا ( بكل عيوبها ومن ثم السفر للخارج ) محدثك مثلاً درست هنا قرابة 8 شهور ،وبعدها سافرت و صرت في المستوى المتقدم (Advanced )
وكنت دائمًا في نقاشات مع الشباب العرب هناك حول هذه النقطة بالذات وتجد الذين يكون في مستويات متقدمه يكنون درسوا في بلادهم مسبقًا ...

أذكر مدرس اسمه إدوارد .. من الي درسوني هناك ..
كان يتكلم عن مستويات اللغة، وعن السعوديين الي يجون لهم !!
المهم أنه ذكر كلام جدًا روووووعة ..
قال غالبًا الطلاب يجون مايعرفون أو شبه مبتدئين باللغة ويدرسون شهرين ثلاثه .. وبعدها يمشون ويقولون لغتنا كويسة ويحسووون بفرق كبيييييييييييييير .. يقول أنه فيه فرق وهو جدًا ملموس بالنسبة لهم
ومع ذلك هم فعًلا لم يصلوا بعد إلى مرحلة متوسطة في اللغة فمازالوا تحت مستوى الـ intermediate !!

فيقول ان إتقانك للغة يمر تقريبًا عبر أربع مراااحل .. ابذكرها هنا
والفراغات الي بين هالمراحل مقصودة لأنها تمثل الفرق بين كل مرحلة وأخرى ( حسب مارسمها لي هو ) ..


[align=right]----------------------------
1/ المرحلة الأول : تعلم الأساسيات .. ( الي هي ABCDE الحروف .. وما جاورها ... )، ويتهجأ الحروف .. ويعرف أن تفاحة = Apple ، والسيارة= Car .... الخ
.
.
.
2/ المرحلة الثانية: بدأ الطالب بالتحدث ببعض الجمل والكلمات .. مثل ( What is your name - I like kabsah ) .. ومثل هالجمل ... ويفهم عليك شوي .. ويوصل لك كلمات حتى يفهم الي قدامه وش يبي مع اشارات .. .. مثل (* know Saudi Arabia I live Riyadh) ... ومن هالتخبيصات
بالعربي ( لغة طلب في المطاعم .. وانت جاي ) ..
.
.
.
.
.
.
3/ مرحلة أنه يفهم مجمل كلامك .. ويقدر يعطيك جمل أطول .. بس بكلام مكسر !! تلقا شباب كثير بعد دراستهم للغة يقول لك أنا أفهم وش يقول .. او يناظر فلم مو مترجم .. ويعطيك وش مجمل قصة الفلم مع الحوارات بنسبة 50 إلى 70 % كنسبة فهمه للفلم مع حواراته !! ولما يتكلم يجيب لك الكلام موزون ومركز .. بس فيه أخطاء كثير .. يكون هو عارف القواعد .. بس عنده مشاكل في تركيب اللغة ككل ..

وغالبًا الشباب الي في المرحلة هذي حتى يغطي على مرحلة تركيب اللغة يترجم من العربي إلى الإنجليزي ... والنصيحة لمثل هذولا .. لااااااا تفكر بالعربي
مثل واحد من السعوديين هناك كان مقابل واحد نيوزليندي، لما خلصوا وجا السعودي بيمشي قال له ( Any services? ) = خوينا يبي يقول ( أي خدمات !! ) !!

.
.
.
.
.
.
.
.
.
.
.
.
.
.
.
.
4/ المرحلة الرابعة: مرحلة الإنطلاق .. يفهم من 90 إلى 100 % .، ويوصل المعنى بنسبة 90 إلى 100% ... لما توصل هنا .. أنت تصير بطل !!

-----------------------[/align]

الفراغ بين الأربع مراحل مقصود ..
فبين المرحلة الأولى والثانية .. مو كثير الفرق .. وتوصلها في شهر ..
والمرحلة الثالثة توصلها في ثلاثة شهور إلى خمسة ..
لكن الرابعة يبغالك سنة دراسة .. أو أكثر حتى تصل لها .. ،
فلذالك يقول لي إدوراد .. حاول قدر الإمكان ان ندرس في بلدك حتى توصل فوق المرحلة الثالثة وبعدها تطلع برا .. حتى توصل مرحلة الإتقان للغة !!
هذا بإختصار كان كلام المدرس .. وبالفعل .. اشعر أنه كلام واقعي جدًا !!

مجرد فائدة على الطاااير ... حبيت أفيدكم بها ..

محمد