الموضوع: شيلات وملافع بابو

السلام عليكم أخواني
ياريت اللي يعرف عنوان ملافع بابو يدلني عليها لاني بشتري بضاعه منهم ياريت الأفرع الرئيسيه اللي في دبي,.وجزاكم الله خير

مواضيع عشوائيه ممكن تكون تعجبك اخترناها لك:

• في دبي
• طيران الإمارات تشغل الإيرباص أ إلى الكويت لأول مرة
• فندق روز ريحان روتانا الجديد من تصويري
• فنادق قريبة من محطات المتروا
• ماهي أفضل شركة اتصالات في الاماراتشريحة موبايلوكم تكلفة الدقيقة المحليةبين كل شركة؟
• يا مشرفين بوابة الامارات عندي مشكلة في صفحة اضافة التقرير
• التكاااسي في دبي هل تعدل حالهااا ؟؟
• ما رأيك بالحملة التسويقية لمترو دبي ؟ عندي بحث وأرجو المساعدة
• سباق جائزة الاتحاد للطيران الكبرى للفورمولا من يوم نوفمبر ابوظبي غير
• ضرووري وعاجل بليييز
• ¸¸۝❝❝۝¸دبـــــي بعدستي ¸۝❝❝۝
• أكور تفتتح فندق إيبيس الرقة في مارس
• أستفسار بالنسبه لدبي
• سؤال مهمارحو الدخول
• شقق روز قاردن هل تصلح لشهر العسل ؟؟
• تجربة الكونيكت في الطريق من الرياض إلى حدود الإمارات ؟
• وايلد وادي
• الوايلد وادي
• فندق في العين
• معقولة مقولة الشخصية

عزيزتي انت متأكدة انها اسمها ملافع بابو

اختي

المحل اسمه بابو في سوق عكاض في ديره

أي متأكده أختي أسمها بابو
مشكورين حبايبي أم الشباب وبنت الشيخ زايد ماقصرتوا خواتي:113::113::113:

سؤال ثاني ماعليكم أمر :في جم وحده قالولي ماننصحجج يشيلات بابو أنتي تحبين الفخامه ف ويين أحصل شيلات حلوه وغريبه وأسعارها زينه أنا أعرف مركز ساره وأبو هيل أبي محلات ثانيه في دبي
وشاكره لكم مساعدتكم :smile105:

أي متأكده أسمها بابو
جزاكم الله خير ماقصرتواخواتي بس هل يوجد شيلات أفخم من بابو وأسعارها زينه مثل بابو لأنه صديقاتي يقولون ماننصحج فيها أنتي تحبين الفخامه,,,,أنا أعرف أبو هيل ومركز ساره هل يوجد غيرهم خواتي

اختي حبيت افيدج بالنسبه للشيل روحي غواني في البستان بتحصلين عندهم شيل راقية وشغل عدل عن جد غير ..........

وتسلمين

اختج روضه

اختي انتي تبين بضاعه صح؟

يعني شيل بابو وفي محلين جنبه يبيعون موديلات حلوه واسعار رخيصه وماشاء الله وايد خليجيات ياخذون عندهم وانا عن نفسي شريت كميه كبيره لصديقتي كويتيه من بابو وابومنال وكشخه ,,,كلهم في مكان واحد

اذا تبين محلات معروفه واسعارها غاليه يعني سعر الشيله ما تقل عن 200 درهم عندج (حناين) في الستي سنتر وامارات مول و (غواني) مثل ما قالت اختي روضه و(ماي سويت ليدي) في ابراج الامارات و (سويت ليدي) ف مركز الشاطئ و (سويتي) في مركز بوهيل و محل قريب من بوهيل اسمه الروعه ..

وسمعت في الشارقه مركز للشيل والعبايات اسمه مركز العنود اضن

واذا تحبين مشيل ملونه ومشجره وخامتها شيفون فرنسي انصحج تروحين مركز بن سوقات الطابق الثاني فيه كشك يبيع شيل واسكارفات وايد حلوه
واذا تدورين على الماركات فيه محل اسمه (اماسي) في مركز الهنا و محل (بدون اسم)في دبي فيستفال ستي
بس اختي عصرت مخي وهالمحلات اللي طلعت لي
واذا اي مساعده او استفسار نحنا في الخدمه

تحياتي

السلام عليكم اختي شلون بضاعتج اللي شريتيها من بابو والامارات وشلون اسعارهم وتنصحيني اني اشتري بضاعه

بنت الشيخ زايد

انتي ذووووووق x ذووووووووق

وبالنسبه لمركز العبي في الشارجه

اسمه (( العــهود ))

و " سويتي" عندهم عبي جووووونااااان متخصصين في عبي المناسبات بس دفشات يعني لازم شويه انخفف الشغل..

المشاركة الأصلية كتبت بواسطة المكوك
http://www.arabtravelersforum.com/tr...6/#post2394656

السلام عليكم اختي شلون بضاعتج اللي شريتيها من بابو والامارات وشلون اسعارهم وتنصحيني اني اشتري بضاعه



وعليكم السلام ورحمة الله وبركاته


اخوي او اختي المكوك,,, بابوو محل معروف عند الكويتين ما اعرف عنده خامة شيل نحنا ما نستخدمها لانها تكون يابسه وسمعت من صديقاتي الكويتيات انهم يحبون هالخامه ووايد عمليه وانا دوم امر على بابو والقى عنده مشاء الله وايد كويتيات يشترون بضاعه... بضاعته وايد مطلوبه
بس لازم تختار وتشوف بعينك والله يوفقك