المشاركة الأصلية كتبت بواسطة sbinhariz
http://www.arabtravelersforum.com/tr...3/#post7906533

انا ابغى باقي التفاصيل من يوم ما انزل الى مطار كوالا لمبور الى الرجوع الى مطار كوالالمبو مع العلم انه مصاريفي الصافية للترفيه راح تكون 4000ريال فقط لاغير مع ذكري اني مخلص الفنادق والتذاكر الداخلية عن طريق اير اسيا المطلوب الاماكن السياحية المهمة وكيف اوصلها واذا نزلت الى مطار كوالامبور كيف اروح مطار اير اسيا وايش الطرق الكثيرة الي راح توديني واهم المعالم والمناطق المهمة الي تستحق الزيارة وكيف الوصول لها هذا هو المطلوب فقط والمدن انا ذكرتها وراح اذكرها ثاني الوصول الى كوالامبور يوم 25/8/2013 وراح اروح لنكاوي عن طريق طيران اير اسيا والجلوس راح يكون لمدة اربع ايام ومخلص موضوعها وفندقها بس ابغى اهم المناطق وانا مستاجر سيارة في هذي الجزيرة وبعدين راح اطلع على بينيج عن طريق العبارة وبقعد يومين ابغى اهم المنطاق وكيف اوصل اليها وبعدين راح اروح كامرون لمدة يومين كيف اروحها وايش اهم الاماكن الموجودة فيها يعني ادق التفاصيل وبعدين على جينتج لمدة يومين ابغى اهم المناطق وكيف اروحلها وبعدين ارجع على كوالامبور طبعا كيف اروحلها وكيف ازور المناطق الي فيها هذا المطلوب حددنا اساس الرحلة باقي ادق التفاصيل للتنفيذ الرحلة وراح يكون يوم رحلي 7/9/2013 وشكرا



السلام عليكم


هذه التفاصيل كما طلبت يا غالي وركز عليها


اولا الوصول الى مطار كوالا وا النتقال الى مطار lcct مطار اير اسيا كما يسموه
عندك ثلاث خيارات
1- تاكسي وسعره تقريبا 20 رنجت بالكثير انت اطلب سياره صغيره قولهم عندي شنطتين بس والمسافه 15 دقيقه
2- باص بسعر 1.5 رنجت كل 20 دقيقه يتحرك اسال موظف هناك قوله وين احصل باص الى lcct بيدلك في ناس يقولوا انت محظوظ لو كان الباص مكيف ( المسافه 20 دقيقه ) وانت تحمل شنطك وتنزلها
3 - قطار klia السريع بسعر 12.50 رنجت للشخص ذهاب فقط لكن بتوصل المطار الثاني بعد ساعه لانه يمر على مراحل ومدن مثل سايبر جايا و بتروجايا


اشتري شريحة جوال من محلات معترفه بتلاقيها قبل الجوازات على ايدك اليمين انا جربت الهوت لينك وعجبتني كثير وسعرها 8 رنجت وتعبيها لك رصيد و انترنت لو تريد
----------


لنكاوي اربع ايام
اول ما توصل المطار تاخذ شنطك راح ينادوا عليك مكاتب المنغروف و السيارات دور على اخر مكتب لو في بنت هناك اسمها فرح اسعارها مميزه اذا تريد خذ من عندها رحلة المنجروف بسعر 250 حاول توصل لهذا السعر مهما يكون وخبرها يجيك رجال ياخذك من الفندق ويرجعك بسيارتهم الخاصه
وتقدر تاجر سياره عندهم ومبلغ التامين 50 رنجت ، سعر السياره حسب نوعها المالزيه الصغيره جير اوتوماتيك 50 رنجت او 60 حاول على هذا السعر لو في اجازات بيكون مرتفع شوي 70 مثلاً ( خذ السياره 3 ايام فقط بحيث يوم السفر تكون بدون سياره وتركب تاكسي للفيري بدل ما تروح للمطار وترجعها وتتبهذل الصبح )
بتعطيك خريطه وحاول تاخذ معاك برنامج جارمن او سايجك ونزل خرائط ماليزيا فيه احسن لك من الورق
اول يوم وصول ترتاح في الفندق و تتمشى شوي فيه وتخرج بالسياره الى شارع سينانج وتتمشى فيه وتدخل مول سينانج وتتعشى هناك وترجع الفندق
اليوم الثاني تفطر وتتجهز للمانجروف اللي تكون واعدتهم يمروا عليك 10 الصبح وتروح نعاهم وتتغدى هناك في الرحله وترجع وترتاح شوي وتطلع على مدينة كواه نصب النسر تتمشى و تتصور هناك و ترجع الى المول اللي قدامه صغير اسمه جييتي بوينت ممكن او في الفير مول تتعشى فيه وترجع الفندق


اليوم الثالث يوم التلفريك اطلع بالسياره الى التلفريك او القريه الشرقيه وتغدى فيها واركب التلفريك هناك وارجع الفندق لما تخلص وتقعد على البحر وتسبح في بحر الفندق او المسبح وتقدر تطلع بالليل تتعشى في مطعم القصر في شارع سينانج وترجع الفندق


اليوم الرابع تكون متفق على وقت ارجاع السياره مثلا اخذتها 2 الظهر ترجعها 2 الظهر للمطار وتركب تاكسي وتروح تتفق مع التاكسي بجوله حول الشلالات الثلاثه في لنكاوي و حديقة الفواكه و والفورملا لو في وقت و الساعه يحسبها 25 رنجت او 30 وانت حر كم ساعه تريد تخليه عندك تنزل المكان وينتظرك ولما تطلع ياخذك المكان الثاني ( وكلم التاكسي يمر على مكان الفيري علشان تقطع تذاكر الفيري للسفر غداً


لما تخلص ترجع ترتب الشنط لان اليوم الخامس تشك اوت وتتفق مع التاكسي يمر عليك علشان رحلة بينانج عن طريق الفيري


الصبح تقوم واذا لحقت افطر خفيف واشرب حبوب منع الغثيان حبتين احتساب للامر فقط واركب التاكسي بعد التشك اوت وروح الفيري


بينانج


الوصول الى المرفا حاول تلحق شنطتك وتحملها وتخلي المدام توقف على الرصيف بعيد تستقبل الشنط منك لان في ناس تحاول تشيل منك شنط بعدين يقولك هات 100 رنجت لا تخلي حد يشيل شنطك ابدا إلا لو قالك ببلاش


بعدين تشوف تاكسي تتفق معاه على السعر الى الفندق 40 او 50 رنجت و بعدين قوله اعطيني رقمك علشان جولات بكره الصبح


اوصل الفندق وريح شوي واطلع على شارع الباتو فرينجي للتمشيه و التسوق الخفيف و العشاء هناك


اليوم الثاني : عندك الفطور الصباح ثم تاخذ التاكسي وجولة على الاماكن التاليه : حديقة التوابل - الهضبه - محل القهوه و الشكلاته لا تفوته واشتري قهوه منهم بتعجبك اكيد - الفراشات - وهناك كثير اماكن لاتحضرني الان ولكن صاحب التاكسي بيقولك عليهم وانت اختار اللي يناسبك ) ثم قوله بطريقك الى الهضبه وديني على محطة الباصات اريد اخذ باص يونتيتي علشان اروح للكاميرون بكره وتحجز تذاكرك في الباص وطبعا تاكد ان الباص من نوع في اي بي vip


العوده للفندق و الراحه هناك و الصلاه ثم في الليل الخروج للعشاء اما في الفندق او في شارع باتوفرينجي


اليوم الثالث يوم التشك اوت تفطر وتخلي التاكسي يمر عليك وتروح الباص لازم تلحق الباص قبل التحرك بنص ساعه


ولا تنسى افطر خفيف و خذ حبوب غثيان حبتين لكل شخص لان الطريق بيكون فيه تعرجات كثيره


الوصول للكاميرون بدري والاستراحه في الفندق ثم التوجه الى مطعم الفندق و الاكل فيه او في المدينه الشهيره تاناراتاه او ماري براون اللي يشبه كنتاكي والتجول حول المدينه الصغيره لا تتعب نفسك لان بكره يومك طويل


وابحث عن تاكسي اتفق معاه على جوله الصبح في ارقى مكان في الارض اللي هي الكاميرون
الصبح في اليوم الثاني روح على الاماكن التاليه وخذ مظلتين معك احتياط ( مزرعة النحل - الفراشات - الفراوله - الشاي - الورد )
ولاتنسى تشرب شاي على منظر حلو في مزرعة الشاي اسمها boh العوده الى مدينة تاناراتاه والعشاء هناك او العشاء في الفندق وقبل ما تروح الفندق خلي التاكسي يوديك على محطة الباصات في تاراراتاه وخذ لك تذكرتين باص فخم الى جينتينق للصبح


اليوم الثالث فطور خفيف وحبوب غثيان والذهاب بالتاكسي الى الباص و التوجه الى جينتينق




جينتينق


الوصول الى جينتينق بعد اربع ساعات ونص التوجه الى الفندق قول لصاحب الباص اول ما تبدا تطلع جينتينق انك في فندق اوانا علشان يوقفك عنده وما يطلعك القمه


بعدين ترتاح شوي في الفندق وراح تكون بردان شوي خذ لك ملابس اكمام طويله مو ثقيله مره وسط يعني وتروح ترتاح شوي وتلف على الفندق و تستكشف مناطقه و تاكل في المطعم وتقدر سبح في مسبحهم لانه دافئ مره او لو حبيت في باصات تطلع كل نص ساعه الى فرست وورلد هوتيل حيث الالعاب الداخليه و المطاعم و الحياه الحيويه


اركب الباص المجاني واستمتع هناك بالاكل و القهوه و الالعاب الجميله الداخليه فقط و بعدين العوده بنفس الطريقه تركب باص فندق اوانا في نفس المكان اللي نزلت منه وترجع ترتاح في الفندق


اليوم الثاني الصبح بعد الفطور على اطللااله رائعه في اوانا اركب الباص وروح لجينتينق علشان الالعاب الخارجيه الجميله على الجو البارد والحص نفسك قبل الزحمه يعني 12 بالظهر يصير شوي ازحم


وتقدر تطلع للغداء وترجع في اي وقت طالما لابس الساعه


وبعدين ارجع تعشى هناك وانزل بالباص للذهاب الى الفندق


اليوم الاخير هناك تعمل تشك اوت وتركب تاكسي الى كوالا السعر بين 50 الى 70 حاول كاسرهم ينزلون بالسعر بس لا تخليه يعصب منك او يحقد عليك لو قالك 100 قوله شكرا وروح بس


كوالالمبور مدري كم يوم انت حاجز فيها ولكن راح اكتب اربع ايام حسب ما فهمت


اليوم الاول الوصول ثم الراحه و التعشي في شارع العرب والعوده للراحه والنوم باكرا
ركوب باص الهوب اوف هوب من شارع العرب و لفه طويله على كوالالمبور تنزل عى اي حديقه يمر عليها وتلف فيها وتنتظره بره يمر مره اثنيه اركبه بنفس التذكره ( تقدر تشوف المناره رائعه جدا - حديقه الطيور - حديقة الفراشات او الزهور ) وبعدها العشاء في مجمع البافليون و الذهاب للفندق


اليوم الثاني : تاكسي الى البرجين التوامين الصبح والذهاب لحجز تذكره هناك اسال يقولوا لك وين داخل البرجين في مول سوريا ولما تخلص البرجين انزل الى الاكواريا عالم ما تحت البحار ثم الغداء في مطعم في سوريا مول


الذهاب للفندق و الراحه و الخروج بالمغرب الى سونجي وانج مول او التايم سكوير للتبضع و العشاء


اليوم الثالث الخروج باكرا و تاخذ جوله من التاكسي يوديك على شلالات كوالالمبرو وحديقة الحيوانات زوو نيجارا وهي في اطراف كوالا والعوجه للفندق و الراحه في الليل يوم مفتوح لتبضع في السونغي وانغ و التايم سكوير في شارع العرب و شارع امبي


اليوما لرابع بعد الفطور الراحه في الفندق و والتمشي في شارع العرب و العوده بالمغرب و السباحه في مسبح الفندق اذا احببتو بعدين رتب الشنطه للسفر غدا


اليوم الاخير تخرج من الفندق وتاخذ تاكسي الى المطار بسعر 85 رنجت


و اتمنى اني اكون ساعدتك و دعواتك لنا

مواضيع عشوائيه ممكن تكون تعجبك اخترناها لك: