الموضوع: جدولي باوروبا المواصلات ارجو المساعده

السلام عليكم
اذا كان بموضوعي اخطاء املائيه اعذروني لان كلامي بيطول شوي
اول شيء راح اروح من غير شر لاربع مدن اوروبيه طبعا هي ( المانيا الى النمسا الى ايطاليا الى سويسرا )

واحنا 4 اشخاص 3 نساء ورجل بدون اطفال طبعاً مسأله العفش قليل وعدد الايام 16 يوم غير يوم الذهاب والعوده بس بالاصل يصير 18 راح ابدأ بخلاصه الموضوع طبعا ماحجزت ولاشيء بس مخططه مسبقا عشان رحله بعد عيد الفطر بعد وقت طويل
الجدول

المانيا 8 ايام يعني 7 ليالي ( فرانكفورت *الوصول *الذهاب الى بون - بون : ليلتين - بادن بادن : 3 ليالي - ميونخ : ليلتين )
النمسا 5 ايام 4 ليالي نقضيها في ( زيلامسي )
ايطاليا ( فينيسيا : 2 ليلتين )
سويسرا ( انترلاكن 3 ليالي - الى جنيف *للعوده* )

يعني يوم الوصول الى - فرانكفورت العوده من - جنيف
قال لي اخوي راح نستاجر سياره من فرانكفورت ونتمشى فيها باوروبا وبجنيف بفرع اليوروب كار نرجعها بجنيف مدري قصده سياره مرسيدس اتوقع بس ( المواقف بفينيسيا وين ؟ وكم باليوم )

وتتوقعون فكرة السيارة احسن من القطار تقريبا اكثر ساعه بالتنقلات بين المدن هي بين فينيسيا وانترلاكن 5 ساعات تقريبا يعني احس المده عادي جدا ونقدر نتوقف نستريح والطبيعه تنسيك الوقت كله وحسبت المسافات بموقع وكلها طلعت تقريبا من 1 الى ساعتين ثلاث ساعات اربع ساعات خمس ساعات اكثر شي

مسأله اللثمه والعبايه الملونه راح نستخدمها ()

الميزانيه تقريبا لم يتم تحديدها لكن السكن اتوقع كله راح يكون 3 نجوم بس تنصحوني بترانزيت او دايركت باي خطوط ؟ واذا حجزت تقريبا من شهر 6 والرحله راح تكون بشهر 10 بيصير ارخص ؟ وشكرا مقدما وعذرا ايضا من الموبايل

مواضيع عشوائيه ممكن تكون تعجبك اخترناها لك:

• ايطاليا في اكتوبر وشوقي لها
• تكفون شباب ساعدوني نخيتكم نبي الفزعه
• بطاقة ماستر كارد مسبقة الدفع
• استفسار
• كومو او لوغانو
• استفسار عن مدينه فلورانس
• ميلان ف الكريسماس
• خويكم يبي مشورتكم
• الى اخواني خبراء ايطاليا
• شهر العسل فينيس وسط الضباب روما تحت المطر
• رحلة الى ايطاليا وسويسرا مدة 16 يوم .. نرجوا منكم المشورة
• طلبات الفيزا الايطالية
• بلييييز ساعدوني تراني متوهقة ومتورطة
• الله يخليكم ساعدوني قبل ماتغلى الاسعار اتمنى احد يرد هذي المره
• احجز باص ولا لأ
• استفسار عاجل،، اقرب وافضل فندق من جاردا بارك
• فندق وستن اكسلسيور
• تكفوون فزعتكم يـا أهل الخـــبرهـ عندي استفسار
• اول مره اروح ميلان
• استفسار عـــاجل

جدولكم حلو
وممكن تلغون بون لانكم بتنزلون مطار فرانكفورت ومن ثم بتروحون شمال الى بون حوالي ساعتين
ثم ترجعون جنوب الى بادن بادن 3 ساعات تقريبا
والافضل من وجهة نظري تنزلون مطار فرانكفورت وتروحون الى بادن بادن على طول
وايام بون ممكن تضيفونها الى انترلاكن

بالنسبة لاجار السيارات فممكن تستأجرون اي سيارة وترجعونها في مطار جنيف
والافضل تكون السيارة تتسع للشنط

ومواقف فينيسيا اسعارها تقريبا 24 يورو لليوم
والفنادق في فينيسيا غالية وممكن تسكنون خارجها اذا اردتوا

بالطريق من فينيسيا الى انترلاكن ممكن تريحون وتتمشون في لوجانو السويسرية وممكن تباتون فيها اذا اردتوا
واذا بتباتون ليلة في لوجانو ممكن بالطريق تمرون على حديقة العاب جاردا اذا اردتوا لانها على الطريق
وتبعد حوالي ساعه ونصف عن فينيسيا

حجز الطيران الافضل والاريح تاخذون دايركت من بلدكم
وكل ما حجزتوا بدري كان السعر افضل

شششكرا لك سبب اختياري لبون انها الاهل فيها كانوا ساكنين وودي نجلس فيها

طبعا فينيسيا ودي اسكن فيها

ولوجانو مقدر ابيت فيها لان الايام معدوده ومحسوبه يمكن نجلس نستريح فيها

ودي اخذ دايركت لكن يقولون اغلى من الترانزيت بس اذا فرضاً خذت دايركت بس من اي خطوط اختار افضل خدمه وسعراً () انا من سكان الرياض من الموبايل

خلاص طيب حطيت ليلتين لبادن بادن وحذف الليله الثالثه وخليتها ل لوقانو لان المسافه بين فينيسيا وانترلاكن كبيره 5 ساعات وودي استريح ب لوقانو طبعا سؤالي هم متعودين ع الخليج عبايتهم ولاني بتلثم ماودي مواقف مخيسه معاهم ^_^

احترت صراحه بين اني احط العوده من مطار جنيف حسيت شوي ساعتين بينهم وزيورخ ساعه تقريبا طيب بزيورخ مطارهم فيه رحلات دايركت للرياض 😭😭 او ترانزيت واي مدينه الي اقعد فيها بالترانزيت حقييي من الموبايل

الافضل لكم والاريح الطيران الدايركت
والطيران السعودي يطير من جنيف فقط
والمسافة من انترلاكن الى جنيف ساعتين ومن انترلاكن الى زيورخ ساعه و 35 دقيقة

وما عندكم مشكلة باللثام و العباية

اها طيب الافضل يعني زيورخ او جنيف بس احس المسافه طويله او المناظر تنسيك لان اخوي اسمعني شوي قلت طويله لان رحلتي عباره عن

بين فرانكفورت وبون ساعه تقريبا

وبون وبادن بادن ثلاث ساعات تقريبا

وبادن بادن وميونخ ساعتين تقريبا

وميونخ وزيلامسي ساعتين تقريبا

وزيلامسي وفينيسيا اربع ساعات ممكن تصير هذي اكثر مسافه

وفينيسيا ولوجانو ثلاث ساعات تقريباً

ولوجانو وانترلاكن ساعتين ونصف تقريبا

وان حطيت من انترلاكن الى جنيف بيصير ساعتين احس المسافات شوي بتعب او اختار زيورخ يعني خلاص اختار جنيف ؟؟

ورحلتي مدتها 18 يوم غير يوم الذهاب والعوده وتصير 16 من الموبايل

غييير كذا كنت اتمنى بين مسافه زيلامسي وفينيسيا منطقه نبيت فيها ليله عالاقل او ماله داعي ؟ واربع ساعات تصير اقل بالطبيعه ؟ مع اني مابي بس بشوف فيه ولا لا من الموبايل

الفرق بين مطاري زيورخ وجنيف من انترلاكن تقريبا 35 دقيقة
يعني ما فيه فرق كبير اهم تحددون شركة الطيران اللي بتسافرون عليها
وتشوفون من اي مطار بتطيرون

والطريق من زيلامسي الى البندقية حلو وما بتحسون فيه وممكن تريحون في منتصف الطريق في قرية او مدينة وتتغدون فيها

شكرا لتعبك معي طيب معليش ممكن سؤال ثاني وش احسن استخدم السياره بين فينسيا الى لوجانو ليله بعدين اروح انترلاكن او اروح بالطيران الاقتصادي اذا كان بفينسيا الى انترلاكن او اني ابيت بلوجانو لان النظرات ماراح يخلونا لحالنا t_t ومدري راحه باي طيران اروح ممكن راح نحدد بعدين من الموبايل

ششششششكراااا اخي لكن ممكن سؤال ثاني
وش الافضل والاحسن ؟
المسافه بين فينيسيا وانترلاكن خمس ساعات انا مفكره راح ابيت ب لوجانو السويسريه
او
اني اروح عن طريق الطيران الاقتصادي

لان لوجانو اتوقع سكانها ماتعودوا عالخليجيين لثمتهم وعبايتهم وطبعا العبايه بتكون ملونه بس بتكون بالوان غير الوان الزينه يا كحلي و بني ورمادي
بس النظرات ماراح نرتاح منها
والطيران صراحه ماعندي اي فكره عنه بعدين راح نفكر من الموبايل

مافي مشكلة ان شاء الله لا من ناحية النقاب ولا العباية
ولوجانو بالعكس كل الخليجين صايرين يروحوا لها والحمدلله الواحد صاير يشوف عدد من المنقبات الله يثبتهم

وبالنسبة للنظرات، افضل شي التطنيش ، وعشان ما تلاحظوا ان احد يطالع فيكم لا تطالعوا في احد وان شاءالله اموركم كلها بتكون تمام
والله يجعلها رحلة حلوة وممتعة من الموبايل